بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>جوتكەمەلەر

شيحۋ فوشان مەملەكەتتىك ورمان باقشاسى جاڭا دامۋ ۇستانىمى ارقىلى جوعارى ساپالى دامۋعا جەتەكشىلىك ەتتى

ەكولوگيا ماركاسىن جاراتىپ، ەرەكشەلىككە يە جول اشتى

2018.09.10 14:12     كەلۋ قاينارى : شينجياڭ گازەتى

  كۇز باسى. شيحۋ فوشان مەملەكەتتىك ورمان باقشاسىنىڭ كورىنىسى كوز تارتادى، جىنىس ورمان مەن جايقالا اشىلعان الۋان گۇلدەر بۇل ارانى ساياحاتشىلاردىڭ قىزۋ القاۋىنا بولەنگەن تازا اۋادان تىنىستاپ، ءلاززات الاتىن جەرگە اينالدىردى.

  شيحۋ فوشان مەملەكەتتىك ورمان باقشاسى اسىلىندە شيحۋ ورمان الاڭى بولاتىن، اعاش كەسۋدەن ورمان قورعاۋعا ويىسۋ سىندى دامۋ تانىمىنداعى تاريحي سيپات الاتىن بۇرىلىس ورمان الاڭىن قيىنشىلىق قىسپاعىنان قۇتىلدىرۋمەن بىرگە، ونىڭ جوعارى ساپالى دامۋىنا جول اشتى.

  اعاش كەسۋشىلەر ورمان قورعاۋشىلارعا اينالدى

  شيحۋ فوشان مەملەكەتتىك ورمان باقشاسى شينجياڭ شىعىس تيانشان مەملەكەت مەنشىگىندەگى ورمان باسقارۋ مەكەمەسى شيحۋ بولىمشەسىنىڭ قاراستىلىعىندا. شيحۋ ورمان الاڭى قۇرىلعاننان كەيىنگى 30 جىلدان استام ۋاقىتتا، ورمان الاڭىنىڭ نەگىزگى مىندەتى اعاش كەسۋ بولاتىن. شينجياڭ شىعىس تيانشان مەملەكەت مەنشىگىندەگى ورمان باسقارۋ مەكەمەسى شيحۋ بولىمشەسىنىڭ كەڭسە مەڭگەرۋشىسى تۇڭ جاۋشۋ بۇرىنعى كەزدى ەسكە الىپ بىلاي دەدى: «ول كەزدە ءبىر جىلدا ەڭ كوپ بولعاندا 120 − 130 مىڭ تەكشەمەتر اعاش ماتەريال، مولشەرمەن 100 مىڭ ءتۇپ اعاش كەسەتىنبىز. كەيىن كەلە اعاش بارعان سايىن ازايىپ، تاۋدىڭ ويرانى شىقتى. سودان ازىراق كەسەتىن بولدىق، سونىڭ وزىندە ءبىر جىلدا 20 − 30 مىڭ تەكشەمەتر اعاش ماتەريال كەسىلەتىن».

  توقتاۋسىز اعاش كەسۋدەن تيانشان تاۋىنىڭ سولتۇستىك بەتكەيىنىڭ ەكولوگياسى ءبىر مەزگىل ناشارلادى. «بۇرىن تاۋ - تاستىڭ ءبارى ورمانمەن كومكەرىلگەن جاسىل ەدى، 100 − 200 جىل بولعان قاراعايلار كوپ بولاتىن، كەيىن كەلە تولاسسىز اعاش كەسۋدەن تاۋ تاقىرلانىپ، ورماننىڭ سۋ ساقتاۋ قۋاتى تومەندەپ، جايلىمدار قۋراي باستادى، جەر استى سۋ دەڭگەيى كۇرت تومەندەدى»، - دەدى تۇڭ جاۋشۋ تانىستىرىپ. ونىڭ اكەسى اعاش كەسۋشى ەكەن، اكەسىنىڭ كەزىندە تەرەڭ كۇرسىنىپ: «بۇلايشا كەسە بەرۋگە بولمايدى، ەندى كەسە بەرسە، تاقىر تاۋعا اينالادى» دەگەن ءسوزى تۇڭ جاۋشۋدىڭ ءالى ەسىندە.

  وتكەن عاسىردىڭ 90 - جىلدارىنان كەيىن، اۆتونوميالى رايون ەكولوگيانى قالپىنا كەلتىرۋ ءۇشىن، اعاش كەسۋدى زور مولشەردە ازايتتى. كەسەتىن اعاش بولماعان سوڭ، اعاش كەسۋدى كاسىپ ەتكەن شيحۋ ورمان الاڭى قيىنشىلىق قىسپاعىندا قالىپ، ءبىر مەزگىل تۇتاس رايونىمىز بويىنشا ەرەكشە قيىنشىلىعى بار كاسىپورىنعا اينالدى. 2000 - جىلى مەملەكەت شينجياڭنىڭ تابيعي ورمانىن قورعاۋ ينجەنەرياسىن (1 - مەرزىمدىك) رەسمي باستادى، تيانشاننىڭ سولتۇستىك بوكتەرىندەگى اڭعارلاردىڭ ورمان جامىلعىسىن قورعاۋ جانە قالپىنا كەلتىرۋ ينجەنەرياسى جاپپاي اتقارىلىپ، سودان باستاپ اعاش كەسۋشىلەر ورمان قورعاۋشىلارعا اينالدى. سول كەزدەگى شيحۋ ورمان الاڭى اعاش كەسۋدەن ورمان بايلىعىن قورعاۋداي تاريحي سيپات الاتىن بۇرىلىستى ىسكە اسىردى.

  شينجياڭ تيانشان شىعىس بولىك مەملەكەت مەنشىگىندەگى ورمان باسقارۋ مەكەمەسى شيحۋ بولىمشەسىنىڭ قامداعان ساندى مالىمەتىنە نەگىزدەلگەندە، 10 جىل ىشىندە، ورمان ءوسىرىپ، باپتالعان جەردىڭ جالپى اۋماعى 120 مىڭ مۋعا، تيانشاننىڭ سولتۇستىك بوكتەرىنىڭ اڭعارلارىنداعى ورمان جامىلعىسىن قورعاۋ جانە قالپىنا كەلتىرۋ اۋماعى 55 مىڭ مۋعا جەتكەن. ورمانمەن كومكەرىلۋ مولشەرى تابيعي ورماندى قورعاۋ ينجەنەرياسى اتقارىلۋدان بۇرىنعى% 18تەن جوعارىلاپ، قازىرگى %28.7 كە جەتىپ، ەكولوگيالىق ورتا زور دارەجەدە جاقساردى.

  سونىمەن بىرگە، ورمان الاڭى دا قيىنشىلىق قىسپاعىنان قۇتىلىپ، ومىرشەڭدىك قۋاتى مەن تىرشىلىك تىنىسى قاۋلادى.

  ورمان الاڭى كورىنىس وڭىرىنە اينالدى

  كوركى كوز تارتاتىن تاۋ - وزەندەر تابيعي تۇردە ساياحاتشىلاردى وزىنە باۋرادى. دايفۋسىڭ ەكولوگيا باقشاسى شيحۋ فوشان مەملەكەتتىك ورمان باقشاسىنىڭ وزەكتى كورىنىس ءوڭىرى، بۇل جەردە 3 ميلليون تۇپتەن استام اعاش بار، ورمانمەن كومكەرىلۋ مولشەرى %79كە جەتكەن، بۇل جەردە تيانشان قارلى تاۋ شىرشاسى، تاعى قاراعاي، سيبيريا بال قاراعايى، تيانشان شەتەنى، اق قايىڭ سياقتىلار بار. ءتىلشى نۋ ورماندى ارالاپ، اڭىزداردا ايتىلاتىن «ورمان مونشاسىن» شىنايى سەزىندى.

  شينجياڭ شىعىس تيانشان مەملەكەت مەنشىگىندەگى ورمان باسقارۋ مەكەمەسى شيحۋ بولىمشەسى اۆتونوميالى رايوننىڭ ساياحات كاسىبىن دامىتۋ شىعىس جەلىنەن پايدالانىپ، ساياحات كاسىبىنە ويىستى. 2008 - جىلى شيحۋ بولىمشەسىندەگى بارلىق قىزمەتكەرلەر جارنا قوسۋ ۇلگىسىندە 4 ميلليون 670 مىڭ يۋان قارجى قۇراپ، ونى سول كەزدەگى ورمان باقشاسىنىڭ نەگىزدىك قۇرىلعى قۇرىلىسىنا پايدالاندى. «كوپشىلىك ساياحات كاسىبىن دامۋ بولاشاعى جارقىن كاسىپ دەپ سانادى، قىزمەتكەرلەردىڭ %70تەن استامى جارنا قوستى. مەن ءۇي ساتىپ، 150 مىڭ يۋاندىق جارنا قوستىم»، - دەدى تۇڭ جاۋشۋ وتكەندى ەسكە الىپ.

  2008 - جىلى 9 - ايدا شيحۋ فوشان مەملەكەتتىك ورمان باقشاسى مەملەكەتتىك 3A دارەجەلى كورىنىس ءوڭىرى بولىپ باعالانىپ، سول جىلى مەملەكەت دارەجەلى ورمان باقشاسى دارەجەسىنە كوتەرىلدى. 2015 - جىلى شيحۋ فوشان مەملەكەتتىك ورمان باقشاسى ءساتتى تۇردە مەملەكەتتىك 4A دارەجەلى كورىنىس ءوڭىرى دارەجەسىنە كوتەرىلدى. 2017 - جىلى شيحۋ فوشان مەملەكەتتىك ورمان باقشاسى شيحۋ قالالىق جۇڭگوشا ەمدەۋ شيپاحاناسىمەن سەلبەستىك ورناتىپ، بۇكىل شينجياڭ بويىنشا تۇڭعىش «ورمان سالاماتتىق كۇتىمدەۋ ورنىن» قۇرىپ، ورماننىڭ تاماشا ەكولوگيالىق ورتاسىنان پايدالانىپ، كەمساۋلىقتاعى ادامدار مەن سوزىلمالى اۋرۋعا شالدىققاندارعا سالاماتتىقتى كۇتىمدەۋدەن كاسىپتىك قىزمەت كورسەتتى، وزىندىك ەرەكشەلىككە يە ساياحاتتىق قىزمەت كورسەتۋ ساياحاتشىلاردى بارعان سايىن باۋرادى.

  دايفۋسىڭ ەكولوگيالىق باقشاسى بەلەت ساتۋ ورنىنىڭ جاۋاپتىسى لۋ گاڭ تىلشىگە: كوكتەمنەن جاز، كۇز ماۋسىمدارىنا دەيىنگى مەزگىل كورىنىس وڭىرىنە ساياحاتشى قاۋىرت كەلەتىن مەزگىل، كۇنىنە 2000عا تاياۋ ساياحاتشى (رەت) قابىلدايمىز. بۇرىن بۇل اراعا ساياحاتتاي كەلەتىندەردىڭ باسىم كوپ ساندىسى شيحۋ قالاسىنىڭ توڭىرەگىندەگىلەر بولاتىن. سوڭعى 2 جىلدا ىشكى ولكەلەردەن ساياحاتتاي كەلەتىندەر بارعان سايىن كوبەيدى، بيىل سىچۋان، حىنان، چۇڭچيڭ سياقتى جەرلەردەن كوپتەگەن ساياحاتشىلار كەلىپ، ساياحاتشىلار سانى ءۇرتىس ارتتى، - دەدى.

  جاسىل دامۋ ورتاق تانىمعا اينالدى

  سوڭعى 5 جىلدان بەرى، شيحۋ فوشان مەملەكەتتىك ورمان باقشاسى جىلىنا ورتا ەسەپپەن 120 مىڭ ساياحاتشى (رەت) قابىلداپ، ساياحات كىرىسى 120 ميلليون يۋانعا جەتتى. جاسىل دامۋ ۇستانىمى ورمان بايلىعىن قورعاۋمەن بىرگە، جۇمىسشى - قىزمەتشىلەردىڭ كىرىسىن دە ارتتىردى. 2000 - جىلى شينجياڭ تيانشان شىعىس بولىك مەملەكەت مەنشىگىندەگى ورمان باسقارۋ مەكەمەسى شيحۋ بولىمشەسىنىڭ جۇمىسشى - قىزمەتكەرلەرىنىڭ جىلدىق ورتاشا كىرىسى نەبارى 7730 يۋان بولاتىن، 2016 - جىلى 50 مىڭ 894 يۋانعا جەتتى.

  ورمان باقشاسىنىڭ دامۋى ماڭايىنداعى ەگىنشى - مالشىلاردى كىرىستى ارتتىرىپ، بايۋعا باستادى. ۇعىسۋعا قاراعاندا، ورمان باقشاسىنىڭ ماڭايىندا مالشىلار ساياجايىنان 70 نەشەسى بار ەكەن. 2017 - جىلى سول جەردەگى ەگىنشى - مالشىلار تيجارات جۇرگىزگەن مالشىلار ساياجايىنىڭ تازا كىرىسى 2 ميلليون يۋاننان اسقان.

  بۇگىنگى تاڭدا، شينجياڭ شىعىس تيانشان مەملەكەت مەنشىگىندەگى ورمان باسقارۋ مەكەمەسى شيحۋ بولىمشەسىندە جاسىل دامۋ ۇستانىمى جۇرت جۇرەگىنە تەرەڭ ۇيالادى. ءتىلشى شيحۋ فوشان مەملەكەتتىك ورمان باقشاسىنىڭ بەلەت ساتۋ ورنىندا اجەن ەسىمدى 57 جاستاعى قازاق قىزمەتكەرگە جولىقتى. بۇرىنعى اعاش كەسەتىن جىلداردا ول ولشەۋشى بولىپ، اعاش ماتەريالدارى اۆتوكولىككە تيەلۋدەن ىلگەرى كەسىلگەن اعاشتىڭ كولدەنەڭ قيماسىن ولشەيدى ەكەن. قازىر ول كورىنىس ءوڭىرىنىڭ بەلەت ساتۋشىسى بولعان. تۇرمىسىندا جارىققا شىققان وزگەرىستەرگە ايالداعاندا، اجەن شىن جۇرەكتەن: باس شۋجي شي جينپيڭ «ءمولدىر سۋ مەن جاسىل تاۋ − باعالى بايلىق» دەگەن بولاتىن، ءبىز مۇنى ناقتى سەزىنىپ وتىرمىز. قازىر جۇرتتىڭ بارلىعى قورشاعان ورتانى ويداعىداي قورعاۋ كەرەكتىگىن بىلەدى، - دەدى.

  ورمان باقشاسى اناعۇرلىم كوپ جۇمىسقا ورنالاسۋ ورايىن جاراتتى. قازىر تيانشان شىعىس بولىك مەملەكەت مەنشىگىندەگى ورمان باسقارۋ مەكەمەسى شيحۋ بولىمشەسىندەگى جۇمىسشى - قىزمەتشىلەردىڭ %80ى ساياحات كاسىبىمەن قاتىستى قىزمەتتەرمەن شۇعىلدانۋدا، ءبىرتالاي جۇمىسشى - قىزمەتشىنىڭ پەرزەنتتەرى دە ورمان باقشاسىندا جۇمىسقا ورنالاستى. 1995 - جىلدان كەيىن تۋىلعان ساۋ لىمىڭ «ورمان الاڭىنىڭ ءۇشىنشى ۇرپاعى»، اتاسى اعاش كەسۋشى، اكەسى ورمان قورعاۋشى، ال ءوزى ورمان باقشاسىنىڭ ساياحات داياشىسى، ول تاۋ - ورمانداعى قالىڭ گۇل - بايشەشەكتەر اراسىندا قىزمەت ىستەگەندى توتەنشە ۇناتادى ەكەن.

  شيحۋ قالاسىنىڭ جالپى وڭىرلىك ساياحاتىن جوبالاۋدا شيحۋ فوشان مەملەكەتتىك ورمان باقشاسى تاڭداۋلى كورىنىس ءوڭىرى بولىپ بەلگىلەندى. تۇڭ جاۋشۋ تولىق سەنىممەن: اۆتونوميالى رايوننىڭ ساياحاتتى دامىتۋ جونىندەگى جينالىسى جاسىل دامۋعا تاباندى بولۋدى العا قويدى. ورمان باقشاسىنىڭ قورشاعان ورتاسىن قورعاۋ سەرپىنىن ارتتىرىپ، ساياحاتتاۋ، سالاماتتىقتى كۇتىمدەۋ، سەيىل - سەرۋەن قۇرۋ ءبىر تۇلعالانعان ەرەكشەلىككە يە كورىنىس ءوڭىرىن قالىپتاستىرىپ، اناعۇرلىم كوپ ساياحاتشىلاردى باۋرايمىز، - دەدى.
جاۋاپتى رەداكتورى : مانەپ ەربول ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار