چىن چۋانگو، شوكىرات زاكىر بۇكىل اۆتونوميالى رايونىمىزداعى جالپى وقىتۋشىلارعا حال سۇراۋ حاتىن جولدادى
2018.09.11 15:01 كەلۋ قاينارى : شينجياڭ گازەتى
گازەتىمىزدىڭ 9 - ايدىڭ 9 - كۇنى ۇرىمجىدەن بەرگەن حابارى. 34 - رەتكى وقىتۋشىلار مەرەكەسى كەلۋ قارساڭىندا، اۆتونوميالى رايوندىق پارتكومنىڭ شۋجيى چىن چۋانگو، اۆتونوميالى رايوننىڭ ءتوراعاسى شوكىرات زاكىر 9 - ايدىڭ 9 - كۇنى بۇكىل اۆتونوميالى رايونىمىزداعى جالپى وقىتۋشىلارعا جانە وقۋ - اعارتۋ قىزمەتكەرلەرىنە حال سۇراۋ حاتىن جولداپ، بۇكىل اۆتونوميالى رايونىمىزداعى وقىتۋشىلاردىڭ، وقۋ - اعارتۋ قىزمەتكەرلەرىنىڭ، دەمالىسقا، پەنسياعا شىققان وقىتۋشى - قىزمەتكەرلەردىڭ، سونداي - اق وقۋ - اعارتۋعا كومەكتەسۋشى جالپى قىزمەتكەرلەردىڭ مەرەكەسىنە قۇتتى بولسىن ايتىپ، كوپشىلىكتەن شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، اۋەلگى ماقساتتى ۇمىتپاي، بورىشتى ەستە بەرىك ساقتاپ، شينجياڭنىڭ قوعام ورنىقتىلىعى مەن باياندى تىنىشتىعىنىڭ جاڭا جاعدايىن اشۋعا، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىنىڭ شينجياڭ تاراۋىن قۇلشىنا جازۋعا سۇبەلى دە كەسەك ۇلەس قوسۋدى ءۇمىت ەتتى. حال سۇراۋ حاتىنىڭ تولىعى تومەندەگىدەي:
بۇكىل اۆتونوميالى رايونىمىزداعى جالپى وقىتۋشىلار، وقۋ - اعارتۋ قىزمەتكەرلەرى جانە دەمالىسقا، پەنسياعا شىققان وقىتۋشى - قىزمەتكەرلەر:
التىن كۇز جۇپار قالامپىردىڭ حوش ءيىسى اڭقىعان مەزگىل. 34 - رەتكى وقىتۋشىلار مەرەكەسى كەلۋ بايلانىسىمەن ءبىز اۆتونوميالى رايوندىق پارتكوم مەن ۇكىمەت اتىنان بۇكىل اۆتونوميالى رايونىمىزداعى جالپى وقىتۋشىلاردىڭ، وقۋ - اعارتۋ قىزمەتكەرلەرىنىڭ جانە دەمالىسقا، پەنسياعا شىققان وقىتۋشى - قىزمەتكەرلەردىڭ، شينجياڭنىڭ ءىشى - سىرتىنداعى وقۋ - اعارتۋعا كومەكتەسۋشى جالپى قىزمەتكەرلەردىڭ مەرەكەسىنە قۇتتى بولسىن ايتىپ، ىقىلاستى سالەم جولدايمىز جانە وسكەلەڭ قۇرمەت بىلدىرەمىز! شينجياڭنىڭ وقۋ - اعارتۋ ىستەرىنە، رەفورماسىنا، دامۋىنا كوڭىل ءبولىپ، قولداپ، كومەكتەسىپ كەلە جاتقان قوعامداعى ءار سالاعا شىنايى العىس ايتامىز!
عاسىرلىق ۇلى جوسپار وقۋ - اعارتۋدى نەگىز ەتەدى؛ وقۋ - اعارتۋ ۇلى جوسپارى وقىتۋشىلاردى نەگىز ەتەدى. باس شۋجي شي جينپيڭ «وقۋ - اعارتۋدا قۇدىرەتتى ەل قۇرۋ − جۇڭحۋا ۇلتىنىڭ ۇلى گۇلدەنۋىنىڭ نەگىزدىك ينجەنەرياسى، وقۋ - اعارتۋ ىستەرىن، ءسوز جوق، ماڭداي الدى ورىنعا قويىپ، وقۋ - اعارتۋ رەفورماسىن تەرەڭدەتىپ، وقۋ - اعارتۋدىڭ وسىزاماندانۋىن جەدەلدەتىپ، وقۋ - اعارتۋدى حالىق رازى بولاتىنداي ەتىپ جاقسى باسقارۋ كەرەك» دەپ اتاپ كورسەتتى. بۇكىل اۆتونوميالى رايونىمىزداعى جالپى وقىتۋشىلار جانە وقۋ - اعارتۋ قىزمەتكەرلەرى باس شۋجي شي جينپيڭنىڭ ىقىلاستى تاپسىرماسىن باستان - اياق ەستە بەرىك ساقتاپ، ءبىلىم بەرىپ، ادام تاربيەلەۋ داڭقتى بورىشىن قاي - قاشان دا ۇمىتپاي، ءۇن - ءتۇنسىز ەڭبەكتەنىپ، باسپالداق بولۋعا پەيىلدىلىك تانىتىپ، قۇلشىنا ىزدەنىپ، ءوز باسىنان ونەگە بولا ءبىلىم بەرىپ، باتىس سولتۇستىك شەكارا وڭىرگە تامىر تارتىپ، ساباق مىنبەسىنە ءوزىن ارناپ، ونەگە كورسەتىپ، ادام تاربيەلەۋگە زەيىن سالىپ، وقۋشىلاردىڭ جان دۇنيەسىنە سۇيىسپەنشىلىكپەن، بىلىممەن، اقىل - پاراساتپەن ساۋلە شاشىپ، شينجياڭنىڭ قوعام ورنىقتىلىعى مەن باياندى تىنىشتىعىن ىلگەرىلەتۋگە، جۇڭگوشا سوتسياليستىك شينجياڭ قۇرۋعا ۇزدىك دارىندىلاردى توپ - توبىمەن تاربيەلەپ، جۇرەك قانىن سارقا جۇمساپ، اقىل - پاراساتىن ارناپ، ورنىن باسۋعا بولمايتىن ماڭىزدى رول اتقاردى. پارتيا مەن ۇكىمەت سىزدەرگە العىس ايتادى، بۇكىل اۆتونوميالى رايونىمىزداعى ءار ۇلت حالقى سىزدەرگە العىس ايتادى!
قازىر بۇكىل اۆتونوميالى رايونىمىزدا جوعاردان تومەنگە دەيىن شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ شۇعىلالى جەتەكشىلىگىندە ءبىر نيەتپەن ىنتىماقتاسىپ، ەل بىرلىگىمەن بەرىك قامال سوعىپ، نازاردى باس نىساناعا شوعىرلاندىرىپ، «كەشەندى شارالاردى» ويداعىداي اتقارىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىنىڭ تياناقتانىپ تامىر تارتۋىن كۇش سالا ىلگەرىلەتىپ، جالپى جاعدايى ورنىقتى، اۋقىمى مەڭگەرىمدى، بەتالىسى جاقسارعان جاعداي قالىپتاستىردى. قوعام ورنىقتىلىعى مەن باياندى تىنىشتىقتى قورعاۋ، جۇڭگوشا سوتسياليستىك شينجياڭ قۇرۋ − پارتيا مەن مەملەكەت ىستەرىن دامىتۋدىڭ قاجەتى، شينجياڭداعى ءار ۇلت حالقىنىڭ تىلەگى، ونىڭ نەگىزى ادامدا، تەتىگى وقۋ - اعارتۋدا. وقىتۋشى − وقۋ - اعارتۋدى ەڭسەلەندىرۋدىڭ نەگىزى، وقۋ - اعارتۋدى گۇلدەندىرۋدىڭ قاينارى، ولار ءبىلىم جالپىلاستىرۋ، يدەيا تاراتۋ، اقيقاتتى ءناسيحاتتاۋ سىندى تاريحي بورىشتى ارقالاپ، رۋحتى سومداۋ، ءومىردى تۇلعالاۋ، ادام تاربيەلەۋ سىندى ءداۋىردىڭ اۋىر مىندەتىن ۇستىنە الىپ وتىر. بۇكىل اۆتونوميالى رايونىمىزداعى جالپى وقىتۋشىلاردان جانە وقۋ - اعارتۋ قىزمەتكەرلەرىنەن مۇرات - سەنىمدى بەكەمدەپ، پارتيانىڭ وقۋ - اعارتۋ ىسىنە ادال بولىپ، پارتيانىڭ وقۋ - اعارتۋ باعىتىن دايەكتىلەندىرىپ، سانالىلىقپەن شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ تاباندى سەنۋشىسى، ادالدىقپەن امالياتتا ايگىلەۋشىسى، بەلسەندى تاراتۋشىسى بولىپ، وقۋشىلاردى پارتياعا دەگەن سۇيىسپەنشىلىگىن، وتاننىڭ ءۇمىتىن اقتاۋ ەركىن ارمان سومداۋ، ارمان قۋۋ، ارماندى ورىنداۋ ۇلى ىسىمەن توعىستىرۋعا تاربيەلەۋدى، جەتەلەۋدى؛ قوعام ورنىقتىلىعىن قورعاپ، قوعام ورنىقتىلىعى مەن باياندى تىنىشتىق باس نىساناسىن مىقتاپ ارقاۋ ەتىپ، بولشەكتەۋشىلىككە قارسى تۇرۋ كۇرەسىندە اتويشى بولىپ، ۇلتتار ىنتىماعىندا ۇلگى كورسەتىپ، «ءۇش ءتۇرلى كۇشپەن» شەك - شەكارانى تاباندىلىقپەن، باتىلدىقپەن اجىراتىپ، باتىلدىقپەن ءۇن قاتىپ، باتىلدىقپەن ايقىن پوزيتسيا ءبىلدىرىپ، باتىلدىقپەن كۇرەس جۇرگىزىپ، وقۋشىلاردى «ءتورت سەنىمدى» بەكەمدەۋگە، «بەستى شىنايى مويىنداۋدى» كۇشەيتۋگە، «ءۇشتىڭ ءبىر - بىرىنەن ايرىلا الماۋ» يدەياسىن ورناتۋعا تاربيەلەۋدى، جەتەلەۋدى؛ ونەگە كورسەتىپ، ادام تاربيەلەۋدەن جازباي، ءبىلىم بەرىپ، ادام تاربيەلەۋگە، ءبىلىمى ارقىلى ۇستاز بولۋعا، ءىسى ارقىلى ونەگە كورسەتۋگە تاباندى بولىپ، ات - اتاققا بەرىلمەي، مۇراتقا تالىپنۋدان، ريزالىقپەن ۇلەس قوسۋدان، باسپالداق بولۋعا پەيىلدىلىك تانىتۋدان جازباي، «ۇشكە بارۋ، ەكىمەن بايلانىس جاساۋ، بىرمەن دوس بولۋ» قيمىلىن دانەكەر ەتىپ، وقۋشىلاردى شىن نيەتىمەن ايالاپ، وقۋشىلاردى شىنايى قۇرمەتتەپ، وقۋشىلارعا ىقىلاسپەن كومەكتەسىپ، وقۋشىلاردى ومىرلىك باعىتىن دۇرىس مەڭگەرۋگە، ءومىرىنىڭ ءبىرىنشى تۇيمەسىن دۇرىس تۇيمەلەۋگە ىجداعاتتىلىقپەن جەتەلەۋدى؛ ءبىلىم نەگىزىن بەكەمدەپ، سانالىلىقپەن، ىرىقتىلىقپەن، ءومىر بويى ۇيرەنۋدەن بۇلجىماي، جاقسىدان ونەگە الۋعا ۇمتىلۋدان، قۇلشىنا ۇيرەنىپ، شەبەرلىكپەن وي جۇگىرتۋدەن، شوگەلدىكپەن ىزدەنۋدەن جازباي، قاينار كوزدى ۇزبەي تولىقتىرىپ، وقىتۋ قابىلەتىن جوعارىلاتىپ، وقىتۋ ادىسىنە جاڭالىق ەنگىزىپ، وقىتۋشىلىق ءمورالى تاڭداۋلى، كاسىپتە ىسىلعان، قۇرىلىمى ۇيلەسىمدى، ومىرشەڭدىگى قاۋلاعان ساپالى، ماماندانعان وقىتۋشىلار قوسىنىن تاربيەلەۋدى، جەتىلدىرۋدى ءۇمىت ەتەمىز.
ءار دارەجەلى پارتكومدار مەن ۇكىمەتتەر وقۋ - اعارتۋدى باستان - اياق الدىمەن دامىتاتىن ماڭىزدى ورىنعا قويىپ، پارتيانىڭ وقۋ - اعارتۋ قىزمەتىنە باسشىلىعىن شىنايى كۇشەيتىپ، پارتيا مەكتەپ قۇرۋدى باسقاراتىن باعداردان جازباي، وقىتۋشىلارعا ىستىق ىقلاسپەن كوڭىل ءبولىپ، وقىتۋشىلاردىڭ مامىلەسىن جاقسارتىپ، وقىتۋشىلاردىڭ دەنساۋلىعىنا ءمان بەرىپ، وقىتۋشىلاردىڭ ۇقىق - مۇددەسىن قورعاپ، ۇستازداردى قادىرلەپ، وقۋ - اعارتۋعا ءمان بەرۋدى سالتقا اينالدىرىپ، وقىتۋشىلىقتى قوعامنىڭ توتەنشە قۇرمەتىنە بولەنەتىن كاسىپ ەتۋگە مۇمكىندىك جاساۋ كەرەك.
جاڭا داۋىردە تىڭ جاۋاپكەرشىلىك، تىڭ ىسكەرلىك بولۋ كەرەك. ءبىز شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋدەن جازباي، پارتيا 19 - قۇرىلتايىنىڭ جانە ج ك پ 19 - كەزەكتى ورتالىق كوميتەتى ەكىنشى، ءۇشىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، اۋەلگى ماقساتتى ۇمىتپاي، بورىشتى ەستە بەرىك ساقتاپ، سەنىمدى بەكەمدەپ، قىزمەتتى تىڭعىلىقتى ىستەپ، ماڭگى ەنجارلىققا سالىنبايتىن رۋحاني كۇيمەن جانە العان بەتىنەن قايتپايتىن كۇرەسكەرلىك بەينەمەن شينجياڭ قوعامىنىڭ ورنىقتىلىعى مەن باياندى تىنىشتىعىنىڭ جاڭا جاعدايىن اشۋعا، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىنىڭ شينجياڭ تاراۋىن قۇلشىنا جازۋعا سۇبەلى دە كەسەك ۇلەس قوسايىق.
بۇكىل اۆتونوميالى رايونىمىزداعى جالپى وقىتۋشىلاردىڭ، وقۋ - اعارتۋ قىزمەتكەرلەرىنىڭ، دەمالىسقا، زەينەتكە شىققان وقىتۋشى - قىزمەتكەرلەردىڭ، سونداي - اق وقۋ - اعارتۋعا كومەكتەسكەن جالپى قىزمەتكەرلەردىڭ مەرەكەلەرىنىڭ كوڭىلدى، دەنساۋلىقتارىنىڭ مىقتى، قىزمەتتەرىنىڭ تابىستى، وتباسىلارىنىڭ باقىتتى بولۋىن تىلەيمىز!
ج ك پ شينجياڭ ۇيعۇر اۆتونوميالى رايوندىق كوميتەتى
چىن چۋانگو
شينجياڭ ۇيعۇر اۆتونوميالى رايوندىق حالىق ۇكىمەتى
شوكىرات زاكىر
2018-جىلى 9-ايدىڭ 9-كۇنى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
