بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>جوتكەمەلەر

شينجياڭنىڭ قاشقار قالاسىنداعى كونە قالا رايونى شارۋاشىلىق قۇرۋشىلاردى وزىنە باۋرادى

2018.07.19 16:58     كەلۋ قاينارى : شينجياڭ گازەتى

  شينحۋا اگەنتتىگىنىڭ 7 - ايدىڭ 16 - كۇنى ۇرىمجىدەن بەرگەن حابارى (تىلشىلەر گۋ يۇي، ما كاي). 7 - ايداعى شينجياڭنىڭ قاشقار قالاسىندا كۇن شىلىڭگىر ىستىق، ەلىمىزدىڭ ءىشى - سىرتىنا اتى ايگىلى كونە قالا رايونىندا ساياحاتشىلار ءيىن تىرەسەدى. كونە قالا رايونىندا دۇكەن اشاتىن سىچۋاندىق بويجەتكەن جاڭ ساشيا ىلگەرىدە ءار كۇندى اسپاي - ساسپاي راحات وتكىزەم دەپ ويلاعان ەدى، الايدا قازىر ءار كۇنى تىنىعىپ دەمالۋعا كەلەتىن ساياحاتشىلاردى كۇتۋمەن مۇرنىنا سۋ جەتپەيتىن بولدى.

  بيىل جىل باسىنان بەرى، ەلىمىزدىڭ جەر - جەرىنەن ءبىر تالاي جاس قاشقاردىڭ كونە قالا رايونىنا كەلىپ دۇكەن اشىپ، شارۋاشىلىق قۇردى، جاڭ ساشيا سولاردىڭ ءبىرى. «كيىم - كەشەك دۇكەنى، سۋسىندىق دۇكەنى، دالالىق بۇيىمدار دۇكەنى ... سياقتى، وسى جەرگە كەلىپ دۇكەن اشاتىن جاستار كوبەيدى»، - دەدى جاڭ ساشيا. ول قازىرگى دوستارىنىڭ كوبىمەن كونە قالا رايونىنا كەلىپ دۇكەن اشقاننان كەيىن تانىسىپ، دوستاسقان، كوپشىلىك كونە قالا رايونىنىڭ ساياحات بايلىعىنىڭ بولاشاعىنان زور ءۇمىت كۇتۋمەن بىرگە، كونە قالا رايونىنىڭ تۇرمىسى دا ولارعا ەرەكشە ۇنادى.

  بىلتىر جازدا، جاڭ ساشيا تۇڭعىش رەت قاشقارعا ساياحاتتاي كەلگەندە، بايىرعى زامان ەرەكشەلىگىنە يە تۇرعىن ءۇي قۇرىلىستارى، اق جارقىن مەيماندوس اعايلار مەن اپايلار، ۇزاق تاريحقا يە بالشىق ىدىس - اياقتار، ءيىر - قيىر بۇرالاڭ تار كوشەلەر... ت. ب لار جاڭ ساشيانى وزىنە ەرەكشە باۋرايدى، ول چىڭدۋعا قايتىپ بارعاننان كەيىن، اعىلشىن ءتىلى تاربيەلەۋ ورنىنداعى قىزمەتىن تاستاپ قاشقارعا قايتىپ كەلىپ، كونە قالا رايونىندا دۇكەن اشتى. «ءبىر ادام ءبىر قالاعا باۋىر باسىپ قالادى دەيدى ەكەن، الايدا قاشقاردىڭ كونە قالا رايونىنا كەلگەننەن كەيىن كەتكىم كەلمەي قالدى»، - دەدى ول.

  قاشقارعا قايتىپ كەلگەن باستاپقى نەشە ايدا جاڭ ساشيا كونە قالا رايونىنان اتتاپ شىقپادى، ول كوشەلەردى ارالاپ، تۇرعىنداردىڭ ۇيىنە بارىپ، ناعىز كونە قالا تۇرمىسىنىڭ قالاي بولاتىنىن كوزىمەن كوردى. «ءوستىپ وسى جەردى ارالاپ ءجۇرىپ وسى ارادان دۇكەن اشۋ ويىنا كەلدىم، سونىمەن قازىر ناعىز كونەقالالىق بولىپ كەتتىم»، - دەدى جاڭ ساشيا. بيىل 5 - ايدىڭ ورتاسىندا، جاڭ ساشيانىڭ سۋسىندىق دۇكەنى رەسمي تيجارات باستادى، كوپ وتپەي، ونىڭ دۇكەنى جەرگىلىكتى ورىنداعى جاستاردىڭ كونە قالا رايونىنا بارعاندا باس قوساتىن جەرىنە اينالدى، ول تاعى ءوزى تۇسىرگەن سۋرەتتەردى اتكرەتكا ەتىپ جاساپ، ساياحاتشىلاردىڭ دوس - جاراندارىنا پوچتادان جولداپ بەرۋىنە مۇمكىندىك جاراتتى.

  ەرتەرەكتە باسقا جەردەن كونە قالا رايونىنا كەلىپ، دۇكەن اشىپ شارۋاشىلىق قۇرۋشىلاردىڭ ءبىرى بولعان، قاشقار كونە قالا رايونى جاستار قوناق ءۇيىنىڭ جاۋاپتىسى چىن لياڭ جاڭ ساشيانىڭ دۇكەنىنە ۇنەمى بارىپ تۇرادى ءارى ونىڭ جاقىن دوسى. ول جاڭ ساشيا سياقتى باسقا جەردەن كەلىپ، كونە قالا رايونىندا شارۋاشىلىق قۇرۋمەن شۇعىلدانعانداردىڭ تالايىن كوردى. «بىلتىردان بەرى، كونە قالا رايونىنا كەلىپ شارۋاشىلىق قۇراتىندار كوبەيدى، بىرتە - بىرتە، كوپشىلىك ءبىر - بىرىمەن تانىسىپ، دوستاسىپ كەتتى، قازىر ۇنەمى باس قوسىپ، ءوزارا تاجىريبە اۋىستىرىپ تۇرامىز»، - دەدى چىن لياڭ. ول تاعى بىلاي دەدى: كونە قالا رايونىنىڭ ساياحاتى جاندانعاننان كەيىن، ولار وسى اراعا قىزىعىپ، شارۋاشىلىق قۇرۋعا كەلدى.

  جاڭ ساشيا ءوزى جاساعان اتكرەتكانىڭ كۇننەن - كۇنگە ازايىپ بارا جاتقانىن كورىپ بىلاي دەدى: «قازىر ساياحاتشىلار كوبەيدى، كونە قالا رايونى مەن جاساعان اتكرەتكا ارقىلى ەلىمىزدىڭ جەر - جەرىنە تانىلىپ جاتىر». ول ءوزىنىڭ بۇل ىسىنە ايرىقشا ريزا. سوڭعى جارتى جىلداعى ساياحاتتىڭ قاۋىرت مەزگىلىندە، ول ءار كۇنى تاڭەرتەڭ ساعات 9 دا تۇرىپ، قاشقار قالاسىن ارالاپ ءجۇرىپ زات ساتىپ الىپ، كەشتە ساعات 11 دە ارەڭ ۇيىنە قايتادى ەكەن. «ساياحاتشىلار كوبەيگەن سوڭ، مەن ولاردى كۇتۋمەن قاربالاستانىپ، كونە قالا رايونىن ارالاپ سۋرەت تۇسىرۋگە ۋاقىت جار بەرمەي تۇر، اتكرەتكا جەتپەي قالاتىن بولدى»، - دەدى ءسال ناراۋ بەينەدە.
جاۋاپتى رەداكتورى : مانەپ ەربول ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار