بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>جوتكەمەلەر

ءار ۇلت بۇقاراسىن پارتياعا العىس ايتۋعا، پارتيانىڭ سوزىنە قۇلاق اسۋعا، پارتياعا ىلەسۋگە بەلسەنە جەتەكتەيمىن

شونجى تەلەۆيزياسى اقپارات ءبولىمىنىڭ مەڭگەرۋشىسى حى جىلۇڭ

2018.09.14 14:07     كەلۋ قاينارى : شينجياڭ گازەتى

  مەن داشۋە وقىعان كەزدەگى باتىس سولتۇستىك ۇلتتار شۋەيۋانى (قازىرگى باتىس سولتۇستىك ۇلتتار داشۋەسى) ۇيعۇر، قازاق، زاڭزۋ قاتارلى از ۇلت وقۋشىلارى ءبىرشاما شوعىرلانعان مەكتەپ ەدى. داشۋەدەگى كەزىمدە، مەن باعىم جانىپ، ءار ۇلت ساباقتاستارىممەن ارالاسىپ، ىشتەسىپ، توعىسىپ كەتتىم، كاسىپتىك ۇيرەنۋدەن تىس، باتىس سولتۇستىكتەگى، اۋەلى، بۇكىل مەملەكەتتەگى كوپتەگەن ۇلتتاردىڭ مادەنيەتىن، تاريحىن ءتۇسىندىم، اسىرەسە، شينجياڭنىڭ ۇلت، مادەنيەت، ءدىن، تاريح جاقتارىنا كوبىرەك ارالاستىم. شينجياڭ جۇڭگو تەرريتورياسىنىڭ ايرىلماس ءبىر بولىگى، شينجياڭ ەجەلدەن بەرى كوپ ۇلت شوعىرلى قونىستانعان، كوپ ءتۇرلى ءدىن قاتار ءومىر سۇرگەن ءوڭىر قاتارلى تاريحي شىندىق پەن تانىم مەنىڭ جانە ساباقتاستارىمنىڭ جۇرەك تۇكپىرىنە ەرتەدەن - اق تەرەڭ ۇيالاعان.

  الايدا، «ءۇش ءتۇرلى كۇشتىڭ» داشۋە وقۋشىلارىنىڭ يدەياسىنا سىنالاپ كىرۋى دە قاتار ءجۇردى، كەيبىرەۋلەر عىلمي زەرتتەۋدى جەلەۋ ەتىپ، وقۋشىلارعا بولشەكتەۋ يدەياسىن تاراتتى. داشۋەدەگى كەشىرمەم ارقىلى «ءۇش ءتۇرلى كۇشتىڭ» كەرتارتپا ءمانىن جانە ونىڭ حاۋىپ - قاتەرىن ايقىن تانىپ جەتتىم ءارى سودان باستاپ «ءۇش ءتۇرلى كۇشكە» قاتتى وشىگىپ، اسا قىراعى بولدىم.

  مەكتەپ بىتىرگەن سوڭ شينجياڭعا قايتىپ قىزمەتكە قاتىناسقان جىلداردا، مەن «ءۇش ءتۇرلى كۇشتىڭ»، «ەكىبەتكەيلەردىڭ» وتاندى بولشەكتەۋ سۇرقيا ماقساتىنا جەتۋ ءۇشىن، ءدىن قاعيدالارىن بەتالدى وزگەرتىپ، تەرىس ۋاعىزدى ويدان قۇراستىرىپ، شينجياڭ تاريحىن بارىنشا بۇرمالاعاندىعىن، ءتۇرلى تاسىلدەر ارقىلى يدەولوگيا سالاسى، ەكونوميكالىق ءتۇزىم، زاڭ جۇيەسى، مادەنيەت - كوركەمونەر، ءمورال، سالت - سانا قاتارلى جاقتارعا ۇشقارى يدەيانى سىنالاپ كىرگىزگەندىگىن كوردىم. «ءۇش ءتۇرلى كۇش»، «ەكىبەتكەيلەر» شينجياڭنىڭ قوعام ورنىقتىلىعىنىڭ ەڭ رەال، ەڭ تىكە اۋىر حاۋپىنە اينالدى، ولارعا ءسوزسىز، زاڭ بويىنشا قاتاڭ سوققى بەرىپ، تۇبەگەيلى، ادا - كۇدە الاستاۋىمىز كەرەك. پارتيا مەن مەملەكەتتىڭ ابزال ساياساتى حالىق بۇقاراسىنا باقىتتى تۇرمىس اكەلدى، ءبىز «ءۇش ءتۇرلى كۇشتىڭ»، «ەكىبەتكەيلەردىڭ» باقىتتى تۇرمىسىمىزدى بۇلدىرۋىنە استە جول بەرمەيمىز.

  قۇدىرەتتى وتانىمىزدا، كوپ ۇلت ءبىر وتباسىنىڭ ادامدارىنداي بولعان كورىكتى دە شۇرايلى شينجياڭدا تۋعانىما وتە باقىتتىمىن. وسى كورىكتى مەكەندە «حانزۋلار از ۇلتتاردان ايرىلا المايدى، از ۇلتتار حانزۋلاردان ايرىلا المايدى، از ۇلتتار دا ءبىر - بىرىنەن ايرىلا المايدى». تۋعان جەرىم شونجى اۋدانى شيدى قالاشىعى حانگۋ قىستاعى كوپ ۇلت شوعىرلى قونىستانعان قىستاق، ءار ۇلت حالقى تاتۋ - ءتاتتى ءوتىپ، ارالاسىپ، ىشتەسىپ، توعىسىپ كەتتى. ورتا مەكتەپتى ءبىتىرىپ، داشۋەگە قابىلدانعان كەزىمدە، وتباسىمىزدا ەكونوميكالىق قيىنشىلىق بولعاندىقتان، سول كەزدە بۇكىل قىستاقتاعى ءار ۇلت اۋىلداستار قىستاقتا جيىن اشىپ، وتباسىمىزدىڭ بەرەشەگىن جەڭىلدەتۋدى ءبىر اۋىزدان تالاپ ەتىپ، وتباسىمىزدىڭ اۋىرتپالىعىن جەڭىلدەتىپ، مەنىڭ داشۋەنى ءساتتى بىتىرۋىمە كومەكتەستى، مەن مۇنى ءالى كۇنگە دەيىن كوكەيىمدە ساقتاپ كەلەمىن. داشۋە بىتىرگەن سوڭ، اۋىلعا قايتىپ وقىتۋشى بولدىم، ارتىنان شونجى اۋداندىق راديو - تەلەۆيزيا مەكەمەسىنە الماستىم، مەن پارتيانىڭ ۇزدىك اقپارات قىزمەتكەرى بولۋعا بەل بۋدىم، ءوزىمنىڭ قابىلەتىم، پاراساتىم ارقىلى اۋىلىمنىڭ كوركەيۋى، ورنىقتىلىعى، ءار ۇلت باۋىرلاستاردىڭ تاماشا باقىتتى تۇرمىسى ءۇشىن ءوز ۇلەسىمدى قوسامىن.

  از ۇلت اقپارات قىزمەتكەرى رەتىندە، مەن بۇلجىماستان، تاباندىلىقپەن، باتىلدىقپەن باتىل ءۇن قاتىپ، ايقىن پوزيتسيا ءبىلدىرىپ، پارتيانىڭ ۇگىت، قوعامدىق پىكىر شەبىن ويداعىداي قورعاپ، ءار ۇلت بۇقاراسىن ماركسيزمدىك «بەس كوزقاراستى» بەرىك ورناتۋعا، «بەستى شىنايى مويىنداۋدى» كۇشەيتۋگە، «ءۇش ءتۇرلى كۇشتىڭ» قىلمىستىق ءمانىن ايقىن تانۋعا، بولشەكتەۋشىلىككە قارسى تۇرۋ كۇرەسىنىڭ قاتاڭ جاعدايىن ايقىن تانۋعا، «ءۇش ءتۇرلى كۇشكە»، «ەكىبەتكەيلەرگە» قارسى باتىل كۇرەس جۇرگىزۋگە تاربيەلەيمىن، جەتەكتەيمىن. جاۋاپكەرشىلىكتى باتىل ارقالاپ، ءار ۇلت بۇقاراسىن پارتياعا العىس ايتۋعا، پارتيانىڭ سوزىنە قۇلاق اسۋعا، پارتياعا ىلەسۋگە بەلسەنە باستاپ، ءدىني ۇشقارى يدەيالاردى باستاماشىلدىقپەن اشكەرەلەپ، سىن تەزىنە الامىن، ءپانىسلاميزم، پانتۇركيزم يدەياسىن باستاماشىلدىقپەن اشكەرەلەپ، سىن تەزىنە الامىن، وتان تۇتاستىعىن، ۇلتتار ىنتىماعىن جانە قوعام ورنىقتىلىعىن باستاماشىلدىقپەن قورعاپ، ءار ۇلت كادرلارىمەن، بۇقاراسىمەن ارالاسىپ، ىشتەسىپ، توعىسىپ، كورىكتى شينجياڭدى بىرگە قۇرامىن.
جاۋاپتى رەداكتورى : مانەپ ەربول ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار