شي جينپيڭ وقۋ - اعارتۋ جونىندەگى مەملەكەتتىك ماجىلىستە مىنانى باسا دارىپتەدى
جۇڭگوشا سوتسياليستىك وقۋ - اعارتۋدى دامىتۋ جولىنا تاباندى بولىپ، احىلاق، اقىل - وي، دەنە، ەستەتيكا، ەڭبەك جاعىنان جان - جاقتى جەتىلگەن سوتسياليزمنىڭ قۇرىلىسشىلارى مەن ءىزباسارلارىن باۋلۋ كەرەك
شي جينپيڭ پارتيا ورتالىق كوميتەتى اتىنان بۇكىل ەلدەگى قالىڭ وقىتۋشىلار مەن وقۋ - اعارتۋ قىزمەتكەرلەرىنىڭ مەرەكەسىن قىزۋ قۇتتىقتادى جانە ىقىلاستى سالەم جولدادى لي كىچياڭ ءسوز سويلەدى، ۋاڭ ياڭ، ۋاڭ حۋنيڭ، جاۋ لىجي، حان جىڭ ماجىلىسكە قاتىناستى
2018.09.12 15:00 كەلۋ قاينارى : شينجياڭ گازەتى
شينحۋا اگەنتتىگىنىڭ 9 - ايدىڭ 10 - كۇنى بەيجيڭنەن بەرگەن حابارى (تىلشىلەر ۋ جيڭ، حۋ حاۋ). وقۋ - اعارتۋ جونىندەگى مەملەكەتتىك ءماجىلىس 9 - ايدىڭ 10 - كۇنى بەيجيڭدە اشىلدى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ماجىلىسكە قاتىناستى ءارى ماڭىزدى ءسوز سويلەدى. ول مىنالاردى باسا دارىپتەدى: پارتيانىڭ پارمەندى باسشىلىعىندا، پارتيانىڭ وقۋ - اعارتۋ باعىتىن جاپپاي دايەكتىلەندىرۋ، ماركسيزمنىڭ جەتەكشى ورنىنا تاباندى بولۋ، جۇڭگوشا سوتسياليستىك وقۋ - اعارتۋدى دامىتۋ جولىنا تاباندى بولۋ، سوتسياليستىك ءبىلىم بەرۋ باعىتىنا تاباندى بولۋ، نەگىزگى مەملەكەت جاعدايىن تياناق ەتۋ، وقۋ - اعارتۋ زاڭدىلىعىنا بويسۇنۋ، رەفورما جاساۋعا، جاڭالىق اشۋعا تاباندى بولۋ، جۇرت تىلەگىن توعىستىرۋدى، كىسىلىك قاسيەتتى كەمەلدەندىرۋدى، ادام كۇشىن اشۋدى، دارىندى باۋلۋدى، حالىقتى باقىتقا كەنەلتۋدى قىزمەت نىساناسى ەتىپ، احىلاق، اقىل - وي، دەنە، ەستەتيكا، ەڭبەك جاعىنان جان - جاقتى جەتىلگەن سوتسياليزمنىڭ قۇرىلىسشىلارى مەن ءىزباسارلارىن باۋلۋ، وقۋ - اعارتۋدى وسىزامانداندىرۋدى، وقۋ - اعارتۋدا قۋاتتى ەل قۇرۋدى، حالىق رازى بولاتىن وقۋ - اعارتۋ ىستەرىن ويداعىداي جۇرگىزۋدى جەدەل ىلگەرىلەتۋ كەرەك.
9 - ايدىڭ 10 - كۇنى ەلىمىزدىڭ 34 - رەتكى وقىتۋشىلار مەرەكەسى، شي جينپيڭ پارتيا ورتالىق كوميتەتى اتىنان بۇكىل ەلدەگى قالىڭ وقىتۋشىلار مەن وقۋ - اعارتۋ قىزمەتكەرلەرىنە مەرەكەلىك قىزۋ قۇتتىقتاۋ جانە ىقىلاستى سالەم جولدادى. ول مىنالاردى باسا دارىپتەدى: ۇزاق ۋاقىتتان بەرى، قالىڭ وقىتۋشىلار پارتيانىڭ وقۋ - اعارتۋ باعىتىن دايەكتىلەندىرىپ، ءبىلىم بەرىپ، ادام تاربيەلەپ، جۇرەك قاندارىن سارقىپ، ءۇنسىز ۇلەس قوسىپ، مەملەكەتتىڭ دامۋى مەن ۇلتتىڭ گۇلدەنۋى ءۇشىن ەلەۋلى ۇلەس قوستى. وقىتۋشى − ادام جانىنىڭ ينجەنەرى، ادامزات وركەنيەتىنىڭ جالعاستىرۋشىسى، ول ءبىلىم بەرۋ، يدەيا تاراتۋ، اقيقات تاراتۋ، رۋح سومداۋ، ءومىر سومداۋ، جاڭا ادام سومداۋ سىندى ءداۋىردىڭ كەلەلى مىندەتىن ارقالايدى. بۇكىل پارتيا، بۇكىل قوعام وقىتۋشىنى قۇرمەتتەپ، وقۋ - اعارتۋعا ءمان بەرەتىن قوعامدىق سالتتى اسقاقتاتىپ، وقىتۋشىنىڭ ساياسي ورنىن، قوعامدىق ورنىن، كاسىپتىك ورنىن قۇلشىنا جوعارىلاتىپ، قالىڭ وقىتۋشىلاردىڭ ءتيىستى قوعامدىق بەدەلگە يە بولۋىنا، ءبىلىم بەرىپ، ادام تاربيەلەيتىن ورىندا پارتيا مەن حالىق ىستەرى ءۇشىن جاڭا، اناعۇرلىم كەسەك ۇلەس قوسۋىنا مۇمكىندىك جاساۋ كەرەك.
لي كىچياڭ ماجىلىستە ءسوز سويلەدى. ۋاڭ ياڭ، ۋاڭ حۋنيڭ، جاۋ لىجي، حان جىڭ ماجىلىسكە قاتىناستى.
شي جينپيڭ سوزىندە مىنالاردى اتاپ كورسەتتى: پارتيا 19 - قۇرىلتايى جاڭا داۋىردە جۇڭگوشا سوتسياليزمگە تاباندى بولۋدىڭ جانە ونى دامىتۋدىڭ ستراتەگيالىق بيىگىنەن وقۋ - اعارتۋ ىستەرىن الدىمەن دامىتۋ، وقۋ - اعارتۋدى وسىزامانداندىرۋ، وقۋ - اعارتۋدا قۇدىرەتتى ەل قۇرۋ جونىندە كەلەلى ورنالاستىرۋ جاسادى. وقۋ - اعارتۋ − ۇلتتىڭ گۇلدەنۋىنىڭ، قوعامنىڭ العا باسۋىنىڭ ماڭىزدى ىرگە تاسى، ەڭبەگى قازىر سىڭەتىن، يگىلىگىن كەيىن كورەتىن ءمورالدىق ينجەنەريا، حالىقتىڭ جالپىلىق ساپاسىن جوعارىلاتۋدا، ادامنىڭ جان - جاقتى دامۋىن جەبەۋدە، جۇڭحۋا ۇلتىنىڭ جاڭالىق اشۋ، جاسامپازدىق ومىرشەڭدىگىن كۇشەيتۋدە، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدا شەشۋشى مانگە يە. وقۋ - اعارتۋ − مەملەكەتتىڭ ۇلى ءىسى، پارتيانىڭ ۇلى ءىسى.
شي جينپيڭ مىنالاردى باسا دارىپتەدى: پارتيا 18 - قۇرىلتايىنان بەرى، ءبىز قانداي ادام تاربيەلەۋ، ادامدى قالاي تاربيەلەۋ، كىم ءۇشىن تاربيەلەۋ سىندى ءتۇبىرلى ماسەلەنى ارقاۋ ەتىپ، پارتيانىڭ وقۋ - اعارتۋ قىزمەتىنە باسشىلىعىن جاپپاي كۇشەيتىپ، ونەگە كورسەتىپ، ادام تاربيەلەۋگە تاباندى بولىپ، مەكتەپتەردىڭ يدەيا - ساياسي قىزمەتىن كۇشەيتىپ، وقۋ - اعارتۋ رەفورماسىن ىلگەرىلەتىپ، وقۋ - اعارتۋداعى ولقىلىقتاردى جەدەل تولىقتادىق، وقۋ - اعارتۋ ىستەرىنىڭ جۇڭگوشا ەرەكشەلىگى اناعۇرلىم ايقىندالىپ، وقۋ - اعارتۋدىڭ وسىزاماندانۋى جەدەل ىلگەرىلەپ، وقۋ - اعارتۋ جاعىنداعى حالىقتىڭ تابىس سەزىمى ايتارلىقتاي كۇشەيىپ، ەلىمىز وقۋ - اعارتۋىنىڭ حالىقارالىق ىقپالى جەدەل جوعارىلاپ، ءبىر ميلليارد 300 ميلليوننان استام جۇڭگو حالقىنىڭ يدەيا - ءمورال ساپاسى مەن عىلىم - مادەنيەت ساپاسى جاپپاي ءوستى.
شي جينپيڭ مىنالاردى اتاپ كورسەتتى: اماليات بارىسىندا، ءبىز وقۋ - اعارتۋعا رەفورما جاساۋ جانە ونى دامىتۋ جونىندە ءبىرسىپىرا جاڭا ۇستانىمداردى، جاڭا يدەيالاردى، جاڭا كوزقاراستاردى ورتاعا قويدىق، بۇل، باستىسى، مىنا بىرنەشە جاقتان بەينەلەندى: پارتيانىڭ وقۋ - اعارتۋ ىستەرىنە جاپپاي باسشىلىعىنا تاباندى بولۋ، ونەگە كورسەتىپ، ادام تاربيەلەۋدى ءتۇبىرلى مىندەت ەتۋگە تاباندى بولۋ، وقۋ - اعارتۋ ىستەرىن الدىمەن دامىتۋعا تاباندى بولۋ، سوتسياليستىك مەكتەپ باسقارۋ باعىتىنا تاباندى بولۋ، جۇڭگونىڭ بايتاق دالاسىنا تامىر تارتىپ وقۋ - اعارتۋ ىستەرىن جۇرگىزۋگە تاباندى بولۋ، حالىقتى وزەك ەتىپ وقۋ - اعارتۋدى دامىتۋعا تاباندى بولۋ، وقۋ - اعارتۋعا ىشكەرىلەي رەفورما جاساپ، جاڭالىق اشۋعا تاباندى بولۋ، جۇڭحۋا ۇلتىنىڭ ۇلى گۇلدەنۋىنە قىزمەت ەتۋدى وقۋ - اعارتۋدىڭ ماڭىزدى بورىشى ەتۋگە تاباندى بولۋ، وقىتۋشىلار قوسىنى قۇرىلىسىن نەگىزدىك قىزمەت ەتۋگە تاباندى بولۋ. بۇل − ءبىزدىڭ ەلىمىز وقۋ - اعارتۋ ىستەرىنىڭ زاڭدىلىعى جونىندەگى تانىمىمىزدىڭ تەرەڭدەگەندىگى، بۇل وڭاي قولعا كەلگەن جوق، وعان ءارقاشان تاباندى بولۋ جانە ونى ۇزدىكسىز بايىتۋ، دامىتۋ كەرەك.
شي جينپيڭ مىنالاردى باسا دارىپتەدى: جاڭا داۋىردە، جاڭا جاعدايدا، رەفورما جاساپ، ەسىك اشۋ مەن سوتسياليستىك وسىزامانداندىرۋ قۇرىلىسى، ادامنىڭ جان - جاقتى دامۋىن جانە قوعامنىڭ جان - جاقتى العا باسۋىن جەبەۋ وقۋ - اعارتۋ مەن ۇيرەنۋگە جاڭا، اناعۇرلىم جوعارى تالاپ قويدى. ءبىز ورايدى مىقتى يگەرىپ، ۇزاقتى بولجاپ ورنالاستىرۋ جاساپ، اناعۇرلىم بيىك تاريحي دەڭگەيمەن، اناعۇرلىم كەڭ حالىقارالىق كوز ايامەن، اناعۇرلىم تەرەڭ ستراتەگيالىق كورەگەندىكپەن وقۋ - اعارتۋدى وسىزامانداندىرۋدى جەدەل ىلگەرىلەتۋ، وقۋ - اعارتۋدا قۇدىرەتتى ەل قۇرۋ جونىندە جالپىلىق ورنالاستىرۋ جانە ستراتەگيالىق جوبا جاساپ، وقۋ - اعارتۋ ىستەرىن الدىمەن دامىتۋدى پارتيا مەن مەملەكەت ىستەرىنىڭ دامۋىن ىلگەرىلەتۋدە الدىمەن اتقاراتىن ماڭىزدى شارا ەتۋگە تاباندى بولىپ، وقۋ - اعارتۋدىڭ پارتيا مەن مەملەكەت ىستەرىنىڭ دامۋ تالابىنا ۇيلەسۋىنە، حالىق بۇقاراسىنىڭ تىلەگىنە سايكەسۋىنە، ەلىمىزدىڭ جالپىلىق مەملەكەت قۋاتى مەن حالىقارالىق ورنىنا ساي كەلۋىنە ۇزدىكسىز مۇمكىندىك جاساۋىمىز كەرەك.
شي جينپيڭ مىنالاردى اتاپ كورسەتتى: قانداي ادام تاربيەلەۋ − وقۋ - اعارتۋداعى باستى ماسەلە. ەلىمىز جۇڭگو كوممۋنيستىك پارتياسى باسشىلىعىنداعى سوتسياليستىك مەملەكەت، بۇل ءبىزدىڭ وقۋ - اعارتۋىمىز، ءسوز جوق، سوتسياليزمنىڭ قۇرىلىسشىلارى مەن ءىزباسارلارىن تاربيەلەۋدى ءتۇبىرلى مىندەت ەتىپ، جۇڭگو كوممۋنيستىك پارتياسىنىڭ باسشىلىعى مەن ەلىمىزدىڭ سوتسياليستىك ءتۇزىمىن قولدايتىن، جۇڭگوشا سوتسياليزم ءۇشىن ءومىر بويى كۇرەس جۇرگىزۋدى مۇرات ەتەتىن سانسىز ۇرپاق جارامدى دارىندىلار تاربيەلەۋ كەرەكتىگىن بەلگىلەگەن. بۇل − وقۋ - اعارتۋ قىزمەتىنىڭ ءتۇبىرلى مىندەتى، سونداي - اق وقۋ - اعارتۋدى وسىزامانداندىرۋدىڭ باعىتى مەن نىساناسى.
شي جينپيڭ مىنالاردى باسا دارىپتەدى: مۇرات - سەنىمدى بەكەمدەۋگە كۇش سالىپ، وقۋشىلاردى كوممۋنيستىك ۇلى مۇرات جانە جۇڭگوشا سوتسياليستىك ورتاق مۇرات ورناتىپ، وقۋشىلاردىڭ جۇڭگوشا سوتسياليزم جولى سەنىمىن، نازاريا سەنىمىن، ءتۇزىم سەنىمىن، مادەنيەت سەنىمىن كۇشەيتىپ، ۇلتتى گۇلدەندىرۋ سىندى ءداۋىردىڭ ماڭىزدى مىندەتىن ارقالاۋدى مۇرات ەتۋگە تاربيەلەۋ جانە باستاۋ كەرەك. تەرەڭ وتانشىلدىق سۇيىسپەنشىلىك ورناتۋعا كۇش سالىپ، وتانشىلدىق رۋحتىڭ وقۋشى جۇرەگىنە بەرىك تامىر تارتۋىنا مۇمكىندىك جاساپ، وقۋشىلاردى جۇڭگو كوممۋنيستىك پارتياسىن قىزۋ سۇيۋگە جانە قولداۋعا، پارتيانىڭ سوزىنە قۇلاق اسىپ، پارتياعا ىلەسۋدى مۇرات ەتۋگە، حالىققا تامىر تارتىپ، مەملەكەتكە ۇلەس قوسۋدى مۇرات ەتۋگە تاربيەلەۋ جانە جەتەكتەۋ كەرەك. مىنەز - قۇلىق ساپاسىن كۇشەيتۋگە كۇش سالىپ، وقۋشىلاردى سوتسياليستىك وزەكتى قۇن كوزقاراسىن جەتىلدىرۋگە جانە جۇزەگە اسىرۋعا، مىنەز - قۇلىقتى تاباندىلىقپەن جاقسى سومداپ، ۇلى سۇيىسپەنشىلىككە، ۇلى ءمورالعا، ۇلى ىقىلاسقا يە ادام بولۋعا تاربيەلەۋ جانە جەتەكتەۋ كەرەك. ءبىلىم وسىرۋگە، وي ءورىستى كەڭەيتۋگە كۇش سالىپ، وقۋشىلاردى ۇيرەنۋ ۋاقىتىن قادىرلەۋگە، بار ىنتا - ىقىلاسىمەن ءبىلىم قۋىپ، وقۋ ىزدەۋگە، وي ءورىستى كەڭەيتىپ، ءبىلىمىن مولايتۋعا، اقيقاتقا تالپىنۋ، قاعيدا - جوسىندى ءتۇسىنۋ، جۇيە - جۇلگەنى ءبىلۋ باعىتىمەن العا باسۋعا تاربيەلەۋ جانە جەتەكتەۋ كەرەك. كۇرەسكەرلىك رۋحتى جەتىلدىرۋگە كۇش سالىپ، وقۋشىلاردى اسقاق مۇرات ورناتۋعا، باتىلدىقپەن جاۋاپكەرلىك ارقالايتىن، تالماي كۇرەسەتىن رۋح شىڭداۋعا، جۇرەكتىلىكپەن كۇرەس جۇرگىزەتىن رۋحاني كۇيگە، ومىرگە ۇمىتپەن قاراپ، ورگە ۇمتىلاتىن پوزيتسياعا يە بولۋعا، قاجىرلى دا ىسكەر بولىپ، تىنباي قۇلشىنۋعا تاربيەلەۋ جانە جەتەكتەۋ كەرەك. جالپىلىق ساپانى كۇشەيتۋگە كۇش سالىپ، وقۋشىلاردى جالپىلىق قابىلەتتى جەتىلدىرۋگە، جاسامپازدىقپەن ويلاۋ قابىلەتىن جەتىلدىرۋگە تاربيەلەۋ جانە جەتەكتەۋ كەرەك. دەنساۋلىق ءبىرىنشى دەيتىن وقۋ - اعارتۋ ۇستانىمىن ورناتىپ، دەنە تاربيە ساباقتارىن تولىق، جەتكىلىكتى اشىپ، وقۋشىلاردىڭ دەنە تاربيەلىك شىنىعۋ بارىسىندا قۋانىش - قىزىقتان ءلاززاتتانۋىنا، دەنە ساپالارىن كۇشەيتۋىنە، كىسىلىك قاسيەتتەرىن اقاۋسىزداندىرۋىنا، ەرىك - جىگەرىن شىڭداۋىنا كومەكتەسۋ كەرەك. مەكتەپتەردىڭ ەستەتيكالىق تاربيەسىن جاپپاي كۇشەيتىپ جانە جاقسارتىپ، ەستەتيكا ارقىلى ادام تاربيەلەپ، مادەنيەت ارقىلى ادام باۋلىپ، وقۋشىلاردىڭ ەستەتيكالىق جانە گۋمانيتارلىق ساپالارىن جوعارىلاتۋ كەرەك. وقۋشىلار اراسىندا ەڭبەكشىلدىك رۋحتى اسقاقتاتىپ، وقۋشىلاردى ەڭبەكتى ارداقتاۋعا، ەڭبەكتى قۇرمەتتەۋگە، ەڭبەك − ەڭ داڭقتى، ەڭبەك − ەڭ ارداقتى، ەڭبەك − ەڭ ۇلى، ەڭبەك − ەڭ كوركەم دەيتىن قيسىندى بىلۋگە، ەرجەتكەن سوڭ تەر توگىپ ەڭبەك ەتۋگە، ادال ەڭبەك ەتۋگە، جاسامپازدىقپەن ەڭبەك ەتۋگە تاربيەلەۋ جانە جەتەكتەۋ كەرەك.
شي جينپيڭ مىنالاردى اتاپ كورسەتتى: احىلاق، اقىل - وي، دەنە، ەستەتيكا، ەڭبەك جاعىنان جان - جاقتى تاربيەلەيتىن وقۋ - اعارتۋ جۇيەسىن قۇرىپ، جوعارى دەڭگەيلى دارىندى تاربيەلەۋ جۇيەسىن قالىپتاستىرۋعا قۇلشىنۋ كەرەك. ونەگە كورسەتىپ، ادام تاربيەلەۋدى يدەيا - ءمورال تاربيەسىنىڭ، مادەنيەت - ءبىلىم تاربيەسىنىڭ، قوعامدىق اماليات تاربيەسىنىڭ ءتۇرلى بۋىندارىمەن توعىستىرىپ، نەگىزدىك وقۋ - اعارتۋدىڭ، كاسىپتىك وقۋ - اعارتۋدىڭ، جوعارى وقۋ - اعارتۋدىڭ ءتۇرلى سالالارىمەن ساباقتاستىرۋ، ءپان جۇيەسىن، وقىتۋ جۇيەسىن، وقۋلىق جۇيەسىن، باسقارۋ جۇيەسىن وسى نىسانانى ارقاۋ ەتە وتىرىپ جوبالاۋ، وقىتۋشىلار وسى نىسانانى ارقاۋ ەتە وتىرىپ وقىتۋى، وقۋشىلار وسى نىسانانى ارقاۋ ەتە وتىرىپ وقۋى كەرەك. وسى نىسانانى ىسكە اسىرۋعا ءتيىمسىز ءادىس - امال اتاۋلىنىڭ بارلىعىن باتىل تۇردە وزگەرتۋ كەرەك.
شي جينپيڭ مىنالاردى باسا دارىپتەدى: سوتسياليستىك وسىزاماندانعان قۇدىرەتتى ەل قۇرۋ وقىتۋشىلار قوسىنى قۇرىلىسىنا جاڭا، ءتىپتى جوعارى تالاپتار قويىپ وتىر، بۇكىل پارتياعا، بۇكىل قوعامعا دا وقىتۋشىلاردى قۇرمەتتەۋ، وقۋ - اعارتۋعا ءمان بەرۋ تۇرعىسىنان جاڭا، ءتىپتى جوعارى تالاپتار قويىپ وتىر. حالىق وقىتۋشىسى − تەڭدەسسىز داڭقتى، ءاربىر وقىتۋشى وسى داڭقتى قاستەرلەپ، وسى ماماندىقتىڭ قادىرىنا جەتىپ، وزىنە قاتاڭ تالاپ قويىپ، ءوزىن ۇزدىكسىز كەمەلدەندىرۋى كەرەك. وقىتۋشى بولعان ادام ءبىلىم بەرىپ، ادام تاربيەلەۋدەن جازباۋى، بويىندا وقۋ - اعارتۋدى قىزۋ سۇيەتىن تاباندىلىق، اتاق - ابىرويعا قىزىقپايتىن تاباندىلىق بولۋى قاجەت. ءبىلىم بەرۋ شارت - جاعدايىنىڭ ۇزدىكسىز كەمەلدەنۋىنە بايلانىستى، وقۋ - اعارتۋ ۇسىنىلىمىن كوبىرەك وقىتۋشىلارعا بەيىمدەۋ، وقىتۋشىلاردىڭ يگىلىگىن ۇزدىكسىز جوعارىلاتۋ، قالىڭ وقىتۋشىلاردىڭ وقىتۋ جۇمىسىمەن الاڭسىز، ىنتالى تۇردە اينالىسۋىنا مۇمكىندىك جاساۋ كەرەك. وقىتۋشىلار قوسىنىندا ءومىر ءسۇرىپ وتىرعان ماسەلەلەردى باتىلدىقپەن زاڭ، ءتارتىپ بويىنشا قاتاڭ جازالاۋ كەرەك.
شي جينپيڭ مىنالاردى اتاپ كورسەتتى: وقۋ - اعارتۋ ءتۇزىلىسى رەفورماسىن تەرەڭدەتىپ، ونەگە كورسەتىپ، ادام تاربيەلەۋدى تياناقتاندىرۋ مەحانيزمىن اقاۋسىزداندىرىپ، وقۋ - اعارتۋدى باعالاۋدىڭ عىلمي بولماعان باعدارىن تۇزەتىپ، نومىرگە، ۇلگەرىمگە، ديپلومعا، ديسسەرتاتسياعا، ات - اتاققا عانا قارايتىن كەسىرلى ىندەتتەردى باتىل الاستاپ، وقۋ - اعارتۋدى باعالاۋداعى دريجەرلىك تاياقشا ماسەلەسىن تۇبىرىنەن شەشۋ كەرەك. مەكتەپ باسقارۋ ءتۇزىلىسى مەن وقۋ - اعارتۋدى باسقارۋ رەفورماسىن تەرەڭدەتىپ، وقۋ - اعارتۋ ىستەرى دامۋىنىڭ جاندى ومىرشەڭدىك كۇشىن تولىق جالىنداتۋ كەرەك. وقۋ - اعارتۋدىڭ ەكونوميكالىق، قوعامدىق دامۋعا قىزمەت ەتۋ قابىلەتىن جوعارىلاتىپ، جوعارى مەكتەپتەردىڭ وڭىرلىك ورنالاسۋىن، ءپان قۇرىلىمىن، كاسىپتەردىڭ جايعاسۋىن رەتتەپ جانە ساپالىلاندىرىپ، پاندەر مەن كاسىپتەردى يكەمدى رەتتەۋ مەحانيزمىن ورناتىپ جانە كەمەلدەندىرىپ، بىرەگەي داشۋەلەر مەن بىرەگەي پاندەر قۇرىلىسىن جەدەلدەتىپ، ءوندىرۋ، وقىتۋ، زەرتتەۋدىڭ سەلبەسە جاڭالىق اشۋىن ىلگەرىلەتىپ، جاڭالىق اشۋدى جەتەكشى ەتكەن دامۋ ستراتەگياسىنىڭ اتقارىلۋىنا بەلسەنە ات سالىسىپ، جاڭاشىل، جان - جاقتىلى، بىلىكتى دارىندىلار تاربيەلەۋگە باسا نازار اۋدارۋ كەرەك. وقۋ - اعارتۋدىڭ ەسىك اشۋىن كەڭەيتىپ، دۇنيە جۇزىندەگى ماڭداي الدى بايلىقتارمەن جوعارى دەڭگەيلى سەلبەسە ءبىلىم بەرۋدى قانات جايدىرۋ كەرەك.
شي جينپيڭ مىنالاردى باسا دارىپتەدى: وقۋ - اعارتۋ قىزمەتىنە پارتيانىڭ جاپپاي باسشىلىعىن كۇشەيتۋ − وقۋ - اعارتۋدى ويداعىداي ىستەۋدىڭ ءتۇبىرلى كەپىلى. وقۋ - اعارتۋ تاراۋلارى مەن ءار دارەجەلى، ءار ءتۇرلى مەكتەپتەردىڭ پارتيا ۇيىمدارى «ءتورت تانىمدى» نىعايتىپ، «ءتورت سەنىمدى» بەكەمدەپ، پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن مىزعىماستان قورعاپ، ساياسي تۇرعى، ساياسي باعدار، ساياسي پرينسيپ، ساياسي جول جاعىندا سانالى تۇردە پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاۋ كەرەك. ءار دارەجەلى پارتكومدار وقۋ - اعارتۋ رەفورماسىن، دامۋىن كەڭەستىك تارتىپكە ەنگىزۋى، پارتيا، ۇكىمەت ورىندارىنداعى نەگىزگى جاۋاپتى جولداستار وقۋ - اعارتۋعا قانىق بولۋى، وقۋ - اعارتۋعا كوڭىل ءبولۋى، وقۋ - اعارتۋدى زەرتتەۋى كەرەك. ءار دارەجەلى، ءار ءتۇرلى مەكتەپتەردەگى پارتيا ۇيىمدارى مەكتەپتىڭ پارتيا قۇرىلىسى قىزمەتىن ويداعىداي يگەرۋدى ءبىلىم بەرۋ، مەكتەپ باسقارۋداعى نەگىزگى قابىلەت ەتىپ، پارتيانىڭ وقۋ - اعارتۋ باعىتىن مەكتەپ قىزمەتىنىڭ ءتۇرلى جاقتارىندا جاپپاي دايەكتىلەندىرۋ كەرەك. يدەيالىق - ساياسي قىزمەت − مەكتەپتىڭ ءتۇرلى قىزمەتىنىڭ كۇرە تامىرى، ءار دارەجەلى پارتكومدار، ءار دارەجەلى وقۋ - اعارتۋدى باسقارۋ تاراۋلارى، مەكتەپ پارتيا ۇيىمدارى تۇگەلدەي وسى قىزمەتتى، ءسوز جوق، مىقتاپ قولعا ۇستاۋ كەرەك. يدەيالىق - ساياسي قىزمەتتىڭ قىر - سىرىنا جۇيرىك ساياسي قىزمەت قوسىنىن مۇقيات باۋلىپ جانە ۇيىمداستىرىپ، يدەيالىق - ساياسي قىزمەتتى ۇنەمى ىستەۋ، جەكە ادامعا دەيىن جۇرگىزۋ كەرەك.
شي جينپيڭ مىنالاردى اتاپ كورسەتتى: وقۋ - اعارتۋ ىستەرىن جاقسى ىستەۋگە وتباسى، مەكتەپ، ۇكىمەت، قوعام تۇگەل جاۋاپتى. وتباسى − ءومىردىڭ العاشقى مەكتەبى، اتا - انا − بالانىڭ العاشقى ۇستازى، بالالارعا «ءومىردىڭ العاشقى ساباعىن» ويداعىداي بەرىپ، ءومىردىڭ العاشقى تۇيمەسىن ءتۇزۋ قاداۋىنا كومەكتەسۋ كەرەك. وقۋ - اعارتۋ، ايەلدەر بىرلەستىگى سياقتى تاراۋلار قوعامدىق بايلىقتاردى ءبىر تۇتاس سايكەستىرىپ، وتباسى تاربيەسىنە قولداۋ كورسەتۋى، قىزمەت ەتۋى كەرەك. بۇكىل قوعام جاستار مەن ورەندەردىڭ ءوسىپ - جەتىلۋىندەگى جاۋاپكەرشىلىكتى ارقالاۋى كەرەك. ءار دارەجەلى پارتكومدار مەن ۇكىمەتتەر مەكتەپتەردىڭ ءبىلىم بەرۋ حاۋىپسىزدىگىن كەپىلدەندىرىپ، مەكتەپتەردى ارتقى قامنان ارىلتىپ، مۇعالىم مەن مەكتەپتەردىڭ ءتيىستى ار - نامىسىن قورعاۋ، وقۋشىلاردىڭ باس اماندىعىن قورعاۋ كەرەك.
لي كىچياڭ سوزىندە مىنالاردى اتاپ كورسەتتى: باس شۋجي شي جينپيڭنىڭ ماڭىزدى ءسوزىنىڭ رۋحىن مۇقيات ۇيرەنىپ، ءتۇسىنىپ جانە دايەكتىلەندىرىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، وقۋ - اعارتۋ ىستەرىنىڭ دامۋى ءدوپ كەلگەن جاڭا جاعداي، جاڭا مىندەتتەردى دۇرىس يگەرىپ، وقۋ - اعارتۋدى الدىمەن دامىتۋ ستراتەگياسىن جاپپاي تياناقتاندىرىپ، ەكونوميكالىق، قوعامدىق دامۋ جوباسىندا وقۋ - اعارتۋدى الدىمەن ورنالاستىرىپ، قازىنالىق - قارجىلىق ۇسىنىلىمدا وقۋ - اعارتۋدى الدىمەن قامتاماسىزداندىرىپ، الەۋمەتتىك بايلىقتى ۇلەستىرۋدە وقۋ - اعارتۋ مەن ادام كۇشى بايلىعىن اشۋدىڭ قاجەتىن الدىمەن قاناعاتتاندىرۋ كەرەك. رەفورما جاساۋعا، جاڭالىق اشۋعا تاباندى بولىپ، وقۋ - اعارتۋ ادىلدىگىنە تاباندى بولىپ، وقۋ - اعارتۋدىڭ كولەمنىڭ ارتۋىنان ساپانىڭ كوتەرىلۋىنە بۇرىلىس جاساۋىن ىلگەرىلەتىپ، وڭىرلەردەگى، قالا، اۋىلدارداعى جانە ءار دارەجەلى، ءار ءتۇرلى وقۋ - اعارتۋدىڭ تەڭگەرىمدى دامۋىن جەبەپ، وقۋ - اعارتۋدىڭ وسىزاماندانۋىن مەملەكەتتىڭ وسىزاماندانۋىنا تىرەك ەتۋ كەرەك. ولقىلىقتاردى كۇش سالا تولىقتاپ، مىندەتتى وقۋ - اعارتۋ سىندى وسى نەگىزدى بەكەمدەپ، اۋىل - قىستاقتاردىڭ، اسىرەسە، كەدەي وڭىرلەردىڭ وقۋدان قول ءۇزۋدى تىزگىندەۋ، مەكتەپ جاسىنداعى بالالار مەن ورەندەردىڭ مىندەتتى ءبىلىم الۋىنا كەپىلدىك ەتۋ قىزمەتىن كۇشەيتىپ، قالا ، اۋىل بىرلىككە كەلگەن، اۋىل - قىستاق ءتۇيىن ەتىلگەن مىندەتتى وقۋ - اعارتۋ قاراجاتىمەن قامتاماسىزداندىرۋ مەحانيزمىن كەمەلدەندىرىپ، اۋىل - قىستاق مەكتەپتەرىنىڭ ءبىلىم بەرۋ شارت - جاعدايىن جاقسارتۋعا، وقىتۋ ساپاسىن جوعارىلاتۋعا كۇش سالىپ، ينفورماتسيالانعان تاسىلدەر ارقىلى اۋىل - قىستاقتاردىڭ ءتىپتى كوپ ساپالى وقۋ - اعارتۋ بايلىعىنا قول جەتكىزۋىنە مۇمكىندىك جاساپ، جىلدامدىقتى ارتتىرۋ، اقىنى تومەندەتۋ، ينتەرنەت قۇرىلىسى جاقتارىندا ەرەكشە قامقورلىق جاساۋ كەرەك. ءتىپتى كوپ وقۋ - اعارتۋ ۇسىنىلىمىن اۋىل - قىستاق وقىتۋشىلار قوسىنى قۇرىلىسىن كۇشەيتۋگە جۇمساپ، قازىرگى قولدانىستاعى قوسىمشا كومەك، سيلىق جانە ءتۇرلى قامتاماسىزداندىرۋ ساياساتتارىن بۇلجىتپاستان تياناقتاندىرىپ، شارتقا ۇيلەسەتىن شتاتتان سىرت وقىتۋشىلاردى شتاتقا الۋدى، تەڭ ەڭبەككە تەڭ اقى تولەۋدى جەدەلدەتۋ كەرەك. قالا - قالاشىق مەكتەپتەرى قۇرىلىسىن كورەگەندىكپەن جوبالاپ، سيىمدىلىق قابىلەتىن ارتتىرىپ، اتا - انالارىمەن بىرگە كوشكەن پەرزەنتتەردىڭ مەكتەپكە ءتۇسۋ يگىلىگىنىڭ سول قالاداعى بالالارمەن تەڭەستىرىلۋىن جەدەل ىسكە اسىرۋ كەرەك. سونىمەن قاتار، مەكتەپكە دەيىنگى تاربيە، ورتا مەكتەپ ساتىسىنداعى وقۋ - اعارتۋ جانە ۇلتتىق وقۋ - اعارتۋ، ەرەكشە وقۋ - اعارتۋ، ۇستەپ وقۋ سياقتى ءتۇرلى وقۋ - اعارتۋدى دامىتۋعا نازار اۋدارۋ كەرەك.
لي كىچياڭ مىنالاردى باسا دارىپتەدى: وقۋ - اعارتۋدىڭ جاڭالىق اشا دامۋعا قىزمەت كورسەتۋ قابىلەتىن كۇشەيتىپ، جوعارى ساپالى دامۋعا ۇيلەسەتىن ءتۇرلى دارىندىلاردى ءتىپتى كوپتەپ تاربيەلەۋ كەرەك. جوعارى مەكتەپتەردىڭ وڭىرلىك ورنالاسۋىن، ءپان قۇرىلىمىن، كاسىپتەردىڭ جايعاسۋىن ساپالىلاندىرىپ، وقىتۋدى وزەك ەتۋگە تاباندى بولىپ، جاڭالىق اشۋ تانىمى مەن امالي قابىلەتتى كورنەكتىلەندىرىپ، ءتىپتى كوپ جاڭاشىل دارىندىلار مەن جوعارى ساپالى دارىندىلار تاربيەلەۋ كەرەك. جوعارى مەكتەپتەردىڭ نەگىزدىك زەرتتەۋ مەن ءتول جاسامپازدىقتى كۇشەيتۋ، شەشۋشى، وزەكتى تەحنيكالاردان قامال الۋ جاعىنداعى ماڭىزدى رولىنا اناعۇرلىم ءمان بەرىپ، ونى تولىق ساۋلەلەندىرۋ كەرەك. كاسىپتىك شۋەيۋان - مەكتەپتەردى بار كۇشپەن جاقسى باسقارىپ، بازاردى بەتكە الۋ، دامۋعا قىزمەت ەتۋ، جۇمىسقا ورنالاستىرۋدى جەبەۋدەي مەكتەپ باسقارۋ باعىتىنا تاباندى بولىپ، ءوندىرۋ مەن وقىتۋدىڭ توعىسۋىن، مەكتەپ پەن كاسىپورىننىڭ سەلبەسۋىن ىلگەرىلەتىپ، ءتىپتى كوپ جوعارى قابىلەتتى دارىندىلار تاربيەلەۋ كەرەك. جوعارى تەحنيكالىق قابىلەتتى دارىندىلاردىڭ قوعامدىق مارتەبەسى مەن يگىلىگىن كوتەرۋ كەرەك.
لي كىچياڭ مىنالاردى تالاپ ەتتى: وقۋ - اعارتۋ سالاسىنداعى «ۇكىمەت قۇرىلىمدارىن ىقشامداپ، ۇقىقتى تومەنگە بەرۋ، ۇقىقتى تومەنگە بەرۋ مەن باسقارۋدى ۇشتاستىرۋ، قىزمەت كورسەتۋدى ساپالىلاندىرۋ» رەفورماسىن تەرەڭدەتىپ، وقۋ - اعارتۋ ىستەرى دامۋىنىڭ جالىندى ومىرشەڭدىك كۇشىن تولىق ساۋلەلەندىرۋ كەرەك. وقۋ - اعارتۋدىڭ دامۋ زاڭدىلىعىنا قۇرمەت ەتىپ، مەكتەپتەردىڭ ءبىلىم بەرۋدەگى نەگىزگى تۇلعالىق رولىن تولىق ساۋلەلەندىرىپ، ءتۇرلى تەكسەرۋ، ساراپتاۋ، باعالاۋدى قاۋىرت ازايتىپ، ءبىلىم بەرۋدىڭ بەتالىسىن، ولشەمىن، ساپاسىن ارناعا ءتۇسىرۋ، جەتەكتەۋدى كۇشەيتىپ، مەكتەپتەردىڭ مەكتەپ باسقارۋ، ءبىلىم بەرۋمەن مۇقيات اينالىسۋىنا تاماشا ورتا ازىرلەۋ كەرەك. قوعامدىق كۇشتەردى زاڭ بويىنشا وقۋ - اعارتۋدى گۇلدەندىرۋگە بەلسەنە ىنتالاندىرۋ كەرەك. ءار دارەجەلى، ءار ءتۇرلى مەكتەپتەردى داۋىرمەن بىرگە العا باسىپ، وقۋ - اعارتۋ ۇستانىمى مەن دارىندىلار تاربيەلەۋ ۇلگىسىن جاڭالاۋعا جىگەرلەندىرىپ، «ينتەرنەت + وقۋ - اعارتۋدى» دامىتىپ، ۇزدىك دارىندىلاردى وقۋ - اعارتۋمەن شۇعىلدانۋعا باۋراۋ ءتۇزىلىس - مەحانيزمىن كەمەلدەندىرىپ، وقىتۋشىلاردىڭ قوعامدىق ورنىن جوعارىلاتىپ، وقىتۋشىلاردى قۇرمەتتەۋ، وقۋ - اعارتۋعا ءمان بەرۋدى سالتقا اينالدىرۋ كەرەك.
ج ك پ ورتالىق كوميتەتى ساياسي بيۋروسىنىڭ مۇشەلەرى، ورتالىق كوميتەت شۋجيچۋىنىڭ شۋجيلەرى، مەملەكەتتىك حالىق قۇرىلتايى تۇراقتى كوميتەتىندەگى قاتىستى باسشى جولداستار، مەملەكەتتىك كەڭەستىڭ مۇشەلەرى، ەڭ جوعارى حالىق سوتى مەكەمەسىنىڭ باستىعى، ەڭ جوعارى حالىق پروكۋراتۋراسىنىڭ باس پروكۋرورى، مەملەكەتتىك ساياسي كەڭەستەگى قاتىستى باسشى جولداستار ماجىلىسكە قاتىناستى.
ورتالىق كوميتەت وقۋ - اعارتۋ قىزمەتىنە باسشىلىق ەتۋ گرۋپپاسىنىڭ مۇشەلەرى، ءارقايسى ولكە، اۆتونوميالى رايون، قالا مەن جوسپارى ايىرىم قالالاردىڭ، شينجياڭ ءوندىرىس - قۇرىلىس بيڭتۋانىنىڭ، ورتالىق پەن مەملەكەت ورگاندارىنىڭ قاتىستى تاراۋلارىنداعى، قاتىستى حالىقتىق ۇيىمدارداعى، ارميانىڭ قاتىستى ورىندارىنداعى، ءبىر ءبولىم جوعارى مەكتەپتەردەگى جاۋاپتى جولداستار ماجىلىسكە قاتىناستى.
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
