شي جينپيڭ چاۋشياننىڭ مەملەكەت مەرەكەسىنىڭ 70 جىلدىعى بايلانىسىمەن چاۋشياننىڭ ەڭ جوعارى باسشىسى كيم جوڭ - ۇنگە قۇتتىقتاۋ تەلەگرامماسىن جولدادى
2018.09.11 15:06 كەلۋ قاينارى : شينجياڭ گازەتى
شينحۋا اگەنتتىگىنىڭ 9 - ايدىڭ 9 - كۇنى بەيجيڭنەن بەرگەن حابارى. 9 - ايدىڭ 9 - كۇنى ج ك پ ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ چاۋشياننىڭ مەملەكەت مەرەكەسىنىڭ 70 جىلدىعى بايلانىسىمەن چاۋشيان ەڭبەك پارتياسى ورتالىق كوميتەتىنىڭ باستىعى، مەملەكەت ىستەرى كوميتەتىنىڭ باستىعى كيم جوڭ - ۇنگە قۇتتىقتاۋ تەلەگرامماسىن جولدادى.
شي جينپيڭ قۇتتىقتاۋ تەلەگرامماسىندا بىلاي دەدى: چاۋشيان دەموكراتيالىق حالىق رەسپۋبليكاسى قۇرىلعاندىعىنىڭ 70 جىلدىعى بايلانىسىمەن جۇڭگو كوممۋنيستىك پارتياسى، جۇڭگو ۇكىمەتى، جۇڭگو حالقى اتىنان ءارى ءوز اتىمنان كوميتەت باستىعى جولداستى ءارى ءسىز ارقىلى چاۋشيان ەڭبەك پارتياسىن، چاۋشيان ۇكىمەتىن، چاۋشيان حالقىن قىزۋ قۇتتىقتايمىن جانە ىزگى تىلەك تىلەيمىن.
شي جينپيڭ مىنانى ءبىلدىردى: چاۋشيان دەموكراتيالىق حالىق رەسپۋبليكاسى قۇرىلعان 70 جىلدان بەرى، چاۋشيان حالقى سوتسياليستىك توڭكەرىس پەن قۇرىلىس ىستەرىندە كورنەكتى ناتيجەلەرگە قول جەتكىزدى. سوڭعى جىلدارى كوميتەت باستىعى جولداس چاۋشيان پارتياسى مەن حالقىن باستاپ، ەكونوميكانىڭ، قوعامنىڭ دامۋ سياقتى جاقتاردا ءبىرسىپىرا بەلسەندى شارالاردى قولداندى ءارى ماڭىزدى ناتيجەلەرگە قول جەتكىزدى، چاۋشياننىڭ سوتسياليستىك ىستەرىنىڭ دامۋى جاڭا تاريحي مەزگىلگە ءوتتى. مەن بۇعان شىن جۇرەكتەن قۋانىپ وتىرمىن.
شي جينپيڭ مىنالاردى باسا دارىپتەدى: جۇڭگو مەن چاۋشيان تاۋ - وزەنى تۇتاسقان دوس كورشى ەلدەر. جۇڭگو مەن چاۋشياننىڭ ءداستۇرلى دوستىعىن ەكى ەلدىڭ اعا بۋىن باسشىلارى وزدەرى ورناتقان جانە دەن قويا جەتىلدىرگەن، ەكى جاقتىڭ ورتاق قۇندى بايلىعى. جۇڭگو پارتياسى مەن ۇكىمەتى جۇڭگو مەن چاۋشياننىڭ دوستىق سەلبەستىك قارىم - قاتىناسىنا باسا ءمان بەرەدى، جۇڭگو - چاۋشيان قارىم - قاتىناسىن ويداعىداي قورعاۋ، ويداعىداي بەكەمدەۋ، ويداعىداي دامىتۋ − جۇڭگو پارتياسى مەن ۇكىمەتىنىڭ بۇلجىماس باعىتى. بيىل مەن كوميتەت باستىعى جولداسپەن ءۇش رەت سۇحبات وتكىزىپ، ەكى ەل قارىم - قاتىناسى دامۋىنىڭ باعدارىن اناعۇرلىم ايقىندادىق. كوميتەت باستىعى جولداسپەن بىرگە جۇڭگو - چاۋشيان قارىم - قاتىناسىنىڭ باياندى، اقاۋسىز، ورنىقتى دامۋىن قول ۇستاسا ىلگەرىلەتۋدى، ەكى ەلدى جانە ەكى ەل حالقىن ءتىپتى جاقسى باقىتقا كەنەلتۋدى، ءوڭىردىڭ بەيبىتشىلىگىن، ورنىقتىلىعىن جەبەۋدى قالايمىن. چاۋشيان حالقىنىڭ كوميتەت باستىعى جولداس باستاعان چاۋشيان ەڭبەك پارتياسىنىڭ باسشىلىعىندا مەملەكەتتىڭ دامۋ، قۇرىلىس ىستەرىندە كەسەك ناتيجەلەرگە قول جەتكىزۋىن شىن جۇرەكتەن تىلەيمىن. چاۋشيان دەموكراتيالىق حالىق رەسپۋبليكاسىنىڭ گۇلدەنىپ كوركەيۋىن، حالقىنىڭ باقىتتى، امان - ساۋ بولۋىن شىن جۇرەكتەن تىلەيمىن.
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
