ونەر ۇيرەتىپ، اقىل - پاراسات جاعىنان كەدەيلىكتەن قۇتىلۋعا كۇش ۇستەدى
تەحنيك جۇمىسشىلاردى تاربيەلەۋ وڭتۇستىك شينجياڭنىڭ كەدەيلىكتەن قۇتىلدىرۋداعى ىشكى قوزعاۋشى كۇشىن قاۋلاتتى
2018.09.12 15:01 كەلۋ قاينارى : شينجياڭ گازەتى
ءتىلشىمىز لي چۇنشيا، پراكتيكانت ساڭ حۇڭيان 9 - ايدىڭ 10 - كۇنى ۇرىمجىدەن حابارلايدى. «اۋىلىمنىڭ ماڭىنان جوعارى قارقىندى تاس جول سالىنىپ جاتىر، كەيىن مۇندا تاسىمال اۆتوكولىكتەرىنىڭ ارلى - بەرلى قايشالىساتىنى مۇندا تۇر. مەن اۆتوكولىك رەمونتتاۋ كاسىبىن تاڭدادىم، مەكتەپ بىتىرگەننەن كەيىن قىستاقتان كاسىپ اشىپ، اۆتوكولىك رەمونتتاۋ دۇكەنىن اشۋ ويىم بار»، - دەدى 9 - ايدىڭ 7 - كۇنى وقۋ باستاۋ سالتىندا شينجياڭ ساۋدا - ەكونوميكا تەحنيك جۇمىسشىلار مەكتەبى 2017 - جىلدىق اۆتوكولىك رەمونتتاۋ كاسىبىنىڭ وقۋشىسى ابدىريىم ابدىكەرىم ءوز كاسىبىنە تولىق سەنىممەن.
ابدىريىم گۇما اۋدانى كەڭقىر قىرعىز ۇلتتىق اۋىلى ۇلاچى قىستاعىنان كەلگەن، اتا - اناسى تۇگەل ديقان. ورتالاۋ مەكتەپتى بىتىرگەننەن كەيىن، ول تەحنيك جۇمىسشىلار مەكتەبىنە ەمتيحان تاپسىرىپ، ونەر ۇيرەنۋ ارقىلى كاسىپتەنىپ، شارۋاشىلىق قۇرۋ جولىنا تۇسپەكشى بولادى. ونىمەن ويى ءبىر، ماقساتى ورتاق جاستار از ەمەس. بۇكىل شينجياڭداعى 98 تەحنيك جۇمىسشىلار مەكتەبىندە وقىپ جاتقان 80 مىڭ وقۋشىنىڭ ％65ى وڭتۇستىك شينجياڭداعى 3 ايماق، ءبىر وبلىستان كەلگەن. «ءبىز تەحنيك جۇمىسشىلار مەكتەبىنىڭ وڭتۇستىك شينجياڭداعى وقۋشى قاينارىن، اسىرەسە، كەدەي وتباسىلاردىڭ ۇل - قىزدارىن قابىلداۋ كولەمىن كەڭەيتتىك، وڭتۇستىك شينجياڭنان كەلگەن ءار 10 وقۋشىنىڭ تورتەۋى اۋىر كەدەي اۋداندارداعى كەدەي وتباسىلاردىڭ بالالارى»، - دەدى اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسى تەحنيك جۇمىسشىلار تاربيەلەۋگە جەتەكشىلىك ەتۋ ورتالىعىنىڭ مەڭگەرۋشىسى لياڭ پيڭ.
جۇمىسقا تۇراقتى ورنالاستىرۋدىڭ ءبىر ءتۇبىرلى شاراسى − ەڭبەكشىلەردىڭ تەحنيكالىق قابىلەتىن ءوسىرۋ. رايونىمىز تەحنيك جۇمىسشىلاردى تاربيەلەۋگە وقۋشى قابىلداۋدا وڭتۇستىك شينجياڭداعى كەدەي رايوندارعا بەيىمدەلۋ تەبىنىن كۇشەيتىپ، وڭتۇستىك شينجياڭنىڭ 3 ايماق، ءبىر وبلىسىنان كەلگەن وقۋشىلارعا «ءۇشتى كەشىرىم ەتۋ، ءبىردى تولىقتاۋ» (وقۋ اقىسىن، جاتاق اقىسىن، وقۋ ماتەريالدارى اقىسىن كەشىرىم ەتۋ، مەملەكەتتىڭ وقۋعا كومەكتەسۋ تولىقتاما اقىسىنان ءار وقۋشى جىلىنا 2000 يۋان يگىلىكتەنۋ) تياناقتاندىرىپ، كەدەي وتباسىلارىنىڭ ەكونوميكالىق اۋىرتپالىعىن جەڭىلدەتىپ، وڭتۇستىك شينجياڭداعى 10 مىڭداعان كەدەي وتباسىلارى ۇل - قىزدارىنىڭ تەحنيك جۇمىسشىلاردى تاربيەلەۋگە قاتىناسۋ ارقىلى وزىندىك ونەر ۇيرەنىپ، ءساتتى كاسىپتەنۋىنە مۇمكىندىك جاساپ، ءوزىنىڭ جانە وتباسىنىڭ تاعدىرىن وزگەرتۋىنە وراي تۋدىردى.
وڭتۇستىك شينجياڭداعى تەحنيك جۇمىسشىلار مەكتەپتەرىنىڭ وقۋ - وقىتۋ ورەسىن ءوسىرۋ ءۇشىن، رايونىمىز كومەكتەسۋ ۇلگىسىندە جاڭالىق اشىپ، اۆتونوميالى رايونىمىزداعى ءتۇيىندى تەحنيك جۇمىسشىلار مەكتەبىن وڭتۇستىك شينجياڭداعى 27 تەحنيك جۇمىسشىلار مەكتەبىندە بولىمشە مەكتەپ اشۋعا ۇيىمداستىرىپ، وڭتۇستىك شينجياڭ ءوڭىرىنىڭ تەحنيكالىق دارىندى جەتىلدىرۋ جانە جۇمىسقا تۇراقتى ورنالاستىرۋدى جەبەۋ سۇرانىسىن قاناعاتتاندىردى. كومەكتەسۋ ارقىلى وڭتۇستىك شينجياڭداعى تەحنيك جۇمىسشىلار مەكتەپتەرىنىڭ وقۋ - وقىتۋ ساپاسى ورنىقتى جوعارىلاپ، وقۋشىلاردىڭ تۇراقتى وقۋ سالىستىرماسى ％90تەن جوعارى مولشەردە ساقتالدى.
«وڭتۇستىك شينجياڭنىڭ 3 ايماق، ءبىر وبلىسىنداعى ارحيۆ تۇرعىزىلىپ، كارتچكا بەرىلگەن كەدەي وتباسىلارىنداعى بالالار قالاۋى بولسا تەحنيك جۇمىسشى تاربيەسىنەن تەگىن يگىلىكتەنە الادى، كەدەي وتباسىلارىنداعى ەڭبەككۇشتەر ءار جىلى تەحنيك جۇمىسشىلار مەكتەبىنەن، كەم دەگەندە، ءبىر رەت تەگىن كاسىپتىك تاربيە الۋىنا بولادى»، - دەيدى لياڭ پيڭ تانىستىرىپ. بيىل رايونىمىز جۇمىسقا ورنالاستىرۋدى ورنىقتىرۋدى بەتالىس ەتىپ، حوتان ايماعىندا ارحيۆ تۇرعىزىلىپ، كارتچكا بەرىلگەن جاستاردى تاپسىرىسپەن تاربيەلەۋدى تۇيىندە سىناق ەتۋدى ورىستەتتى. كاسىپورىندارعا بارىپ كاسىپتەنگىسى كەلەتىندەرگە نەگىزدىك تەحنيكا تاربيەسىن جانە ارناۋلى تەحنيكالىق تاربيەسىن، جۇمىسقا شىعۋدان بۇرىنعى تەحنيكالىق تاربيەسىن ورىستەتەدى؛ تۇرعان جەرىندە، جاقىن ماڭنان ەگىن، مال شارۋاشىلىق وندىرىسىمەن شۇعىلدانعىسى كەلەتىندەرگە شىلان، جاڭعاق ەگۋ، كەپتەر باعۋ سياقتى «ءتىزىم كەستەسى» ۇلگىسىندەگى ەگىمشىلىك (باعىمشىلىق) قولدانىلمالى تەحنيكا ارناۋلى تاربيەسىن ورىستەتەدى؛ جەكە تيجاراتپەن شۇعىلدانۋ نەگىزى بارلارعا اجارلاندىرۋ، شاش جاساۋ، تاماق پىسىرۋ، اۆتوكولىك رەمونتتاۋ سياقتى تەحنيكالىق قابىلەتتەرىن وسىرەتىن تاربيە ورىستەتتى. تاربيەدەن تولىمدى بولعاندارعا كاسىپتىك - تەحنيكالىق ساراپتاۋ جۇرگىزىپ، كاسىپتىك تولىمدىلىق كۋالىگىن بەردى. بيىل 6 - ايدىڭ سوڭىنا دەيىن 2363 ادام تاربيەلەۋگە قاتىناسىپ، تولىمدىلىق مولشەرى ％100كە جەتتى.
ساناققا نەگىزدەلگەندە، 2017 - جىلى بۇكىل رايونىمىزدا تەحنيك جۇمىسشىلار مەكتەبىنەن وقۋ تاۋىسقان وقۋشىلاردىڭ كاسىپتەنۋ مولشەرى ％97تى ساقتاپ، تۇتاس جىلدا 20 مىڭ ادام - رەتكە قوعامدىق تاربيە ورىستەتكەن. تەحنيك جۇمىسشىلاردى تاربيەلەۋدىڭ جانە كاسىپتىك تەحنيكالىق تاربيەلەۋدىڭ يگىلىگىن كورگەن وڭتۇستىك شينجياڭداعى ءتىپتى دە كوپ كەدەي وتباسىلارى تەحنيكاعا سۇيەنىپ كەدەيلىكتەن قۇتىلۋ جولىنا ءتۇستى. توقسۋ اۋدانىنداعى ماربيا احىمەت تەحنيك جۇمىسشىلار مەكتەبىنەن وقۋ تاۋىسقاننان كەيىن شاش جاساۋشى بولدى. ول: مەن ورتالاۋ مەكتەپتى بىتىرە سالىسىممەن تەحنيك جۇمىسشىلار مەكتەبىنەن تەگىن ونەر ۇيرەندىم، قازىر شاش جاساپ، كىرىس كىرگىزۋ جولىنا ءتۇستىم، وتباسىم دا وسى سەبەپتى كەدەيلىكتەن قۇتىلدى، مەملەكەتتىڭ جاقسى ساياساتىنا راقىمەت، - دەدى.
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
