«ءبىر بەلدەۋ، ءبىر جول» قۇرىلىسىنا بەلسەنە ات سالىستى
2018.09.07 14:16 كەلۋ قاينارى : شينجياڭ گازەتى
سەلبەسىپ دامۋ ءۇشىن شينجياڭ بەيشين حالىقارالىق قۇرىلىس شەكتى جاۋاپكەرشىلىك سەرىكتەستىگى افريكاعا ءورىس اشتى
ءتىلشىمىز جاڭ شياۋيان 9 - ايدىڭ 3 - كۇنى ۇرىمجىدەن حابارلايدى. شينجياڭ بەيشين حالىقارالىق قۇرىلىس شەكتى جاۋاپكەرشىلىك سەرىكتەستىگىنەن ۇعىسۋىمىزشا، سوڭعى جىلداردان بەرى، شينجياڭ بەيشين حالىقارالىق قۇرىلىس شەكتى جاۋاپكەرشىلىك سەرىكتەستىگى (تومەندە قىسقارتىلىپ شينجياڭ بەيشين حالىقارالىق سەرىكتەستىگى دەلىنەدى) «ءبىر بەلدەۋ، ءبىر جول» قۇرىلىسىنا بەلسەنە ات سالىسىپ، افريكانىڭ كەڭ كوسىلگەن دالاسىندا ءىرى قۇرىلىستار مەن ءىرى نىساندار سالدى. قازىرگە دەيىن، شينجياڭ بەيشين حالىقارالىق سەرىكتەستىگى ىلگەرىندى - كەيىندى انگولا، نيگەر، نيگەريا، الجيريا، ۋگاندا، كامەرۋن سياقتى ەلدەردە ءتۇرلى قۇرىلىس نىسانىنان 77سىن كوتەرەگە الدى، كوتەرەگە العان قۇرىلىس توقتام جالپى سوماسى 15 ميلليارد يۋانعا تايادى.
ۇعىسۋعا قاراعاندا، شينجياڭ بەيشين حالىقارالىق سەرىكتەستىگىنىڭ افريكا وڭىرىندەگى نىساندارى مىنالاردى قامتيدى ەكەن: انگولانى وزەك ەتكەن باتىس وڭتۇستىك افريكا وڭىرىنەن كوتەرەگە الىپ سالعان قۇرىلىس نىسانى 55، توقتام سوماسى شامامەن 11 ميلليارد 300 ميلليون يۋان؛ نيگەريانى وزەك ەتكەن باتىس افريكا وڭىرىنەن كوتەرەگە الىپ سالعان قۇرىلىس نىسانى 14، توقتام سوماسى شامامەن ءبىر ميلليارد 200 ميلليون يۋان؛ الجيريانى وزەك ەتكەن سولتۇستىك افريكا وڭىرىنەن كوتەرەگە الىپ سالعان قۇرىلىس نىسانى 8، توقتام سوماسى شامامەن 2 ميلليارد 400 ميلليون يۋان.
شينجياڭ بەيشين حالىقارالىق سەرىكتەستىگى − شينجياڭ بيڭتۋان قۇرىلىس - ينجەنەريا (توبى) شەكتى جاۋاپكەرشىلىك سەرىكتەستىگىنە (بيڭتۋان قۇرىلىس توبى) قاراستى بولىمشە سەرىكتەستىك، بيڭتۋاننىڭ كاسىپ سالاسىن حالىقارالاندىرىپ دامىتۋعا كۇش سالعان مەملەكەت مەنشىگىندەگى كاسىپورىنداردىڭ ءبىرى. تاياۋدا شينجياڭ بەيشين حالىقارالىق سەرىكتەستىگى قۇرىلىس كاسىبى، ەگىن شارۋاشىلىعى، ساۋدا، قۇرىلىس ماتەريالى ونەركاسىبى، مال شارۋاشىلىعى جانە سىرتقا ەڭبەككۇش شىعارۋ سياقتى 7 جاقتان سەلبەسىپ دامۋ جاعدايىن قالىپتاستىردى، كاسىپ سالاسى ءۇي سالۋ، مۇناي حيميا ونەركاسىپ قۇرىلعىسى، جول، قۇرىلىس ماتەريالى، ونەركاسىپ، ەگىن شارۋاشىلىعىن وركەندەتۋ، حالىقارالىق ساۋدا سياقتى كوپ سالاعا سايدى.
شەتەلدەگى قۇرىلىس نىساندارىن ىلگەرىلەتۋ بارىسىندا، شينجياڭ بەيشين حالىقارالىق سەرىكتەستىگى قوعامدىق جاۋاپكەرشىلىكتى بەلسەنە اتقارىپ، جەرگىلىكتى جۇمىسكەرلەردى قۇرىلىسقا ات سالىسۋعا قابىلدادى. قازىرگە دەيىن، افريكا وڭىرىندە جالپى 850 نەشە جۇڭگولىق جۇمىسشى - قىزمەتشى، 2300دەي جەرگىلىكتى جۇمىسشى - قىزمەتشى بار. نىسان بارلىق جۇمىسشىلاردىڭ ىشەر اس، جاتىن ورنىن ءبىر تۇتاس قامدادى، جەرگىلىكتى جۇمىسشى - قىزمەتشىلەردى ونەرگە باۋلۋدى كەڭ كولەمدە ورىستەتىپ، بولات شىبىق بايلاۋ، داۋال سىرتىن سىرلاۋ سياقتى تەحنيكالاردى ۇيرەتىپ، جەرگىلىكتى ورىن ءۇشىن ءبىرسىپىرا كاسىپتىك تەحنيكا دارىندىلارىن جەتىلدىرىپ بەردى.
شينجياڭ بەيشين حالىقارالىق سەرىكتەستىگى جەرگىلىكتى الەۋمەتتىك اۋماق قۇرىلىسى مەن الەۋمەتتىك يگىلىك ىستەرىنە بەلسەنە ات سالىسىپ، سول جەردەگى مەكتەپتەر مەن الەۋمەتتىك اۋماقتاردىڭ الەۋمەتتىك قۇرىلعىلارىن تەگىن قورعاپ، جەرگىلىكتى تۇرعىندارعا ءۇي جابدىقتارىن بەرىپ، جەرگىلىكتى قاجەتكە ۇيلەسەتىن جۇمىس قۇرىلعىلارىن تەگىن وتكەرىپ بەرىپ، مەكتەپتەرگە كلاس جانە مادەنيەت بۇيىمدارىن جىلۋ رەتىندە اتاپ، توننىڭ ىشكى باۋىنداي جاراسىمدى راي قالىپتاستىرىپ، جەرگىلىكتى ۇكىمەتتىڭ، الەۋمەتتىك اۋماقتاعى تۇرعىنداردىڭ كەڭ كولەمدە قۇپتاۋىنا يە بولىپ، جۇڭگو كاسىپورىندارىنىڭ تاماشا وبرازىن سومدادى.
جاۋاپتى رەداكتورى : مۇحيت امانتاي ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
