بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>جوتكەمەلەر

شي جينپيڭ موڭعۇليانىڭ زۇڭتۇڭى باتتۇلعىمەن كەزدەستى

2018.09.13 14:18     كەلۋ قاينارى : شينجياڭ گازەتى

  شينحۋا اگەنتتىگىنىڭ 9 - ايدىڭ 12 - كۇنى ۆلاديۆوستوكتان بەرگەن حابارى (تىلشىلەر مىڭ نا، جياڭ گوپىڭ). مەملەكەت ءتوراعاسى شي جينپيڭ 9 - ايدىڭ 12 - كۇنى ۆلاديۆوستوكتا موڭعۇليانىڭ زۇڭتۇڭى باتتۇلعىمەن كەزدەستى.

  شي جينپيڭ مىنالاردى اتاپ كورسەتتى: جۇڭگو جاق باستان - اياق جۇڭگو - موڭعۇليا قارىم - قاتىناسىنا وسكەلەڭ ءمان بەرىپ، جاقىن، ادال بولۋ، تيىمدىلىك جەتكىزۋ، كەشىرىمشىل بولۋ ۇستانىمىنا جانە كورشىلەرمەن تاتۋ بولۋ، كورشىلەرمەن سەرىك بولۋ باعىتىنا ساي، موڭعۇليامەن بارىس - كەلىستى، سەلبەستىكتى كۇشەيتىپ، جۇڭگو مەن موڭعۇليانىڭ جالپى بەتتىك ستراتەگيالىق سەلبەستىك سەرىكتەستىك قاتىناسىنىڭ اناعۇرلىم جاقسى، اناعۇرلىم تەز دامۋىن ىلگەرىلەتتى. ەكى جاق ەكى ەل قارىم - قاتىناسىنا ساياسي جەتەكشىلىكتى كۇشەيتىپ، ەكى ەل قارىم - قاتىناسى دامۋىنىڭ دۇرىس بەتالىسىن ستراتەگيالىق دەڭگەيدەن جانە بولاشاقتىق تۇرعىدان ويداعىداي مەڭگەرۋ كەرەك. ءبىر - ءبىرىنىڭ وزەكتى مۇددەسىن ءتۇسىنىسىپ جانە قۇرمەتتەپ، ءوزارا سەنىمدىلىكتى تەرەڭدەتۋ كەرەك. جۇڭگو جاق موڭعۇليانىڭ تاۋەلسىزدىگىنە، يەلىك ۇقىعىنا، تەرريتوريا تۇتاستىعىنا قۇرمەت ەتەدى، موڭعۇليا حالقىنىڭ ءوز ەركىمەن تاڭداعان دامۋ جولىنا قۇرمەت ەتەدى. ەكى جاق «ءبىر بەلدەۋ، ءبىر جول» مەن «دامۋ جولىن» ۇشتاستىرۋدى ۇزدىكسىز بار كۇشپەن ىلگەرىلەتىپ، ءىرى نىسانداردىڭ ەكى ەلدىڭ ناقتى سەلبەستىگىن جەبەۋ جانە وعان جەتەكشىلىك ەتۋ رولىن ويداعىداي ساۋلەلەندىرىپ، ەكى ەلدىڭ شەكاراسىنداعى كورشىلەس وڭىرلەردىڭ بارىس - كەلىسىن، سەلبەستىگىن بەلسەنە قولدايدى. جۇڭگو جاق موڭعۇليا جاقتىڭ جۇڭگونىڭ قارىشتاپ دامۋ ورايىنان پايدالانىپ، جۇڭگونىڭ رەفورما جاساۋداعى، ەسىك اشۋداعى تابىستارىنان يگىلىكتەنىپ، ءوزىنىڭ ساپالى دامۋىن جۇزەگە اسىرۋىن قارسى الادى. جۇڭگو جاق تاعى موڭعۇليانىڭ مال شارۋاشىلىعىن جانە وڭدەۋ كاسىبىن دامىتۋىن قولداپ، موڭعۇليادان ءتىپتى كوپ ساپالى ەگىن، مال شارۋاشىلىعى ونىمدەرىن يمپورت ەتەدى. ەكى جاق گۋمانيتارلىق اۋىس - كۇيىستى جەبەپ، ەكى ەل قارىم - قاتىناسىنىڭ ەل رايى جانە قوعامدىق نەگىزىن بەكەمدەۋ كەرەك. ەكى جاق حالىقارالىق جانە وڭىرلىك ىستەردەگى كەڭەسۋدى، سايكەسۋدى كۇشەيتىپ، وڭىرلىك سەلبەستىكتى بىرگە ىلگەرىلەتۋ كەرەك.

  باتتۇلعى مىنالاردى ءبىلدىردى: جۇڭگومەن دوستىق قارىم - قاتىناستى جانە ءوزارا پايدا جەتكىزىپ، تەڭ يگىلىككە كەنەلەتىن سەلبەستىكتى ورنىقتى دامىتۋ − موڭعۇليانىڭ بۇلجىماس باعىتى. موڭعۇليا جاق يەلىك ۇقىققا، تەرريتوريا تۇتاستىعىنا ءوزارا قۇرمەت ەتۋ، ءبىر - ءبىرىنىڭ ىشكى ىسىنە ارالاسپاۋ، تەڭدىك، ءوزارا تيىمدىلىك پرينسيبى نەگىزىندە جۇڭگومەن قارىم - قاتىناسىن تەرەڭدەتۋگە كۇش سالىپ، ءبىر جۇڭگو پرينسيبىنە تاباندى بولادى، تايۋاننىڭ، شيزاڭنىڭ، شينجياڭنىڭ جۇڭگو تەرريتورياسىنىڭ ايرىلماس ءبىر بولىگى ەكەندىگىن مويىندايدى. موڭعۇليا جاق «ءبىر بەلدەۋ، ءبىر جولدى» بىرگە قۇرۋعا بەلسەنە ات سالىسىپ، جۇڭگومەن ەكونوميكا - ساۋدا، ەلەكتر، ەگىن، مال شارۋاشىلىعى، نەگىزدىك قۇرىلعىلار قۇرىلىسى سياقتى سالالاردا سەلبەستىكتى كۇشەيتىپ، موڭعۇليا - جۇڭگو - رەسەي ەكونوميكالىق ءدالىزى قۇرىلىسىن ىلگەرىلەتىپ، وسى وڭىردەگى ەلدەردىڭ بىرگە دامۋىن جەبەۋدى قالايدى.

  ديڭ شۋەشياڭ، ياڭ جيەچى، ۋاڭ ي، حى ليفىڭ قاتارلىلار كەزدەسۋگە قاتىناستى.
جاۋاپتى رەداكتورى : مانەپ ەربول ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار