قاتىناس تورابى ورتالىعى ۇلاستىرۋدى، تۇتاستىرۋدى جەبەدى
وزەكتى رايون قۇرىلىسىنا شولۋ (1)
2018.09.10 14:13 كەلۋ قاينارى : شينجياڭ گازەتى
8 - ايدىڭ 17 - كۇنى تاكلاماكان ءشولىنىڭ ورتاسىنداعى چارقىلىق اۋدانىندا گۇلمۇت - كورلا تەمىر جولىنىڭ تەتما كولى بولىگىنىڭ ەڭ سوڭعى رەليسى جاتقىزىلدى، بۇل اۆتونوميالى رايونىمىزدىڭ شينجياڭنان شىعاتىن 3 - تەمىر جولى قۇرىلىسىنىڭ ورنىقتى ىلگەرىلەگەندىگىن كورسەتەدى.
بۇل اۆتونوميالى رايونىمىزدىڭ قاتىناس تورابى ورتالىعى قۇرىلىسىن كۇش سالا ىلگەرىلەتكەندىگىنىڭ شاعىن كارتيناسى. ءتوراعا شي جينپيڭ «ءبىر بەلدەۋ، ءبىر جول» باستاماسىن ورتاعا قويعاننان بەرى، اۆتونوميالى رايونىمىز جوعارى دەڭگەيدە ىلگەرىلەتىپ، بەلسەنە ءىس تىندىرىپ، جىبەك جولى ەكونوميكالىق بەلدەۋىندەگى وزەكتى رايوننىڭ قاتىناس تورابى ورتالىعىن قۇرۋ سەرپىنىن ارتتىرىپ، شار تاراپپەن جالعاساتىن جول تورى «ءبىر بەلدەۋ، ءبىر جول» قۇرىلىسىنا قۋاتتى قوزعاۋشى كۇش ۇستەدى.
قاتىناس قۇرىلىسى جەدەل ارناعا ءتۇستى
«اۆتونوميالى رايونىمىزدىڭ نەگىزدىك قۇرىلعىلارى كەمەلدەنۋ ۇستىندە، تور باسىمدىعىن قالىپتاستىرا قويعان جوق، ءالى نەگىز قالاۋ، ولقىلىقتاردى تولىقتاۋ ساتىسىندا تۇر»، - دەيدى اۆتونوميالى رايوندىق قاتىناس - تاسىمال مەڭگەرمەسىنىڭ باس جوبالاۋشىسى جىڭ ميڭچۋان.
«12 - بەسجىلدىقتان» بەرى، اۆتونوميالى رايونىمىزدىڭ قاتىناس - تاسىمال ىستەرى زور دامۋشىلىققا قول جەتكىزدى، دەسەدە، تاس جول تورىنىڭ تىعىزدىعى، مەملەكەتتىك، ولكەلىك نەگىزگى ارنالار ىشىندە 2 - دارەجەدەن جوعارىلارىنىڭ سالىستىرماسى سياقتى باستى دامۋ كورسەتكىشتەر ءالى مەملەكەتتىك ورتاشا دەڭگەيدەن تومەن.
تەمىر جول مەن ازاماتتىق اۆياتسيا دا وسىنداي ماسەلەگە ءدوپ كەلىپ وتىر، قۇرىلىس كولەمى ۇزدىكسىز ارتىپ كەلە جاتقانىمەن، نەگىز ءالسىز بولعاندىقتان، ءونىمدى جول تورىن جانە اۆياتسيا جەلىسى تورىن قالىپتاستىرا قويعان جوق، شينجياڭنىڭ قاتىناس - تاسىمال نەگىزدىك قۇرىلعى قۇرىلىسىنىڭ مىندەتى اۋىر، جولى ۇزاق.
«ءبىر بەلدەۋ، ءبىر جول» باستاماسى ورتاعا قويىلعاننان كەيىن، اۆتونوميالى رايوندىق پارتكوم مەن ۇكىمەت جەدەلدەتە جوسپارلاپ، ورايدى مىقتى ۇستاپ، پارتيا ورتالىق كوميتەتىنىڭ شەشىم - ورنالاستىرۋلارىن جاپپاي تياناقتاندىرىپ، «ءۇش ارنا، ءۇش بازا»، «بەس ءىرى ورتالىق» جانە «ون ءىرى يمپورت - ەكسپورت كاسىپ سالالارى شوعىرلانعان رايون» سياقتى ءتۇيىندى قۇرىلىس مىندەتتەرىن ارقاۋ ەتىپ، ساياساتتىق جوبالاۋ جۇيەسىن ۇزدىكسىز كەمەلدەندىرىپ، وزەكتى رايوننىڭ «بەس ءىرى ورتالىعى» جانە «ون ءىرى يمپورت - ەكسپورت كاسىپ سالالارى شوعىرلانعان رايون» ارنايى جوباسىن جاساپ شىقتى.
تاياۋ جىلداردان بەرى، اۆتونوميالى رايونىمىزدىڭ وزەكتى رايون قۇرىلىسى جەدەل جۇرگىزىلىپ، بۇكىل مەملەكەتتەگى 31 ولكەنىڭ (رايون، قالا) «ءبىر بەلدەۋ، ءبىر جول» قۇرىلىسىنا ات سالىسۋ جالپىلىق كورسەتكىش قاتارىندا، شينجياڭ الدىڭعى وندىقتان ورىن الدى.
«قاتىناس نەگىزدىك قۇرىلعى قۇرىلىسى ەڭ جاقسى كەزەڭگە كەلدى، قاتىناس قۇرىلىسى جەدەل جۇرگىزىلگەن ارناعا ءتۇستى»، - دەيدى جىڭ ميڭچۋان.
قاۋىرت قۇرىلىس قاتىناستىڭ نەگىزىن بەكەمدەدى
− ءبىز 2 - بولىكتىڭ قۇرىلىسىن بيىلعى جىل ىشىندە اياقتاۋعا كۇش سالامىز، - دەيدى G3012 قاشقار (جاڭاءشار) - قاعىلىق - قاراقاش جوعارى قارقىندى تاس جولىنىڭ 2 - مەرزىمدىك قۇرىلىسىنىڭ 2 - بولىگىنىڭ ديرەكتورى لي حاي، - سوندىقتان، ءبىز جۇمىسشىلار مەن جابدىقتاردى ءبىر ەسەگە جۋىق كوبەيتىپ، ۇستەمە جۇمىس ىستەپ، قاشقار - حوتان جوعارى قارقىندى ءىرى ارناسىن ەرتەرەك تۇتاستىرۋعا قۇلشىنىپ جاتىرمىز.
ج ك پ اۆتونوميالى رايوندىق 9 - قۇرىلتايىندا ءبىر تۇتاس جوسپارلاۋعا، ۇلاستىرۋعا، تۇتاستىرۋعا، لايىقتى العا ءوتىپ كەتۋگە تاباندى بولىپ، وسى زامانعى كەشەندى قاتىناس - تاسىمال جۇيەسىن بەلسەنە قۇرۋ، جىبەك جولى ەكونوميكالىق بەلدەۋىنىڭ سولتۇستىك، ورتا، وڭتۇستىك ءۇش ءىرى ارناسى جانە وڭتۇستىك - سولتۇستىك شينجياڭ ءىرى ارناسى قۇرىلىسىن جەدەل ىلگەرىلەتۋ، تەمىر جول، حالىقتىق اۆياتسيا، تاس جول سياقتى ستەرەولدى قاتىناس تورى قۇرىلىسىن جەدەلدەتۋ، شينجياڭنىڭ قاتىناس ىركىلىسسىزدىگى قابىلەتىن بىرتىندەپ جوعارىلاتۋ ورتاعا قويىلدى.
بىلتىر سولتۇستىك ارنا − G7نىڭ (بەيجيڭ - شينجياڭ جوعارى قارقىندى تاس جولى) ميڭشۇيدان قۇمىلعا دەيىنگى بولىگىنىڭ قۇرىلىسى جاپپاي اياقتاپ، اۆتوكولىك قاتىناپ، شينجياڭعا بارلىق جاعدايدا كىرىپ - شىعاتىن 2 - ءىرى قاتىناس كۇرە تامىرىنا اينالىپ، شينجياڭنان بەيجيڭگە دەيىنگى اۆتوكولىك جولى 1300 كيلومەتردەن ارتىق قىسقاردى. «قوس باتىس تاس جولىنىڭ» (ەۆروپانىڭ باتىس ءوڭىرى − جۇڭگونىڭ باتىس ءوڭىرى) ەل ىشىندەگى بولىگى جاپپاي تۇتاستىرىلىپ، جىبەك جولى ەكونوميكالىق بەلدەۋى مەن 21 - عاسىر تەڭىز جىبەك جولىنىڭ مۇلتىكسىز جالعاسۋىن جۇزەگە اسىردى.
بيىل G3012 قاراقاش - حوتان - لوپ جوعارى قارقىندى تاس جولىنىڭ قۇرىلىسى ءبىتىپ، اۆتوكولىك قاتىنادى، G3012 قاشقار (جاڭاءشار) - قاعىلىق - قاراقاش جوعارى قارقىندى تاس جولى 2 - مەرزىمدىك قۇرىلىسى سياقتى نىساندار جەدەل ىلگەرىلەتىلىپ، سولتۇستىك، ورتا، وڭتۇستىك جانە وڭتۇستىك - سولتۇستىك شينجياڭ جوعارى قارقىندى تاس جولى ءىرى ارناسىنىڭ نەگىزگى جۇلگەسى نەگىزىنەن قالىپتاستى.
ازاماتتىق اۆياتسيانىڭ نەگىزدىك قۇرىلعىلارىنىڭ قۇرىلىس سەرپىنى ۇزدىكسىز ارتتى. سوڭعى جىلداردان بەرى، كوكتوعاي، شىحىزى، چەرچەن، ياركەن، چارقىلىق سياقتى اۋەجايلاردىڭ قۇرىلىسى ىلگەرىندى - كەيىندى اياقتاپ، پايدالانۋعا بەرىلىپ، شينجياڭنىڭ ازاماتتىق تاسىمال اۋەجايلارىنىڭ سانى 20عا جەتىپ، ەلىمىز بويىنشا اۋەجايى ەڭ كوپ ولكە - رايونعا اينالدى.
شينجياڭنىڭ تەمىر جول قۇرىلىسى ۇزدىكسىز جەدەلدەپ، لانجوۋ - شينجياڭ تەمىر جولىنىڭ ەكىنشى قوس رەليستى جەلىسى، ءۇرىمجى ۆوكزالى سياقتى نىساندار ىركەس - تىركەس سالىنىپ، پايدالانۋعا بەرىلدى، گولمۇت - كورلا تەمىر جولى (شينجياڭ بولىگى) سياقتى نىسانداردىڭ قۇرىلىسى تەزدەدى.
قازىر شينجياڭ تەمىر جول، تاس جول، اۆياتسيا جانە قۇبىر سىندى ءتورتتى ءبىر تۇلعالاندىرعان جالپىلىق تاسىمال تورىن العاشقى قادامدا قالىپتاستىردى.
قولايلى قاتىناس قۇرىلىمى كۇننەن -كۇنگە كەمەلدەندى
«جۇڭگو - ەۆروپا كەزەكشى پويەزىنەن كۇنىنە ۇشەۋىن جۇرگىزۋدى ۇدايىلاندىرۋ جۇزەگە اسىپ، شينجياڭنىڭ ەلىمىزدىڭ ورتا، شىعىس ءوڭىرى بازارىن ورتا ازيا، ەۆروپا بازارىمەن جالعاستىراتىن تورابى رەتىندەگى ورنى كۇن سايىن كورنەكتىلەنىپ كەلەدى»، - دەيدى 8 - ايدىڭ 13 - كۇنى شينجياڭ شينتيە حالىقارالىق زات جەتكىزۋ شەكتى سەرىكتەستىگىنىڭ باس ديرەكتورى ليۋ چاڭلين.
قازىرگى تاڭدا، ءۇرىمجى جيناۋ ورتالىعىنان شىعاتىن جۇڭگو - ەۆروپا كەزەكشى پويەزدەرى ازيا - ەۆروپانىڭ 17 مەملەكەتىن، 24 قالاسىن قامتىپ وتىر.
تاس جول، تەمىر جول، ازاماتتىق اۆياتسيا سياقتى قاتىناس نەگىزدىك قۇرىلعى قۇرىلىستارى ۇزدىكسىز جەدەلدەپ، «ءبىر بەلدەۋ، ءبىر جول» قۇرىلىسىن ىلگەرىلەتۋگە بەرىك نەگىز قالادى.
2017 - جىلدىڭ سوڭىنا دەيىن، بۇكىل شينجياڭداعى اۆتوكولىك قاتىناعان تاس جولدىڭ جالپى ۇزىندىعى 186 مىڭ كيلومەترگە جەتتى. اۆتونوميالى رايونىمىز شەكارالاس 5 مەملەكەتپەن 111 حالىقارالىق تاس جول تاسىمال جەلىسىن اشىپ، شينجياڭنىڭ حالىقارالىق تاس جول تاسىمال جەلىسى بۇكىل مەملەكەت بويىنشا 1 - ورىندى يەلەپ، جولاۋشى جانە جۇك تاسىمال مولشەرى 3 ميلليون ادام (رەتتەن) جانە 20 ميلليون توننادان استى؛ جۇڭگو - قىرعىزستان - وزبەكستان مەملەكەتتىك تاس جولىنىڭ جۇك تاسىمالى ۇدايىلانۋدى جۇزەگە اسىردى.
شينجياڭ تەمىر جولىنىڭ جۇمىس جۇرگىزەتىن جالپى ۇزىندىعى 6244.4 كيلومەترگە جەتتى (مۇنىڭ 297.4 كيلومەترى گانسۋ اۋماعىندا)، جوعارى قارقىندى تەمىر جول ءنولدى جارىپ،836.4 كيلومەترگە جەتتى (مۇنىڭ 127.4 كيلومەترى گانسۋ اۋماعىندا)، تەمىر جول تورى بارعان سايىن كەمەلدەندى.
بۇكىل شينجياڭداعى اۋەجايلاردىڭ جولاۋشى تاسىمال مولشەرى 2013 - جىلعى 19 ميلليون 880 مىڭ ادامنان (رەتتەن) 2017 - جىلى 30 ميلليون 160 مىڭ ادامعا (رەتكە) كوبەيىپ، جۇك - پوچتا تاسىمال مولشەرى 169 مىڭ توننادان 188 مىڭ تونناعا جەتتى، ۇشىپ - قونعان ۇشاق سانى (رەت) 216 مىڭ 33تەن 330 مىڭ 104كە باردى.
وزەكتى رايون قۇرىلىسىنىڭ ىشكەرىلەي ىلگەرىلەۋىنە مەڭزەس، جۇكتەر ىركىلىسسىز جەتكىزىلىپ، ادامدار ىركىلىسسىز قاتىنايتىن قولايلى قاتىناس جۇلگەسى جەدەل قالىپتاسىپ كەلەدى.
بولاشاقتا، اۆتونوميالى رايونىمىز قاتىناس تورابى دەڭگەيىن ۇزدىكسىز جوعارىلاتىپ، جۇڭگو - پاكيستان تاس جولىنىڭ دارەجەسىن ءوسىرىپ، جاڭالاۋ، حوتان - چارقىلىق تەمىر جولى، ءۇرىمجى حالىقارالىق اۋەجايىن كەڭەيتۋ قۇرىلىسى سياقتى نىسانداردى ءتۇيىن ەتىپ، تاس جول، تەمىر جول ارناسىن جانە اۆياتسيا تورابى قۇرىلىسىن جەدەل ىلگەرىلەتەدى، شار تاراپپەن ىركىلىسسىز جالعاساتىن ءىرى ارنا، ءسوز جوق، شينجياڭنىڭ ەكونوميكاسىن، قوعامىن جەدەل دامىتادى.
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
