موري: الامان بايگە شار تاراپتىڭ قوناقتارىن وزىنە باۋرادى
2018.07.17 16:32 كەلۋ قاينارى : شينجياڭ گازەتى
تيانشاننىڭ بوكتەرى، اقشا بۇلتتار اسپاندا قالىقتادى؛ بايگە الاڭىندا شاباندوزدار تۇلپارلارىنا قامشى باستى؛ كورەرمەندەر ايعايلاپ مەدەت بەردى... 7 - ايدىڭ 14 - كۇنى جىلدامدىق پەن اسقاق سەزىم ايگىلەنگەن الامان بايگە موري قازاق اۆتونوميالى اۋدانىندا وتكىزىلىپ جاتتى، تۇتاس شينجياڭداعى 8 ات ونەرى قوعامىنىڭ 36 ۋاكىلدەر ۇيىرمەسىنەن كەلگەن 110 تۇلپار مەن 110 شاباندوز موريدا باس قوسىپ، كورەرمەندەردىڭ كوز مەيىرىن قاندىردى.
حىناننان كەلگەن لي ليڭ قول تەلەفونىمەن بايگە الاڭىن سۋرەتكە تۇسىرە ءجۇرىپ، ساپارلاستارىمەن پىكىر الماستىردى، وتباسىمەن شينجياڭعا قايتالاي كەلگەن ول شينجياڭدى جەكە كولىگىمەن ارالاپ، ويلاماعان جەردەن موريداعى الامان بايگەنىڭ ۇستىنەن تۇسەدى. «تازا دا سالقىن اۋا، جۇيتكىگەن تۇلپارلار ادامنىڭ كوڭىلىن سەرپىلتەدى! مەن تاعى ءبىر كۇن قونىپ، كورىنىس وڭىرلەرىن ارالاپ، كاۋاپ جەپ، موريدىڭ حيكايالارىن ەستىگىم كەلەدى»، - دەدى لي ليڭ.
ۇرىمجىلىك «بايگە قۇمار» ياڭ شياۋلەي دوستارىمەن بىرگە بايگەنى كورۋگە ارنايى كەلەدى، «ات بايگەسى وتە تارتىمدى بولدى، بايگە جولى، بايگە قاعيداسى وتە ورىندى، ءبىز بىرنەشە كۇن بۇرىن كەلىپ الدىق، جەرگىلىكتەگى تۇرعىندار جاتاق ۇيىندە تۇردىق. تابيعاتقا قايتا ورالىپ، شىنايىلىقتى سەزىنگەندەي بولدىق، بۇل رەتكى ساپارىمىز وتە ءساتتى بولدى»، - دەدى ول.
جىلقى مادەنيەتى جانە جىلقى شارۋاشىلىعىنىڭ قارىشتاپ دامۋىنا ىلەسە، موري اۋدانى بايگە ارقىلى دوستاردى توعىستىرىپ، ات ارقىلى شارۋاشىلىقتى كوركەيتىپ، سپورت جارىسى مەن ساياحات كاسىبىنىڭ توعىسپالى دامۋىن جەبەدى.
«تۇتاس وڭىرلىك ساياحات جاي عانا كورىنىس رايونىن كورۋ ەمەس، مادەنيەت ءمانى، شىنايى سەزىنۋ ونان دا ماڭىزدى. موريدا قاعيدالى بايگە الاڭى، قالىپتاسقان ءداستۇرلى جىلقى مادەنيەتى بار، سپورت جارىسى ماركاسىن جاراتۋ موريدىڭ اتاعىن شىعارىپ، بەدەلىن ارتتىرۋعا پايدالى، سونىمەن قوسا جەرگىلىكتىڭ باسقا دا ساياحات بايلىعى قوسىلىپ، تۇتاس وڭىرلىك ساياحاتتىڭ دامۋىنا، ءسوز جوق، دەم بەرەدى»، - دەدى سانجى حۇيزۋ اۆتونوميالى وبلىستىق ساياحات مەكەمەسىنىڭ باستىعى جاڭ زىبين. بايگە الاڭىنىڭ ماڭىنداعى قازاق كەستەشىلىك مادەنيەتى شارۋاشىلىق باقشاسىنان ساياحاتشىلاردىڭ اياعى ۇزىلمەدى، مەرۋەرت ۇلتتىق كەستەشىلىك قولونەر بۇيىمدارى كاسىپتىك سەلبەستىك كووپەراتيۆىنىڭ ساۋداسى دا كۇسەتتەنە باستادى. بۇل كووپەراتيۆتى قازاق ەگىنشى - مالشىلار مەن جۇمىستان بوساعان جۇمىسشى - قىزمەتكەرلەر وزدەرى بىرلەسىپ قۇرعان، باستىسى، قازاقى كەستەلەنگەن سومكە سياقتى قولونەر بۇيىمدارىن تيجارات ەتەدى، 30 قىزمەتكەردىڭ ％82ىن ەگىنشى - مالشىلار ۇستايدى. كووپەراتيۆتىڭ جاۋاپتىسى زايىمقان ءاۋتاي قىزى بىلاي دەدى: بۇگىن 20 مىڭ يۋانعا تاياۋ زات ساتتىق، سوعان بولا ادام كوبەيتتىك. كەلەسى قادامدا ءبىز اناعۇرلىم كوپ ورنەكتەردى جوبالاپ، ءونىمنىڭ ساپاسىن جوعارىلاتىپ، تۇتاس وڭىرلىك ساياحاتتىڭ ارقاسىندا ەگىنشى - مالشىلاردىڭ كىرىسىن ارتتىرۋدى جوسپارلاپ وتىرمىز.
موري وزگەشە جاراتىلىستىق كورىنىسىنە جانە قويۋ ۇلتتىق سالت - سانا مادەنيەتىنە سۇيەنىپ، تۇتاس وڭىرلىك ساياحاتتى، ءتورت ماۋسىمدىق ساياحاتتى كۇش سالا دامىتىپ، ساياحات كاسىبىنىڭ «جالپى كورىنىسكە، جالپى كاسىپكە، جالپى ۋاقىتقا، جالپى حالىققا» قاراي دامۋىن جەبەپ، ماۋسىم سايىن كورىنىس بولۋىن، بارلىق جەردىڭ كورىنىس رايونىنا اينالۋىن ىسكە اسىردى. دامۋدىڭ «مادەنيەت ＋ ساياحات ＋ دەنە تاربيە» سىندى جاڭا ۇلگىسى ارقىلى موري قازاق اۆتونوميالى اۋدانىنىڭ مادەنيەت ماركاسىن، جاراتىلىستىق كورىنىس ماركاسىن جانە سپورت جارىستارى ماركاسىن كۇش سالا جاراتىپ، ۇلتتىق سالت - سانا مادەنيەتى مەن ساياحاتتىڭ ىشكەرىلەي توعىسۋىن ىلگەرىلەتتى. 2018 - جىلدىڭ العاشقى جارتىسىندا تۇتاس اۋدان بويىنشا ءبىر ميلليون 87 مىڭ ادام - رەت ساياحاتشى قابىلدادى، بۇل بىلتىرعى سول تۇستاعىدان ％40 ارتتى، مۇنىڭ ىشىندە 310 مىڭ 500 ادام - رەت ساياحاتشى موريدا قوندى، بۇل بىلتىرعى سول تۇستاعىدان ％44.3 ارتتى.
موري اۋداندىق پارتكومنىڭ تۇراقتى مۇشەسى، ۇگىت ءبولىمىنىڭ باستىعى ايگۇل ءشارىپقان قىزى تىلشىگە: موري اۋدانى مەملەكەت دارەجەلى تۇتاس وڭىرلىك ساياحاتتان ۇلگى كورسەتۋ رايونىن قۇرۋعا قۇلشىنۋدا، ءبىز موريدىڭ بايگەنىڭ قىزۋىمەن بىرگە مادەنيەت ساياحات كاسىبى ارقىلى ءبىرىنشى، ەكىنشى، ءۇشىنشى كاسىپتىڭ توعىسپالى دامۋىنا جەتەكشىلىك ەتىپ، «ەكولوگيا قالاسىن، مادەنيەت قالاسىن، ساياحات قالاسىن» كۇش سالا قۇرىپ، اۋدان ەكونوميكاسىنىڭ تەز قارقىنمەن دامۋىن ىلگەرىلەتۋىن ءۇمىت ەتەمىز، - دەدى.
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
