مەملەكەتتىك كەڭەس كەڭسەسى «ەمدەۋ، دەنساۋلىق ساقتاۋ سالاسىن جالپى بەتتىك باقىلاۋ - باسقارۋ تۇزىمىنە رەفورما جاساۋ جانە ونى كەمەلدەندىرۋ جونىندەگى جەتەكشى پىكىردى» باسىپ تاراتتى
2018.09.14 15:13 كەلۋ قاينارى : شينجياڭ گازەتى
شينحۋا اگەنتتىگىنىڭ 8 - ايدىڭ 3 - كۇنى بەيجيڭنەن بەرگەن حابارى. جۋىردا مەملەكەتتىك كەڭەس كەڭسەسى «ەمدەۋ، دەنساۋلىق ساقتاۋ سالاسىن جالپى بەتتىك باقىلاۋ - باسقارۋ تۇزىمىنە رەفورما جاساۋ جانە ونى كەمەلدەندىرۋ جونىندەگى جەتەكشى پىكىردى» (تومەندە «پىكىر» دەلىنەدى) باسىپ تاراتىپ، جاڭا داۋىردەگى ەمدەۋ، دەنساۋلىق ساقتاۋ سالاسىن جالپى بەتتىك باقىلاۋ - باسقارۋ قىزمەتى جونىندە ورنالاستىرۋ جاسادى.
«پىكىردە» مىنالار اتاپ كورسەتىلدى: پارتيا 19 - قۇرىلتايىنىڭ جانە ج ك پ 19 - كەزەكتى ورتالىق كوميتەتىنىڭ ەكىنشى، ءۇشىنشى جالپى ماجىلىستەرىنىڭ رۋحىن جان - جاقتى دايەكتىلەندىرىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا ورتالىق كوميتەتىنىڭ مەملەكەتتىك كەڭەستىڭ ەمدەۋ، دەنساۋلىق ساقتاۋ رەفورماسىن جۇرگىزۋ جونىندەگى شەشىمدەرىن، ورنالاستىرۋلارىن مۇقيات تياناقتاندىرىپ، فۋنكتسيادا، تاسىلدە، ستيلدە تەرەڭدەي بۇرىلىس جاساپ، ۇكىمەت باسقارۋىنداعى ەمدەۋ، دەنساۋلىق ساقتاۋ قۇرىلىمدارىن ءتۇيىندى باقىلاۋ - باسقارۋدان تۇتاس كاسىپ سالاسىن باقىلاۋ - باسقارۋعا ويىسىپ، جۇمىستان بۇرىن تەكسەرىپ بەكىتۋگە ءمان بەرۋدەن جۇمىس بارىسىندا، جۇمىس سوڭىندا تۇتاس بارىس بويىنشا باقىلاۋ - باسقارۋعا، جەكە دارا باقىلاۋ - باسقارۋدان جالپى بەتتىك سايكەستى باقىلاۋ - باسقارۋعا، اكىمشىلىك ءتاسىل قولدانۋدى نەگىز ەتۋدەن اكىمشىلىك، زاڭ، ەكونوميكا جانە ينفورماتسيا سياقتى كوپ ءتۇرلى ءتاسىلدى ءبىر تۇتاس جوسپارلاپ قولدانۋعا بەت الىپ، باقىلاۋ - باسقارۋ قابىلەتى مەن دەڭگەيىن جوعارىلاتىپ، سالاماتتى جۇڭگو ستراتەگياسىن اتقارۋعا، حالىق بۇقاراسىنىڭ سالاماتتىعىن جان - جاقتى، تۇتاس پەريود بويىنشا قامتاماسىز ەتۋگە پارمەندى تىرەك ازىرلەۋ كەرەك.
«پىكىردە» مىنالار العا قويىلدى: ەمدەۋ، دەنساۋلىق ساقتاۋ سالاسىن جالپى بەتتىك باقىلاۋ - باسقارۋدىڭ قاتاڭ، ارناعا تۇسكەن ءتۇزىمىن ورناتۋ − جۇڭگوشا ەرەكشەلىككە يە نەگىزگى ەمدەۋ، دەنساۋلىق ساقتاۋ ءتۇزىمىن جاپپاي ورناتۋدىڭ، ەمدەۋ، دەنساۋلىق ساقتاۋدى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋدىڭ ماڭىزدى مازمۇنى. ەمدەۋ، دەنساۋلىق ساقتاۋ سالاسىن جالپى بەتتىك باقىلاۋ - باسقارۋ تۇزىمىنە رەفورما جاساۋدا جانە ونى كەمەلدەندىرۋدە «ۇكىمەت جەتەكشى بولۋ، جالپى بەتتىك سايكەستىرۋ؛ زاڭ بويىنشا باقىلاپ - باسقارىپ، قاراستى جەر بويىنشا تۇتاس كاسىپ سالاسىن باسقارۋ؛ قوعام تىزە قوسا جونگە سالۋ، اشىق، ءادىل بولۋ؛ رەفورما جاساپ، جاڭالىق اشىپ، ونىمدىلىكتى جوعارىلاتۋ» پرينسيبىندە تاباندى بولۋ كەرەك.
«پىكىردە» مىنالار باسا دارىپتەلدى: تومەندەگىدەي ءۇش جاقتاعى ساياسات - شارالاردى كۇشەيتۋ كەرەك:
ءبىرىنشى، باقىلاۋ - باسقارۋ سۋبيەكتى مەن جاۋاپكەرشىلىگىن ايقىنداۋ. پارتيانىڭ باسشىلىعىن نىعايتىپ، ۇكىمەتتىڭ جەتەكشىلىك ەتۋ جاۋاپكەرشىلىگىن كۇشەيتىپ، ەمدەۋ، دەنساۋلىق ساقتاۋ قۇرىلىمدارىنىڭ ءوزىن باسقارۋداعى سۋبيەكتتىك جاۋاپكەرشىلىگىن تياناقتاندىرىپ، كاسىپ سالاسى ۇيىمدارىنىڭ ءوزىن تارتىپكە ءتۇسىرۋ رولىن ساۋلەلەندىرىپ، قوعامدىق باقىلاۋدى كۇشەيتىپ، قۇرىلىمنىڭ ءوز ءىسىن ءوزى باسقارۋى، كاسىپ سالاسىنىڭ ءوزىن تارتىپكە سالۋى، ۇكىمەتتىڭ باقىلاۋ - باسقارۋى، قوعامنىڭ باقىلاۋى ءوزارا ۇشتاسقان كوپ نەگىزدى جونگە سالۋ جاعدايىن قالىپتاستىرۋ كەرەك.
ەكىنشى، تۇتاس بارىستىق باقىلاۋ - باسقارۋدى كۇشەيتۋ. ەمدەۋ، دەنساۋلىق ساقتاۋدان قىزمەت كورسەتۋ فاكتورلارىنىڭ بازارعا كىرۋىنە رۇقسات ەتۋدى جاقسارتىپ، اكىمشىلىك تەكسەرىپ بەكىتۋ ءتۇزىمى رەفورماسىن جەدەلدەتۋ؛ ەمدەۋدەن قىزمەت كورسەتۋدىڭ ساپاسى مەن حاۋىپسىزدىگىنە باقىلاۋ - باسقارۋ جۇرگىزۋدى كۇشەيتىپ، ساپا جانە حاۋىپسىزدىك باسقارۋدىڭ وزەكتى ءتۇزىمىن قاتاڭ تياناقتاندىرۋ؛ ەمدەۋ، دەنساۋلىق ساقتاۋ قۇرىلىمىنىڭ جۇمىس اينالىمىن باقىلاۋ - باسقارۋدى كۇشەيتىپ، ەمدەۋ قۇرىلىمدارىن تۇرگە ءبولىپ باسقارۋ تالابىن قاتاڭ اتقارۋ؛ الەۋمەتتىك دەنساۋلىق ساقتاۋدان قىزمەت كورسەتۋدى باقىلاۋ - باسقارۋدى كۇشەيتىپ، قىزمەت كورسەتۋ ورەسىن جوعارىلاتۋ؛ كاسىپپەن شۇعىلدانۋشىلاردى باقىلاۋ - باسقارۋدى كۇشەيتىپ، زاڭعا، بەلگىلەمەگە قايشى ارەكەتتەردى قاتاڭ تەكسەرىپ ءبىر جاقتى ەتۋ؛ كاسىپ سالاسى ءتارتىبىن باقىلاۋ - باسقارۋدى كۇشەيتىپ، كەمەلدى بىرلەسىپ ساقتانۋ، بىرلەسىپ تىزگىندەۋ مەحانيزمىن ورناتۋ؛ سالاماتتىق كاسىبىن باقىلاۋ - باسقارۋدى كۇشەيتىپ، قامتىمدى، قۇنتتى، ءونىمدى باقىلاۋ - باسقارۋ مەحانيزمىن ورناتۋ جانە كەمەلدەندىرۋ كەرەك.
ءۇشىنشى، باقىلاۋ - باسقارۋ مەحانيزمىندە جاڭالىق اشۋ. ارناعا تۇسكەن اكىمشىلىك زاڭ اتقارۋ مەحانيزمىن كەمەلدەندىرىپ، قاتاڭ، ارناعا تۇسكەن، ءادىل، وركەنيەتتى زاڭ اتقارۋعا كەپىلدىك ەتۋ؛ تەكسەرۋ وبيەكتىسىنىڭ كەز كەلگەنىن تاڭداپ تەكسەرۋ، زاڭ اتقارۋ قىزمەتكەرىنىڭ كەز كەلگەنىن تاڭداپ جىبەرۋ، تەكسەرۋ جاعدايى مەن تەكسەرىپ ءبىر جاقتى ەتۋ ناتيجەسىن جاريا ۇستاۋ سىندى ءىشىنارالاپ تەكسەرۋ مەحانيزمىن جاپپاي ىلگەرىلەتىپ، ءتۇيىندى قۇرىلىمدارعا باعىتتالعان ءىشىنارالاپ تەكسەرۋ تەبىنىن ارتتىرۋ؛ ەمدەۋ، دەنساۋلىق ساقتاۋ سالاسىندا سەنىمدىلىك مەحانيزمىن ورناتىپ جانە كەمەلدەندىرىپ، سەنىمدىلىك ءتىزىمىن قولدانۋدى كۇشەيتۋ؛ ينفورماتسيانى جاريا ۇستاۋ مەحانيزمىن كەمەلدەندىرىپ، قاتىستى ينفورماتسيالاردى مەرزىم بويىنشا جاريالاۋ؛ حاۋىپ - قاتەردەن ساقتاندىرۋ جانە باعالاۋ مەحانيزمىن ورناتىپ، ينفورماتسيا تەحنيكاسىنان پايدالانىپ ماسەلەنى بايقاۋ جانە ەلەۋلى حاۋىپ - قاتەرلەردەن ساقتانۋ جانە ونى شەشۋ قابىلەتىن جوعارىلاتۋ؛ توركوزدەندىرىپ باسقارۋ مەحانيزمىن قالىپتاستىرىپ، جەلىدە جانە جەلىدەن تىس جاقتار ءبىر تۇلعالانعان باقىلاۋ - باسقارۋ ءتاسىلىن ورناتۋ جانە كەمەلدەندىرۋ؛ جالپى بەتتىك باقىلاۋ - باسقارۋ ناتيجەسىن سايكەستىرۋ، قولدانۋ مەحانيزمىن ورناتىپ، باقىلاۋ - باسقارۋ ناتيجەسىن ءبىر تۇتاس جوسپارلاپ قولدانۋ كەرەك. «پىكىردە» مىنالار باسا دارىپتەلدى: جالپى بەتتىك باقىلاۋ - باسقارۋ ءتۇزىمى قۇرىلىسىن قامتاماسىز ەتۋدى، تياناقتاندىرۋدى كۇشەيتۋ. تاراۋلاردىڭ جاۋاپكەرشىلىگىن تياناقتاندىرىپ، جاۋاپكەرشىلىكتى قۋزاستىرۋ تەبىنىن ارتتىرىپ، بەدەلدى، ءونىمدى باقىلاۋ - تەكسەرۋ مەحانيزمىن ورناتۋ كەرەك. زاڭ - تۇزىمدەر مەن ولشەم جۇيەسىن كەمەلدەندىرىپ، ينفورماتسيالانۋ دەڭگەيىن جوعارىلاتىپ، قوسىن جانە قابىلەت قۇرىلىسىن نىعايتىپ، ۇگىتتەۋدى، جەتەكتەۋدى كۇشەيتىپ، قوعامداعى بارلىق جاقتاردى جالپى بەتتىك باقىلاۋ - باسقارۋ ءتۇزىمى قۇرىلىسىن تىزە قوسا ىلگەرىلەتۋگە جۇمىلدىرۋ كەرەك.
جاۋاپتى رەداكتورى : مۇحيت امانتاي ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
