اۆتونوميالى رايوندىق پارتكوم تۇراقتى كوميتەتىنىڭ (كەڭەيتىلگەن) ءماجىلىسى باس شۋجي شي جينپيڭنىڭ ورتالىق قازىنا - ەكونوميكا كوميتەتىنىڭ 2 - رەتكى ماجىلىسىندەگى ماڭىزدى ءسوزىنىڭ رۋحىن جەتكىزدى، ۇيرەندى، كەزەكتەگى ەكونوميكالىق جاعداي مەن ەكونوميكالىق قىزمەت تۋرالى تالداۋ جاسادى، اقىلداستى
2018.07.19 14:54 كەلۋ قاينارى : شينجياڭ گازەتى
شي جينپيڭنىڭ جاڭا ءداۋىر جۇڭگوشا سوتسياليزم ەكونوميكا يدەياسىنا تاباندى بولىپ، جاڭا دامۋ ۇستانىمىن دايەكتىلەندىرىپ، بۇكىل رايونىمىز ەكونوميكاسىنىڭ جوعارى ساپالى دامۋىن قۇلشىنا ىلگەرىلەتەيىك
چىن چۋانگو ءماجىلىستى باسقاردى
تىلشىلەرىمىز ياۋ تۇڭ، دۇڭ شاۋحۋا 7 - ايدىڭ 17 - كۇنى ۇرىمجىدەن حابارلايدى. 7 - ايدىڭ 17 - كۇنى ءتۇستىڭ الدىندا اۆتونوميالى رايوندىق پارتكوم تۇراقتى كوميتەتتىڭ (كەڭەيتىلگەن) ءماجىلىسىن اشىپ، باس شۋجي شي جينپيڭنىڭ ورتالىق قازىنا - ەكونوميكا كوميتەتىنىڭ 2 - رەتكى ماجىلىسىندەگى ماڭىزدى ءسوزىنىڭ رۋحىن جەتكىزدى، ۇيرەندى، كەزەكتەگى ەكونوميكالىق جاعداي مەن ەكونوميكالىق قىزمەت تۋرالى تالداۋ جاسادى، اقىلداستى. اۆتونوميالى رايوندىق پارتكومنىڭ شۋجيى چىن چۋانگو ءماجىلىستى باسقاردى.
ءماجىلىس بىلاي دەپ اتاپ كورسەتتى: باس شۋجي شي جينپيڭنىڭ ورتالىق قازىنا - ەكونوميكا كوميتەتىنىڭ 2 - رەتكى ماجىلىسىندەگى ماڭىزدى سوزىندە ەلىمىزدىڭ شەشۋشى، وزەكتى تەحنيكالاردا جاڭالىق اشۋ قابىلەتىن جوعارىلاتۋ، ەكونوميكانىڭ جوعارى ساپالى دامۋىن ىلگەرىلەتۋ جونىندە ستراتەگيالىق ورنالاستىرۋ جاسالىپ، شي جينپيڭنىڭ جاڭا ءداۋىر جۇڭگوشا سوتسياليزم ەكونوميكا يدەياسىن، پارتيا 19 - قۇرىلتايىنىڭ رۋحىن تولىق ايگىلەدى، ءبىز مۇقيات ۇيرەنىپ، تەرەڭ ۇعىنىپ، يدەيا مەن ارەكەتتى باس شۋجي شي جينپيڭنىڭ ماڭىزدى ءسوزىنىڭ رۋحىمەن شىن مانىندە بىرلىككە كەلتىرىپ، شەشۋشى، وزەكتى تەحنيكالاردا جاڭالىق اشۋ قابىلەتىن قۇلشىنا ءوسىرىپ، عىلىم - تەحنيكانى دامىتۋدىڭ ىرىقتى ۇقىعىن مىقتاپ يگەرىپ، ەكونوميكانىڭ جوعارى ساپالى دامۋىن پارمەندى تۇردە قامتاماسىز ەتۋىمىز كەرەك.
ءماجىلىس اۆتونوميالى رايوندىق ۇكىمەت پارتيا باسشىلىق گرۋپپاسىنىڭ بۇكىل رايونىمىزدىڭ الدىڭعى جارتى جىلداعى ەكونوميكالىق اينالىم جاعدايى جونىندەگى مالىمەتىن تىڭدادى. ءماجىلىس بىلاي دەپ اتاپ كورسەتتى: بيىل جىل باسىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، كۇردەلى دە قۇبىلمالى حالىقارالىق ورتا مەن جاپالى، اۋىر رەفورما، دامۋ مىندەتتەرى الدىندا، اۆتونوميالى رايوندىق پارتكوم مەن ۇكىمەت شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 19 - قۇرىلتايىنىڭ جانە پارتيا 19 - كەزەكتى ورتالىق كوميتەتىنىڭ ەكىنشى، ءۇشىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، تياناقتاندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ ارقاۋ ەتىپ، ورنىقتى ارتتىرۋ، رەفورمانى جەبەۋ، قۇرىلىمدى رەتتەۋ، حالىق تۇرمىسىنا تيىمدىلىك جاساۋ، ولقىلىقتاردى تولىقتاۋ، حاۋىپ - قاتەردەن ساقتانۋ قىزمەتتەرىن كۇش سالا جاقسى ىستەدى، قوعامدىق جالپى جاعداي جاراسىمدى، ورنىقتى بولدى، ەكونوميكانىڭ ورنىقتى اينالىم اۋقىمى ساقتالدى، قۇرىلىمدى رەتتەۋ ۇزدىكسىز ساپالىلاندى، حالىق تۇرمىسى ۇزدىكسىز جاقساردى. بۇكىل رايونىمىزدا جوعارىدان تومەنگە دەيىن جاڭا دامۋ ۇستانىمىن دايەكتىلەندىرۋ، قامداۋ جاعىنداعى قۇرىلىمدىق رەفورمانى تەرەڭدەتۋ يدەياسى، ارەكەتى اناعۇرلىم بىرلىككە كەلىپ، ءار ۇلت بۇقاراسىنىڭ تابىس سەزىمى، باقىت سەزىمى جانە ورنىقتىلىق، دامۋ جونىندەگى سەنىمى ۇزدىكسىز ارتتى. بۇل ەكونوميكانىڭ دامۋ تاسىلىنە بۇرىلىس جاساۋدا، ەكونوميكانىڭ جوعارى ساپالى دامۋىن ىلگەرىلەتۋدە كەلەلى ماڭىزعا يە.
ءماجىلىس بىلاي دەپ باسا دارىپتەدى: شي جينپيڭنىڭ جاڭا ءداۋىر جۇڭگوشا سوتسياليزم ەكونوميكا يدەياسىن ىشكەرىلەي دايەكتىلەندىرىپ، ماسەلەنى نىشان ەتۋدەن جازباي، رەفورما جاساۋدى، ەسىك اشۋدى تەرەڭدەتىپ، ەكونوميكانىڭ جوعارى ساپالى دامۋىن بۇلجىماي ىلگەرىلەتۋ كەرەك. ءبىرىنشى، نازاردى باس نىساناعا باتىل تۇردە شوعىرلاندىرۋ كەرەك. قىزمەتتەرگە قوعام ورنىقتىلىعى مەن باياندى تىنىشتىق باس نىساناسىمەن ءبىر تۇتاس باسشىلىق ەتۋگە تاباندى بولىپ، شينجياڭنىڭ قوعامدىق جالپى جاعدايىنىڭ جاراسىمدىلىعىنا، ورنىقتىلىعىنا شىنايى كەپىلدىك ەتىپ، ورنىقتىلىقتىڭ پايداسىن ۇزدىكسىز جارىققا شىعارىپ، ەكونوميكانىڭ دامۋىنا تاماشا ورتا ازىرلەۋ كەرەك.ەكىنشى، جاڭا دامۋ ۇستانىمىن دايەكتىلەندىرۋ كەرەك. جاڭالىق اشا دامۋ، سايكەستى دامۋ، جاسىل دامۋ، اشىق دامۋ، بىرگە يگىلىككە كەنەلەتىن دامۋ سىندى دامۋ ۇستانىمىن مىقتاپ ورناتىپ جانە دايەكتىلەندىرىپ، تياناقتاندىرىپ، بايىپتىلىقپەن ىلگەرىلەۋ سىندى قىزمەت جالپى ارناسىنا تاباندى بولىپ، ەكونوميكالىق دامۋدىڭ جاڭا كۇيىنە ۇيلەسىپ، ونى يگەرىپ، وعان جەتەكشىلىك ەتىپ، دامۋ ساپاسى مەن ونىمدىلىگىن ۇزدىكسىز ءوسىرۋ كەرەك. ءۇشىنشى، بايىپتىلىقپەن ىلگەرىلەۋ سىندى قىزمەت جالپى ارناسىنا تاباندى بولۋ كەرەك. قىزمەت ريتىمى مەن سەرپىنىن ويداعىداي يگەرىپ، ساياساتتاردى ءبىر تۇتاس جوسپارلاپ، ساياساتتاردىڭ سايكەسۋىن كۇشەيتىپ، ەكونوميكالىق اينالىمنىڭ ۇيلەسىمدى ارالىقتا بولۋىنا، تۇرعىنداردىڭ تۇتىنۋ باعاسىنىڭ ارتۋ مولشەرىنىڭ ورنىقتى بولۋىنا، قالا، اۋىل تۇرعىندارىنىڭ كىرىسىنىڭ ارتۋى مەن ەكونوميكانىڭ ارتۋىنىڭ نەگىزىنەن سايكەستى بولۋىنا شىنايى كەپىلدىك ەتىپ، قالا - قالاشىقتارداعى جاڭادان قوسىلعانداردى جۇمىسقا ورنالاستىرۋدىڭ بەلگىلەنگەن نىساناسىن ورىنداپ، قامداۋ جاعىنداعى قۇرىلىمدىق رەفورمانىڭ ماندىك ىلگەرىلەۋشىلىككە قول جەتكىزۋىن ىلگەرىلەتۋ كەرەك. ءتورتىنشى، «3 ۇلكەن قامال الۋ شايقاسىن» ويداعىداي جۇرگىزۋ كەرەك. فينانس حاۋىپ - قاتەرىن تۋ باستان مەڭگەرۋدى كۇشەيتىپ، ۇكىمەتتىڭ قارىزدى باسقارۋىن قاتايتىپ، جۇيەلىك سيپاتتى حاۋىپ - قاتەرلەردىڭ تۋىلماۋىنىڭ تومەنگى شەگىن باتىل ساقتاۋ كەرەك. كەدەيلىكتەن قۇتىلدىرۋدان قامال الۋ نىساناسىنا جانە كەدەيلەردى سۇيەمەلدەۋ ولشەمىنە بۇلجىماي تاباندى بولىپ، كەدەيلەردى دالمە - ءدال سۇيەمەلدەۋ، كەدەيلىكتەن دالمە - ءدال قۇتىلدىرۋ نەگىزگى جالپى جوباسىن بۇلجىتپاي دايەكتىلەندىرىپ، اسىعىپ - اپتىقپاي، اۋسارلىق ىستەمەي، ءارى ەنجارلىقپەن سوزباقتاتپاي، ولشەمدى تومەندەتپەي، ءارى تىم جوعارىلاتىپ جىبەرمەي، 2020 - جىلى بۇكىل رايونداعى كەدەي حالىقتىڭ بۇكىل ەلمەن بىرگە دوڭگەلەك داۋلەتتى قوعامعا وتۋىنە كەپىلدىك ەتۋ؛ لاستانۋدان ساقتانۋ جانە ونى جونگە سالۋ سەرپىنىن ارتتىرىپ، تۇنىق سۋ، جاسىل تاۋدىڭ ءوزى قىمباتتى بايلىق دەيتىن ۇستانىمدى بەرىك ورناتىپ، شينجياڭنىڭ ءار تال اعاشى مەن ءشوبىن، تاۋى مەن سۋىن ويداعىداي قورعاۋ كەرەك. بەسىنشى، 3 ءتۇيىندى قىزمەتتى مىقتى ۇستاۋ كەرەك. مەملەكەتتىڭ «ءبىر بەلدەۋ، ءبىر جول» قۇرىلىسى ورايىن جاقسى يگەرىپ، جىبەك جولى ەكونوميكالىق بەلدەۋىندەگى وزەكتى رايون قۇرۋدى جەدەلدەتىپ، ەكونوميكالىق دامۋدىڭ جاڭا ارتۋ ءوسىن جەتىلدىرۋ؛ اۋىل - قىستاقتى گۇلدەندىرۋ ستراتەگياسىن اتقارۋ ورايىن مىقتى ۇستاپ جانە ودان ويداعىداي پايدالانىپ، اۋىل - قىستاق كاسىپتەرىن، دارىندىلارىن، مادەنيەتىن، ەكولوگياسىن، ۇيىمدارىن وركەندەتۋدى بەلسەنە ىلگەرىلەتۋ؛ قوعامدىق جالپى جاعدايدىڭ باياندى ورنىقتىلىعى ورايىن مىقتى ۇستاپ جانە ودان ويداعىداي پايدالانىپ، ساياحات كاسىبىن بار كۇشپەن دامىتىپ، شينجياڭ ەكونوميكاسىنىڭ ساپالى دامۋىنىڭ ماڭىزدى قوزعاۋشى كۇشىن قالىپتاستىرۋ كەرەك. التىنشى، بازاردىڭ ومىرشەڭدىگىن قاۋلاتۋ كەرەك. بازاردىڭ بايلىقتى جايعاستىرۋداعى شەشۋشى رولىن تولىق ساۋلەلەندىرىپ، بازار مەحانيزمى قالىپتى رول اتقاراتىن شارت - جاعداي جانە ورتا قالىپتاستىرۋعا قۇلشىنىپ، بازار سۋبيەكتىلەرىنىڭ اناعۇرلىم مول ومىرشەڭدىكپەن جانە اناعۇرلىم كەڭ ورىسپەن بايلىق جاراتۋىنا، ەكونوميكانى دامىتۋىنا، حالىقتى باقىتقا كەنەلتۋىنە مۇمكىندىك جاساۋ كەرەك. جەتىنشى، كاسىپ قۇرىلىمىن رەتتەۋ، ساپالىلاندىرۋ كەرەك. «ءۇشتى ازايتۋدى، ءبىردى تومەندەتۋدى، ءبىردى تولىقتاۋدى» تاباندىلىقپەن ىلگەرىلەتىپ، ونىمدىلىگى جوق، ونىمدىلىگى تومەن قامداۋدى ازايتىپ، ءونىمدى قامداۋدى كەڭەيتىپ، ءداستۇرلى قوزعاۋشى قۋاتتى وزگەرتىپ، جاڭارتىپ، جاڭا قوزعاۋشى قۋاتتى بار كۇشپەن جەتىلدىرۋ، دامىتۋ، ساپالىق وزگەرىستى، ونىمدىلىك وزگەرىسىن، قوزعاۋشى كۇش وزگەرىسىن ىلگەرىلەتۋ كەرەك. سەگىزىنشى، قازىنا - فينانستىڭ تىرەكتىك رولىن ساۋلەلەندىرۋ كەرەك. مەجە ەسەپتى باسقارۋدى كۇشەيتىپ، قازىنالىق شىعىستى ساپالىلاندىرىپ، قازىنالىق قارجىنىڭ دەمەۋشىلىك رولى مەن ۇلعايتقىشتىق ونىمدىلىگىن ويداعىداي ساۋلەلەندىرۋ؛ فينانس سۋبيەكتىلەرىن كوبەيتىپ، الۋەتتەندىرىپ، بانكە مەن كاسىپورىنداردىڭ ۇشتاسۋىن كۇشەيتىپ، ءتۇرلى فينانس قۇرىلىمدارىنىڭ جەرگىلىكتى ەكونوميكالىق، قوعامدىق دامۋعا بەلسەنە قىزمەت كورسەتۋىنە قولداۋ كورسەتۋ جانە وعان باستاۋ كەرەك. توعىزىنشى، ىشكى سۇرانىستى بەلسەنە كەڭەيتۋ كەرەك. تۇتىنۋ دەڭگەيىنىڭ جوعارىلاۋ قاجەتىنە ۇيلەسىپ، تۇتىنۋ ورتاسىن ۇزدىكسىز جاقسارتىپ، تۇتىنۋ ساياساتىن كەمەلدەندىرىپ، تۇتىنۋدىڭ قىزۋ تۇيىندەرىن جەتىلدىرىپ، تىڭنان كوركەيگەن تۇتىنۋدى ۇلعايتىپ، ەكونوميكانىڭ ارتۋىنا قوزعاۋشى كۇش ۇستەۋ كەرەك. ونىنشى، رەفورما جاساپ، ەسىك اشۋدى جاپپاي تەرەڭدەتۋ كەرەك. ءتۇيىندى سالالارداعى رەفورمانى تەرەڭدەتىپ، دامۋدىڭ ومىرشەڭدىگىن قاۋلاتىپ، ۇكىمەت قۇرىلىمدارىن ىقشامداپ، ۇقىقتى تومەنگە بەرۋ، ۇقىقتى تومەنگە بەرۋ مەن باسقارۋدى ۇشتاستىرۋ، قىزمەت وتەۋدى ساپالىلاندىرۋ رەفورماسىن تىڭعىلىقتى ىلگەرىلەتىپ، تاماشا دامۋ ورتاسىن قالىپتاستىرىپ، ءتۇرلى كاسىپورىنداردى شينجياڭعا كەلىپ قارجى قوسىپ، شارۋاشىلىقتى وركەندەتۋگە باۋراۋ، شينجياڭ ىشىندەگى كاسىپورىندار مەن باسىمدىققا يە ونىمدەردىڭ «سىرتقا شىعۋىنا» قولداۋ كورسەتىپ، ىشكە - سىرتقا باعىتتالعان ەسىك اشۋ دەڭگەيىن جاپپاي جوعارىلاتىپ، سىرتقا ەسىك اشۋدىڭ جان - جاقتى جاڭا ارناسىن قالىپتاستىرۋ كەرەك. ون ءبىرىنشى، حالىقتى وزەك ەتكەن دامۋ يدەياسىنا تاباندى بولۋ كەرەك. حالىق تۇرمىسىن كۇش سالا قامتاماسىز ەتىپ جانە جاقسارتىپ، حالىققا ءتيىمدى 9 ءتۇرلى ينجەنەريانى ۇزدىكسىز ويداعىداي اتقارىپ، ءار ۇلت حالقىنىڭ تابىس سەزىمىن، باقىت سەزىمىن جانە حاۋىپسىزدىك سەزىمىن ۇزدىكسىز كۇشەيتۋ كەرەك.
ءماجىلىس مىنالاردى اتاپ كورسەتتى: پارتيانىڭ ەكونوميكالىق قىزمەتكە باسشىلىعىن شىنايى كۇشەيتىپ، پارتيانىڭ ەكونوميكالىق قىزمەتكە باسشىلىق ەتۋ مەحانيزمىن اقاۋسىزداندىرۋ، كەمەلدەندىرۋ كەرەك. پارتكومنىڭ ءبىر تۇتاس باسشىلىعىندا، ەكى باسشىلىق القانىڭ ورنىقتىلىق، دامۋ سىندى 2 ءىرى ءىستى مىقتى ۇستاۋىنا تاباندى بولۋ كەرەك. ءار دارەجەلى پارتكومدار ەكونوميكالىق قىزمەتكە ايرىقشا ءمان بەرىپ، ەكونوميكالىق جاعدايعا مەرزىمدى تۇردە تالداۋ جاساپ، كەلەلى باعىت - ساياساتتاردى اقىلداسۋ؛ ءار دارەجەلى ۇكىمەتتەر ەكونوميكالىق قىزمەتتى ناقتى، ويداعىداي ۇستاپ، ەكونوميكالىق دامۋداعى قيىنشىلىقتار مەن ماسەلەلەردى دەر كەزىندە سايكەستىرۋ، شەشۋ؛ ءارقايسى تاراۋلار فۋنكتسيالىق رولدارىن ساۋلەلەندىرىپ، تىعىز سەلبەسىپ، بىرىككەن كۇش قالىپتاستىرۋ؛ ءار دارەجەلى باسشى كادرلار سانالى تۇردە بىلىمدەرىن تولىقتاپ، ماسەلەگە تالداۋ جاساۋ، ماسەلەنى شەشۋ قابىلەتتەرىن كۇشەيتىپ، ەكونوميكالىق قىزمەتكە باسشىلىق ەتۋ قابىلەتى مەن دەڭگەيىن ۇزدىكسىز جوعارىلاتۋ كەرەك. ستيلگە بۇرىلىس جاساپ، ىرىقتىلىقپەن ءىس تىندىرىپ، شىنايى يگەرىپ، ناقتى ىستەپ، ءتۇرلى قىزمەتتەردى تىڭعىلىقتى، ويداعىداي تىندىرىپ، بۇكىل رايون ەكونوميكاسىنىڭ ساپالى دامۋىن ىلگەرىلەتۋ ءۇشىن تىڭ ۇلەس قوسۋ كەرەك.
شوكىرات زاكىر، شاۋكەت يمىن، نۇرلان ءابىلماجىن ۇلى، سۇن جينلۇڭ، لي پىڭشين، شۇي حايرۇڭ، ەركىن تۇنياز، ما شۋەجۇن، تيان ۋىن، لو دۇڭچۋان، سارقىت اقان ۇلى، جاڭ چۇنلين، پىڭ جيارۇي ماجىلىسكە قاتىناستى.
جاۋاپتى رەداكتورى : مۇحيت امانتاي ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
