بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>جوتكەمەلەر

حىبەي ولكەسىنىڭ پارتيا، ۇكىمەت ۋاكىلدەر ۇيىرمەسى شينجياڭعا كەلىپ، شينجياڭعا باعىتتامالى كومەكتەسۋ قىزمەتىن تەكسەردى، ۇشتاستىردى

2018.07.19 14:50     كەلۋ قاينارى : شينجياڭ گازەتى

چىن چۋانگو، ۋاڭ دۇڭفىڭ، يە دۇڭسۇڭ، سۇن جينلۇڭ، لي پىڭشين قيمىلعا قاتىناستى

  تىلشىلەرىمىز ياۋ تۇڭ، دۇڭ شاۋحۋا 7 - ايدىڭ 15 - كۇنى كورلادان حابارلايدى. 7 - ايدىڭ 13 - كۇنىنەن 15 - كۇنىنە دەيىن، حىبەي ولكەلىك پارتكومنىڭ شۋجيى، ولكەلىك حالىق قۇرىلتايى تۇراقتى كوميتەتىنىڭ مەڭگەرۋشىسى ۋاڭ دۇڭفىڭ حىبەي ولكەسىنىڭ پارتيا، ۇكىمەت ۋاكىلدەر ۇيىرمەسىن باستاپ شينجياڭعا كەلىپ، شينجياڭعا باعىتتامالى كومەكتەسۋ قىزمەتىن تەكسەردى، ۇشتاستىردى. اۆتونوميالى رايوندىق پارتكومنىڭ شۋجيى، شينجياڭ ءوندىرىس - قۇرىلىس بيڭتۋانى پارتكومىنىڭ ءبىرىنشى شۋجيى، ءبىرىنشى ساياسي كوميسسارى چىن چۋانگو، حىبەي ولكەلىك ساياسي كەڭەستىڭ ءتوراعاسى يە دۇڭسۇڭ، اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ ساياسي كوميسسارى سۇن جينلۇڭ، اۆتونوميالى رايوندىق پارتكومنىڭ ورىنباسار شۋجيى لي پىڭشين قاتىستى قيمىلدارعا قاتىناستى.

  كونچى وزەنىنىڭ بويىندا بار الاپ كۇن شۋاعىنا شومىپ، الۋان گۇلدەر جايقالا اشىلىپ، سامال جەلمەن تەربەلەدى. حىبەي ولكەسىنىڭ پارتيا، ۇكىمەت ۋاكىلدەر ۇيىرمەسى كورلا قالالىق مۇناي، مۇناي حيميا ونەركاسىپ باقشاسىنا، 159 - ءنومىرلى حالىققا قولايلى ساقشى ىستەرى پۋنكتىنە، جاڭاءشار اۋىلىنىڭ قاراباع قىستاعىنا، تيەمىنگۋان قالالىق ورتالىق بالاباقشاسىنا، بايىنعولين موڭعۇل اۆتونوميالى وبلىستىق قوعام حاۋىپسىزدىگى مەكەمەسىنە، حىبەي قوعامدىق يگىلىك ورنىنا، شارۋاشىلىق قۇرۋعا قىزمەت وتەۋ عيماراتىنا، شينجياڭ ليتاي جىبەك جولى شەكتى سەرىكتەستىگىنە، حىبەي ولكەسىنىڭ مەديتسينا دارىندىلارىنىڭ «ولكەدەن ۇيىمداسقان ۇيىرمەسىنە» ءبىر تۇتاس قولباسشىلىق ەتۋ، رەتتەۋ تۇعىرىنا بارىپ، شينجياڭعا باعىتتامالى كومەكتەسۋ نىساندارىن تەكسەردى، كەدەي وتباسىلارىن ارالاپ، حال سۇرادى، شينجياڭعا كومەككە كەلگەن كادرلار مەن دارىندىلارعا امانداستى.

  7 - ايدىڭ 13 - كۇنى تۇستەن كەيىن، حىبەي ولكەسى. شينجياڭ ۇيعۇر اۆتونوميالى رايونى، سونداي - اق شينجياڭ ءوندىرىس - قۇرىلىس بيڭتۋانىنىڭ باعىتتامالى كومەكتەسۋ قىزمەتى جونىندەگى اڭگىمە ءماجىلىسى ۇرىمجىدە اشىلدى. چىن چۋانگو اۆتونوميالى رايوندىق پارتكوم مەن ۇكىمەت، سونداي - اق بۇكىل شينجياڭداعى ءار ۇلت حالقى اتىنان حىبەي ولكەسىنىڭ پارتيا، ۇكىمەت ۋاكىلدەر ۇيىرمەسىن قىزۋ قارسى الاتىندىعىن ءبىلدىردى، حىبەي ولكەسىنىڭ ۇزاق ۋاقىتتان بەرى شينجياڭعا كورسەتكەن زور قولداۋىنا جانە قالتقىسىز كومەگىنە شىن جۇرەكتەن العىس ايتتى. چىن چۋانگو بىلاي دەدى: باس شۋجي شي جينپيڭ حىبەيدى ابدەن بىلەدى، شىنايى سۇيەدى، حىبەيدا تالاي رەت قىزمەت تەكسەردى ءارى ماڭىزدى نۇسقاۋلار بەردى. حىبەي ولكەلىك پارتكوم مەن ولكەلىك ۇكىمەت باس شۋجي شي جينپيڭنىڭ ماڭىزدى نۇسقاۋىنىڭ رۋحىن جاپپاي دايەكتىلەندىرىپ، بەيجيڭ، تيانجين، حىبەيدىڭ سەلبەسە دامۋى، شيۇڭ - ان جاڭا رايونى قۇرىلىسى جوباسى، قىسقى وليمپياداعا دايىندالۋ سياقتى ماڭىزدى تاريحي ورايلاردى يگەرىپ، ەكونوميكادا قۋاتتى ولكە، كوركەم حىبەي قۇرۋ ساپارىندا جۇرتتى جالت قاراتارلىق جاڭا جەتىستىكتەرگە قول جەتكىزدى. ءبىز شىن جۇرەكتەن قۇتتىقتايمىز. چىن چۋانگو بىلاي دەپ اتاپ كورسەتتى: حىبەي ولكەسى قاشاندا شينجياڭعا باعىتتامالى كومەكتەسۋ قىزمەتىن بۇلتارماس ساياسي جاۋاپكەرشىلىگى ساناپ، جاقسى كادرلاردى توپ - توبىمەن تاڭداپ جىبەرىپ، جاقسى نىسانداردى بىرىنەن كەيىن ءبىرىن كومەكتەسىپ سالىپ، باس شۋجي شي جينپيڭنىڭ قامقورلىعى مەن مەيىر - شاپاعاتىن تيانشاننىڭ تۇستىگى مەن تەرىستىگىندەگى ءار ۇلت حالقىنىڭ جۇرەگىنە جەتكىزىپ، حىبەي مەن شينجياڭداعى ءار ۇلت حالقى اراسىنا دوستىق كوپىرىن سالدى. ءبىز بۇعان شىن جۇرەكتەن العىس ايتامىز ءارى جادىمىزدا ماڭگى ساقتايمىز. چىن چۋانگو مىنالاردى ءبىلدىردى: شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، اۆتونوميالى رايوندىق پارتكوم مەن ۇكىمەت بۇكىل رايونىمىزداعى ءار ۇلت حالقىن ىنتىماقتاستىرىپ، باستاپ، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن باتىل دايەكتىلەندىرىپ، تياناقتاندىرىپ، ورنىقتىلىق، دامۋ قىزمەتتەرىن تىڭعىلىقتى ىلگەرىلەتتى، شينجياڭدا جالپى جاعداي ورنىقتى، اۋقىمى مەڭگەرىمدى، بەتالىسى جاقسارعان كۇي قالىپتاستى. ءبىز شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 19 - قۇرىلتايىنىڭ جانە پارتيا 19 - كەزەكتى ورتالىق كوميتەتىنىڭ ەكىنشى، ءۇشىنشى جالپى ماجىلىستەرىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، «ءتورت تانىمدى» كۇشەيتىپ، باس شۋجي شي جينپيڭنىڭ ۇيتقىلىق ورنىن باتىل قورعاپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن باتىل قورعاپ، قوعام ورنىقتىلىعى مەن باياندى تىنىشتىق باس نىساناسىن مىقتاپ ارقاۋ ەتىپ، شينجياڭعا باعىتتامالى كومەكتەسۋدىڭ باسىمدىعىن تولىق ساۋلەلەندىرىپ، حىبەيدىڭ وزىق تاجىريبەلەرىن مۇقياتتىلىقپەن ونەگە ەتىپ، پارتيا ورتالىق كوميتەتىنىڭ ەرەكشە قامقورلىعىن، حىبەي حالقىنىڭ قالتقىسىز كومەگىن جۇڭگوشا سوتسياليستىك شينجياڭ قۇرۋدىڭ ناقتى امالياتىنا شىن مانىندە اينالدىرىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىنىڭ شينجياڭ تاراۋىن قۇلشىنا جازامىز.

  ۋاڭ دۇڭفىڭ اۆتونوميالى رايون مەن بيڭتۋاننىڭ ۇزاق ۋاقىتتان بەرى حىبەيدى زور كۇشپەن قولداعانىنا، حىبەيدىڭ شينجياڭعا كومەكتەسۋشى كادرلارىنا كوڭىل ءبولىپ، ولاردى ايالاعانىنا شىن جۇرەكتەن العىس ايتتى. ول بىلاي دەدى: شينجياڭ قىزمەتىنىڭ پارتيا مەن مەملەكەت قىزمەتىنىڭ جالپى جاعدايىندا ەرەكشە ماڭىزدى ستراتەگيالىق ورنى بار. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، اۆتونوميالى رايوندىق پارتكوم مەن ۇكىمەت بۇكىل رايونداعى ءار ۇلت كادرلارى مەن بۇقاراسىن ىنتىماقتاستىرىپ، باستاپ، پارتيا ورتالىق كوميتەتىنىڭ شەشىم - ورنالاستىرۋلارىن باتىل دايەكتىلەندىرىپ، تياناقتاندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ ارقاۋ ەتىپ، ءورىس اشا ىلگەرىلەپ، شىنايى يگەرىپ، ناقتى ىستەپ، تيانشاننىڭ تۇستىگى مەن تەرىستىگىندە ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، شات - شادىمان ءومىر كەشكەن جاڭا جاعدايدىڭ جارىققا شىعۋىن ىلگەرىلەتىپ، شينجياڭ قىزمەتىنىڭ جاڭا جاعدايىن كۇش سالا اشتى. اۆتونوميالى رايوننىڭ، سونداي - اق بيڭتۋاننىڭ رەفورمادا، دامۋدا قول جەتكىزگەن كورنەكتى جەتىستىكتەرىنەن حىبەيدىڭ كادرلارى مەن بۇقاراسى ەرەكشە شابىت الدى، تاربيەگە يە بولدى.

  ۋاڭ دۇڭفىڭ بىلاي دەدى: شينجياڭعا باعىتتامالى كومەكتەسۋ − پارتيا ورتالىق كوميتەتى جاساعان كەلەلى شەشىم - ورنالاستىرۋ، حىبەي ولكەسى، ءسوز جوق، ويداعىداي اتقارۋعا ءتيىستى كەلەلى ساياسي مىندەت. حىبەي ولكەلىك پارتكوم، ولكەلىك ۇكىمەت جانە بۇكىل ولكە بويىنشا جوعارىدان تومەنگە دەيىن ساياسي دەڭگەيدى اناعۇرلىم جوعارىلاتىپ، «ءتورت تانىمدى» سانالى تۇردە امالياتتا ايگىلەپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن باتىل دايەكتىلەندىرىپ، ساياسي جاۋاپكەرشىلىكتى بۇلجىماي ويداعىداي وتەۋى كەرەك. نىسانانى نىشان ەتۋدەن باستان - اياق جازباي، نازاردى ءتۇيىندى مىندەتتەرگە شوعىرلاندىرا وتىرىپ دەڭگەيدى جوعارىلاتىپ، كۇش قوسىپ، شينجياڭنىڭ كەدەيلىكتەن قۇتىلدىرۋدان قامال الۋ شايقاسىن جاقسى جۇرگىزۋىن كۇش سالا قولداپ، كاسىپ سالاسى ارقىلى شينجياڭعا كومەكتەسۋدىڭ سەرپىنىن ۇزدىكسىز ارتتىرىپ، نەگىزگى الەۋمەتتىك قىزمەت كورسەتۋ ورەسىن قۇلشىنا جوعارىلاتىپ، قارجىمەن، نىساندارمەن، دارىندىلارمەن قولداۋ سەرپىنىن ارتتىرىپ، شينجياڭعا باعىتتامالى كومەكتەسۋ قىزمەتىن ىزگى نيەت، شىنايى سۇيىسپەنشىلىكپەن كۇش سالا ىستەپ، شينجياڭ قىزمەتىنىڭ جاڭا جاعدايىن قۇلشىنا اشۋ كەرەك. وسى جولعى ۇيرەنۋ، تەكسەرۋدى عانيبەت وراي ەتىپ، قىمباتتى ورايدى مىقتى يگەرىپ، كاسىپ نىساندارى سەلبەستىگىن، ەكونوميكا - ساۋدا، ساۋداگەر شاقىرۋ سەلبەستىگىن، مادەنيەت - ساياحات سەلبەستىگىن، لاڭكەستىككە قارسى تۇرىپ، ورنىقتىلىقتى قورعاۋ سەلبەستىگىن تىڭعىلىقتى ىلگەرىلەتىپ، 2 ولكە، اۆتونوميالى رايوننىڭ تەڭ يگىلىككە كەنەلىپ دامۋىن قۇلشىنا ىلگەرىلەتۋ كەرەك.

  اڭگىمە ماجىلىستە سۇن جينلۇڭ، لي پىڭشين اۆتونوميالى رايوننىڭ، بيڭتۋاننىڭ ورنىقتىلىق، دامۋ جانە باعىتتامالى كومەك قىزمەتىنىڭ جاعدايىن تانىستىردى، حىبەي ولكەسىنىڭ ورىنباسار باستىعى لي چيان حىبەي ولكەسىنىڭ ەكونوميكالىق، قوعامدىق دامۋ جاعدايىن، سونداي - اق شينجياڭعا باعىتتامالى كومەكتەسۋ احۋالىن تانىستىردى، 2 ولكە، اۆتونوميالى رايون حىبەي . شينجياڭ باعىتتامالى كومەكتەسۋ مەن سەلبەستىكتى جاپپاي كۇشەيتۋدىڭ جۇلگەلىك كەلىسىمىنە قول قويدى. حىبەي ولكەسىنىڭ، اۆتونوميالى رايوننىڭ، سونداي - اق بيڭتۋاننىڭ باسشىلارىنان جياۋ يانلۇڭ، فان جاۋبيڭ، نيە رۇيپيڭ، ەركىن تۇنياز، ما شۋەجۇن، تيان ۋىن، سارقىت اقان ۇلى، جاڭ چۇنلين، لي شۋەجۇن، چىڭ جىنشان، كۇڭ شيڭلۇڭ جوعارىداعى قيمىلدارعا قاتىناستى. 

جاۋاپتى رەداكتورى : مۇحيت امانتاي ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار