رايونىمىز ينفورماتسيادان ورتاق پايدالانۋ مەحانيزمىنە سۇيەنىپ، قوعامدىق ادالدىق جۇيەسى قۇرىلىسىن كەمەلدەندىردى
2018.09.14 15:16 كەلۋ قاينارى : شينجياڭ گازەتى
بىرلەسىپ جازالاۋ - ساقتاندىرۋ سەنىمدىلىكتەن ايرىلعانداردى شاۋجايلادى
ءتىلشىمىز ياڭ شۋحان 9 - ايدىڭ 11 - كۇنى ۇرىمجىدەن حابارلايدى. 9 - ايدىڭ 6 - كۇنى ساعات 12 مولشەرى، ءۇرىمجى قالاسى سايباق رايوندىق حالىق سوتى مەكەمەسىنىڭ اتقارۋشى سۋدياسى ۇزاق ۋاقىت زاڭدىق بورىشىن اتقارۋدان باس تارتىپ كەلگەن اتقارىلۋشى ما xx قۇرعان شينجياڭ بەلگىلى ءدارى كاسىبى توبى سەرىكتەستىگىنىڭ قازىنا بولىمىنەن توسىن پايدا بولدى، جارتى ساعاتتان كەيىن جارتى جىلدان استام ۋاقىت «تاسالانىپ» جۇرگەن ما xx ءوزى وعان تەلەفون جالعاپ: «قازىر عانا امال تاۋىپ اقشا جيناپ، تەز ارادا سوت مەكەمەسىنە بارىپ قارىز قايتارۋ بورىشىمدى وتەيمىن...، - دەدى.
«قوعامدىق ادالدىق جۇيەسى ۇزدىكسىز كەمەلدەنگەندە عانا، سەنىمدىلىكتەن ايرىلعاندار اتتاپ باسا المايدى، اتقارىلۋشىلاردى سوتتىڭ ۇكىمىن ىرىقتىلىقپەن اتقارۋعا ماجبۇرلەۋگە بولادى»، - دەدى اۆتونوميالى رايوندىق جوعارى حالىق سوتى مەكەمەسى اتقارۋ مەكەمەسىنىڭ باستىعى سۇن جينلياڭ. سوڭعى جىلداردان بەرى، تۇتاس رايونىمىزداعى حالىق سوتى مەكەمەلەرى ءادىليانى بەلسەندى جۇرگىزۋگە باستان - اياق تاباندى بولىپ، ءتۇرلى فورمالار قولدانىپ قاتىستى سايكەسەتىن تاراۋلارمەن بىرگە ادالدىق جۇيەسى قۇرىلىسىن ورىستەتىپ، سەنىمدىلىكتەن ايرىلعان اتقارىلۋشىلارعا جازالاۋ - ساقتاندىرۋ شاراسىن قولدانىپ، ينفورماتسيادان ورتاق پايدالانۋ مەحانيزمىنە سۇيەنىپ، تاراۋلار بىرلەسىپ جازالاپ ساقتاندىرۋدىڭ ۇلكەن جۇلگەسىن قالىپتاستىردى.
سەنىمدىلىكتەن ايرىلعان اتقارىلۋشىلاردىڭ قيمىل ءورىسىن مۇمكىندىكتىڭ بارىنشا تارايتىپ، تاراۋلار بىرلەسىپ جازالاۋ - ساقتاندىرۋدىڭ ۇلكەن جۇلگەسىن قالىپتاستىرۋ ءۇشىن، «اۆتونوميالى رايوننىڭ 2017 - جىلعى سەنىمدىلىك جۇيەسى قۇرىلىسى قىزمەتىنىڭ تۇيىندەرى مەن مىندەت ءبولىسى جوباسىنا» ساي، تۇتاس رايونىمىزداعى حالىق سوتى مەكەمەلەرى سوت مەكەمەسىنىڭ ۇكىمىن، كەسىمىن اتقارۋدان باس تارتۋ سياقتى قىلمىستىق ارەكەتتەرگە شوعىرلى سوققى بەرۋ ارناۋلى قيمىلىن ورىستەتىپ، زاڭدىق بورىشىن اتقارۋعا شاماسى جەتسە دە اتقارۋدان قاساقانا جالتاراتىن، زورلىقتى كۇشپەن اتقارۋدان باس تارتاتىن اتقارىلۋشىلارعا باتىل تۇردە پارمەندى شارا قولداندى.
سونىمەن قاتار، اۆتونوميالى رايوندىق جوعارى حالىق سوتى مەكەمەسى بىرلىكساپ بولىمىمەن بىرلەسىپ، جالپىلىق مەنشىككە جاتپايتىن شارۋاشىلىقپەن شۇعىلدانۋشىلاردىڭ سەنىمدىلىك جاعدايىن جان - جاقتى باعالاپ، ۇكىمدى، كەسىمدى اتقارۋدان باس تارتۋ قىلمىستىق ارەكەتتەرىنە باتىل سوققى بەردى؛ مەملەكەت جەر بايلىعى تاراۋىمەن سەلبەستىك كەلىسىمىنە قول قويىپ، «زۇڭدۇيزۇڭ» ينتەرنەت ارقىلى تەكسەرۋ - مەڭگەرۋ جۇيەسىن بۇكىل ەلىمىزدەگى سوت مەكەمەلەرىنىڭ تەكسەرۋىنە، ۇعىسۋىنا اشىق ۇستادى؛ تۇتاس رايونىمىزداعى 120 جەرگىلىكتى بانكە ينتەرنەت ارقىلى تەكسەرۋ - مەڭگەرۋ يقۋاتىن بۇكىل ەلىمىزدەگى سوت مەكەمەلەرىنە اشىق ۇستادى.
مۇنان سىرت، تۇتاس رايونىمىزداعى ءار دارەجەلى حالىق سوتى مەكەمەلەرى ءىس جۇزىندىك قىزمەتپەن ۇشتاستىرىپ، ءتۇرلى فورمالارمەن ادالدىق جۇيەسى قۇرىلىسىن ورىستەتىپ، سەنىمدىلىكتەن ايرىلعان اتقارىلۋشىلارعا سەنىمدىلىك بويىنشا جازالاۋ - ساقتاندىرۋ شاراسىن اتقاردى.
ءۇرىمجى قالالىق ورتا دارەجەلى حالىق سوتى مەكەمەسىنىڭ رەسمي سايتى سەنىمدىلىكتەن ايرىلعان اتقارىلۋشىلاردى تەكسەرۋ - ۇعىسۋ تۇعىرىن، تۇتىنۋىنا شەك قويىلعان اتقارىلۋشىلاردى تەكسەرۋ - ۇعىسۋ تۇعىرىن، دەلونى اشكەرەلەگەندەرگە سيلىق بەرۋ جانە تەكسەرۋ - ۇعىسۋ تۇعىرىن ورناتتى؛ كورلا تەمىر جول تاسىمال سوت مەكەمەسى سەنىمدىلىكتەن ايرىلعان اتقارىلۋشىلارعا ارناپ «رەڭدى قوڭىراۋ» جاسادى؛ فۋكاڭ قالالىق حالىق سوتى مەكەمەسى بيىل سەنىمدىلىكتەن ايرىلعان اتقارىلۋشىلاردى اشكەرەلەۋ كولەمىن اۋىل - قالاشىقتارعا، قىستاقتارعا، ەگىن، مال شارۋاشىلىق رايوندارىنا دەيىن كەڭەيتىپ، سەنىمدىلىكتەن ايرىلعان اتقارىلۋشىلارعا تاسالاناتىن جەر قالدىرمادى؛ شىحىزى قالالىق حالىق سوتى مەكەمەسى سەنىمدىلىكتەن ايرىلعانداردى جازالاۋ - ساقتاندىرۋ جونىندەگى الەۋمەتتىك يگىلىك جارناماسىن جاساپ، سەنىمدىلىكتەن ايرىلعان اتقارىلۋشىلاردى زاڭدىق بورىشتارىن وتەۋگە قۋزادى.
«ايتقانىندا تۇرمايتىنداردىڭ ءىسى ناتيجەلى بولمايدى». سۇن جينلياڭ بىلاي دەدى: سەنىمدىلىكتەن ايرىلعاندارعا اۋىر بوداۋ بەرگىزىپ، سەنىمدىلىكتەن ايرىلعان اتقارىلۋشىلارعا تىنىعار جاي، تابار اقشا، سەزىنەر باقىت، جۇرەر جول قالدىرماعاندا عانا، سەنىمدىلىك جۇيەسى قۇرىلىسىنا شىن مانىندە كۇش ۇستەپ، سەنىمدى ادامداردىڭ جۇمىستى تاباندىلىقپەن ىستەۋىنە، جايلى تۇرمىس كەشىرۋىنە مۇمكىندىك جاساۋعا بولادى.
2010 - جىلدان بەرى، رايونىمىزدا 92 مىڭنان استام ادام سەنىمدىلىكتەن ايرىلعان اتقارىلۋشىلار تىزىمدىگىنە ەنگىزىلىپ، سەنىمدىلىك بويىنشا جازالاۋ - ساقتاندىرىلدى، 80 نەشە مىڭ ادامنىڭ (رەت) جوعارى باعالى تۇتىنۋىنا شەك قويىلدى، 210 مىڭنان استام ادامنىڭ (رەت) ۇشاققا وتىرۋىنا شەك قويىلدى، 20 مىڭنان استام ادامنىڭ (رەت) جۇردەك پويەزگە وتىرۋىنا شەك قويىلدى، وسى ارقىلى كوپتەگەن سەنىمدىلىكتەن ايرىلعان اتقارىلۋشىلار سەنىمدىلىك بويىنشا جازالاۋ - ساقتاندىرۋدان سەسكەنىپ، بورىشتارىن ىرىقتىلىقپەن وتەيتىن بولدى.
جاۋاپتى رەداكتورى : مۇحيت امانتاي ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
