بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>جوتكەمەلەر

ستەرەولىق قاتىناس التايدىڭ وڭىرلىك ساياحاتىن دەمەدى

2018.08.15 15:35     كەلۋ قاينارى : شينجياڭ گازەتى

  ەرىكتى ءتىلشى حۋ جۇنشيۋ 8 - ايدىڭ 12 - كۇنى التايدان حابارلايدى. بيىل 7 - ايدا كوكتوعايدان قاناسقا دەيىنگى تۇڭعىش رەتكى تومەن كەڭىستىكتە ۇشىپ ساياحاتتاۋ ءساتتى بولىپ، التاي ايماعىنداعى مەملەكەتتىك 5A دارەجەلى ەكى كورىنىس رايونىنىڭ اراسىنا كەڭىستىك كوپىرىن سالدى، بۇل جولدى قىسقارتىپ قانا قالماستان، ساياحاتشىلار التاي ايماعىنداعى مىڭ شاقىرىمدىق اشەكەيلى ءدالىز بەن كوكتوعاي ساياحات ءوڭىرىن اۋەدەن تاماشالاي الاتىن بولدى.

  وسى كەرەمەت تومەن كەڭىستىكتە ۇشىپ ساياحاتتاۋ − التايدىڭ ساياحات كاسىبى مەن جالپىلىق اۆياتسيا كاسىبىن توعىسپالى دامىتۋىنىڭ، «اۋە اۆتوبۋزى» جوسپارىن اتقارۋىنىڭ جاڭا جاعدايى.

  سوڭعى جىلداردا، تاس جول، تەمىر جول، اۆياتسيا جانە شەكارا وتكەلىن جۇلگە ەتكەن ستەرەولىق قاتىناس تورابىنىڭ كۇننەن - كۇنگە كەمەلدەنۋىنە ساي، التاي ايماعى ەل ءىشى - سىرتىنداعى ساياحاتشىلار ايرىقشا قىزىعاتىن تاماشا جەرگە اينالدى. التاي ايماقتىق ساناق مەكەمەسىنىڭ ساندى مالىمەتى 2017 - جىلى تۇتاس ايماق بويىنشا 16 ميلليون ادام - رەت ساياحاتشى قابىلداپ، سايكەس مەزگىلدەگىدەن %50 ارتقاندىعىن؛ 2018 - جىلى 1 - ايدان 6 - ايعا دەيىن تۇتاس ايماق بويىنشا 4 ميلليون 487 مىڭ ادام - رەت ساياحاتشى قابىلداپ، ساياحات كىرىسىنىڭ 3 ميلليارد 520 ميلليون يۋانعا جەتىپ، سايكەس مەزگىلدەگىدەن جەكە - جەكە %37.6 جانە % 89.3 ارتقاندىعىن كورسەتتى. ساياحات كاسىبىنىڭ قارقىندى دامۋى التايدىڭ شار تاراپقا تارامدالعان ستەرەولىق قاتىناس تورابىنىڭ ناتيجەسى.

  حالىقتىق اۆياتسيا قاتىناسى ءبىر قالانىڭ سىرتقا ەسىك اشۋىنىڭ تەرەزەسى بولۋمەن قاتار، قالانىڭ كەلبەتىن ايگىلەيتىن تاماشا تانىسقى. التاي ايماعىندا اۆياتسيا كاسىبىنە قارجى قوسۋ شەكتى جاۋاپكەرشىلىك سەرىكتەستىگى ءساتتى قۇرىلعاننان كەيىن، التايدان ءۇرىمجى، قارامايلى، شاۋەشەك، قۇلجا، قاشقار، كورلا، شىحىزى سياقتى شينجياڭ ىشىندەگى 7 قالاعا جانە شىنجىن، چۇڭچيڭ، جىڭجوۋ، لانجوۋ، شي - ان، نانجيڭ سياقتى ەلىمىزدەگى 6 نەگىزگى قالاعا توتە ۇشۋدى نەمەسە ايالداۋدى ىسكە اسىرىپ، التايمەن شينجياڭنىڭ ءىشى - سىرتىنداعى نەگىزگى قالالار اراسىنداعى اۋە جولىن اشتى. سونىمەن بىرگە، كوكتوعاي - قاناس كورىنىس رايونىندا اينالىپ ۇشاتىن بولدى، كوكتوعاي - قاناس تومەن كەڭىستىك جەلىسى ءساتتى اشىلدى، شينجياڭ تيانشياڭ اۆياتسيا شۋەيۋانىنىڭ كوكتوعاي بازاسى ىسكە قوسىلىپ، التاي ايماعى ساياحاتىنىڭ ىركىلىسسىز بولۋ شارت - جاعدايىن كورنەكتى جاقسارتتى.

  التاي ايماقتىق دامۋ - رەفورما كوميتەتى پارتيا باسشىلىق گرۋپپاسىنىڭ شۋجيى ليۋ حۇڭمەيدىڭ تانىستىرۋىنا قاراعاندا، التاي ايماعى التاي، قاناس جانە كوكتوعاي 3 حالىقتىق اۋەجايىن سالىپ بولعان. بيىل بۋىرشىن اۋدانىنداعى، جەمەنەي اۋدانىنداعى، بۋرىلتوعاي اۋدانىنداعى 3 جالپىلىق اۋەجايدى سالۋ جۇمىستارىن باستاۋدى جوسپارعا الدى، ايماقتىڭ ىشىندەگى توتە اۋەجايلار مەن جالپىلىق اۋەجايلاردىڭ اراسىندا قاتىناۋدى بىرتىندەپ ىسكە اسىرادى ەكەن.

  2017 - جىلى 6 - ايدىڭ 10 - كۇنى بەيتۇن - التاي تەمىر جولىندا رەسمي پويەز قاتىناپ، التاي ايماعىنىڭ ساياحات ىستەرىن ۇزاق ۋاقىت مازالاپ كەلگەن قاتىناس «بوگەتىن» شەشتى. وسى ايدا، سولتۇستىك شينجياڭدى اينالاتىن «التىن ءۇشبۇرىش» ساياحات ارناۋلى پويەزى قاتىناپ، ءار كۇنى 2 پويەز قۇلجا، التاي باعىتتارىنان قوس باعىتتا قاراما - قارسى قاتىنادى، بۇل ءۇرىمجى، قۇلجا، التاي ءۇش جەردى باسىپ وتەدى، التايدىڭ ساياحات كاسىبى «ساپار الىس، ساياحات قىسقا بولۋدان» «ساپاردى تەزدەتىپ، ساياحاتتى باياۋلاتۋعا» قاراي بۇرىلىس جاسادى.

  2017 - جىلى 9 - ايدىڭ 5 - كۇنى حيلۇڭجياڭنىڭ شينجياڭعا كومەكتەسەتىن تۇڭعىش ساياحات ارناۋلى پويەزى «لۇڭتايحاۋ» التايعا جەتىپ، 10 - ايدىڭ 1 - كۇنىنە دەيىن جيىنى 4 رەت قاتىنادى، ءار رەتىندە مولشەرمەن 900گە تارتا ادام تاسىدى. بيىل «لۇڭتايحاۋ» ارناۋلى پويەزى كوبەيتىلدى، جيليننىڭ شينجياڭعا كومەكتەسەتىن ارناۋلى پويەزى جاڭادان قاتىنادى، بۇل شينجياڭعا كومەكتەسەتىن ولكە، قالالاردان مولشەرمەن نەشە 100 مىڭ ساياحاتشىنىڭ التايعا ساياحاتتاي كەلۋىنە جەبەۋشى بولدى.

  ساياحات كاسىبىنىڭ دامۋىن ارقاۋ ەتىپ، التاي ايماعى «قاتىناس + ساياحات» قۇرىلىسىن بار كۇشپەن ىلگەرىلەتىپ، اۋىل - قىستاق ساياحات تاس جولى قۇرىلىسىن زور كۇشپەن جەدەلدەتىپ، باتىستان شىعىسقا قاراي تۇتاسقان التاي ءوڭىرى كورىنىس رايوندارىنىڭ تاس جول قاتىناس جەلىسىن بىرتىندەپ قالىپتاستىردى. G216 جەلىسىنىڭ بەيتۇن - كوكتوعاي، S18 جەلىسىنىڭ التاي - بۋىرشىن، S18 جەلىسىنىڭ بۋىرشىن - جەمەنەي شەكارا وتكەلى، S232 جەلىسىنىڭ بۋىرشىن - قاناس اۋە جايى، G331 جەلىسىنىڭ بۋىرشىن - قابا سىندى 5 جوعارى دارەجەلى تاس جول قۇرىلىسىن ءتۇيىندى جۇرگىزىپ، تاس جول قىزمەت كورسەتۋ رايونىنىڭ، اۆتوكولىك توقتاتۋ رايونىنىڭ قىزمەت كورسەتۋ يقۋاتى قۇرىلىسىن ۇزدىكسىز كەمەلدەندىرىپ، تاس جول دارەتحانالارى رەفورماسىن ىلگەرىلەتتى.

  بۋىرشىن اۋدانى شۇڭقىر قالاشىعى قىزىلقايىڭ قىستاعىنىڭ تۇرعىنى ەربۇلا: اسفالت جول جاسالىپ اۆتوكولىك قاتىنادى، ورتا جاقساردى، ساياحاتشىلار كوبەيدى. پارتيا مەن ۇكىمەتتىڭ زور كۇشپەن قولداۋىندا ءبىز ساياحات كاسىبىن دامىتتىق، كىرىسىمىز مولايدى، - دەدى قۋانىشپەن.
جاۋاپتى رەداكتورى : مانەپ ەربول ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار