«ءتورت قۇلىققا يە» جاقسى وقىتۋشىنىڭ كەلبەتىن ومىرىمەن ورنەكتەگەن
− قۇرلىق ارمياسى شەكارا - تەڭىز قورعانىس شۋەيۋانى ءۇرىمجى مەكتەپ رايونىنىڭ ساياسي - نازاريا تاربيەشىسى سى نان تۋرالى
ءتىلشىمىز گاۋ فاڭ، ەرىكتى تىلشىلەر سۇڭ پىڭ، ۋ گودۇڭ
2018.09.10 14:11 كەلۋ قاينارى : شينجياڭ گازەتى
2014 - جىلى 9 - ايدىڭ 9 - كۇنى باس شۋجي شي جينپيڭ بەيجيڭ پەداگوگيكا داشۋەسىندە تەكسەرۋ جۇرگىزىپ، وقىتۋشى - وقۋشىلاردىڭ ۋاكىلدەرىمەن اڭگىمەلەسكەندە مىنالاردى باسا دارىپتەگەن بولاتىن: جاقسى وقىتۋشىدان ونەگە كورۋ − ومىرلىك باقىت، جاقسى وقىتۋشى − مەكتەپتىڭ ماقتانىشى، ۇلتتان جاقسى وقىتۋشىلاردىڭ تولاسسىز جارىققا شىعۋى سول ۇلتقا ءۇمىت سيلايدى. مۇراتتى دا سەنىمدى، ءمورالدى دا قۇلىقتى، تەرەڭ ءبىلىمدى، باۋىرمال «ءتورت قۇلىققا يە» جاقسى وقىتۋشىلار قوسىنىن سومداۋ − مەكتەپتىڭ ءبىلىم بەرۋىندەگى ماڭىزدى مىندەتى.
جۇڭگو حالىق ازاتتىق ارمياسى قۇرلىق ارمياسى شەكارا - تەڭىز قورعانىس شۋەيۋانىنىڭ ءۇرىمجى مەكتەپ رايونىندا قىسقا دا ءماندى ومىرىمەن «ءتورت قۇلىققا يە» ولشەمىن ادالدىقپەن امالياتتا ايگىلەگەن سى نان اتتى جاقسى وقىتۋشى بولعان ەدى.
ناۋقاسى جانىنا باتسا دا مىنبەدەن كەتپەدى
2018 - جىلدىڭ جازىن قۇرلىق ارمياسى شەكارا - تەڭىز قورعانىس شۋەيۋانىنىڭ وقىتۋشى - وقۋشىلارى قايعى مەن قيماستىق ىشىندە وتكىزدى. 6 - ايدىڭ 29 - كۇنى ساعات 8دەن 44 مينۋت وتكەندە، نە ءبارى 41 جاستاعى ساياسي - نازاريا تاربيەشىسى سى نان اۋرۋ سەبەبىنەن قۇتقارۋ شيپا بولماي ءوزى جانىمەن سۇيگەن مىنبەدەن، اسكەري مەكتەپتەن، جاقىندارى مەن كۋرسانتتاردان ماڭگىلىككە ايىرىلدى. ومىردەن وتەردەن 2 كۇن بۇرىن، ول اۋرۋ ازابىنا ءتوزىپ، وقۋ تاۋىساتىن كۋرسانتتاردىڭ ديتسەرتاتسيا قورعاۋىنا كەشكى ساعات 8دەن اسقانشا قىزمەت ەتتى، ول كوزى تىرىسىندە جىبەرگەن ەڭ سوڭعى ءۇنحات حابارلاماسىندا كۋرسانتتاردىڭ ديتسەرتاتسيا قورعاۋ جاعدايىن ۇعىسقان ەدى.
ءىس جۇزىندە، سى ناننىڭ اسكەري قوسىننان شەگىنۋى بيىل 3 - ايدا بەلگىلەنىپ بولعان ەدى، قولىنداعى جۇمىستارىن وتكىزىپ بەرگەننەن كەيىن ويداعىداي كۇتىنىپ، وتباسىنداعىلارمەن بىرگە بولۋىنا ابدەن بولاتىن، ءبىراق ول «سوڭعى قاراۋىلعا» جاقسى تۇرۋ ءۇشىن، بار كۇشىن سارقا جۇمسادى.
شۋەيۋاننىڭ وقىتۋشى - قىزمەتكەرلەرى ىقىلاسپەن «سى پروفەسسور» دەپ اتاپ كەتكەن «ءتىرى وقۋلىق» پەن «بىلگىردىڭ» ءومىر بويى پروفەسسورلىق بۇيىرماي، لەكتورلىق ورنىندا تابانى كۇرەكتەي 12 جىل قىزمەت اتقارعانىن كىم ءبىلسىن. دەنساۋلىعى جار بەرمەي، دەنە قابىلەتىن سىناۋدان وتە الماۋى ونىڭ كاسىپتىك اتاق الۋىنا ورالعى بولادى، ءبىراق بۇل ونىڭ قىزمەتكە دەگەن سۇيىسپەنشىلىگى مەن ىنتاسىن ەشقانداي باسەڭدەتكەن دە، سايابىرلاتقان دا ەمەس.
باسقالارعا «ءتىرى بولسام، جاقسى تاربيەشى بولۋدان باسقا ويىم جوق» دەيتىن، قىزمەتتەستەرىنىڭ كوزىندە ساباق ءوتۋدى «اسپاننان دا بيىك» سانايتىن وسى ادامنىڭ بيىل جىل باسىندا كافەدرا 4 ادامدى، ءسوز جوق، اسكەري قوسىننان شەگىندىرۋدى تالاپ ەتكەندە، «شتات پەن ءوزىمنىڭ دەنساۋلىق جاعدايىمدى ويلاستىرا وتىرىپ، مەنىڭ اسكەري قوسىننان شەگىنگەنىم دۇرىس بولار» دەگەن تاڭداۋ جاساعانى ءتىپتى تاڭ قالارلىق جايت.
2010 - جىلى 9 - ايدا، سى نان حونجيراپ شەكارا قورعانىس ليانىندا ۋاقىتشا مىندەت وتەگەن كەزدە، ءۇستىرتتىڭ اسەرىنەن جۇرەك قارىنشاسىنىڭ ۇلعايۋى اۋرۋىنا شالدىعادى. مەكتەپكە ورالعاننان كەيىن، ول وقۋ جوسپارىنا ورالعى بولماۋدى ويلاپ، شيپاحاناعا جاتىپ ەمدەلۋدەن ۇنەمى باس تارتادى. 2017 - جىلى 2 - ايدا اۋرۋ ءتانىن سۇيرەتىپ جان قيارلىقپەن قىزمەت ەتكەن سى ناننىڭ تۇلا بويىنا سۋلى ىسىك ءجۇرىپ، ونە بويى قاقساپ اۋىراتىن بولادى، ءبىر ساعات ساباق سويلەپ بولعانشا التى ايىرىعىنان تەر كەتەدى. مەكتەپ باسشىلارى مەن قىزمەتتەستەرى ونى اۋرۋىن كورسەتۋگە تالاي مارتە قۋزايدى، ءبىراق ول ۇنەمى «بۇعان ءالى شىداي الامىن» دەپ سىلتاۋ كورسەتەدى. 2017 - جىلى 4 - ايدىڭ 31 - كۇنى ونىڭ ءجۇرىپ - تۇرۋىنىڭ ءوزى مۇڭ بولعاندا عانا كافەدرا ونىڭ ساباق ءوتۋىن بۇيرىقپەن توقتاتىپ، شيپاحاناعا كۇشپەن الىپ بارادى. تەكسەرۋ ارقىلى ونىڭ جۇرەك السىرەۋى Ⅳ دارەجەگە، بۇيرەك السىرەۋى III دارەجەگە جەتكەنى، ىشكى جۇيەلەرىنىڭ قىزمەتى ورەسكەل بۇلىنگەنى انىقتالادى. شيپاگەرلەر ونىڭ كەۋدەسىن سوگىپ، 7 جارىم ساعاتقا سوزىلعان ءساتتى وپەراتسيا جاساعانمەن، جۇرەكتىڭ ماشينا قاقپاقشاسى «قىرت - قىرت» ەتكەن دىبىس شىعارىپ، تىزە - تابان بۋىندارىنىڭ ءىسىنۋى سالدارىنان ول ءتۇنى بويى كوز شىرىمىن الا المايدى.
ۇلكەن اۋرۋدان ايىعىپ 3 ايعا جەتەر - جەتپەس ۋاقىتتا، سى نان مىنبەگە ورالادى، باسقالار ونىڭ قاباتقا شىققاندا قاتتى قينالعانىن كورىپ، وعان ساباقتى وتىرىپ سويلەۋگە كەڭەس بەرەدى، ول: وتىرىپ سويلەگەن ساباقتا ايبىن بولمايدى، وتىرىپ سويلەگەننەن ءونىم جوق، - دەيدى. ساباق سويلەگەندە اسكەري كيىمنىڭ ارقاسى شىلقىلداعان تەرگە مالشىنسا دا، ول گالستۋگىن ءبىر سانتيمەتر دە تومەنگە بوساتپاي، ءبىر تال تۇيمەسىن شەشپەي، باستان - اياق قاتاڭ اسكەري كەلبەتىن ساقتايدى.
سى ناننىڭ توساتتان ومىردەن ءوتۋى قۇرلىق ارمياسى شەكارا - تەڭىز قورعانىس شۋەيۋانىنداعى وقىتۋشى - وقۋشىلاردىڭ جۇرەگىنە اۋىر قايعى سالادى، شۋەيۋان «سى نان جولداستان ۇيرەنەيىك» دەگەن ۇندەۋ شىعارادى ءارى «سى نان جولداستىڭ ىزگى ىستەرىنەن بايانداما جاساۋ جينالىسىن» وتكىزىپ، كوماندير - جاۋىنگەرلەر اراسىندا كۇشتى اڭىس تۋدىرادى. قىزمەتتەستەرى مەن كۋرسانتتار وزدىكتەرىنەن سايتتاردا وعان ازا بىلدىرگەن، ونى ەسكە العان جازۋلار جازادى.
وقۋ تاۋىسقان كۋرسانتتاردىڭ ءبىرى بىلاي دەپ جازادى: توراپ پاراقشالارىن اقتارعان سايىن قولىم جۇرمەي، كوڭىل كۇيىم ءزىلماۋىر تارتادى. ەگەر مەن باسى - قاسىندا بولسام، قارالى كوڭىلىمە توقتاۋ ايتا الماي، ەرىكسىز جاس توگىپ، وكىرىپ جىلار ەدىم، مەن سونداعى كوماندير - جاۋىنگەرلەردىڭ بارلىعى سونداي بولعانىنا سەنەمىن!
قىزمەتتەستەرىنىڭ ءبىرى ءۇنحات دوستار شەڭبەرىنە بىلاي دەپ جازادى: جۋىقتا جاۋىنگەر سەرىگىم سى نان جولداستىڭ ىزگى ىستەرىن رەتتەۋ، جيناقتاۋ بارىسىندا وكىنىشتەن سىرت، كوبىرەك اسەرلى سەزىمگە بولەندىم، ونىڭ بەتى جۇقا بولعانمەن، ءىشى قالىڭ ەكەنىن بارعان سايىن سەزىنە ءتۇستىم. كۋرسانتتارعا قاتاڭ بولعانمەن، وزىنە كوڭىل بولمەيتىن، ومىرگە عاشىق بولعانمەن، ەشكىمگە وكپە ارتپايتىن. ول اتاق - ابىروي ءۇشىن ەشكىممەن تالاسقا تۇسپەيتىن شىنايى ادام ەدى، قاس تاسىنداي اسىل ەدى...
ول، ءسىرا، قانداي ادام؟ ونىڭ ومىردەن ءوتۋى نە ءۇشىن ادامداردىڭ وسىنشاما كوپ شىنايى قايعىسىن، تولعانىسىن جانە قۇرمەتىن تۋدىرادى؟
قىزمەت ورنىن ءسۇيىپ، كاسىبىن ارداقتاپ، توسەلە ءتۇستى
8 - ايدىڭ 29 - كۇنى وسى شۋەيۋاننىڭ ءۇرىمجى مەكتەپ رايونىندا ءتىلشى سى ناننىڭ قىزمەتتەستەرىن، وتباسىنداعىلارىن جانە كۋرسانتتارىن كەزدەستىردى، سونداي - اق سى ناننىڭ سۋرەتتەگى مۇقيات ءارى قاتاڭ، ماسەلەگە وي جۇگىرتىپ تۇرعانداي بەينەسىن كوردى.
سى نان اعارتۋشى وتباسىندا تۋعان، 2000 - جىلى 6 - ايدا شينجياڭ پەداگوگيكا داشۋەسىنىڭ مەكتەپ تاۋىسقان وقۋشىلارى اراسىنان تاڭدالىپ، قوسىنعا قوسىلادى. سول كەزدەگى كافەدرا مەڭگەرۋشىسى جياڭ جيانحۋاعا سى ناننىڭ اۋىزشا ەمتيحانداعى بەينەسى كەشەگىدەي ەلەستەيدى: «ول <قوسىمشا قۇن نازارياسىن> اسپاي - ساسپاي 30 مينۋت سويلەدى، قاتەلىك جىبەرمەدى، بوگەلمەدى». اسىلىندە سى ناننىڭ پەداگوگيكا داشۋەسىندە قالىپ قالۋىنا بولاتىن، الايدا ول قىزمەتكەر قابىلدايتىن وقىتۋشىلارعا: ءبىزدىڭ وتباسىمىزدا داشۋەنىڭ پروفەسسورىنان، ورتا مەكتەپتىڭ وقىتۋشىسىنان بىرنەشەۋى بار، الايدا اسكەري مەكتەپتە وقىتۋشى بولعاندار ءالى جوق. ءبىزدىڭ وتباسىمىزداعىلار ازاتتىق ارميانى ەرەكشە قۇرمەتتەيدى، وتباسىمىزدان ءبىر اسكەري مەكتەپ تاربيەشىسى شىعىپ،
سى نان تۇرعان كافەدرا ىلگەرى بۇرىنعى لانجوۋ اسكەري رايونى جاعىنان «ۇلگىلى كافەدرا» دەگەن داڭقتى اتاق العان، ارميا مەن جەرگىلىكتى ورىنعا تانىمالى ءبىر توپ ماماندار مەن پروفەسسورلار جارىققا شىققان. وسىنداي ورتا جاعدايىنا ۇيلەسە كەتكەن سى نان كوپ ۇزاماي كافەدرانىڭ تىرەكتى تاربيەشىسىنە اينالادى.
18 جىلدان بەرى سى نان ىلگەرىندى - كەيىندى «پارتيانىڭ جاڭالىق اشۋ نازارياسى»، «ماۋ زىدۇڭ يدەياسى جانە جۇڭگوشا سوتسياليزم نازاريا جۇيەسىنە جالپى شولۋ»، «شي جينپيڭنىڭ جاڭا ءداۋىر جۇڭگوشا سوتسياليزم يدەياسى» سياقتى ساباق وقىتۋىنا جاۋاپتى بولادى، ونىڭ جىلدىق ورتاشا ساباق بەرۋ مولشەرى ساياسي - نازاريا وقىتۋىندا باستان - اياق الدا كەلە جاتتى، ول ءار دارەجەلى كەلەلى وقىتۋ جارىسىندا 5 رەت سيلىق الادى؛ بۇرىنعى لانجوۋ اسكەري رايونىنىڭ پارتيا 18 - قۇرىلتايىنىڭ رۋحى جونىندە ۇگىت - لەكسيا جاساۋ ۇيىرمەسىندەگى ەڭ جاس مۇشە سالاۋاتىمەن، ارميا مەن جەرگىلىكتى مەكەمە - ورىنداردا 20 نەشە رەت ۇگىت - لەكسيا جاسايدى، ونىڭ ۇگىت - لەكسياسىن 100 مىڭنان استام ادام تىڭدايدى. ول تاعى سول كەزدە شۋەيۋانداعى بىردەن - ءبىر ورتا دارەجەلى كاسىپتىك اتاعى بار وقىتۋعا جەتەكشىلىك ەتۋ مامانى بولاتىن.
سى نان وقىتۋ جونىندە ىزدەنگەندە جانە قۇلشىنعاندا ۇنەمى «بار كۇشىن سارقا جۇمسايتىن»، ءاربىر ساباقتى جاقسى ءوتۋ ءۇشىن، ول ۇنەمى باسقالار ويلاماعان زەيىن قۋاتىن ارنايتىن.
ساياسي، ەكونوميكا عىلىمى قاعيداسىنا قاتىستى وقۋلىقتا ءبىر تاراۋ مازمۇن عانا بار بولاتىن، ول تۇسىنىكتى بولماي قالادى دەپ ساياسي، ەكونوميكا وقۋلىعىنان 7 دە 8 نۇسقاسىن بىرگە قويىپ، وقىتۋ جوباسىن دەن قويا سالىستىرىپ جازادى.
پارتيانىڭ جاڭالىق اشۋ نازارياسىن جاقسى ءوتۋ ءۇشىن، سى نان ءوز اقشاسىمەن باسپا ماشيناسىن دايىندايدى، ونداعى ماقساتى حاباردان پارتيا ورتالىق كوميتەتىنىڭ ماڭىزدى ورنالاستىرۋلارىن، ەلەۋلى ساياساتتارىنىڭ جاريالانعانىن جانە نازاريادا جاڭالىق اشقان تابىستارىن كورگەن زامان دەر كەزىندە وقىتۋ جوباسىن تۇزەتىپ، ەرتەڭگى ساباققا نۇقسان جەتكىزبەۋ بولاتىن.
پارتيانىڭ 19 - قۇرىلتايى اشىلعاننان كەيىن، ناۋقاسىنان ءالى ايىعا قويماعان ول پارتيا 19 - قۇرىلتايىنىڭ بايانداماسىن ءسوز - سويلەمدەرىنە دەيىن كوشىرىپ جازادى. ول: ءبىر رەت كوشىرىپ جازۋ − ءبىر رەت دەن قويا وقۋ، - دەيدى. ول ءبىر اپتا ۋاقىتتا «ماۋ زىدۇڭ يدەياسى جانە جۇڭگوشا سوتسياليزم نازاريا جۇيەسىنە جالپى شولۋ» ساباعىنىڭ تاراۋ، تاراۋشاسىنا دەيىنگى كوزقاراستارىن پارتيا 19 - قۇرىلتايىنىڭ رۋحىمەن سالىستىرىپ، قوسۋعا - الۋعا، تۇزەتۋگە ءتيىستى جەرلەرىن انىق ەسكەرتىپ، وسى ساباققا ەڭ جۇيەلى، ەڭ ەگجەي - تەگجەيلى وقىتۋ جوباسىن جاسايدى.
كۋرسانت حوۋ جيانحۋا بىلاي دەدى: سى نان تاربيەشى ساباقتى تەبىرەنە سويلەيتىن. ونىڭ اسەرىندە ءبىز دە ساباقتى وتە مۇقيات تىڭدايتىنبىز. ءبىر جولى بىزگە شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ءتۇسىندىرۋ ءۇشىن ۇزبەي 2 ساعات ساباق سويلەگەندىگى، باستان - اياق كوڭىلى تاسىپ، قالجىراۋدى ۇمىتىپ كەتكەندىگى، ونىڭ ءالى دە ناۋقاس ادام ەكەندىگىن بىزگە دە ۇمىتتىرىپ جىبەرگەندىگى ەسىمدە. ساباق ارالىعىنداعى دەمالىس كەزىندە، مەن ونىڭ وقىتۋشىلار دەمالىس كەڭسەسىندە قينالا بالاعىن ءتۇرىپ تۇرعاندىعىن، اياعىنىڭ ءىسىپ كەتكەندىگىن كوردىم.
ماڭگى تات باسپايتىن «بولات شەگە»
كۋرسانتتاردىڭ نازارىندا سى نان ولاردىڭ، ءارى سۇيەتىن، ءارى قورقاتىن وقىتۋشىسى.
ونى سۇيەمىز، ويتكەنى ونىڭ ساباعى قاشاندا سونداي تارتىمدى، قالاي باۋراپ العاندىعىن سەزبەي قالاسىڭ. نازاريا ساباعى اسىلىندە ادامدى قاتتى قالجىراتىپ جىبەرەتىندەي سەزىنەتىن، ال ول بۇل ساباقتى باي مازمۇندى، قىزىقتى ەتىپ ءوتتى. ول ساباق وتكەندە وقىتۋ جوباسىنا قارامايدى، بارلىق ءبىلىمدى كوكەيىنە توقىپ العان. ول نازاريانى كوپتەگەن ءىس مىسالدارىمەن توعىستىراتىندىقتان، ۇشتاستىراتىندىقتان، ساباقحاناداعى 1990 - جىلداردان، 2000 - جىلداردان كەيىن تۋىلعان وقۋشىلار ەلىتىپ تىڭداپ، ءبىرشاما بەرىك نازاريالىق نەگىز قالادى.
ودان قورقاتىنبىز، ويتكەنى ول مەكتەپتەگى كۋرسانتتاردى «ەمتيحاننان قالدىرۋ مولشەرى» ەڭ جوعارى وقىتۋشى، تاپسىرما، ديسەرتاتسيا تۇزەتۋدە ەڭ قاتاڭ وقىتۋشى. كافەدرا قىزمەتتەستەرى قالجىڭداپ ونى «قىزىل قالام جۇلدىزى» دەپ اتايتىن.
قىزمەتتەستەرى دە ونىڭ ەرەكشە مۇقيات ىزدەنۋ پوزيتسياسىنىڭ اسەرىنە ۇشىرايدى. مەكتەپتىڭ وقىتۋىنا جەتەكشىلىك ەتۋ مامانى ساناتىندا، مەيلى ءوزىنىڭ وقىتۋشىسى، الدە كافەدرا قىزمەتتەستەرى بولسىن، ول قاتاڭ تەكسەرەتىن، وبيەكتيۆ باعالايتىن، بەت - جۇزىنە قارامايتىن. تاربيەشى لي يىڭجيە: ونى تۇسىنبەيتىندەر ونى قاتال، جاقىنداسۋ قيىن دەپ قارايتىن، ونى قانىق بىلەتىندەر ونىمەن ارالاسۋدىڭ ەڭ وڭاي، شىنايى ەكەندىگىن تۇسىنەدى، - دەدى.
ءۇيى مەكتەپتىڭ سىرتىندا بولعانىمەن، الايدا سى نان مەكتەپكە ۇنەمى ەڭ ەرتە كەلەتىن. ساباقتىڭ الدىندا، ول كلاسقا جارتى ساعات بۇرىن بارىپ ساباقتىق بولشەكتەردى رەتتەپ، ساباق كەزىندە، قاتەلىك شىقپاۋىنا، ۋاقىتتى الماۋعا كەپىلدىك ەتەدى. بۇل ادەتىن مەيلى قاقاعان قىس، شىلىڭگىر جاز، بوران - شاشىن بولسىن جالعاستىرىپ كەلدى.
سى نان ادەتتە ءۇمىتتى، بەلسەندى بولاتىن، ەشكىمدە ونىڭ قاباعى تۇسىڭكى جۇرگەنىن كورمەيتىن. مەكتەپتەن سىرت ونىڭ وتباسى اۋىرتپالىعىنىڭ سالماقتى ەكەنىن بىلەتىندەر دە تىم كوپ ەمەس.
سى ناننىڭ اكەسى 2013 - جىلى اۋىر ناۋقاسقا شالدىعادى، ول باۋىرى جانە قارىنداسىمەن ءار ايدا 20 مىڭ يۋاننان استام ءدارى اقىسىن ۇستىنە الاتىن. ال ونىڭ ايەلى 2007 - جىلى راكقا شالدىعادى، وتباسى كىرىسىنىڭ كوپ بولەگى ەمدەۋگە، بالنيتسياعا جۇمسالاتىن. سالماقتى ناۋقاسقا شالدىققان اكەسى مەن ايەلىنە قارايلاسۋ ءۇشىن، ول مەكەمە بولگەن ۇلكەن ءۇيدى المايدى، قايتا ءبىر وتباسىنداعى ءۇش جان 70 نەشە شارشى مەترلىك كىشكەنە ۇيدە تۇرادى. وسى قيىنشىلىقتارىن ول ەجەلدەن مەكەمەسىنە جانە ۇيىمعا توككەن ەمەس.
ايەلىن سالماقتى ناۋقاس مەڭدەتىپ جاتقاندا، ءان ايتۋ يممۋنيتتىك قۋاتتى ارتتىرادى دەگەندى ەستىگەن سى نان توردان كوپتەگەن نوتا ءتۇسىرىپ، ايەلىمەن بىرگە ۇيرەنەدى، ايتادى. ايەلى وڭتۇستىكتىڭ ادامى، ءۇن تاماقتى ۇناتىپ جەيتىن سى نان ايەلىنە قارايلاسۋ ءۇشىن ۇيدە تەك كۇرىش تاعام عانا جاسايتىن، ال ءوزى ءۇن تاعامىن مەكەمەنىڭ اسحاناسىنا بارىپ جەيتىن. ولار ۇيلەرىندە جاقسى تاعام جاساعاندا، ۇنەمى الدىمەن جىلۋ ساقتايتىن تاماق قالبىرىنا سالىپ اكە - شەشەسىنە جەتكىزىپ بەرەدى. سى نان ءار جىلى بالاسىنىڭ تۋعان كۇنىندە وعان كىتاپ ۇسىنادى، بالاسى ۇلكەيگەنگە دەيىن ساباق پىسىقتاۋىنا ءوزى جەتەكشىلىك ەتەدى. بالاسى سى نان قايتىس بولعاننان كەيىن اپسەتتە ەر ازاماتقا اينالعانداي بولادى، كوز جاسىن زورعا تەجەگەن ول شەشەسىنە: مەنىڭ جىلاۋىما بولمايدى، مەن مىقتى بولۋىم كەرەك، ەگەردە مەن جىلاسام، ءسىز ونان ارمان ازاپتاناسىز، - دەيدى.
سى نان كوزى تىرىسىندە ىستەگەن كافەدرانىڭ مەڭگەرۋشىسى شۇي ۋيدۇڭ بىلاي دەدى: ول ءومىر بويى ساباق ءوتۋدى ادالدىقپەن، تاباندىلىقپەن، تىڭعىلىقتى جالعاستىردى. ول بەينە ساباق مىنبەسىندەگى، ماڭگى تات باسپايتىن شەگە ءتارىزدى جارقىراپ قالا بەردى.
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
