بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>جوتكەمەلەر

مۇراجاي اشۋ ۇستانىمى جاڭاردى، قىزىل كورىنىس تۇيىندەرى قىزا ءتۇستى

2018.09.12 14:15     كەلۋ قاينارى : شينجياڭ گازەتى

  9 - ايدىڭ 7 - كۇنى ساعات 11دە سانجى قالاسىنىڭ ارليۋگۇڭ قالاشىعىنداعى شينجياڭ شينحۇي قىزىل ەستەمە مۇراجايى ەكى توپتاعى 180نەن استام ەكسكۋرسيالاۋشىنى قارسى الىپ ۇلگىردى. «قوس دەمالىس كۇندەرىندە، مەرەكە كۇندەرىندە ساياحاتشىلار ءتىپتى مول بولادى، سانجى قالاسى بيىل وسى جەردى جالپى ءوڭىر ساياحاتى كورىنىس تۇيىندەرىنىڭ قاتارىنا ەنگىزدى»، - دەيدى حالىق باسقارۋىنداعى وسى مۇراجايدىڭ قۇرۋشىسى حۋا شينحۇي تىلشىگە.

  سوڭعى جىلدارى رايونىمىزداعى كوپتەگەن قىزىل كورىنىس تۇيىندەرى ساياحاتتىڭ قولامتالى نىسانالى جەرىنە اينالدى. قىزىل كورىنىس تۇيىندەرىنىڭ دۋمانداي ءتۇسۋىنىڭ سەبەبى مۇراجاي اشۋ ۇستانىمىنىڭ جاڭارۋى بولدى.

  قىزىل كورىنىس تۇيىندەرى شىت جاڭا تۇسكە ەندى

  9 - اي كىرگەننەن بەرى، ءۇرىمجى قۇرباندار قابىرىستاندىعىنا ءار كۇنى 3000 − 4000 ساياحاتشى كەلىپ تۇردى. شىحىزىدا شينجياڭ بيڭتۋان اسكەري تىڭ يگەرۋ مۇراجايى «شىحىزىنىڭ ءبىرىنشى قوناق قابىلداۋ بولمەسىنە» اينالدى، شىحىزىعا كەلگەن كوپتەگەن ساياحاتشىلار تۇگەلدەي وسى اراعا كەلىپ «تىزىمدەلەدى».

  باس شۋجي شي جينپيڭ: «قىزىل بايلىقتان ويداعىداي پايدالانۋ، قىزىل ءداستۇردى ويداعىداي ساۋلەلەندىرۋ، قىزىل گەندى ويداعىداي جالعاستىرۋ كەرەك»، - دەپ باسا دارىپتەدى. بۇل قىزىل كورىنىس تۇيىندەرىنە، كورىنىس وڭىرلەرىنە جاڭالىق اشۋ تالابىن قويدى. كوزقاراس جاڭالانعاندىقتان، قىزىل كورىنىس تۇيىندەرى شىت جاڭا تۇسكە ەنىپ، ساياحاتشىلاردى اناعۇرلىم باۋراي ءتۇستى.

  بۇرىن ءۇرىمجى قۇرباندار قابىرىستاندىعى ادامدارعا كوبىنە - كوپ ايبىندىلىق پەن ۇنسىزدىك سەزىندىرسە، قازىر قۇرباندار قابىرىستاندىعى باقشاداي كوركەم ورتانى قالىپتاستىرۋعا كۇش سالدى. مەملەكەت پەن اۆتونوميالى رايوننىڭ پارمەندى قولداۋىندا قۇرباندار قابىرىستاندىعى باقشا ءىشىنىڭ ورتاسىن تۇتاسىمەن اسەمدەپ دارەجەسىن ءوسىردى، بيىل تاعى مەملەكەتتىڭ 18 ميلليون يۋاننان استام قىزىل ساياحات قارجىسىنا قول جەتكىزىپ، اۆتوتۇراقتان تاعى بىرەۋىن سالىپ، ساياحاتشىلاردىڭ اۆتوكولىك كەپتەلىسىن جەڭىلدەتپەكشى؛ قاقپانىڭ سول جاعىنان «قۇرمەت باقشاسىن» قۇرىپ، كوركەم ورتا مەن تاربيە يقۋاتىن ءبىر تۇلعالاندىرماقشى. «ادامدار توڭكەرىستىك مادەنيەتتى سەزىندى، توڭكەرىستىك قۇرباندارعا قۇرمەت بىلدىرۋدەن اۋەلگى ماقساتتى ۇمىتپاۋعا دەيىن، اسەم دە ايباتتى ورتا ادام جانىنىڭ تازارۋىنا جانە ءوزىن باعامداۋعا ءتىپتى قولايلى»، - دەدى قۇرباندار قابىرىستاندىعىنىڭ جاۋاپتىسى ۋاڭ جينجى. قىزىل كورىنىس تۇيىندەرىنىڭ باۋ - باقشالانۋى اۋقىمعا اينالىپ ۇلگىردى.

  قىزىل مادەني ەسكەرتكىشتەر «جاندانا» ءتۇستى

  شينجياڭ بيڭتۋان اسكەري تىڭ يگەرۋ مۇراجايىنداعى ەڭ «الىپ» كورمە بۇيىمى 40 مەتر كەڭدىكتەگى، 12 مەتر بيىكتىكتەگى دوعاشا جارىم كورىنىس سۋرەتى «تىڭ يگەرىپ، شەكارانى قورعاۋ» سانالادى، سان مىڭداعان ادامنىڭ قۇبا تۇزدە تىڭ يگەرىپ، شارۋاشىلىق قۇرعانداعى دۋماندى جاعدايىن قايتا بەينەلەگەن بۇل سۋرەتتى لۋشۇن اسەمونەر شۋەيۋانىنداعى 10 نەشە ماي بوياۋ سۋرەتشىسى ءبىر جىل ۋاقىت جۇمساپ سىزعان. جارىمى ماي بوياۋلى سۋرەت، جارىمى قۇبا ءتۇزدىڭ ناقتى كورىنىسى، سۋرەت الدىندا تۇرعان ادام سوندا جۇرگەندەي بولادى دا، ءاربىر ساياحاتشىعا تىڭ يگەرۋشى جاۋىنگەرلەردىڭ شارۋاشىلىق قۇرۋ ىنتاسىن شىنايى سەزىندىرىپ، رۋحاني جاقتان سەرپىلتەدى جانە تازارتادى. كوپ نەگىزدى تاراتۋ ءتاسىلى تالاي جىلدىق تاريحقا يە مادەني ەسكەرتكىشتەردى «جانداندىرىپ»، ساياحاتشىلاردىڭ جۇرەك قىلىن تىپتەن وڭاي تەربەيتىن بولدى.

  شينجياڭ بيڭتۋان اسكەري تىڭ يگەرۋ مۇراجايى بۇكىل شينجياڭدا، بۇكىل ەلدە ارالاپ كورمە وتكىزۋ ارقىلى مادەني ەسكەرتكىشتەردى اناعۇرلىم الىسقا جەتكىزىپ، قىزىل مادەنيەتتىڭ ىقپالىن كەڭەيتتى. 9 - ايدىڭ 6 - كۇنى «كەسكىندەلگەن بيڭتۋان − شينجياڭ ءوندىرىس - قۇرىلىس بيڭتۋانىنىڭ تاريحي سۋرەتتەر كورمەسى» بەيتۇندەگى كورمەسىن اياقتاتىپ، ەندى ءبىر قالا − ارالعا كەلدى. اسكەري تىڭ يگەرۋ مۇراجايى 20 − 30 مىڭ قىمباتتى تاريحي سۋرەت ىشىنەن 397 سۋرەتتى دەن قويا تاڭداپ، 126 كورمە تاقتاسىن جاساپ، بيڭتۋاننىڭ تاريحىن جيناقتادى. بۇل كورمە 2018 - جىلعى مەملەكەتتىك كوركەمونەر قورى قارجىلاي كومەكتەسكەن نىسان بولىپ، وڭتۇستىك، سولتۇستىك شينجياڭدا جانە ەلىمىزدەگى كوپتەگەن قالادا ارالاپ وتكىزىلەدى. مۇراجايدىڭ ورىنباسار باستىعى ساي شياۋچۋان بىلاي دەدى: مادەني ەسكەرتكىشتەر «ارەكەتتەنىپ»، بيڭتۋان رۋحىنىڭ ىقپالىن كەڭەيتتى، سونىمەن قاتار، اناعۇرلىم كوپ ساياحاتشىنى شىحىزىعا كەلۋگە باۋرادى.

  سوڭعى جىلدارى شينجياڭ بيڭتۋان اسكەري تىڭ يگەرۋ مۇراجايى جىلىنا 500 مىڭ ادام - رەتكە جۋىق ساياحاتشى قابىلدايدى. بيىل «1 - مامىر» جانە قۇربات ايت دەمالىسى كەزىندە، كۇنىنە 5000 ادام - رەت شاماسىندا ساياحاتشى قابىلدادى.

  حالىق باسقارۋىنداعى ەسكەرتكىش سارايدىڭ قىزىل مادەنيەتتى تاراتۋىنا قولداۋ كورسەتىلدى

  شينجياڭ شينحۇي قىزىل ەستەمە مۇراجايىن قۇرۋشى حۋا شينحۇي قىزىل مادەني ەسكەرتكىشتى ساقتاۋشىلاردىڭ ءبىرى. 4 جىلدىڭ الدىندا ول سانجى قالاسى ارليۋگۇڭ قالاشىعىنان 600 نەشە شارشى مەتر كەلەتىن كونە قويما تاۋىپ، ءوزىنىڭ 20 مىڭعا تارتا ساقتاۋلى بۇيىمىن وسى اراعا ورنالاستىرادى. بۇل قىزىل ەستەمە مۇراجايى جۇمىس باستاعان 5 جىلدان بەرى ءار دارەجەلى ۇكىمەتتىڭ بارىنشا سۇيەمەلدەۋىنە يە بولادى. 2017 - جىلى ورتالىق قازىنا قارجى شىعارىپ، مۇراجايدىڭ وڭتۇستىك، سولتۇستىك شينجياڭدى ارالاپ كورمە وتكىزۋىنە قولداۋ كورسەتتى. بيىل سانجى قالالىق پارتكومنىڭ ۇيىمداستىرۋ ءبولىمى وسى مۇراجايدىڭ الەۋمەتتىك قىزمەت كورسەتۋىن ساتىپ الىپ، تۇتاس قالاداعى پارتيا مۇشەلەرى، تۋىستاسۋ وبيەكتىلەرى، بايلانىس ورناتقان وتباسىلارى جانە ورتا مەكتەپ وقىتۋشى - وقۋشىلارى اراسىندا تاقىرىپتىق تاربيە قيمىلىن ورىستەتتى. بيىل 6 - ايدا بۇل مۇراجاي سانجى قالاسى جاعىنان جالپى ءوڭىر ساياحاتى كورىنىس تۇيىندەرىنىڭ بىرىنە ەنگىزىلگەننەن كەيىن، ءتىپتى دە كوپ ساياحاتشى ارت - ارتىنان كەلدى.

  حالىق باسقارۋىنداعى ەسكەرتكىش سارايدىڭ قارىشتاپ دامۋى قىزىل كورىنىس تۇيىندەرىن ۇزدىكسىز كەڭەيتىپ، قىزىل مادەني ەسكەرتكىشتەردىڭ ءتۇرىن بارعان سايىن مولايتتى.

  «ۇكىمەتتىڭ قولداۋى ارقاسىندا، مەن كورمە ورتاسىن جاقسارتىپ، تۇسىندىرۋشىلەردى كوبەيتتىم، تاعى ءبىراز ساقتاۋلى بۇيىمدار ساتىپ الۋدى دا ويلاپ وتىرمىن، الداعى باعىتىم − ۇقساماعان نەگىزگى تاقىرىپتاعى سارا تۋىندىلار كورمەسىن اشۋ»، - دەيدى حۋا شينحۇي.

  قازىر مۇراجاي «ماركس دۇنيەگە كەلگەندىگىنىڭ 200 جىلدىعىنا جانە <كوممۋنيستىك پارتيا جارناماسى> جاريالانعاندىعىنىڭ 170 جىلدىعىنا ارنالعان حۇجاتتاردىڭ سارا تۋىندىلار كورمەسىن» وتكىزۋدە. ءتىلشى بۇل ارادان «كوممۋنيستىك پارتيا جارناماسىنىڭ» ۇقساماعان مەملەكەتتە، ۇقساماعان جازۋدا، ۇقساماعان مەزگىلدە باسىلىپ شىققان 30 نەشە تۇردەگى باسىلىمىن جانە 1930 - جىلى ەلىمىزدە تۇڭعىش رەت باسىلىپ شىققان «كاپيتالدى» كوردى. سيرەك كەزدەسەتىن باعالى حۇجاتتار ساياحاتشىلاردى الدىندا ايالداپ، اسىقپاي تاماشالاۋعا باۋرادى. «وسى مادەني ەسكەرتكىشتەر بىزگە ماركسيزمنىڭ دامۋ بارىسىن ءتۇسىندىرىپ، نازاريا سەنىمىمىزدى اناعۇرلىم بەكەمدەدى»، - دەيدى ۋاڭ شيڭجياڭ ەسىمدى ساياحاتشى تىلشىگە.
جاۋاپتى رەداكتورى : مانەپ ەربول ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار