قاناس كورىنىس ءوڭىرى
ەكولوگيالىق ساياحاتتى زور كۇشپەن دامىتىپ، يگىلىك جەتكىزدى
2018.09.07 14:37 كەلۋ قاينارى : شينجياڭ گازەتى
ءتىلشىمىز حي حۇڭۋي، ەرىكتى ءتىلشى حان ليڭ 9 - ايدىڭ 6 - كۇنى بۋىرشىننان حابارلايدى. 8 - ايدىڭ 31 - كۇنى بۋىرشىن اۋدانىنىڭ قاناس، قوم كورىنىس وڭىرىندە سەبەزگىلەپ جاۋعان جاڭبىر قىستاقتى وزگەشە تۇسكە بولەدى. قىستاق تۇرعىنى مەيرانبەك حالىق ۇلى سول كۇنگى سوڭعى قوناعىن قارسى الدى. وزىندىك ەرەكشەلىكە يە شاعىن اعاش ءۇي، اۋلا تولعان گىساڭحۋا گۇلى، كۇنباعىس، بولمەدەگى قويۋ ۇلتتىق تۇسكە يە كيىم - كەشەك، ۇيلەسىمدى باعا تيانجيننەن كەلگەن ساياحاتشى ۋاڭ جىنيىڭ وتباسىنداعىلارىنىڭ وسى اراعا قونۋ تالعامىن جاساۋىنا سەبەپ بولدى. «ورتاسى كوركەم بۇل جەر مەن ويلاعان اۋىل تۇرمىسىنىڭ ءدال ءوزى، بولمە قۇرىلعىلارى دا تولىق، بۇل ارادا قونعانىما وتە قۋانىشتىمىن»، - دەدى ۋاڭ جىنيىڭ.ال، بىرنەشە جىلدىڭ الدىندا، قوم قىستاعىنىڭ ءبار جەرى جارناما تاقتاسىنا تولعان، وتباسىلار ءوز بەتىمەن رەڭدى بولات تاقتادان ءۇي سالىپ العان، قىستاق تارىلىپ، ءورت ءوشىرۋ، ورتتەن ساقتانۋ حاۋىپسىزدىك كومەسكى حاۋىپ - قاتەرى ساقتالعان، سونىمەن بىرگە، ءداستۇرلى قىستاقتىڭ اۋەلگى كەلبەتى دە بىرتە - بىرتە جوعالا باستاعان.
بەلگىلەمەگە قايشى سالىنعان ۇيلەردى شاعۋ، اعاش ەگىپ، ورمان ءوسىرۋ، گۇل، ءشوپ ەگۋ، لاس زاتتاردى ىعىستىرۋ قۇرىلعىلارىن جاقسارتۋ سياقتى ءبىرسىپىرا شارالار ارقىلى قاناس كورىنىس ءوڭىرى ساياحات كاسىبىنىڭ بىتىراندى وندىرىستەن تىڭعىلىقتى جۇمىس جۇرگىزۋگە قاراي بۇرىلىس جاساۋىن ىلگەرىلەتىپ، كورىنىس ءوڭىرىنىڭ ەكولوگيالىق ورتاسىن قالىپىنا كەلتىرىپ، ەكولوگيالىق ساياحاتتىڭ يگىلىگىن جەتكىزدى. بىلتىردىڭ وزىندە قاناس كورىنىس ءوڭىرى قوم قىستاعى سياقتى ءتۇيىندى وڭىرلەردەگى 100 مىڭ شارشى مەتردەن استام بەلگىلەمەگە قايشى سالىنعان قۇرىلىستى شاقتى.
«بيىل ءبىز نەشە 1000 ءتۇپ اعاش ەكتىك، وتباسىلارىن گۇل ەگۋگە جۇمىلدىردىق، سونىمەن بىرگە، قوقىر - قوقسىقتاردى تازالاپ، بايىرعى قسىتاقتىڭ اۋەلگى بەت - بەينەسىن ساقتادىق»، - دەپ تانىستىردى قاناس كورىنىس ءوڭىرىن باسقارۋ كوميتەتى، دامۋ - رەفورما كوميتەتىنىڭ قوم قىستاعىندا تۇراتىن قىزمەت اترەتىنىڭ ورىنباسار باستىعى، ءبىرىنشى شۋجيى ۋاڭ شينحۇي.
«زاڭعا قايشى سالىنعان قۇرىلىس شاعىلدى، قوقىر - قوقسىقتار تازالاندى، ورتا كورىكتەندى، قىستاقتاعى وتباسىلار باعامەن سالعىلاسۋدىڭ ورنىنا ءوز ءۇيىنىڭ ورتاسىن جاقسارتۋعا جارىسا كىرىستى، ساياحاتشىلار ساپاردان رازى بولعاننان كەيىن قازىرگى كىرىسىمىز بۇرىنعىنى ءبىر قاتتادى»، - دەدى مەيرانبەك حالىق ۇلى.
قاناس كورىنىس ءوڭىرىن باسقارۋ كوميتەتى بيىل «تازا ورمان» ارناۋلى جونگە سالۋ ارەكەتىن، «جاسىل قالقان − 2018» ارناۋلى ارەكەتىن ورىستەتىپ، ورماندى باسقارۋ - قورعاۋ قىزمەتكەرلەرىن ورمان رايونىنداعى ءتۇرلى قوقىر - قوقسىقتاردى تازالاۋعا ءارى 4000 ءتۇپ شىرشا، قايىڭ، قاراقات ەگۋگە ۇيىمداستىردى، 500 مىڭ يۋان قارجى شىعارىپ، جالپى كولەمى 50 مىڭ شارشى مەتر جەرگە سالبەن، بەدە، كورەوپسيس سياقتى ەرەكشە وسىمدىكتەردى ساتىپ الىپ ەكتى.
قاناس كورىنىس وڭىرىندە شينجياڭ كاڭحۇي دازىران حالىقارالىق ساياحات سەرىكتەستىگىنىڭ ساياحات جول باستاۋشىسى ۋ ايگو تايۋاندىق ساياحاتشىلارعا قاناس كولىنىڭ كوركەم كورىنىستەرىن تانىستىردى. «قاناس كورىنىس رايونىنا ساياحات ۇيىرمەسىن باستاپ كەلىپ جۇرگەنىمە 10 جىل بولدى، قاناس كورىنىس ءوڭىرى تابيعي كوركىمەن قوناقتاردى باۋرادى، جەرگىلىكتى ورىننىڭ ەكولوگيانى قالپىنا كەلتىرۋ شارالارىن اتقارۋ تەبىنى توتەنشە كۇشتى، قازىر ساياحاتشىلاردىڭ اڭىسى دا وتە جاقسى. الدا ساياحات ونىمدەرىن جوبالاعاندا، قاناس كورىنىس ءوڭىرىن الدىمەن ويلاستىرامىز»، - دەدى ۋ ايگو.
ۇعىسۋعا قاراعاندا، قاناس كورىنىس ءوڭىرى بايىرعى قىستاقتاردى جاڭالاۋ جۇمىسىن اتقارىپ، ءۇيدىڭ تەمىر توبەسىن اعاش توبەگە وزگەرتۋ، تەمىر راشەتكانىڭ ورنىنا اعاش راشەتكا ورناتۋ، اق ءتۇستى پلاستيكالىق بولات تەرەزەلەردىڭ رەڭىن وزگەرتۋ سياقتى شارالار قولدانىپ، وزىندىك ەرەكشەلىكتەگى قىستاقتاردى باسقارۋدى كۇشەيتكەن؛ تابيعي جايلىمدى قورعاۋ تەبىنىن ارتتىرىپ، سۋ قاينارلارىندا 160 مىڭ مۋ جەرگە مال باعۋعا تيىم سالعان. بيىل جىل سوڭىنان بۇرىن قاناس تاعى 4 جەردەگى لاس سۋدى ءبىر جايلى ەتۋ قۇرىلعىسىن وزگەرتىپ سالۋدى جانە ىعىستىرۋ ولشەمىن جونگە سالۋداعى ولشەمدى جوعارىلاتۋدى ورىنداپ، اۋىل - قىستاق پەن كورىنىس وڭىرىندە «دارەتحانا توڭكەرىسىن» ىلگەرىلەتىپ، وتباسىندىق جانە الەۋمەتتىك دارەتحانالاردىڭ ％85ىن جاڭالايدى.
قاناس كورىنىس ءوڭىرىن باسقارۋ كوميتەتى ساياحات مەكەمەسى كەڭسەسىنىڭ مەڭگەرۋشىسى لي ياڭياڭ بىلاي دەپ تانىستىردى: ەكولوگياسى قالپىنا كەلگەن كورىنىس ءوڭىرى ءتىپتى دە كوپ ساياحاتشىنى باۋرادى، قازىرگە دەيىن كورىنىس ءوڭىرىنىڭ بيىل كۇتىپ العان ساياحاتشى سانى 3 ميلليون 5300 ادام - رەتكە جەتىپ، بىلتىرعى سول تۇستاعىدان ％31 ارتتى.
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
