شينجياڭ جارنالىق ۇقىق ساۋدا ورتالىعى
ۇشتاسۋدىڭ «ۇدەمەلى جىلدامدىعىن» جوعارىلاتىپ، ورتا، شاعىن، ۇساق كاسىپورىندارعا قىزمەت كورسەتتى
2018.07.17 16:35 كەلۋ قاينارى : شينجياڭ گازەتى
ءتىلشىمىز ۋاڭ يۇڭفي 7 - ايدىڭ 15 - كۇنى ۇرىمجىدەن حابارلايدى. شينجياڭ جارنالىق ۇقىق ساۋدا ورتالىعى جارنالىق بازارعا كىرگەن كاسىپورىندارعا «جەرگىلىكتى جاعدايعا قاراي شارا قولدانىپ، ساتىعا ءبولىپ، ورنىن تۇراقتاندىرىپ»، جەر - جەردىڭ ساياساتى مەن تاراپتاردىڭ قارجىسىن ورتا، شاعىن، ۇساق كاسىپورىنداردىڭ سۇرانىسىمەن ۇشتاستىرۋدىڭ دالمە - دالدىگى مەن ونىمدىلىگىن جوعارىلاتىپ، ورتا، شاعىن، ۇساق كاسىپورىنداردىڭ ءتىپتى دە تەز دامۋىن جەبەدى. ساناق بويىنشا، اۆتونوميالى رايونىمىزداعى 180 مىڭنان استام ورتا، شاعىن، ۇساق كاسىپورىن ％60تەن ارتىق GDP جاراتقان، سالىق ۇلەس سالىستىرماسى ％50تەن اسقان، قالا - قالاشىقتاردا ％80تەن كوبىرەك جۇمىس ورنىن ازىرلەگەن.
شينجياڭ جارنالىق ۇقىق ساۋدا ورتالىعىنىڭ ورىنباسار باس مەڭگەرۋشىسى ما چيڭ بىلاي دەپ تانىستىردى: «ورتا، شاعىن، ۇساق كاسىپورىندارعا ءتىپتى دە جاقسى قىزمەت كورسەتۋ - شينجياڭ جارنالىق ۇقىق ساۋدا ورتالىعى ءدوپ كەلگەن وزەكتى تاقىرىپ. وي جۇگىرتۋ ارقىلى، ءبىز ارناۋلى تاقتا قۇرىلىسىن جانە ساتىعا ءبولىپ باسقارۋدى ىلگەرىلەتۋ ويى جەلىسىن العا قويدىق. كەڭدىگى جاعىندا، شينجياڭ جارنالىق ۇقىق ساۋدا ورتالىعى جارنالىق بازارعا كىرگەن كاسىپورىنداردى رايون جانە كاسىپ سالاسى بويىنشا ارناۋلى تاقتا قۇرىلىسىن ىلگەرىلەتتى، قازىر «جوعارى جاڭا تەحنيكا ارناۋلى تاقتاسى»، «ساياحات ارناۋلى تاقتاسى» جانە «سانجى ارناۋلى تاقتاسى» سىندى 3 ارناۋلى تاقتانى ورتاعا سالدى؛ تەرەڭدىگى جاعىندا، شينجياڭ جارنالىق ۇقىق ساۋدا ورتالىعى جارنالىق بازارعا كىرگەن كاسىپورىنداردى «دەن قويا تاڭدالعان ساتىعا» جانە «نەگىزدىك ساتىعا» ايىردى.
2017 - جىلى 12 - ايدان بەرى، شينجياڭ جارنالىق ۇقىق ساۋدا ورتالىعى ىلگەرىندى - كەيىندى ءۇرىمجى جوعارى جاڭا تەحنيكالىق اشۋ رايونىمەن (جاڭا قالا رايونى) سەلبەستىك جاساسىپ، «جوعارى جاڭا تەحنيكا ارناۋلى تاقتاسىن»، شينجياڭ ساياحات كاسىبى قوعامىمەن سەلبەستىك جاساسىپ، «ساياحات ارناۋلى تاقتاسىن»، سانجى حۇيزۋ اۆتونوميالى وبلىستىق حالىق ۇكىمەتىمەن سەلبەستىك جاساسىپ، «سانجى ارناۋلى تاقتاسىن» العا قويدى. وسى 3 ارناۋلى تاقتاداعى جارنالىق بازارعا كىرگەن كاسىپورىندار جەكە - جەكە 15، 6 جانە 37گە جەتكەن.
قازىر شينجياڭ جارنالىق ۇقىق ساۋدا ورتالىعى شينجياڭ ءوندىرىس قۋاتىن جەبەۋ ورتالىعىمەن بىرلەسىپ، «عىلىم - تەحنيكا ارناۋلى تاقتاسىن» قۇرۋ جونىندە كەلىسىم جاساستى، اۆتونوميالى رايوندىق ەكونوميكا جانە ينفورماتسيالاندىرۋ كوميتەتىمەن بىرلەسىپ، «ارناۋلى، تاڭداۋلى، ەرەكشە، جاڭا ارناۋلى تاقتا» قۇرۋدى بەلسەنە ىلگەرىلەتۋدە، ءۇرىمجى قالاسى، قارامايلى قالاسى، ىلە قازاق اۆتونوميالى وبلىسى سياقتىلارىمەن «ءوڭىر ارناۋلى تاقتاسىن» بىرلەسىپ قۇرۋدى دا اقىلداسۋدا. ما چيڭ بىلاي دەدى: ءبىزدىڭ نىسانامىز ءارقايسى ايماق، وبلىستاردىڭ بارىنەن ارناۋلى تاقتا قۇرۋ ءارى ءارقايسى ايماق، وبلىستاردان ورتا، شاعىن، ۇساق كاسىپورىندارعا قىزمەت كورسەتۋ ورتالىعىن قۇرۋ.
ما چيڭ بىلاي دەدى: ارناۋلى تاقتا قۇرىلىسى ارقىلى سايكەستى جاۋاپتى تاراۋلارمەن سەلبەستىك جاساسىپ، كاسىپورىندار ءۇشىن باعىتتامالى جارنالىق بازارعا كىرۋ، قارجى قۇراۋ، اقىل - كەڭەس بەرۋ، بايلىقتاردى ءتۇيىلىستىرۋ قىزمەتىن كورسەتۋگە ءارى تاراپتاردىڭ قارجىسىنىڭ ورتا، شاعىن، ۇساق كاسىپورىندارمەن ءتۇيىلىسۋ ونىمدىلىگىن جوعارىلاتۋعا بولادى؛ بۇل جاۋاپتى تاراۋلاردىڭ ءبىز ازىرلەگەن بازارلاسقان كورسەتكىشتەن پايدالانىپ، الدىمەن قولدايتىن ساپالى كاسىپورىنداردى تاڭداۋىنا دا ءتيىمدى.
شينجياڭ جارنالىق ۇقىق ساۋدا ورتالىعى جارنالىق بازارعا كىرگەن تۇرلىشە كاسىپورىنداردى كاسىپورىنداردىڭ جۇيەلىلەنۋ دارەجەسى، قازىنا كورسەتكىشى جانە ينفورماتسيالارىنىڭ جاريا بولۋ سياقتى جاعدايلار بويىنشا باعىتتامالى تۇردە «نەگىزدىك ساتىعا» نەمەسە «دەن قويا تاڭدالعان ساتىعا» ايىرادى ءارى ولار جەكە - جەكە تۇرلىشە ءتيىمدى ساياساتتاردان يگىلىكتەنەدى. قازىر نەگىزگى ساتىدا جارنالىق بازارعا كىرگەن 678 كاسىپورىن بار، دەن قويا تاڭدالعان ساتىدا جارنالىق بازارعا كىرگەن 13 كاسىپورىن بار. ما چيڭ بىلاي دەدى: جارنالىق بازارعا كىرگەن ساپالى كاسىپورىندارعا ءتىپتى دە كوپ تاربيەلەۋ بايلىعىن جانە ۇكىمەتتىڭ كومەگىن دايىنداپ، ساپالى كاسىپورىنداردىڭ دامۋىن، قۇدىرەتتەنۋىن جەدەلدەتەمىز.
شينجياڭ قازىنا - ەكونوميكا داشۋەسى فينانس شۋەيۋانىنىڭ دوتسەنتى سۋ نيڭ بىلاي دەدى: وسىلايشا بۇرىنعى «ۇلكەن قازان» ءتۇزىلىسى تالقاندالىپ، بازاردىڭ بايلىقتى ورنالاستىرۋداعى شەشۋشى رولى ءتىپتى دە ويداعىداي ساۋلەلەندىرىلىپ، «جايىن بالىق اسەرىن» ساۋلەلەندىرۋگە ءتيىمدى بولىپ، ءتىپتى دە كوپ كاسىپورىننىڭ دامۋىنىڭ جەدەلدەۋىنە جەتەكشىلىك ەتتى.
ۇعىسۋعا قاراعاندا، 2013 - جىلى 10 - ايدا بازار اشىلعاننان بەرى، شينجياڭ جارنالىق ۇقىق ساۋدا ورتالىعى كاسىپورىندار ءۇشىن جيىنى 4 ميلليارد 663 ميلليون يۋان قارجى قۇراعان.
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
