اۆتونوميالى رايون ورتالىقتىڭ «8 ءتۇرلى بەلگىلەمەسىنىڭ» رۋحىنا قايشىلىق جاساعان 6 تيپتىك ماسەلەنى اشىق جاريالادى
2018.08.21 15:25 كەلۋ قاينارى : شينجياڭ گازەتى
ءوز حابارىمىز. تاياۋدا اۆتونوميالى رايوندىق ءتارتىپ تەكسەرۋ كوميتەتى، باقىلاۋ - تەكسەرۋ كوميتەتى ورتالىقتىڭ «8 ءتۇرلى بەلگىلەمەسىنىڭ» رۋحىنا قايشىلىق جاساعان 6 تيپتىك ماسەلەنى اشىق جاريالادى. بۇل 6 تيپتىك ماسەلە مىنالار:
1. بۇگىر اۋداندىق حالىق ىستەرى مەكەمەسى پارتيا باسشىلىق گرۋپپاسىنىڭ بۇرىنعى ورىنباسار شۋجيى، بۇرىنعى مەكەمە باستىعى ءانۋار جۇمانىڭ بەلگىلەمەگە قايشىلىق جاساپ تارتۋ - تارالعى، اقشا الۋى سياقتى ماسەلەلەرى. 2013 - جىلدان 2017 - جىلعى قۇربان ايت مەرەكەسىنە دەيىنگى ارالىقتا، ءانۋار جۇما ءوزى باسقاراتىن جانە قىزمەت كورسەتەتىن وبيەكتىلەردەن جالپى 21 مىڭ 400 يۋاندىق قۇنعا يە تارتۋ - تارالعى، اقشا العان؛ 2014 - جىلى 10 - ايدان 2016 - جىلى 8 - ايعا دەيىن ءانۋار جۇما ۇكىمەت اۆتوموبيلىن تالاي رەت ءوزىنىڭ جانە تۋىس - تۋعاندارىنىڭ جەكە شارۋاسىنا پايدالانعان. مۇنان تىس، ءانۋار جۇمانىڭ تارتىپكە قايشىلىق جاساعان باسقا دا ماسەلەلەرى بار. 2018 - جىلى 6 - ايدا ءانۋار جۇماعا پارتيادا قالدىرىپ ءبىر جىل بايقاپ كورۋ، اكىمشىلىك مىندەتىنەن قالدىرۋ جازاسى بەرىلدى.
2. شەريا اۋدانى ۇلىساي اۋىلدىق پارتكومنىڭ بۇرىنعى ورىنباسار شۋجيى، بۇرىنعى اۋىل باستىعى مامەتجان ءماتتۇردىنىڭ بەلگىلەمەگە قايشىلىق جاساپ تارتۋ - تارالعى الۋى سياقتى ماسەلەلەرى. 2014 - جىلدان 2017 - جىلعى قۇربان ايت مەرەكەسىنە دەيىنگى ارالىقتا، مامەتجان ءماتتۇردى ءوزى باسقاراتىن جانە قىزمەت كورسەتەتىن وبيەكتىلەردىڭ وزىمەن جاقىنداسۋ ماقساتىندا ۇسىنعان جالپى 7200 يۋاندىق جەرگىلىكتى ەرەكشە ءونىم سياقتى تارتۋ - تارالعىسىن العان. مۇنان تىس، مامەتجان ءماتتۇردىنىڭ تارتىپكە قايشلىق جاساعان باسقا دا ماسەلەلەرى بار. 2018 - جىلى 5 - ايدا مامەتجان ءماتتۇردىعا پارتيا ىشىندەگى مىندەتىنەن الۋ، اكىمشىلىك مىندەتىنەن قالدىرۋ جازاسى بەرىلدى.
3. شينجياڭ قازىنا - ەكونوميكا داشۋەسى اماندىق قورعاۋ باسقارماسىنىڭ بۇرىنعى ورىنباسار باستىعى راسۇل مۇسانىڭ ۇلىنىڭ ۇيلەنۋ تويىن كولەمدەندىرىپ وتكىزۋ ماسەلەسى. 2018 - جىلى 5 - ايدا راسۇل مۇسا ۇيىمعا «باسشى كادرلاردىڭ توي - تومالاق، ءنازىر - شىراق ىستەرىن وتكىزۋدى مالىمدەۋ كەستەسىن» تاپسىرىپ، قاتىستى بەلگىلەمەگە قاتاڭ بويسۇناتىندىعى جونىندە ۋادە بەرە تۇرا، بەلگىلەمەگە قاساقانا قايشىلىق جاساپ، ءمانسابىنىڭ ىقپالىنان پايدالانىپ، ۇلىنىڭ ۇيلەنۋ تويىن كولەمدەندىرىپ وتكىزىپ، تويعا بەلگىلەمەدەگى كولەمنەن اسىرا 520دان استام ادام شاقىرعان، ءوزى باسقاراتىن جانە قىزمەت كورسەتەتىن وبيەكتىلەردى تويعا شاقىرىپ، 66 مىڭ يۋاننان استام اقشا جيعان. مۇنان تىس، راسۇل مۇسانىڭ تارتىپكە قايشىلىق جاساعان باسقا دا ماسەلەلەرى بار. 2018 - جىلى 5 - ايدا راسۇل مۇساعا پارتيادا قالدىرىپ 2 جىل بايقاپ كورۋ، اكىمشىلىك مىندەتىنەن قالدىرۋ جازاسى بەرىلدى.
4. تەكەس اۋداندىق حالىق شيپاحاناسىنىڭ باستىعى لۋ جىڭنىڭ قوسىمشا قاراجات، كومەك قاراجات تاراتۋ ماسەلەسى. 2014 - جىلى 1 - ايدان 2016 - جىلى 8 - ايعا دەيىن لۋ جىڭ جۇمىس اقى دەگەن اتپەن بەلگىلەمەگە قايشىلىق جاساپ شيپاحانا باسشىلىق القاسىنىڭ 5 مۇشەسىنە 57 مىڭ 100 يۋان قوسىمشا قاراجات، كومەك قاراجات تاراتقان. ءوزى 25 مىڭ 200 يۋان العان. مۇنان تىس، لۋ جىڭنىڭ بەلگىلەمەگە قايشىلىق جاساعان باسقا دا ماسەلەلەرى بار. 2018 - جىلى 7 - ايدا لۋ جىڭعا پارتيا ىشىندە قاتاڭ ەسكەرتۋ جازاسى بەرىلدى.
5. قارامايلى قالالىق پوچتا باسقارۋ مەكەمەسى پارتيا باسشىلىق گرۋپپاسىنىڭ شۋجيى، مەكەمە باستىعى ۋاڭ جيانميڭنىڭ ۇكىمەت اۆتوموبيلىن جەكە شارۋاعا پايدالانۋ ماسەلەسى. 2016 - جىلى 10 - ايدان 2017 - جىلى 12 - ايعا دەيىن ۋاڭ جيانميڭ جەكە شارۋاسى ءۇشىن مەكەمەنىڭ اۆتوموبيلىمەن تالاي رەت شىحىزىعا بارعان، تۋىس - تۋعاندارىن اپارىپ - اكەلگەن، ت.ب. مۇنان تىس، ۋاڭ جيانميڭنىڭ تارتىپكە قايشىلىق جاساعان باسقا دا ماسەلەلەرى بار. 2018 - جىلى 6 - ايدا ۋاڭ جيانميڭگە پارتيا ىشىندە قاتاڭ ەسكەرتۋ جازاسى بەرىلدى.
6. يىڭسار اۋداندىق كاسىپتىك ورتا مەكتەپ پارتيا ياچەيكاسىنىڭ شۋجيى، مەكتەپتىڭ ورىنباسار باستىعى گۇلبوستان ابەيدوللانىڭ كەڭسەسىنىڭ ولشەمنەن اسىپ كەتۋ ماسەلەسى. 2016 - جىلى 5 - ايدان 2018 - جىلى 5 - ايعا دەيىن گۇلبوستان ابەيدوللا ۇزاق ۋاقىت بويى كەڭسەنى ولشەمنەن اسىرا پايدالانىپ، ناشار ىقپال تۋدىرعان. 2018 - جىلى 6 - ايدا گۇلبوستان ابەيدوللاعا پارتيا ىشىندە قاتاڭ ەسكەرتۋ جازاسى بەرىلدى.
جوعارىدا ايتىلعان 6 تيپتك ماسەلەنىڭ تاربيەلىك ساباعى تەرەڭ، ادامدى تۇرشىكتىرەدى. بۇل ماسەلەلەر از ساندى پارتيالى كادرلاردىڭ تەگەۋرىندى جاعدايدا دا ءالى دە ەپتەپ - سەپتەپ قۇتىلىپ كەتۋ ويىندا بولىپ، تارتىپكە قاساقانا قايشىلىق جاساپ، وزىنە تيىم سالماي، قولىن تارتپاي، توقتاۋ سالماعانىن كورسەتتى.
قۇربان ايت مەرەكەسى تاياپ قالدى، تۇتاس رايونىمىزداعى ءار دارەجەلى پارتيا ۇيىمدارى، ءتارتىپ تەكسەرۋ، باقىلاۋ - تەكسەرۋ ورگاندارى باستان - اياق تەگەۋىرىندى كۇيدى ساقتاپ، مەرەكە كەزىندەگى «ءتورت ءتۇرلى بۇرىس ستيل» ماسەلەسىن ءجىتى قاداعالاپ، قايتا ءورشۋىنىڭ الدىن الىپ، 3 جاقتاعى ءتۇيىندى قىزمەتتەردى تياناقتاندىرۋ كەرەك: ءبىرىنشى، باقىلاۋدى، تەكسەرۋدى كۇشەيتۋ. مەرەكە كەزى پارتيالى كادرلاردىڭ بەلگىلەمەگە قايشىلىق جاساپ، ۇكىمەت اقشاسىمەن ءىشىپ - جەۋ، باسقارۋ، قىزمەت كورسەتۋ وبيەكتىلەرىنىڭ ورنالاستىرعان قوناعاسىلارىنا بارۋ، تارتۋ - تارالعى، اقشا الۋ سياقتى ماسەلەلەر وڭاي، كوپ تۋىلاتىن كەزى، ءتۇرلى فورمالاردان پايدالانىپ، باعىتتامالى تۇردە باقىلاۋ - تەكسەرۋ ورىستەتىپ، ماسەلەنىڭ تۋىلۋىنىڭ الدىن الۋ كەرەك. ەكىنشى، تاربيە بەرىپ ەسكەرتۋگە ءمان بەرۋ. مەرەكە كەزىندە «ءتورت ءتۇرلى بۇرىس ستيل» ماسەلەسىن وڭاي، كوپ تۋدىراتىن تۇرلەردى جانە ادامدار توبىن دالمە - ءدال مەڭگەرىپ، راديو - تەلەۆيزور، گازەت - جۋرنال، ينتەرنەت، ءۇنحات، قول تەلەفون كلەنتى سياقتى اقپارات قۇرالدارىنان تولىق پايدالانىپ، كوپ ارنالارمەن، الۋان تۇرعىدان ۇگىتتەۋدى، جۇمىلدىرۋدى كۇشەيتىپ، تاربيە بەرۋدى، ەسكەرتۋدى باعىتتامالى ورىستەتىپ، قاتىستى ساياسات - قاعيدالاردى كەڭىنەن ۇگىتتەپ، ەرەجە - تالاپتاردى ءتۇسىندىرىپ، ءتارتىپتى قاتاڭ اتقارۋدىڭ كۇشتى سيگنالىن ۇزبەي بەرىپ، پارتيالى كادرلاردى تومەنگى شەكتى ايقىنداپ، تارتىپكە بويسۇنىپ، يمەنىپ، ۇكىمەت ءىسى مەن جەكە ءىسىن پارىقتايتىن، ۇنەمشىلدىكتى دارىپتەپ، ىسىراپشىلدىقتى شەكتەيتىن ادەتتى سانالىلىقپەن قالىپتاستىرۋعا باستاپ، ورتالىقتىڭ «8 ءتۇرلى بەلگىلەمەسىنىڭ» رۋحىنىڭ، تالاپتارىنىڭ كوكەيگە ۇيالاپ، ادەتكە اينالۋىن ىلگەرىلەتۋ كەرەك. ءۇشىنشى، ءتارتىپ اتقارۋدى، جاۋاپقا تارتۋدى قاتايتۋ. بەلگىلەمەگە، تارتىپكە قايشىلىق جاساعان ماسەلەلەردىڭ بايقالعاندارىن قاتاڭ تەكسەرىپ، ءبىر جاقتى ەتۋ، استە ىرقىنا جىبەرمەۋ كەرەك؛ تيپتىك ماسەلەلەردى اشىق جاريالاپ، قالىڭ پارتيالى كادرلارعا ساقتاندىرۋ تاربيەسىن جۇرگىزۋ كەرەك.
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
