بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>جوتكەمەلەر

سىرتقا ەسىك اشۋدىڭ «ەسكەكشەسى» بولىپ، ءوزارا تيىمدىلىك جاساپ، بىرگە يگىلىكتەنۋدىڭ «ۇلكەن ساحناسىنا» اينالدى

2018.09.07 14:17     كەلۋ قاينارى : شينجياڭ گازەتى

 − جۇڭگو−ازيا - ەۆروپا كورمەسىنىڭ جىبەك جولى ەكونوميكالىق بەلدەۋىن گۇلدەندىرۋدەگى «ماگنيتتىك» رولى كۇن سايىن كورنەكتىلەندى

  شينحۋا اگەنتتىگىنىڭ ءتىلشىسى ليۋ بيڭ

  «ءبىر بەلدەۋ، ءبىر جول، بىرگە اقىلداسۋ، بىرگە قۇرۋ، بىرگە يگىلىكتەنۋ» تاقىرىبىنداعى 6 - كەزەكتى جۇڭگو − ازيا - ەۆروپا كورمەسى 35 مەملەكەت پەن وڭىردەن كەلگەن قوناقتاردى جانە ساۋداگەرلەردى ءار ءتۇرلى تالقى مىنبەرىنە جانە ساۋدانى، قارجى قوسۋدى جەبەۋ قيمىلىنا قاتىناسۋعا باۋرادى. ەلىمىزدەن جانە شەتەلدەن 704 كاسىپورىن كورمەگە، جينالىسقا قاتىناسىپ، قول قويعان نىسانداردىڭ جالپى سوماسى 270 ميلليارد 943 ميلليون يۋانعا جەتىپ، وتكەن كەزەكتەن %11.98 ارتتى. «ءبىر بەلدەۋ، ءبىر جول» باستاماسىنىڭ ماڭىزدى امالياتتىق تۇعىرى رەتىندە بىرگە اقىلداسۋ، بىرگە قۇرۋ، بىرگە يگىلىكتەنۋ ۇستانىمىندا جۇڭگو − ازيا - ەۆروپا كورمەسىنىڭ جىبەك جولى ەكونوميكالىق بەلدەۋىن گۇلدەندىرۋدەگى «ماگنيتتىك» رولى كۇن سايىن كورنەكتىلەنە ءتۇستى.

  سىرتقا ەسىك اشۋدىڭ «ەسكەكشەسى» بولدى

  وسى كەزەكتى كورمە تالقى مىنبەرىنىڭ مازمۇنى، كورمە رايونىن ورنالاستىرۋ، سونداي - اق كورمەگە قاتىناسۋعا كاسىپورىنداردى ۇسىنىس ەتۋ سياقتى جاقتاردى مۇقياتتىلىقپەن جوسپارلادى. نەگىزگى تالقى مىنبەرى − «جۇڭگو − ازيا - ەۆروپا ەكونوميكانى دامىتۋ سەلبەستىك تالقى مىنبەرىنەن» تىس، وسى كەزەكتى كورمەگە تاعى «ءبىر بەلدەۋ، ءبىر جول» توقىماشىلىق، كيىم - كەشەك كاسىبى، حالىقارالىق زات اينالىم سەلبەستىگى، جىبەك جولى ساۋدا ورتاسى، شينجياڭ ءوندىرىس - قۇرىلىس بيڭتۋان رەفورما تابىستارى سياقتى 4 پاراللەل تالقى مىنبەرى جانە ساۋدانى، قارجى قوسۋدى جەبەۋ بويىنشا 22 قيمىل ورنالاستىرىلدى؛ جالپى اۋماعى 70 مىڭ شارشى مەتر كەلەتىن كورمە رايونىنا قارجى قوسۋ، سەلبەسۋ وبرازىن ايگىلەۋ رايونى، حالىقارالىق جانە شياڭگاڭ، اۋمىن، تايۋان ءوڭىرى كورمە رايونى، تاۋار ساۋدا كورمە رايونى، كەدەيلەردى دالمە - ءدال سۇيەمەلدەۋ تابىستارىن ايگىلەۋ رايونى ورنالاستىرىلدى؛ ەلىمىزدەن جانە شەتەلدەن كورمەگە، جينالىسقا قاتىناسقان 704 كاسىپورىن ىشىندە جۇڭگو مۇناي - تابيعي گاز توبى سەرىكتەستىگى، جۇڭگو مۇناي حيميا توبى سەرىكتەستىگى، حۋاۋي، جيڭدۇڭ، ميكروسوفت، دەلل عىلىم - تەحنيكا سەرىكتەستىگى، كاتەرپيللار سەرىكتەستىگى سياقتى دۇنيە ءجۇزى بويىنشا 500 قۋاتتى كاسىپورىن، جۇڭگو بويىنشا 500 قۋاتتى كاسىپورىن جانە 60تان استام كاسىپ سالاسى بويىنشا باستاماشى كاسىپورىن قامتىلىپ، بۇرىنعى جۇڭگو − ازيا - ەۆروپا كورمەسىندەگى ەڭدى جاراتتى.

  جۇڭگو عارىش عىلىمى جانە ونەركاسىبى توبى سەرىكتەستىگى ەرەكشە جابدىق، وزىق ماتەريال سياقتى 70 ءتۇرلى جوعارى عىلىم - تەحنيكا ءونىمىن جانە شەشۋ جوباسىن الىپ، وسى كەزەكتى كورمەدە جۇرتپەن جۇزدەستى. عارىش عىلىمى جانە ونەركاسىبى توبى سەرىكتەستىگىنىڭ ورىنباسار باس مەڭگەرۋشىسى ۋي ييىن بىلاي دەدى: كورمەگە قاتىناسۋداعى ماقساتىمىز ەلىمىزدەگى جانە شەتەلدەگى ابونتتەرىمىزدىڭ جۇڭگو عارىش تەحنيكاسىنىڭ قاۋىرت دامۋ جەتىستىكتەرىنەن ءتىپتى جاقسى يگىلىكتەنۋىن ىلگەرىلەتىپ، ەلىمىزدەگى جانە شەتەلدەگى كاسىپورىندارمەن اناعۇرلىم كەڭ، اناعۇرلىم تەرەڭ اۋىس - كۇيىس، سەلبەستىك جاساپ، جاڭالىق اشا دامۋدى، ادامزات قوعامىنا باقىت جاراتۋدى قول ۇستاسا ىلگەرىلەتۋ.

  شينجياڭ ءوندىرىس - قۇرىلىس بيڭتۋانى وسى كەزەكتى كورمەسى ارقىلى بيولوگيالىق ونىمدەر، جابدىق جاساۋ، توقىماشىلىق، كيىم - كەشەك سياقتى 16 نىسانعا قول قويىسىپ، جالپى سوماسى 23 ميلليارد 440 ميلليون يۋانعا جەتتى، تاعى الەمدەگى اۋىل شارۋاشىلىق ماشينالارىنىڭ سەركەسى بولعان ا ق ش دەرە سەرىكتەستىگىمەن 810 ميلليون يۋاندىق اۋىل شارۋاشىلىق ماشينالارىن ساتىپ الۋ تاپسىرىسىنا قول قويدى.

  مۇنان تىس، گۋاڭحۇي توبى، ەرەكشە ترانسفورماتور شەكتى جارنا سەرىكتەستىگى، جينفىڭ عىلىم - تەحنيكا شەكتى جارنا سەرىكتەستىگى، جۇڭتاي حيميا شەكتى جارنا سەرىكتەستىگى سياقتى شينجياڭنىڭ جەرگىلىكتى 25 ءتۇيىندى كاسىپورنى دا كورمەدە جۇرتپەن جۇزدەسىپ، «ءبىر بەلدەۋ، ءبىر جول» بويىنداعى شەت جاقتىڭ 29 كاسىپورىنىمەن سىرتقى ساۋدا توقتامىنا، 29 كەلىسىمگە قول قويىسىپ، ساۋدا جالپى سوماسى 10 ميلليارد 488 ميلليون يۋانعا جەتتى.

  ءوزارا تيىمدىلىك جاساپ، تەڭ يگىلىكتەنۋدىڭ «ۇلكەن ساحناسىنا» اينالدى

  ازەربايجان مينەرال سۋىن بازارعا سالۋعا كەلگەن ساۋداگەر بولت كورمەدەن مول تابىستارعا قول جەتكىزىپتى: ول گۋاڭدۇڭداعى سۋلياۋمەن قوراپتاۋ اسپابى سەرىكتەستىگىمەن سەلبەستىك نيەتىنە كەلىسكەن، مۇنان بىلاي ونىڭ مينەرال سۋلارىن قوراپتاۋداعى وزىندىك قۇن بارىنشا تومەندەيدى. جۇڭگو − ازيا - ەۆروپا كورمەسى سىندى وسى تۇعىر ارقىلى تاۋار ساۋداسىنان كاسىپ سالاسىن ۇشتاستىرۋعا دەيىن، جىبەك جولى ەكونوميكالىق بەلدەۋىندەگى كوپتەگەن مەملەكەت، كاسىپورىن سەلبەسۋ ارقىلى ءوزارا تيىمدىلىك جاساپ، تەڭ يگىلىكتەنۋدى ىسكە اسىردى.

  قىرعىزستاننان كورمەگە قاتىناسۋعا كەلگەن ساۋداگەر جەرتوسلوۆ ءوز ەلىنىڭ ەڭ ساپالى بالى، ەرەكشە قۇرعاق جەمىسى، قاتتى قابىقتى جەمىسى سياقتى اۋىل شارۋاشىلىق ونىمدەرىن كورمەگە اكەلدى. ول بىلاي دەدى: كورمە قىرعىزستان كاسىپورىندارىن جۇڭگو بازارىنا جاقىنداتتى، قازىر ءبىز جۇڭگونىڭ كوپ كاسىپورنىمەن تاماشا سەلبەستىك قاتىناس ورناتتىق.

  اۋعانستاننان كورمەگە قاتىناسۋعا كەلگەن ساۋداگەر ريوس بىلاي دەدى: ءبىز جۇڭگونىڭ شينجياڭىنىڭ «ءبىر بەلدەۋ، ءبىر جول» باستاماسىنداعى شەشۋشى رولىنا ەرەكشە ءمان بەرەمىز، وسى رەتكى كورمەگە قاتىناسۋ ارقىلى ءتىپتى كوپ سەلبەستىك ورايىن قاراستىرماقشىمىز.

  ەرەكشە ترانسفورماتور شەكتى سەرىكتەستىگىنىڭ باسالقاسى حۋاڭ حانجيە بىلاي دەپ تانىستىردى: سەرىكتەستىك جۇڭگو − ازيا - ەۆروپا كورمەسىن قامتىعان ەل ىشىندەگى سىرتقى ساۋدا اۋىس - كۇيىس تۇعىرىنان پايدالانىپ، 70 نەشە مەملەكەتكە جوعارى، جاڭا تەحنيكا ەكسپورت ەتتى. بىلتىر جىل سوڭىنا دەيىن، سەرىكتەستىكتىڭ شەتەلدەردەگى كەلىسىمگە كەلگەن قۇرىلىس نىسانى جالپى سوماسى 14 ميلليارد يۋانعا جەتىپ، نىساندار بويىنشا قارجى قوسقان ەلدەردەن قۇرعان كاسىپتەندىرۋ ورنى 10 مىڭنان استى.

  شياڭگاڭ ەرەكشە اكىمشىلىك رايونى ۇكىمەتتىڭ قارجى قوسۋىن جالپىلاستىرۋ مەكەمەسىنىڭ باستىعى فۋ جۇڭسىن وسى كەزەكتى كورمەنىڭ قارجى قوسۋدى جالپىلاستىرۋ زەرتتەۋ، تالقىلاۋ جينالىسىندا بىلاي دەدى: شينجياڭنىڭ كۇن ەنەرگيا بايلىعى مول، وزىق فوتوۆولت ماتەريالدارىن جاساۋ كاسىپورىندارى دا بار، شياڭگاڭ اقىلدى قالا قۇرۋعا بارىنشا كۇش سالۋدا، بۇل شينجياڭداعى كاسىپورىندار جونىنەن تاماشا وراي. سونىمەن قاتار شينجياڭنىڭ توڭىرەكتەگى ورتا ازياداعى ەلدەرمەن قارىم - قاتىناسى كۇننەن - كۇنگە نىعايا ءتۇستى، شياڭگاڭ شينجياڭداعى كاسىپورىنداردى وزىق شەكارا اتتاعان فينانستىق قىزمەت كورسەتۋ جاعىنان قامتاماسىز ەتۋىنە بولادى.

  جاراسىمدى شينجياڭدى «ايگىلەيتىن تەرەزەگە» اينالدى

  وتكەن كەزەكتەگىلەرمەن ۇقسامايتىن جەرى، وسى كەزەكتى كورمەدە «كەدەيلەردى دالمە - ءدال سۇيەمەلدەۋ جەتىستىكتەرى كورمە ورنى» ورنالاستىرىلىپ، شينجياڭداعى ايماقتاردىڭ، وبلىستاردىڭ، ورىنداردىڭ كەدەيلىكتەن قۇتىلدىرۋدان قامال الۋ قىزمەتىندە قول جەتكىزگەن تابىستارى شوعىرلى ايگىلەنىپ، شينجياڭنىڭ كەدەيلەردى دالمە - ءدال سۇيەمەلدەۋ قىزمەتىن جەبەدى.

  اۋىل شارۋاشىلىق ونىمدەرى، قولونەر بۇيىمدارى، ەت ونىمدەرى سياقتى شينجياڭنىڭ جەر - جەرىنەن قاتىناستىرىلعان 108 ءتۇرلى كەدەيلەردى دالمە - ءدال سۇيەمەلدەۋ نىسانى ەل ءىشى - سىرتىنان كەلگەن ساۋداگەرلەردى باۋرادى.

  «وزىندىك ەرەكشەلىكتەگى مۋزيكا اسپابى اجەك 10 مىڭ يۋان، دۇتتار 8000 يۋان، جىلان تەرىسى بارابانى 3500 يۋان». كۇشار اۋدانى سۇپۇر مۋزيكا اسپاپتارى مادەنيەت شەكتى سەرىكتەستىگىنىڭ ديرەكتورى امانگۇل بىلاي دەپ تانىستىردى: سەرىكتەستىكتە 78 جۇمىسشى بار، مۇنىڭ 45ى كەدەي وتباسى، سەرىكتەستىك ونىمدەردى ساتۋ جولىن تاپقاننان كەيىن، جۇمىسشىلاردىڭ ايلىق كىرىسى 3500 يۋانعا جەتتى. وسى كەزەكتى كورمەدە ەل ءىشى - سىرتىنان كەلگەن ءبىرسىپىرا ساۋداگەرمەن كەلىسىم جاساۋ نيەتىنە كەلىستىك.

  تۇرپانعا بارىپ جۇزىمىنەن اۋىز ءتيۋ، سايرام كولىنە بارىپ «اسقار تاۋ مەرۋەرتىنىڭ» كىرشىكسىزدىگىن تاماشالاۋ، پامير ۇستىرتىنە بارىپ، سىبىزعى ۇنىمەن بىرگە بيگە باسۋ..... وسى كەزەكتى كورمەدە، تيانشاننىڭ تۇستىگى مەن تەرىستىگىندەگى جەر - جەر وزىندىك ەرەكشەلىكتەگى ساياحات ونىمدەرى، ۇگىت كىتاپشالارى، سۋرەت جانە بەينە كەسكىن سياقتى الۋان ءتۇرلى فورمالارمەن جۇڭگولىق، شەتەلدىك ساۋداگەرلەرگە «شينجياڭنىڭ تاماشا جەر» ەكەندىگىن تانىستىردى.
جاۋاپتى رەداكتورى : مۇحيت امانتاي ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار