بەيبىتشىلىك پەن دامۋ سىندى داۋىرلىك سۇراۋعا ويداعىداي جاۋاپ بەرەيىك
2018.09.07 14:14 كەلۋ قاينارى : شينجياڭ گازەتى
− ءتوراعا شي جينپيڭنىڭ جۇڭگو - افريكا سەلبەستىك تالقى مىنبەرىنىڭ بەيجيڭدەگى باسشىلار باس قوسۋىنىڭ اشىلۋ سالتىندا سويلەگەن ارقاۋ ءسوزى تۋرالى
حالىق گازەتىنىڭ شولۋشىسى
ءبىر داۋىردە ءبىر داۋىرلىك تاقىرىپ بولادى، ءبىر ءداۋىر ادامدارىندا ءبىر ءداۋىر ادامدارىنىڭ بورىشى بولادى.
«ءبىز مىناعان كامىل سەنەمىز: بەيبىتشىلىك پەن دامۋ − قازىرگى ءداۋىردىڭ نەگىزگى تاقىرىبى، سونداي - اق ءداۋىردىڭ العا قويعان سۇراۋى، ول حالىقارالىق قوعامنىڭ ىنتىماق، اقىل - پاراسات، باتىلدىق ارقىلى تاريحي جاۋاپكەرشىلىكتى ارقالاۋىن، ءداۋىردىڭ سۇراۋىنا جاۋاپ قايتارۋىن، ءداۋىردىڭ جاۋاپكەرلىگىن ارقالاۋىن قاجەت ەتەدى». 2018 - جىلعى جۇڭگو - افريكا سەلبەستىك تالقى مىنبەرىنىڭ بەيجيڭدەگى باسشىلار باس قوسۋىنىڭ اشىلۋ سالتىندا ءتوراعا شي جينپيڭ دۇنيە ءجۇزىنىڭ دامۋ جالپى اۋقىمىنا ىشكەرىلەي تالداۋ جاساپ، حالىقارالىق قوعامدى دۇنيە ءجۇزىنىڭ بەيبىتشىلىگى مەن دامۋىن تىزە قوسا جەبەۋگە ۇندەپ، ءداۋىردىڭ سۇراۋىنا جاۋاپ قايتارعان وسى ءبىر جۇڭگو دارىپتەمەسىن ورتاعا قويدى. ءتوراعا شي جينپيڭنىڭ ماڭىزدى ءسوزى ادامزاتتىڭ بولاشاعى مەن تاعدىرىنا ءمان بەرەتىن الەمدىك سۇيىسپەنشىلىكتى تولىق ايگىلەدى، ادامزاتقا جاڭا دا اناعۇرلىم زور ۇلەس قوساتىن تاريحي جاۋاپكەرلىك ارقالاۋدى تولىق بەينەلەدى.
ءداۋىر ەمتيحان شىعارۋشى، ءبىز ەمتيحان تاپسىرۋشىمىز. قازىرگى تاڭداعى دۇنيە ءجۇزى ۇزاق ۋاقىتتان بەرى كورىلمەگەن زور وزگەرىستى باستان كەشۋدە، دۇنيە جۇزىندەگى ءار ەل حالقىنىڭ تاعدىرى ەجەلدەن بەرى قازىرگىدەي ءبىر - بىرىمەن تىعىز بايلانىسىپ كورگەن ەمەس. ورايدى يگەرىپ، سىن - سايىسقا توتەپ بەرۋدە جاڭا جاعدايعا، جاڭا وزگەرىسكە ۇزدىكسىز ۇيلەسىپ، جاڭا جاۋاپكەرشىلىك ارقالاۋعا، جاڭا ىسكەرلىك كورسەتۋگە تۋرا كەلەدى. ءداۋىر سۇراۋى الدىندا، جۇڭگو ادامزاتقا جاڭا دا اناعۇرلىم زور ۇلەس قوسۋدى ءوزىنىڭ بورىشى ەتتى. جۇڭگو دۇنيە جۇزىندەگى ءار ەلمەن ادامزاتتىڭ تاعدىرلاس ورتاق تۇلعاسىن تىزە قوسا سومداپ، عالامدىق سەرىكتەستىك قاتىناستى دامىتىپ، دوستىق سەلبەستىكتى كەڭەيتىپ، ءبىر - بىرىنە قۇرمەت ەتۋ، ءادىل دە ادىلەتتى بولۋ، سەلبەسىپ تەڭ يگىلىككە كەنەلۋ سىندى ەل ارالىق بارىس - كەلىستىڭ جاڭا جولىمەن ءجۇرىپ، دۇنيە ءجۇزىنىڭ اناعۇرلىم بەيبىت، تىنىش بولۋىنا، ادامزات تۇرمىسىنىڭ اناعۇرلىم باقىتتى، جارقىن بولۋىنا مۇمكىندىك جاساۋدى قالايدى.
عالامدىق جونگە سالۋ جۇيەسىنىڭ اناعۇرلىم ءادىل، ۇيلەسىمدى بەتالىسقا قاراي دامۋىن ىلگەرىلەتكەندە عانا، الەمنىڭ بەيبىتشىلىگى مەن دامۋىنا اناعۇرلىم ءتيىمدى شارت - جاعداي جاراتۋعا بولادى. «ءبىر بەلدەۋ، ءبىر جولدى» بىرگە قۇرۋ عالامدىق جونگە سالۋ جۇيەسى وزگەرىسىنىڭ ىشكى تالابىنا سايكەسىپ، تار جول، تايعاق كەشۋدەن بىرگە ءوتۋ، مىندەت پەن جاۋاپكەرشىلىكتى بىرگە ارقالاۋداي تاعدىرلاس ورتاق تۇلعا تانىمىن ايگىلەپ، عالامدىق جونگە سالۋ جۇيەسى وزگەرىسىن كەمەلدەندىرۋگە جاڭا وي جەلى، جاڭا جوبا ازىرلەدى. ءداۋىر سۇراۋى الدىندا، جۇڭگو حالىقارالىق سەلبەستىك سەرىكتەرىمەن «ءبىر بەلدەۋ، ءبىر جولدى» بىرگە قۇرۋدى قالايدى. ءبىز وسى حالىقارالىق سەلبەستىك جاڭا تۇعىرى ارقىلى ورتاق دامۋعا جاڭا قوزعاۋشى كۇش ۇستەپ، «ءبىر بەلدەۋ، ءبىر جول» قۇرىلىسىن بەيبىتشىلىك جولىنا، گۇلدەنۋ جولىنا، ەسىك اشۋ جولىنا، جاسىل جولعا، جاڭالىق اشۋ جولىنا، وركەنيەت جولىنا اينالدىرۋىمىز كەرەك.
ۇستانىم ارەكەتكە جەتەكشىلىك ەتەدى، بەتالىس شىعار جولدى بەلگىلەيدى. سوڭعى جىلداردان بەرى، حالىقارالىق كۇشتەردە سالىستىرمالى تەرەڭ وزگەرىستەر جارىققا شىقتى، بازارى جاڭادان گۇلدەنگەن ەلدەر مەن ءبىرسىپىرا وركەندەپ كەلە جاتقان ەلدەر جەدەل دامىپ، حالىقاراداعى ىقپالى ۇزدىكسىز كۇشەيدى، مىنە بۇل تاياۋ زاماننان بەرى حالىقارالىق كۇشتەر سالىستىرماسىنداعى توڭكەرىستىك سيپاتى ەڭ كورنەكتى وزگەرىس. ءداۋىر سۇراۋى الدىندا جۇڭگو عالامدى جونگە سالۋعا بەلسەنە ات سالىسىپ، بىرگە اقىلداسۋ، بىرگە قۇرۋ، بىرگە يگىلىكتەنۋدەي عالامدىق جونگە سالۋ كوزقاراسىنان جازبايدى. جۇڭگو قاي - قاشان دا دۇنيە ءجۇزى بەيبىتشىلىگىن قۇرۋشى، عالامدىق دامۋعا ۇلەس قوسۋشى، حالىقارالىق ءتارتىپتى قورعاۋشى، وركەندەپ كەلە جاتقان ەلدەردىڭ حالىقارالىق ىستەردەگى ۋاكىلدىك سيپاتى مەن ءسوز بيلىگىن كەڭەيتۋدى قولدايدى، عالامدىق جونگە سالۋ جۇيەسىندەگى وڭتۇستىك جاقتىڭ ولقىلىعىن تولىقتىرۋدى قولدايدى، وڭتۇستىك - وڭتۇستىك سەلبەستىگى كۇشىن شوعىرلاندىرۋدى قولدايدى، عالامدىق جونگە سالۋ جۇيەسىنىڭ باسىم كوپ ساندى ەلدەردىڭ، اسىرەسە، وركەندەپ كەلە جاتقان ەلدەردىڭ تىلەگى مەن مۇددەسىن اناعۇرلىم ءادىل اڭىس ەتۋىن جەبەيدى.
عالامعا نازار سالساق، ادامزات ءدوپ كەلگەن ورنىقسىز، تۇراقسىز فاكتورلار ءالى دە تولىپ جاتىر. ءىشىنارا ەلدەردىڭ ساياساتىندا ىشپەن عانا ساناسۋ نىسايى اۋىرلاپ، قورعامپازدىق باس كوتەردى، «جاھاندانۋعا قارسى» يدەيالىق اعىم نىسايى بەلەڭ بەردى. ەسىك اشۋ كەرەك پە، جوق تۇيىقتالۋ كەرەك پە؟ العا باسۋ كەرەك پە، جوق كەرى شەگىنۋ كەرەك پە؟ ادامزات تىڭ كەلەلى تالعامعا ءدوپ كەلدى. ءداۋىر سۇراۋى الدىندا، جۇڭگو سىرتقا ەسىك اشۋعا اۋىتقىماي تاباندى بولادى. دۇنيە ءجۇزى ەكونوميكاسىنىڭ ارتۋىنداعى ورنىقسىزدىق، تۇراقسىزدىق الدىندا، جۇڭگو اشىق، سيىسىمدى بولۋ، سەلبەسىپ تەڭ يگىلىكتەنۋ جولىمەن جۇرۋگە تاباندى بولىپ، اشىق الەمدىك ەكونوميكا مەن كوپ جاقتىلى ساۋدا ءتۇزىلىسىن تاباندىلىقپەن قورعاپ، قورعامپازدىققا، سىڭار جاقتىلىققا قارسى تۇرادى، ءوزىن توماعا - تۇيىق كۇيدە قالدىرۋدىڭ بولاشاعى بولمايدى.
الەمدەگى ەڭ دۇرىس ورىندى تاۋىپ، الەمدەگى ەڭ داڭعىل جولمەن ءجۇرۋ. تاريحتى قاھارماندار جاراتقان، ءارقانداي اۋىر قيىنشىلىق ادامزاتتىڭ العا باسۋ قادامىنا بوگەت بولا المايدى. تاريحتىڭ ىلگەرىلەۋ لوگيكاسىمەن بىرگە ىلگەرىلەپ، ءداۋىردىڭ دامۋ اعىمىمەن بىرگە داميتىن بولساق، بەيبىتشىلىك الاۋىن ۇرپاقتان - ۇرپاققا جالعاستىرىپ، دامۋ قوزعاۋشى كۇشىن تىنباي جالعاستىرىپ، وركەنيەت ساۋلەسىن شار تاراپقا شاشتىرا الامىز.
جاۋاپتى رەداكتورى : مۇحيت امانتاي ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
