ناقتى ىستەر تىندىرىپ، جاۋاپكەرشىلىك ارقالاپ، ادالدىعىن ايگىلەدى
2018.07.19 14:51 كەلۋ قاينارى : شينجياڭ گازەتى
− قاراقاش اۋداندىق پارتكومنىڭ ورىنباسار شۋجيى، ساياسي - زاڭ كوميتەتىنىڭ شۋجيى جاڭ لەي جونىندە
ءتىلشىمىز ياڭ شۋحان
7 - ايدىڭ 4 - كۇنى تاڭ ءسارى، قاراقاش اۋداندىق پارتكومنىڭ ورىنباسار شۋجيى، ساياسي - زاڭ كوميتەتىنىڭ شۋجيى جاڭ لەي جيىندى ەندى عانا تاراتتى. ول ساعاتىنا قارادى دا، كوپشىلىككە: تاڭ اتقان سوڭ تاعى جاڭا مىندەت بار، تەزىرەك كوز شىرىمىن الىپ الىڭىزدار، - دەدى.
جاڭ لەي ۇزاق ۋاقىت بويى نەگىزگى ساتى ءبىرىنشى شەبىندە كۇرەس جاساپ، بورىش پەن جاۋاپكەرشىلىكتى ەسىندە بەرىك ساقتاپ، بورىشىن شىن مانىندە ادالدىقپەن وتەپ، تاڭداۋلى كومپارتيا مۇشەسىنە ءتان ءداۋىر كەلبەتىن ناقتى ارەكەتىمەن ايگىلەدى، حالىق ءۇشىن بيلىك جۇرگىزۋ بورىشىن ءومىردىڭ كەڭدىگى مەن تەرەڭدىگى ارقىلى امالياتتا ايگىلەدى، رازىلىقپەن شوگەل ءارى ناقتى ىستەۋ جانە ادال، كىرشىكسىز بولۋ، اتاق - ابىروي قۋماۋ رۋحىمەن پارتيانىڭ نارت قىزىل تۋىن بيىك كوتەردى.
مۇقيات، ىجداعاتتىلىق − ومىردەگى ەڭ باعالى قاسيەت
العاش جاڭ لەيدى كورگەنىمدە، جانارىنان نۇر شاشىپ، ادىلدىك قاسيەتى بايقالىپ تۇردى. «مەن وتە قاراپايىم جانمىن، ۇيىم تاپسىرعان ءاربىر ءىستى جاقسى ىستەسەم بولعانى، كوڭىلىم جاي تابادى»، - دەدى ول.
20 - عاسىردىڭ 60 - جىلدارىندا، جاڭ لەيدىڭ اكە - شەشەسى ۇلى مۇرات، اسقاق ارمان ارقالاپ، حوتان ايماعىنىڭ شەريا اۋدانىنا كەلىپ، سول جەردە تۇرىپ قالدى. جاڭ لەي دە سول جەردە دۇنيەگە كەلدى.
ۋاقىت زىمىراپ ءوتتى، 1991 - جىلى جاڭ لەي داشۋەنى ءبىتىرىپ، حوتان ايماقتىق قازىنالىق باقىلاۋ مەكەمەسىنە جۇمىسقا تۇردى. وسى ارادا ول ومىردەگى ەڭ باعالى قاسيەتتەردىڭ ءبىرى، مۇقيات، ىجداعاتتىلىقتى جەتىلدىردى.
العاش قىزمەتكە قاتىناسقان كەزدە، ءبىر ساقا بۇعالتىر ونى جەتەكتەپ، ءبىر كاسىپورىننىڭ ەسەبىن تەكسەرۋگە قاتىناسادى. «كاسىپورىننىڭ 10 جىلدىق ەسەبىن 5 ادام اربىرەۋىمىز 2 جىل جاۋاپتى بولىپ تەكسەردىك»، - دەيدى سول كەزدى ەسكە العان جاڭ لەي. 5 ادام تۇپ - تۋرا ءبىر اپتا ۇستەمەلەپ جۇمىس ىستەسە دە، ەسەپ دۇرىس شىقپايدى. ساقا بۇعالتىر ولاردى باستاپ قايتا باستان تەكسەرەدى، ناتيجەسىندە جاڭ لەيدىڭ تەكسەرگەن ەسەبىنەن اعاتتىق شىققانىن بايقايدى.
«ەسەپ شوتتىڭ تاسىنا جاي قاراما، بۇعالتىرلىق قىزمەتتە تيتتەي دە شالاعايلىق ىستەۋگە بولمايدى، ءبىر ادام قاتەلەسسە، بارلىق ادامنىڭ قۇلشىنىسى بەكەرگە كەتىپ، قايتا باستان باستاۋعا تۋرا كەلەدى». ساقا بۇعالتىردىڭ بايسالدىلىقپەن ايتقان ءسوزى ونىڭ كوڭىلىن قاتتى تولقىتتى. وسىدان كەيىن، جاڭ لەي وزىنە جۇكتەلگەن ءاربىر قىزمەتتى ەرەكشە مۇقياتتىلىقپەن ىستەپ، قايتا - قايتا تەكسەرىپ، اعاتتىقتاردىڭ الدىن الدى.
ءتارتىپ تەكسەرۋ قىزمەت ورنىندا ىستەگەن كەزىندە تۋىلعان ءبىر دەلو ءالى دە جاڭ لەيدىڭ ەسىندە. الدەبىر ادام اۋىل كادرىنىڭ قىزمەتتە قىستاق تۇرعىنىمەن توبەلەسىپ، بايقاۋسىزدا ونىڭ قۇلاعىن زاقىمداپ، كەرەڭ ەتەدى. بۇل دەلونى ول قاراۋعا ءتيىستى ەمەس ەدى. ءبىراق جاڭ لەي بۇل ىستە كىلتيپان بارىن سەزەدى. «ءبىر كۇن ۋاقىت بەرسەڭىز، مەن تەكسەرىپ كەلەيىن»، - دەيدى باسشىعا. ءبىر كۇننەن كەيىن، جاڭ لەي باسشىعا ەگجەي - تەگجەيلى تەكسەرۋ مالىمەتىن تاپسىرادى.
جاڭ لەي بىلاي دەيدى: قىرۋار دالەل - فاكتتەر وسى تۇرعىننىڭ الىنەن اسقان كەۋدەمسوق جان ەكەنىن، قۇلاعىنىڭ ەرتەرەكتە كولىك شىرعالاڭى سەبەبىنەن كەرەڭ بولىپ قالعانىن كورسەتتى. بۇقارادان سۇراۋ ارقىلى اۋىل كادرىنىڭ جايشىلىقتا قىزمەتتى شوگەلدىلىكپەن ىستەيتىنىن، بۇقاراعا قىرۋار ناقتى ىستەر ىستەپ بەرگەنىن ۇعىستىق. تۇتاس دەلوداعى تەكسەرىلگەن سىپاتتار انىق، دالەل - فاكتتەر سەنىمدى بولعاندىقتان، قىستاق تۇرعىنىنىڭ دا بوگدە پىكىرى بولعان جوق، ەڭ سوڭىندا اۋىل كادرى قىزمەت ءتاسىلى ۇيلەسىمدى بولماۋى سەبەبىمەن ءبىر جاقتى ەتىلىپ، بۇرىنعى قىزمەت ورنىندا قالدىرىلدى.
«ەگەر سول كەزدە قىزمەتتى ناقتاپ ىستەمەي، قاراپايىم تەكسەرۋمەن اياقتاتا سالساق، وسى اۋىل كادرىنىڭ ومىرىنە ىقپال ەتۋى مۇمكىن ەدى»، - دەيدى جاڭ لەي. سودان باستاپ اناعۇرلىم تاباندى، مۇقيات، ىجداعاتتى قىزمەت پوزيتسياسى ونىڭ باستان - اياق بويسۇناتىن پرينسيبى بولادى.
قاتاڭ تالاپ − كەشىگىپ تاپسىرىلعان پارتياعا كىرۋ ءوتىنىشى
1996 - جىلدىڭ جازىندا 28 جاستاعى جاڭ لەي پارتياعا كىرۋ ءوتىنىشىن تاپسىردى. ءىس جۇزىندە بۇدان بۇرىن دا ءوتىنىش جازعان، ءبىراق ۇيىمعا تاپسىرماعان ەدى. مۇنىڭ سەبەبىن سۇراعانىمدا، ول سول كەزدە جانىنداعى پارتيا مۇشەلەرى مەن كادرلاردىڭ بويىنان پارتيا مۇشەلەرى مەن جاي بۇقارانىڭ ايىرماشىلىعىن بايقاعانىن ايتىپ بىلاي دەدى: «قيىنشىلىققا جولىققاندا پارتيا مۇشەلەرىنىڭ شەگىنۋىنە بولمايدى، ءسوز جوق، باتىل ۇستىنە الۋى كەرەك؛ پايداعا كەلگەندە پارتيا مۇشەلەرىنىڭ جەكە يگىلىكتەنۋىنە بولمايدى، ءسوز جوق، الدىمەن جاي جۇمىسشى - قىزمەتكەرلەردى ەسكەرۋى كەرەك؛ بورىشقا كەلگەندە پارتيا مۇشەلەرىنىڭ قاشقالاقتاۋىنا بولمايدى، ءسوز جوق، باستاماشىلدىقپەن ۇلەس قوسۋى كەرەك...» ءوزىنىڭ قىزمەت پوزيتسياسىمەن بايلانىستىرىپ ويلاعان ول ءبىراز قىسىلادى، ارى - بەرى ويلاستىرىپ كورىپ، جازىپ بولعان پارتياعا كىرۋ ءوتىنىشىن ۇندەمەي تىعىپ قويادى.
سودان باستاپ، ول وزىنە كومپارتيا مۇشەسىنىڭ ولشەمىمەن قاتاڭ تالاپ قويادى.
1999 - جىلى 1 - ايدا جاڭ لەي داڭقپەن جۇڭگو كوممۋنيستىك پارتياسىنىڭ مۇشەسى بولادى. «جۇدىرىعىمدى كوتەرىپ سەرت بەرگەن سول ءسات − ومىرىمدەگى ەڭ قاسيەتتى ءسات، سول ساتتەن باستاپ ءومىر بويى پارتيا ءىسى ءۇشىن كۇرەسۋگە بەلىمدى بۋدىم»، - دەيدى تەبىرەنە ول.
ءتارتىپ تەكسەرۋ قىزمەت ورنىندا قىزمەت ىستەگەن كەزىندە، ول ۇنەمى پروكۋراتۋراداعى جولداستارمەن ارالاسىپ تۇرادى. جاڭ لەي: پروكۋرورلاردىڭ زاڭ جانە زاڭ تارماقتارىنا قانىق، قىزمەت بارىسىندا زاڭ تارماقتارىنان ەمىن - ەركىن پايدالانا الاتىندىعىن كورگەنىمدە، ءتارتىپ تەكسەرۋ قىزمەتىمەن اينالىسىپ وتىرعان مەن زاڭدى بىلمەسەم قايتىپ بولادى، - دەيدى.
ءدال سول كەزدە بەيجيڭ داشۋەسىنىڭ زاڭ شۋەيۋانى الىس ارالىقتان وقىتۋ ارقىلى حوتان قالاسىندا زاڭ ماماندىعىن ۇيرەنۋ كلاسىن اشادى، جاڭ لەي ۇيرەنۋ كلاسىنا قابىلدانادى. 3 جىل ىشىندە ءىسساپارعا شىققان ۋاقىتتى قوسپاعاندا، ءار كۇنى تۇستەن كەيىن جۇمىستان قايتقان سوڭ 2 ساعات تاپجىلماي وتىرىپ ۇيرەنەدى. 3 جىل تىڭعىلىقتى ۇيرەنۋدىڭ ناتيجەسىندە ول بەيجيڭ داشۋەسى زاڭ شۋەيۋانىنىڭ الىس ارالىقتان وقىتۋى بويىنشا باكلاۆرلىق كۋالىگىن الادى.
زاڭ كاسىبىنەن ءبىلىم تولىقتاۋ ارقىلى جاڭ لەي قىزمەتتە،ءتىپتى، تەبىندەي ءتۇستى.
جاڭ لەي جەكە - جەكە 10 جىل قازىنالىق باقىلاۋ جانە ءتارتىپ تەكسەرۋ قىزمەتىن ىستەگەننەن كەيىن، قوعام حاۋىپسىزدىگى ورگانىنا اۋىستى، اۋىسقان قىزمەت ورىندارىنىڭ اراسىنداعى ايىرماشىلىق زور، سىن - سىناقتار كۇشتى بولدى. ءبىراق قايسى قىزمەت ورنىندا بولسا دا، جاڭ لەي دەرەۋ قىزمەتكە ۇيلەسىپ، مىزعىماس سەنىمى مەن كۇشتى كاسىپتىك قابىلەتىنىڭ ارقاسىندا قىزمەت جاۋاپكەرشىلىگىن تاماشا ورىندادى.
اۋەلگى ماقساتتى ۇمىتپاي، ناقتى ىسكەرلىكپەن جاۋاپكەرشىلىك ارقالاپ، ۇزدىكسىز العا باستى
2000 - جىلدىڭ باسىندا جاڭ لەيدىڭ قىزمەتى حوتان ايماقتىق ءتارتىپ تەكسەرۋ كوميتەتىنە اۋىستىرىلدى. العاش كەلگەندە، ول ارناۋلى دەلو گرۋپپاسىنا ءبولىنىپ، جەرگىلىكتى قاتىناس سالاسىنداعى ءبىر باسشى كادردىڭ جەمقورلىق، پارا الۋ دەلوسىن تەكسەرىپ ءبىر جاقتى ەتۋگە جاۋاپتى بولدى.
بىرنەشە اي وتكەنىمەن، قىزمەت قارقىنى ماندي قويمادى. تەكسەرىلەتىن سونشاما كوپ دەرەك الدىندا، ول قالىڭ ەسەپ داپتەرىنە شۇقشيىپ، مول قازىنالىق تەكسەرۋ تاجىريبەسىنەن پايدالانىپ، قايتا - قايتا پايىمداۋ، اداقتاۋ ارقىلى دەلو فاكتىن انىقتاپ شىعىپ، پارتيا مەن حالىققا رازى بولاتىن جاۋاپ بەردى.
«ول قىزمەتكە وگىز كۇشىن سالاتىن، مۇقيات، قاتاڭ، قاجىماس ادام، شىتىرمان، قيىن دەلولار ونىڭ قولىنان وتكەندە اشىلىپ، ايقىندالىپ سالا بەرەدى!»، - دەيدى كەزىندە حوتان ايماقتىق ءتارتىپ تەكسەرۋ تاراۋىندا باسشىلىق ورىندا قىزمەت ىستەگەن، قازىر زەينەتكە شىققان ءبىر قارت باسشى سول كەزدە ونىمەن بىرگە قىزمەت ىستەگەن كەزىن ەسكە الىپ.
«ول قىزمەتتەن مالىمەت بەرگەندە، دەلونىڭ تەتىگىن ءداپ باسىپ ايتادى، ونىڭ ويى ۇشقىر، لوگيكاسى ايقىن، ءار دەرەك پەن ايعاقتى تىڭعىلىقتى، ءونىمدى كورسەتىپ بەرەتىن، قىزمەتتە، ءتىپتى، مۇقيات، قاتاڭ بولاتىن، وزىنە تاپسىرىلعان قىزمەتتى ءارى جاقسى، ءارى تەز ورىندايتىن»، - دەيدى جاڭاعى قارت باسشى ون نەشە جىل وتسە دە بارلىعىن تەرەڭ اسەرمەن ەسكە الىپ.
بىلتىر حوتان قالالىق قوعام حاۋىپسىزدىگى مەكەمەسىنىڭ باستىعى بولىپ تۇرعان جاڭ لەيدىڭ باستاۋىندا، الەۋمەتتىك اۋماقتى باسقارۋدى «توركوزدەندىرۋ»، اشالاۋ قىزمەتى ىلگەرىلەپ، قوعامدىق جونگە سالۋ قابىلەتى بارىنشا جوعارىلادى. قاراقاش اۋدانىنا قىزمەتكە كەلگەن سوڭ، ول قاراقاش اۋدانىنىڭ قوعامىن اشالاپ باسقارۋ قىزمەتى جونىندە بەلسەنە ىزدەنىس جاساپ، جەرگىلىكتى جۇرتشىلىقتىڭ قارسى الۋىنا بولەندى. جاڭ لەي بيڭتۋان مەن جەرگىلىكتى ورىننىڭ بىرلەسىپ قيمىلداۋ، بىرلەسىپ ساقتانۋ مەحانيزمىن باستاماشىلدىقپەن ورناتىپ، دەر كەزىندە ينفورماتسيالاردى الماستىرىپ وتىردى، اسىرەسە، شەت - شالعاي وڭىرلەرگە قاراتا، باسقارۋ مەحانيزمىن اشالاپ، كەمەلدەندىرىپ، قوعامدىق جان - جاقتى باسقارۋ - مەڭگەرۋ قابىلەتىن بارىنشا جوعارىلاتتى.
بيىل 4 - ايدىڭ ءبىر كۇنى قاراقاش اۋدانى يۇيبەي اشۋ رايونىندا شىلان ەگەتىن پۋ حوۋساننىڭ وتىن ۇيىنە ءورت كەتتى، ول ءبىر كنوپكامەن ساقشىعا حابارلاعىشتى باسقان سوڭ، 2 مينۋتقا جەتپەي ساقشى پۋنكتىندەگى ساقشىلار مەن كورشىلەر جەتىپ كەلدى. بارلىق ادام ونىڭ ءورت كەتكەن وتىن ۇيىنە جابىلىپ، بىرەۋلەر تەگەنەمەن سۋ شاشىپ، بىرەۋلەر وت سوندىرگىش اكەلسە، بىرەۋلەر كيىممەن سابالاپ ءورتتى ءسوندىردى. ءسويتىپ، شىلان باعىن جالماپ كەتۋگە شاق قالعان ۇلكەن ءورت دەرەۋ ءسوندىرىلدى. پۋ حوۋسان كوزىنە جاس الىپ: سول كورىنىستى ەشقاشان ۇمىتپايمىن، مەن قاتتى اسەرلەندىم، - دەدى.
يۇيبەي اشۋ رايونى ساقشى پۋنكتىنىڭ باستىعى ۋاڭ دىلين تىلشىگە بىلاي دەدى: ءبىر كنوپكامەن ساقشىعا حابارلاۋ قوڭىراۋى شالىنىسىمەن، ەڭ الدىمەن، كورشىلەر جەتىپ بارادى، ونان سوڭ، سول ماڭدى شارلاپ جۇرگەن قوعام حاۋىپسىزدىگى ساقشىلارى مالىمدەۋدى قابىلداپ وتىرماي - اق، قول تەلەفون ناقتى ورىندى، مالىمدەۋشى ادامنىڭ ينفورماتسياسىن كورسەتىپ بەرەدى، ساقشىلار تىكەلەي، ءدال، دەرەۋ تاۋىپ بارادى، وتە قولايلى.
ۇلى ماحابباتتى سوزبەن جەتكىزۋ قيىن، شىنايى سۇيىسپەنشىلىك ۇساق ىستەردەن قاۋلايدى
7 - ايدىڭ 5 - كۇنى ساعات 12 مولشەرى، 21 جاستاعى تۇردىمامەت ماحمۇت تاياققا سۇيەنىپ، اقساڭداي باسىپ جۇرسە دە جۇزىندە جايراڭداعان قۋانىش كۇلكىسى ەسىپ: اعايىم كومەكتەسپەگەن بولسا، وپەراتسيا ونشا ءساتتى بولماس ەدى، - دەدى.
تۇردىمامەت وتباسى جاڭ لەيدىڭ جۇپ قۇراعان تۋىسى. بيىل جىل باسىندا تۇردىمامەت انحۇيدىڭ چيڭياڭ قالاسىنداعى ءبىر توقىما زاۆودىنا بارىپ جۇمىس ىستەيدى، 6 - ايدىڭ باسىندا ونىڭ سول اياعى توسىن اۋىرىپ، تەكسەرۋدەن بەز وسپەسى شىققانى بايقالادى، اۋرۋ كورسەتۋ، دەنساۋلىعىن قالپىنا كەلتىرۋ جاقتارىنداعى قولايلىلىقتاردى ەسكەرگەن ول اۋىلىنا قايتىپ كەلەدى. جاڭ لەي بۇدان حابار تاپقان سوڭ، تۇردىمامەتكە كومەكتەسىپ، دەرەۋ شيپاحانامەن حابارلاسىپ، ەمدەلۋگە ورنالاستىرعان، قازىر وپەراتسيا جاسالعان.
«بۇگىن ءجىبىن الدى، شيپاگەر ەندى بىرنەشە كۇن جاتىپ دەمالساڭ قالپىڭا كەلەسىڭ دەيدى»، - دەدى تۇردىمامەت تىلشىگە، ونىڭ ايتۋىنشا، سىرتتا جالعىز جۇمىس ىستەپ جۇرگەنىندە اعايى ۇنەمى اماندىعىن سۇراپ تەلەفون سوعىپ، قامقورلىق كورسەتىپ، شابىتتاندىرىپ وتىرىپتى، ءوزىن ويلاپ جۇرەتىن بىرەۋدىڭ بار ەكەنىن بىلگەن ول جات جەردە جالعىزسىرمايتىن بولىپتى.
7 - ايدىڭ 5 - كۇنى ساعات 21 مولشەرىندە جاڭ لەي 20 نەشە شاقىرىم عانا جەردەگى حوتان قالاسىنا بارۋعا اقىرى مۇرسات تاپتى. ول ايماقتىڭ ءبىر ماڭىزدى ماجىلىسىنە قاتىناسۋعا بارماق. ءماجىلىس زالىنان بىرنەشە شاقىرىم جەردەگى ءبىر شاكەنە ۇيدە ونىڭ 4 ايدان بەرى جۇزدەسپەگەن اكە - شەشەسى تۇراتىن.
ءماجىلىس اياقتاپ، جولعا شىعارعا ءبىراز ۋاقىت بار ەكەنىن كورگەن جاڭ لەي تاماقتان اسىعىس - ۇسىگىس اۋىز ءتيدى دە، دەرەۋ ۇيىنە جۇگىردى. شەشەسى اۋرۋ سەبەبىنەن ءبىر اپتادان ارتىق شيپاحاناعا جاتىپ شىعىپ، ۇيىنە ەندى عانا قايتىپ كەلگەن ەكەن، ءبىراق شەشەسى ۇيىندەگىلەردەن وسىنىڭ ءبارىن جاڭ لەيدەن جاسىرىن ۇستاۋدى تالاپ ەتىپتى.
شاعىن اۋماققا كىرە بەرە، ول تەرەزەدەن شەشەسىنىڭ قاراسىن كورىپ قالدى. اياق دىبىسى ۇيگە جاقىنداپ، تابالدىرىقتان اتتاپ ۇلگىرمەي، 75 جاستاعى شەشەسى ەسىككە بارىپ، اسىعىس جۇرگەن ۇلىنىڭ الدىنان شىقتى.
− شەشە، بۇگىن جيىن اشتىق، ءسىز بەن اكەمدى كورە كەتەيىن دەپ كەلدىم.
− ءيا، جاقسى، تاماق ءىشتىڭ بە؟
− ءىشىپ الدىم.
− قوناسىڭ با؟ - دەدى شەشەسى ءسال توسىلىپ.
− دەرەۋ قايتۋىم كەرەك!
− ە، بىزدە ءبارى جاقسى، ۋايىمداما، سۋ ۇرتتاپ الىپ، دەرەۋ قايتا عوي.
ۇزاق جىل سىرتتا قىزمەت ىستەپ، وتباسىنداعىلارعا كوبىرەك كوڭىل ءبولىپ، قامقورلىق جاساي الماعان ول ىشتەي وتباسىنداعىلارعا ءوزىن قارىزدار سەزىنەدى. «ءبىراق ۇيدەگىلەردىڭ ءبارى مەنى تۇسىنەدى، مەنى قولدايدى، ولار ماعان زور قامقورلىق كورسەتىپ، قوزعاۋشى كۇش بەردى»، - دەيدى جاڭ لەي. شەشەسىنىڭ بايسالدى، مەيىرلى جانارىنىڭ ۇزاتۋىندا جاڭ لەي ءتۇن قاراڭعىسىن جامىلىپ، ءجىتى باسىپ، الىسقا كەتىپ بارادى...
جاۋاپتى رەداكتورى : مۇحيت امانتاي ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
