ساياحاتشىلار شينجياڭنىڭ ءتۇن كوركىنە ءتانتى بولدى
2018.09.07 14:35 كەلۋ قاينارى : شينجياڭ گازەتى
شينجياڭ جاقسى جەر. «بايتاق»، «كوركەم» شينجياڭ شار تاراپتان كەلگەن ساياحاتشىلارعا كۇندىز عانا ايقارا قۇشاق اشىپ قانا قالماستان، ونىڭ تۇنگى اسەم كورىنىستەرى دە جۇرتتىڭ القاۋىنا بولەندى.
«ساياحات + استرونوميا» جاڭا جارقىن تۇيىنگە اينالدى
7 - ايدىڭ 28 - كۇنى تاڭعا جاقىن، التاي ايماقتىق 2 - ورتا مەكتەپتىڭ الاڭىندا اسپان الەمىنە قاراتىلىپ تەلەسكوپتار قويىلىپتى. وسى عاسىرداعى ەڭ ۇزاق «ايدىڭ تولىق تۇتىلۋ» كورىنىسى جارىققا شىقتى. سول كۇنى كوپتەگەن استرونوميا اۋەسكەرلەرى الىستان كەلىپ، وسى استرونوميالىق قۇبىلىستى تاماشالادى.
شينجياڭنىڭ ساياحات بايلىعى مول، مەملەكەتتىڭ ساياحات بايلىعىن تۇرگە ءبولۋ ولشەمىندەگى 8 نەگىزگى ءتۇردى قامتىعان. ساياحات بايلىعىنىڭ كوپ تۇرلىلىگى «ساياحات +» مازمۇنىن اناعۇرلىم بايىتا تۇسكەن. كەڭ - بايتاق شينجياڭ − استرونوميا اۋەسكەرلەرىنىڭ مەنشىكتى جەرى ءارى ەلىمىزدەگى استرونوميالىق باقىلاۋداعى، جۇلدىزدى اسپاندى سۋرەتكە تۇسىرۋدەگى ەرەكشەلىككە جانە باي مازمۇنعا يە ءوڭىر. شينجياڭدا كوپتەگەن جەردىڭ قورشاعان ورتاسى ساپالى، اتموسفەرانىڭ وتكىزگىشتىگى جاقسى بولعاندىقتان، استرونوميالىق باقىلاۋداعى اسا تاماشا وڭىرگە اينالعان. سونىمەن «ساياحات + استرونوميا» ءونىمى جارىققا شىقتى.
قازىر التاي ايماعى جالپى وڭىرلىك ساياحاتتى كۇش سالا دامىتۋدا. التايدىڭ جۇلدىزى جامىراعان اسپانى جەرگىلىكتى ورىن ساياحاتىنىڭ دامۋىنداعى جاڭا جارقىن تۇيىنگە اينالماق. التاي ايماقتىق 2 - جوعارى دارەجەلى ورتا مەكتەپتە استرونوميالىق باقىلاۋ بازاسى قۇرىلدى، ءتىپتى، استرونوميا شاعىن قالاشىعىن قۇرىپ، جەرگىلىكتى ورىننىڭ ساياحات شارۋاشىلىعىنىڭ دامۋىنا باستاماشىلىق ەتپەك.
سونىمەن قاتار، شينجياڭدا ۇلكەن ساياحات سەرىكتەستىكتەرى ساياحات جاڭا ونىمدەرىن دامىتۋمەن بىرگە، جۇلدىزداردى باقىلاۋ مازمۇنىن قوسا باستادى. شينجياڭ تيانشان جۇڭلۇي حالىقارالىق ساياحات سەرىكتەستىگى ءونىم ساتۋ باس باقىلاۋشىسى ۋاڭ زىيۇي بىلاي دەپ تانىستىردى: ساياحات سەرىكتەستىگى قۇمتاۋ ءشولى ساياحات ونىمدەرىن اشۋ بارىسىندا جۇلدىزداردى باقىلاۋ قيمىلىن ەنگىزدى. «العاشقى سىناقتا ءونىمى ءتاۋىر بولدى. كەيىنگى كەزدە ءبىز ونىمدەرىمىزگە ءتىپتى كوپ استرونوميالىق قيمىل مازمۇندارىن قوسامىز».
قايناعان كەشكى بازار ساياحاتشىلاردى وزىنە تارتتى
5 اي جوندەۋدەن ءوتىپ قايتا جۇمىس باستاعان شينجياڭ حالىقارالىق ۇلكەن بازارى كوپتەگەن ساياحاتشىلاردى وزىنە تارتتى. ساناققا نەگىزدەلگەندە، قازىر كۇندىك قابىلداۋ مولشەرى 200 مىڭ ادام - رەتكە جەتكەن، جاڭادان قوسىلعان ءدامدى تاعام مادەنيەتى كوشەسىندە ادام اياعى ۇزىلمەي، قىزۋ دۋمانعا شومدى.
ىمىرت ءۇيىرىلىپ، شامدار جانا باستاعاندا، جاڭادان اسەمدەلگەن بازاردىڭ جاياۋلار كوشەسىندەگى ساياحاتشىلار گو مورو مىرزا جازعان «اسپان بازارىندا» جۇرگەندەي كۇي كەشتى. ەلەستەگىدەي وسى اسەم كورىنىس ىشىندە جەرگىلىكتى ءدامدى تاعامداردان ءدام تاتىپ، شينجياڭنىڭ ۇلتتىق سالت - سانا مادەنيەتىن سەزىنۋ، ولار ءۇشىن، ءسوز جوق، ءبىر رەتكى ەستەن كەتپەس ءسات بولماق.
ايران ءدامدى قياق كۇرىشتەن ءدام تاتىپ، ءيىسى دە، ءدامى دە ادەمى كاۋاپتان بىرنەشە ىستىك جەدى... كەشكى بازار ساياحاتشىلاردىڭ شينجياڭنىڭ اس - سۋ مادەنيەتىمەن تانىساتىن ەڭ جاقسى جەرىنە اينالدى. ۇرىمجىدەن نەشە مىڭ كيلومەتر الىستاعى حوتان كەشكى بازارىندا، قاراقاش اۋدانىنىڭ بۇلاق كەشكى بازارىندا، ونان قالسا قاشقار كەشكى بازارىندا دا ساياحاتشىلار ءدامدى تاعامداردان اۋىز ءتيىپ، ءان - بيدەن ءلاززاتتانعان دۋماندى كورىنىس جارىققا شىقتى.
كەشكى بازار ساياحاتشىلاردىڭ شينجياڭدى تۇسىنۋىندەگى تاعى ءبىر تەرەزە، ول كۇندىز كوز مەيىرىن قاندىرعان ساياحاتشىلاردىڭ كەشتە بارىپ تاماقتاناتىن تاماشا جەرى.
قازىر شينجياڭنىڭ كوپ جەرى كەشكى بازاردى جالپى وڭىرلىك ساياحاتتى دامىتۋمەن توعىستىردى. اۆتونوميالى رايوننىڭ جالپى وڭىرلىك ساياحات بويىنشا ۇلگى كورسەتۋ رايونى بولعان بۋىرشىن اۋدانىنىڭ كەشكى بازارى ەرتىس وزەنىنىڭ قاقتالعان سۋىق سۋ بالىعىمەن اتى ايگىلەندى. ساياحاتشىلار جەر - جەردەن اتىنا ەلىتىپ كەلدى. قاۋىرت مەزگىلدە كەشكى بازار ءار كۇنى 7000 ادام - رەت ساياحاتشى قابىلدادى.
قالانىڭ كەشكى كورىنىسى ادامنىڭ كوڭىلىن شالقىتادى
9 - ايدىڭ 5 - كۇنى كەشكى ساعات 8 مولشەرى، كوز بايلانعان شاقتا جىجياڭنان كەلگەن ساياحاتشى لي جيڭ دوسىنىڭ سەرىك بولۋىندا ءۇرىمجى قالاسى حۇڭشان باقشاسىنداعى تاۋدىڭ باسىنا شىعىپ، قالانىڭ كەشكى كورىنىسىنە كوز سالدى، بيىك عيماراتتار بوي سوزىپ، شامدار جايناپ تۇر، قايشالىسقان قالىڭ اۆتوموبيل كوزگە تۇسەدى. «ءۇرىمجىنىڭ كەشى وسىنشا ادەمى ەكەنىن ويلاپ كورمەپپىن!»، - دەپ ەرىكسىز تەبىرەنگەن لي جىڭ لەزدە سۋرەتكە ءتۇسىپ، ەستەلىك قالدىردى.
سوڭعى جىلدارى ءۇرىمجى قالاسى كونە قالا رايونىن وزگەرتۋ سەرپىنىن ارتتىرىپ، ەنەرگيا ۇنەمدەپ، جىلۋ ساقتايتىن «قالانى كورىكتەندىرۋ ينجەنەرياسىن» ورىستەتىپ، جولداردى جاسىلداندىرۋ، كەشكى كورىنىستى جارىقتاندىرۋ سياقتى جاقتاردان وزگەرتىپ، تۇرعىنداردىڭ تۇرمىس ورتاسىن جاقسارتۋمەن بىرگە، ۇرىمجىگە ساياحاتتاي كەلگەن ساياحاتشىلارعا تىڭ تىنىس بايقاتتى.
سوڭعى جىلدارى اۆتونوميالى رايون وركەنيەتتى قالا قۇرۋ قيمىلىن ىشكەرىلەي ورىستەتتى، وركەنيەتتى قالا قۇرۋ قىزمەتى حالىق تۇرمىسىن قامتاماسىز ەتىپ جانە جاقسارتىپ قانا قويماي، قالا تۇرعىندارىنىڭ وركەنيەت ساپاسىن دا جوعارىلاتىپ، شينجياڭ وبرازىن ايگىلەدى. كورلا، شىحىزى، ءۇرىمجى، سانجى ىلگەرىندى - كەيىندى مەملەكەتتىك وركەنيەتتى قالا اتاعىنا يە بولدى، وسىنىڭ ءبارى ەل ءىشى - سىرتىنان كەلگەن ساياحاتشىلارعا شينجياڭداعى قالالاردىڭ تازالىعىن، ادەمىلىگىن، حالقىنىڭ مەيماندوستىعىن سەزىندىردى.
9 - ايدىڭ 2 - كۇنى تۇرپان قالالىق مادەني ەسكەرتكىش مەكەمەسى 3 كۇندىك «يارعول تۇنگى ساياحاتى» قيمىلىن ورىستەتىپ، نەشە ءجۇز ساياحاتشىنى قاتىناسۋعا باۋرادى.
شينجياڭنىڭ كەشكى كەلبەتى شينجياڭ وبرازىن ەندى ءبىر قىرىنان ايگىلەدى، ەلىمىزدىڭ ءىشى - سىرتىنان وسىندا كەلگەن ساياحاتشىلاردىڭ كەتكىسى كەلمەدى.
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
