شي جينپيڭ جاپونيانىڭ باس ءۋازىرى شينزو ابەمەن كەزدەستى
2018.09.14 14:01 كەلۋ قاينارى : شينجياڭ گازەتى
شينحۋا اگەنتتىگىنىڭ 9 - ايدىڭ 12 - كۇنى ۆلاديۆوستوكتان بەرگەن حابارى (تىلشىلەر لو جۇن، حاۋ ۋيۋي). مەملەكەت ءتوراعاسى شي جينپيڭ 9 - ايدىڭ 12 - كۇنى ۆلاديۆوستوكتا جاپونيانىڭ باس ءۋازىرى شينزو ابەمەن كەزدەستى.
شي جينپيڭ الدىمەن تاياۋدا جاپونيانىڭ كانساي ءوڭىرى مەن حوككايدوسىنىڭ جەكە - جەكە تايفىڭ داۋىلى، جەر سىلكىنىسى اپاتىنا ۇشىراپ، اۋىر ءولىم - جىتىم جانە مال - مۇلىك شىعىنى بولعاندىعى جونىندە حال سۇرايتىندىعىن ءبىلدىردى.
شي جينپيڭ مىنانى اتاپ كورسەتتى: قازىر حالىقارالىق جاعدايدا تەرەڭ دە كۇردەلى وزگەرىس تۋىلىپ، ورنىقسىز، تۇراقسىز فاكتورلار كوبەيدى. جۇڭگو مەن جاپونيا دۇنيە جۇزىندەگى باستى ەكونوميكالىق تۇلعا جانە وڭىرلىك ماڭىزدى ەل رەتىندە، جاۋاپكەرشىلىكتى بىرگە ارقالاپ، دۇنيە ءجۇزىنىڭ جانە ءوڭىردىڭ بەيبىتشىلىگىن، ورنىقتىلىعىن جانە دامۋىن، گۇلدەنۋىن قورعاۋدا ورەلى رول اتقارۋ كەرەك. بيىل جۇڭگو - جاپونيا بەيبىتشىلىك دوستىق شارتىنا قول قويىلعاندىعىنىڭ 40 جىلدىعى. تاياۋ مەزگىلدەن بەرى، باس ءۋازىر شينزو مەن جاپونيا ۇكىمەتى جۇڭگومەن اراداعى قارىم - قاتىناس جونىندە كوپ رەت بەلسەندى بەينە بايقاتتى. ەكى جاقتىڭ بىرگە قۇلشىنۋىندا، جۇڭگو - جاپونيا قارىم - قاتىناسى قالىپتى ارناعا قاراي قادام باسىپ، جاقسارۋدىڭ، دامۋدىڭ ماڭىزدى ورايىنا ءدوپ كەلۋدە. جاڭا جاعدايدا، ءبىز ۇزدىكسىز العا ىلگەرىلەپ، جاقسارۋ ارىنىن ساقتاپ، جۇڭگو - جاپونيا قارىم - قاتىناسىنىڭ ورنىقتىلىق بارىسىندا العا ىلگەرىلەۋىن جەدەلدەتىپ، جاڭا دا اناعۇرلىم زور دامۋشىلىقتارعا قول جەتكىزۋىمىز كەرەك.
شي جينپيڭ مىنانى باسا دارىپتەدى: جۇڭگو - جاپونيا ەكى جاق جۇڭگو مەن جاپونيا اراسىنداعى ءتورت ساياسي حۇجاتقا قاي - قاشان دا تاباندى بولۋ جانە بويسۇنۋ، ساياسي نەگىزدى بەكەمدەۋ، دۇرىس بەتالىستى يگەرۋ، الاۋىزدىقتاردى ورەلى تۇردە تەجەۋ، اسىرەسە، جاپونيا جاق تاريح، تايۋان سياقتى سەزىمتال ماسەلەلەردى ويداعىداي ءبىر جايلى ەتىپ، بەلسەندىلىكپەن تاماشا جاعداي قالىپتاستىرىپ، ورتاق مۇددەنى ۇزدىكسىز كەڭەيتۋ كەرەك. ءبىز جاپونيانىڭ جۇڭگونىڭ رەفورما جاساۋ، ەسىك اشۋ اياق الىسىنا ۇزدىكسىز بەلسەنە ات سالىسىپ، بىرگە دامۋدى، گۇلدەنۋدى ىسكە اسىرۋىن قارسى الامىز. «ءبىر بەلدەۋ، ءبىر جول» باستاماسى جۇڭگو مەن جاپونيانىڭ ءوزارا تيىمدىلىك جەتكىزىپ، سەلبەستىك جاساسۋى ءۇشىن جاڭا تۇعىر جانە سىناق اتىزىن ازىرلەدى. جۇڭگو جاق جاپونيا جاقپەن بىرگە جاڭا جاعدايدى كوزدەي وتىرىپ، ەكى ەلدىڭ ناقتى سەلبەستىگىنە جاڭا جول اشۋدى، جاڭا جارقىن ءتۇيىن ورناتۋدى قالايدى. جۇڭگو - جاپونيا ەكى جاق ءوڭىردىڭ ءبىر تۇلعالانۋ اياق الىسىن بىرگە ىلگەرىلەتىپ، بەيبىت، ورنىقتى، گۇلدەنگەن ازيا قۇرۋ كەرەك. ەكى جاق كوپ جاقتىلىقتى تاباندىلىقپەن قورعاۋ، ەركىن ساۋدا ءتۇزىلىسىن جانە الەمدىك ساۋدا ۇيىمى ەرەجەسىن قورعاۋ، اشىق الەمدىك ەكونوميكا قۇرۋدى ىلگەرىلەتۋ كەرەك. ەكى جاق حالىق اراسىنداعى دوستىق ءداستۇردى ساۋلەلەندىرىپ، وعان جاڭا داۋىرلىك ءمان ۇستەپ، ەكى ەل قارىم - قاتىناسىنىڭ قوعامدىق جانە ەل رايى نەگىزىن بەكەمدەۋ كەرەك.
شينزو ابە ءتوراعا شي جينپيڭنىڭ جاپونيانىڭ تايفىڭ داۋىلى، جەر سىلكىنىسى اپاتىنا ۇشىراعاندىعى جونىندە حال سۇراعاندىعىنا العىس ايتتى. شينزو ابە مىنالاردى ءبىلدىردى: جاپونيا ۇزاقتان بەرى جۇڭگونىڭ رەفورما جاساۋ، ەسىك اشۋ اياق الىسىنا ات سالىسۋعا ۇمتىلىپ كەلەدى، جۇڭگونىڭ دامۋى دا جاپونياعا بەلسەندى جانە ماڭىزدى ىقپال جاسادى. قازىر جاپونيا - جۇڭگو قارىم - قاتىناسى قالىپتى ارناعا قايتا تۇسە باستادى، ەكى جاقتىڭ سەلبەستىك جاساسۋ كەڭىستىگى كەڭەيىپ كەلەدى. جاپونيا جۇڭگومەن اناعۇرلىم قويۋ قارىم - قاتىناس ورناتىپ، بىرگە دامۋدى، گۇلدەنۋدى ىسكە اسىرۋدى ءۇمىت ەتەدى. جاپونيا جاق بەلسەندى قۇلشىنىس جاساپ، جۇڭگومەن جوعارى دارەجەلىلەر بارىس - كەلىسىن كۇشەيتىپ، اناعۇرلىم كوپ سەلبەستىك جەتىستىگىنە قول جەتكىزىپ، جاپونيا - جۇڭگو قارىم - قاتىناسىنىڭ جاقسارۋىن جانە دامۋىن جەدەلدەتۋدى قالايدى. سوندىقتان جاپونيا جاق ەكى ەلدىڭ حالىق اراسىنداعى دوستىعىن قۇلشىنا نىعايتىپ، سەزىمتال ماسەلەلەردى ويداعىداي ءبىر جايلى ەتۋگە پەيىل. تاريح جانە تايۋان ماسەلەسىندە، جاپونيا جاق ەكى ەلدىڭ ساياسي حۇجاتتارىندا مويىندالعان تۇرعىدان جازبايدى، مۇندا ەشقانداي وزگەرىس بولعان جوق. جاپونيا جاق جۇڭگونىڭ حالىقارالىق جانە وڭىرلىك ىستەردەگى ماڭىزدى رولىنا ءمان بەرەدى، ءوڭىردىڭ بەيبىتشىلىگىنە، ورنىقتىلىعىنا قاتىستى كەلەلى ماسەلەلەر جونىندە جۇڭگومەن كەڭەسۋدى جانە سايكەسۋدى كۇشەيتۋدى ءۇمىت ەتەدى.
ديڭ شۋەشياڭ، ياڭ جيەچى، ۋاڭ ي، حى ليفىڭ قاتارلىلار كەزدەسۋدە بىرگە بولدى.
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
