ىلە تۇلپارى حالىقارالىق ساياحات مەرەكەسى باستالدى
2018.07.19 14:53 كەلۋ قاينارى : شينجياڭ گازەتى
ءتىلشىمىز تاڭ كاندۇڭ 7 - ايدىڭ 16 - كۇنى موڭعۇلكۇرەدەن حابارلايدى. 7 - ايدىڭ 16 - كۇنى جاڭبىر جاۋىپ تۇرسا دا، تيانشان تاۋىنىڭ باۋرايىنداعى قاراعانتى جايلاۋىنداعى موڭعۇلكۇرە اۋدانىنىڭ تۇلپار ساياحات - مادەنيەت باقشاسى ەرەكشە دۋمانعا بولەندى. سول كۇنى 2018 - جىلعى جۇڭگو شينجياڭ ىلە تۇلپارى حالىقارالىق ساياحات مەرەكەسىنىڭ شىمىلدىعى (تومەندە تۇلپار مەرەكەسى دەلىنەدى) وسى ارادا اشىلدى.
ساحنادان كوتەرىلگەن كورەرمەن قاۋىمنىڭ كۇلكى شاتتىعى، ايبىندى بارابان ءۇنى مەن اسەم ءان اۋەنى ءبىر - بىرىنە ۇلاسىپ كەڭ ساحارانى كەرنەپ جاتتى. ۇلتتىق ۇلگىدە اشەكەيلەنگەن سەيىل اۆتوكولىگى، مالشى كەرۋەنى، ويقاستاعان تۇلپارلار جارىس جولىمەن ىركەس - تىركەس ءوتتى. قىز قۋار، تەڭگە ءىلۋ، ايگىلى تۇلپارلار سالتاناتى، ات ونەرى سياقتى تارتىمدى ويىندار كورەرمەندەردى شاتتىققا بولەدى، ساحاراداعى تۇلپارلاردىڭ تۇياق ءدۇبىرى كورەرمەندەردى جەلپىندىرىپ اكەتتى... «جىلقى جانە جاڭا ءداۋىر» تاقىرىبىنداعى وسى كەزەكتى تۇلپار مەرەكەسى موڭعۇلكۇرەنىڭ جاسىل ەكولوگيالىق ومىرشەڭدىگىن، مول تاريحي مادەنيەت مانەرىن جانە تۇلپار مادەنيەتىنىڭ حيكىمەتىن ايگىلەدى.
«ءبىز موڭعۇلكۇرەگە كەشە تۇستەن كەيىن كەلىپ، بۇگىن تۇلپار مەرەكەسىنىڭ باستالۋ سالتىنا قاتىناستىق، ات بايگەسىن كورىپ، بايتاق ساحارانىڭ كوركەم كورىنىسىنەن ءلاززاتتاندىق، ءتىل ۇيىرەتىن ءدامدى تاعامداردان ءدام تاتتىق، بۇل رەتكى ساپارىمىز وتە تاماشا بولدى». شىنجىندىق ساياحاتشى شى لانپيڭ ساياحاتشىلاردىڭ كوڭىلىندەگى سول كۇنگى تەبىرەنىستى وسىلاي دەپ جەتكىزدى.
ءبىر ايدىڭ الدىندا موڭعۇلكۇرە ساحاراسىنا ءوز كولىگىمەن ساياحاتتاي كەلگەن چۇڭچيڭدىق ساياحاتشى چىن جيانحۋا ساحارادا زاۋ جەلگەن جىلقىلاردىڭ اسەم كورىنىسىن كورىپ، ءبىرتالاي تاماشا سۋرەت ءتۇسىرىپ العان ەكەن. ول تەبىرەنە تىلشىگە: موڭعۇلكۇرەنىڭ كليماتى جانعا جايلى، كورىنىسى كەرەمەت ەكەن، سايىن ساحاراسىنىڭ، قار جامىلعان اسقار تاۋىنىڭ، قۇلپىرا اشىلعان 620 مىڭ مۋ جەردەگى قىشى گۇلى مەن 50 مىڭ مۋ جەردەگى پەريللا گۇلىنىڭ سۇلۋ بەينەسىن الدا ءبىر اي تۇرىپ فوتو اپپاراتىما تولتىرا ءتۇسىرىپ قايتپاقشىمىن، - دەدى.
ۇعىسۋعا قاراعاندا، بيىلعى تۇلپار مەرەكەسى 7 - ايدىڭ 16 - كۇنىنەن 8 - ايدىڭ 31 - كۇنىنە دەيىن جالعاسادى. قيمىل كەزىندە ات بايگەسى، «تۇلپار جانە جاڭا ءداۋىر» اتىنداعى كوركەمونەر ويىنى، «موڭعۇلكۇرەنىڭ ءدامدى تاعامدارى» اتىنداعى ەرەكشە اس - سۋ جارمەنكەسى، «گۇلدى القاپتى ەندەي ءوتىپ، موڭعۇلكۇرەنىڭ اسەم كورىنىسىنەن ءلازراتتانۋ» اتىنداعى ۆەلوسيپەد جارىسى، «تۋعان جەردەگى تۇلپارلار ءدۇبىرى» اتىنداعى ات ويىنى، «تۇلپارمەن كەزدەسەم» اتىنداعى جاس وسپىرىمدەردىڭ ات ونەرى جازدىق لاگەرى، «كوك اسپان مەن اقشا بۇلتتىڭ استىندا ەكولوگيالىق موڭعۇلكۇرەنى سەزىنۋ» اتىنداعى ءوز كولىگىمەن ساياحاتتاۋ سياقتى 20 نەشە ءتۇرلى قيمىل وتەدى، بۇعان موڭعۇلكۇرە اۋدانىنداعى ەگىنشى - مالشىلار جاپپاي ات سالىسىپ، ساياحاتشىلاردى تۇلپار مادەنيەتى ساياحاتىمەن سۋسىنداتادى ەكەن.
تانىستىرۋعا قاراعاندا، موڭعۇلكۇرە اۋدانى تۇلپار مەرەكەسىن ۇدايى 26 جىل وتكىزگەن، بۇل مەرەكە 2013 - جىلى اۆتونوميالى رايون دارەجەلى ءىرى ساياحات مەرەكەسى قيمىلى بولىپ تۇراقتاندىرىلعان. بۇگىنگى تاڭدا، موڭعۇلكۇرە تۇلپار مەرەكەسى مەملەكەتىمىزدەگى، ءتىپتى، دۇنيە جۇزىندەگى ات ونەرى اۋەسكەرلەرى مەن ساياحاتشىلار نازار اۋداراتىن تۇيىنگە اينالعان.
سوڭعى جىلدارى، اۋدان وڭىرلىك ساياحاتتى بار كۇشپەن ىلگەرىلەتىپ، تاماشا كورىنىس ءوڭىرى قۇرىلىسى مەن ساياحات - مادەنيەت ماركاسىن جاراتۋدى تەڭ جۇرگىزۋ، توعىستىرىپ بىرگە دامىتۋ، ءوزارا سايكەستىرۋدەي ساياحاتتى دامىتۋ جاعدايىن قالىپتاستىردى. «شوپان جىرى اسقاقتاعان تۇلپار مەكەنى» ماركاسى شينجياڭنىڭ ءىشى - سىرتىنا ايگىلى بولدى. سول كۇنى موڭعۇلكۇرە اۋدانى ەلى
مىزدىڭ جەر - جەرىنەن كەلگەن 24 مىڭ ساياحاتشىنى قابىلدادى، باستالۋ سالتىنا قاتىناسقان ساياحاتشى 10 مىڭعا تايادى. ساندى مالىمەتكە قاراعاندا، بيىل جىل باسىنان بەرى، موڭعۇلكۇرە اۋدانى قابىلداعان ساياحاتشى ءبىر ميلليون 780 مىڭ ادام - رەتكە، ساياحات كىرىسى 549 ميلليون يۋانعا جەتىپ، بىلتىرعى سول تۇستاعىدان ەكەۋى دە %30.1ارتقان.
جاۋاپتى رەداكتورى : مۇحيت امانتاي ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
