وقۋشىلارعا قارجىلاي كومەكتەسۋ ساياسات جۇيەسى بۇكىل رايونىمىزداعى ءار دارەجەلى، ءار ءتۇرلى مەكتەپتەردى جاپپاي قامتىدى
كەدەي وقۋشىلاردىڭ وقۋ جولىن نۇرلاندىردى
2018.09.06 15:34 كەلۋ قاينارى : شينجياڭ گازەتى
ءتىلشىمىز جاۋ شييا 9 - ايدىڭ 5 - كۇنى ۇرىمجىدەن حابارلايدى. «مەملەكەتتىك ساحناعا شىعا العاندىعىم جونىندەگى العىسىمدى ايتىپ تاۋىسا الار ەمەسپىن، مەن سىن - سايىس پەن ەسەيىپ - ەرجەتۋ بارىسىندا العىس ايتاتىن، جىگەرلەندىرەتىن كۇرەس رۋحىن تاراتامىن»، - دەدى 9 - ايدىڭ 4 - كۇنى رايحانگۇل تىلشىگە. پارتيا مەن مەملەكەتتىڭ وقۋشىلارعا قارجىلاي كومەكتەسۋ سىندى حالىققا تيىمدىلىك جەتكىزۋ ساياساتىنىڭ ارقاسىندا، باي اۋداندىق كاسىپتىك تەحنيكالىق مەكتەپتىڭ 3 - جىلدىق وقۋشىسى رايحانگۇل توحتى «T فورمالى تەكشەگە» شىعۋ ارمانىن جۇزەگە اسىرىپ، بۇكىل مەملەكەتتىك كاسىپتىك مەكتەپتەردىڭ ونەر جارىسى ساحناسىنان كورىندى. رايحانگۇلدىڭ ءۇيى اۋىلدا، شەشەسى سالماقتى ناۋقاسقا شالدىققان، وتباسىنىڭ ەكونوميكالىق قيىنشىلىعى ءبىرشاما اۋىر بولاتىن. تەگىن ورتا دارەجەلى كاسىپتىك مەكتەپتەردەگى قارجىلاي كومەكتەسۋ نىسانىنىڭ كومەگىندە ول باي اۋداندىق كاسىپتىك تەحنيكالىق مەكتەپكە وقۋعا ءتۇستى، ورتا دارەجەلى كاسىپتىك تەحنيكالىق مەكتەپتەرگە باعىتتالعان مەملەكەتتىك وقۋ جاردەماقىسى ونى ۋايىمنان ارىلتتى، وقىتۋشىسى ونىڭ باي اۋدانىنان شينجياڭعا كومەكتەسۋ بويىنشا وقۋعا جاردەم بەرۋ نىسانى − «مەيىرىمدىلىك وقۋ جاردەماقىسىن» الۋعا ءوتىنىش بەرۋىنە كومەكتەستى.
قازىر وقۋ ماۋسىمى باستالدى، رايونىمىزداعى رايحانگۇل سياقتى ۇيلەرىندە ەكونوميكالىق قيىنشىلىعى بار جاڭادان وقۋعا تۇسكەن وقۋشىلار، مەيلى ورتا دارەجەلى كاسىپتىك مەكتەپ، تولىق ورتا، داشۋە بولسىن، وقۋعا قابىلداۋ ۇقتىرۋىن السا بولعانى «جاسىل ارنا» سياقتى كوپ ءتۇرلى شارالاردان يگىلىكتەنىپ، وقۋعا ءساتتى تۇسە الاتىن بولدى.
ساناققا نەگىزدەلگەندە، بيىل الدىڭعى جارتى جىلدا رايونىمىز 5 ميلليارد 77 ميلليون يۋان قارجىلاي كومەكتەسۋ اقىسىن تاراتىپ، 4 ميلليون 27 مىڭ 200 ادام - رەت وقۋشىنى تيىمدىلىككە كەنەلتكەن، قارجىلاي كومەكتەسۋ ساياساتىنىڭ نۇر - شۇعىلاسى سان مىڭداعان كەدەي وقۋشىلاردىڭ وقۋ جولىن نۇرلاندىرۋدا.
جۋىقتاعى جىلداردان بەرى پارتيا ورتالىق كوميتەتىنىڭ وسكەلەڭ ءمان بەرۋى مەن قامقورلىق جاساپ قولداۋىندا، رايونىمىز «ىشكەرىلەي تۇتاستىرىلعان، كولدەنەڭ باعىتتا جالعاستىرىلعان، ءار دارەجەلى، ءار ءتۇرلى مەكتەپتەردى جاپپاي قامتىعان، وقۋ اقىسىن كەشىرىم ەتۋ، سيلىق اقى بەرۋ، جاردەماقى بەرۋ، قارىز اقشا بەرۋ، تولىقتاما بەرۋ ءبىر تۇلعالانعان» وقۋشىلارعا قارجىلاي كومەكتەسۋ ساياسات جۇيەسىن ورناتىپ، ءار وقۋ ساتىسىندا «تۇتاس بارىس بويىنشا قامتۋدى، ساڭلاۋسىز ۇشتاستىرۋدى» جۇزەگە اسىردى. مۇندا، اۋىل - قىستاقتاردا مەكتەپكە دەيىنگى 3 جىلدىق تەگىن قوس ءتىل وقىتۋى جالپى بەتتىك جالپىلاستى؛ مىندەتتى وقۋ - اعارتۋ ساتىسىندا «ەكىنى كەشىرىم ەتۋ، ءبىردى تولىقتاۋ» ساياساتىن اتقارۋ نەگىزىندە، 2011 - جىلدان باستاپ اۋىل - قىستاق مىندەتتى وقۋ - اعارتۋ ساتىسىنداعى وقۋشىلاردىڭ قورەكتىگىن جاقسارتۋ جوسپارى اتقارىلدى؛ تولىق ورتا ساتىسىنداعى وقۋشىلار (ادەتتەگى تولىق ورتا جانە ورتا دارەجەلى كاسىپتىك مەكتەپتەر) مەملەكەتتىڭ وقۋ قاراجاتىن كەشىرىم ەتۋ، جاتاق اقىسى مەن وقۋ ماتەريالدارى اقىسىنا جاردەماقى بەرۋ سياقتى كوپ ءتۇرلى تيىمدىلىك ساياساتتارىنان يگىلىكتەندى؛ جوعارى دارەجەلى وقۋ - اعارتۋ ساتىسىنداعى وقۋشىلار مەملەكەتتىڭ وقۋ جاردەماقىسى، مەملەكەتتىڭ ىنتالاندىرۋ سيلىق اقىسى، مەملەكەتتىڭ سيلىق اقىسى، اۆتونوميالى رايوندىق حالىق ۇكىمەتىنىڭ ىنتالاندىرۋ سيلىق اقىسى جانە اۆتونوميالى رايوندىق حالىق ۇكىمەتىنىڭ وقۋ جاردەماقىسى، مەملەكەتتىڭ وقۋعا جاردەم بەرۋ قارىز اقشاسى سياقتى كوپ ءتۇرلى تيىمدىلىك ساياساتتارىنان يگىلىكتەندى.
وقۋشىلارعا كومەكتەسۋدە «بىردە - بىرەۋىنىڭ كەم قالماۋىنا، بىردە - بىرەۋىنىڭ قاعىس قالماۋىنا» كەپىلدىك ەتۋ ءۇشىن، رايونىمىز اۆتونوميالى رايون، ايماق (وبلىس، قالا)، اۋدان (قالا، رايون) جانە مەكتەپ 4 دارەجەلى وقۋشىلارعا قارجىلاي كومەكتەسۋدى باسقارۋ جۇيەسىن ورناتتى. تۇتاس شينجياڭنىڭ ايماق، وبلىس، قالالارى تۇگەلدەي وقۋشىلارعا قارجىلاي كومەكتەسۋ ورگانىن قۇردى، اۋدان دارەجەلى قارجىلاي كومەكتەسۋ ورگاندارى مەن ءار دارەجەلى مەكتەپتەگى قارجىلاي كومەكتەسۋ ورگاندارى ىركەس - تىركەس قۇرىلىپ، مەملەكەتتىڭ جانە اۆتونوميالى رايوننىڭ ءار دارەجەلى، ءار ءتۇرلى قارجىلاي كومەكتەسۋ ساياساتتارىنىڭ ءساتتى اتقارىلۋىن ۇيىمدىق جاقتان قامتاماسىزداندىردى.
سونىمەن بىرگە، رايونىمىز وقۋ - اعارتۋ مينيسترلىگى مەن اۆتونوميالى رايوننىڭ وقۋ - اعارتۋ ساندى مالىمەت ورتالىعىن تايانىش ەتىپ، مەكتەپكە دەيىنگى تاربيەدەن جوعارى دارەجەلى وقۋ - اعارتۋعا دەيىنگى كەزەڭدى قارجىلاي كومەكتەسۋ ينفورماتسياسىن باسقارۋ تۇعىرىمەن ءونىمدى قامتىدى ءارى بيىل كۇزگى وقۋ ماۋسىمىنان باستاپ سىناق رەتىندە جۇمىس باستايدى.
«<ساندى مالىمەتتى جوعارى قاراي بارىنشا شوعىرلاندىرۋ، قولدانىمدى تومەن قاراي شەكسىز كەڭەيتۋ> سىندى باسقارۋ مەحانيزمى مەن تەحنيكالىق قامتاماسىزدىق وقۋشىلارعا قارجىلاي كومەكتەسۋ ينفورماتسياسىنىڭ دالمە - دالدىگىنە نەگىز قالايدى»، - دەدى اۆتونوميالى رايوندىق وقۋ - اعارتۋ مەڭگەرمەسىنىڭ قاتىستى جاۋاپتىسى. ءبىر قىدىرۋ تۇزىمدەردى شىعارۋداعى ماقسات − مەملەكەتتىڭ جانە اۆتونوميالى رايوننىڭ قارجىلاي كومەكتەسۋ قاراجاتىنىڭ ناقتى ونىمدىلىگىن ساۋلەلەندىرۋىنە كەپىلدىك ەتىپ، «بىردە - ءبىر بالانىڭ وتباسىنىڭ ەكونوميكالىق قيىنشىلىعى سەبەبىنەن وقۋدان قالۋىنا جول قويماۋ» سىندى ايبىندى ۋادەنى جۇزەگە اسىرۋ. اۆتونوميالى رايوندىق وقۋ - اعارتۋ مەڭگەرمەسى جەر - جەردەن «دالمە - ءدال قارجىلاي كومەكتەسۋ» ۇستانىمىن وقۋشىلارعا قارجىلاي كومەكتەسۋ قىزمەتىنىڭ تۇتاس بارىسىنا ءسىڭىرىپ، قارجىلاي كومەكتەسۋ وبيەكتىسى جاعىندا دالمە - ءدال بولۋعا كەپىلدىك ەتىپ، جەتىم، مۇگەدەك وقۋشىلار، ەڭ تومەنگى تۇرمىسى قامتاماسىزداندىرىلاتىن وتباسىلارى، اپات سەبەبىنەن كەدەيلەسكەندەر سياقتى 6 ءتۇرلى ادامدى قارجىلاي كومەكتەسۋ كولەمىنە كىرگىزۋدى تالاپ ەتتى. سونىمەن بىرگە، پارىقتى قارجىلاي كومەكتەسۋدى جۇزەگە اسىرىپ، كومەكتەسۋگە تيىستىلەرىنە مۇمكىندىگىنشە كومەكتەسۋدەن جازباي، قارجىلاي كومەكتەسۋدە قاعىس قالدىرماۋعا، قارجىلاي كومەكتى باسقالاردىڭ اتىن جامىلىپ الماۋىنا كەپىلدىك ەتىپ، «ءبىر بالاعا قارجىلاي كومەكتەسۋ ارقىلى ءبىر وتباسىن جەتەكتەۋ، تۇتاس قوعامعا اسەر ەتۋ» سىندى ادام تاربيەلەۋ ونىمدىلىگىنە شىن مانىندە قول جەتكىزدى.
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
