جۇڭگونىڭ تابىسقا جەتۋ حيكاياسىن جازعان كىم
شينحۋا اگەنتتىگىنىڭ شولۋشىسى
2018.10.15 13:48 كەلۋ قاينارى : شينجياڭ گازەتى
ا ق ش - تىڭ ورىنباسار پرەزيدەنتى پەنس ا ق ش - تىڭ جۇڭگوعا قاراتقان ساياساتى جونىندە لەكسيا جاساۋدان 2 اي ىلگەرى ستارباكس سەرىكتەستىگى اليبابا توبىمەن ءبىر سەلبەستىك كەلىسىمىن جاساستى، ستارباكس سەرىكتەستىگى اليباباعا قاراستى تەكشەلەر مەن جەتكىزۋ جۇيەسىنىڭ كومەگىندە جۇڭگودا جاپپاي سىرتتان جەتكىزىپ بەرۋدەن قىزمەت كورسەتەتىن بولدى. ا ق ش - تىڭ اقپارات قۇرالدارى مۇنى ساۋدا سوعىسى ا ق ش كاسىپورىندارىنىڭ جۇڭگوداعى دامۋ اياق الىسىن بوگەي العان جوق، «بۇل جۇڭگونىڭ ەل ءىشى بازارىنىڭ كۇشىن تولىق دالەلدەيدى»، - دەپ ءتۇسىندىردى.
جۇڭگو كاسىپورىندارىنىڭ دەمەۋىندە جۇڭگو بازارىنا ءورىس اشقانىنا 20 جىلعا تاياعان ستارباكس تاسقىنداعان جىگەرمەن ساۋداداعى جاڭا ىزدەنىسىن باستادى. ەڭ جاڭا ارتۋ جوسپارىنا ساي، ول 2022 - قازىنا جىلىندا جۇڭگونىڭ ىشكى ولكەلەرىندەگى تيجارات كىرىسى 2017 - قازىنا جىلىنداعىنىڭ 3 ەسەدەن استامعا جەتەتىندىگىن مەجەلەدى.
وكىنىشتىسى، جۇڭگو مەن ا ق ش - تىڭ ءوزارا تيىمدىلىك جەتكىزىپ، تەڭ يگىلىككە كەنەلۋىن باياندايتىن «ستارباكس حيكاياسى» بارعان سايىن تارتىمدى بولا تۇسكەنىمەن، ول ا ق ش - تىڭ كەيبىر ساياساتكەرلەرىنىڭ ەسىنەن بىرتىندەپ كوتەرىلىپ، ونىڭ ورنىن نازالى دا ءور كوكىرەك كوڭىل كۇي باستى. ا ق ش باسشىسىنىڭ لەكسياسى ءدال وسى جاعىن ايپاراداي ايقىن كورسەتتى. ول جۇڭگونىڭ تابىسقا جەتۋى «ا ق ش - تىڭ مۇددەسىن قۇربان ەتۋدەن كەلگەن» دەگەن «زيان شەگۋ ساندىراعىنىڭ» ەسكى اۋەنىنە قايتا باستى ءارى ا ق ش ۇكىمەتى دارىپتەپ وتىرعان «جۇڭگونى ءبىز قايتا قۇرىپ شىققانبىز» دەيتىن «ا ق ش - تىڭ شاپاعاتى ساندىراعىمەن» قيۋادان قيىستى.
بۇل ەمەۋرىننىڭ ا ق ش ۇكىمەتى ەجەلدەن دارىپتەپ كەلە جاتقان «ا ق ش الدا تۇرادىمەن» جانە ا ق ش باسشىسى لەكسياسىندا قايتا - قايتا باسا دارىپتەگەن ا ق ش - تىڭ «باسشىلىق رولىمەن» تامىرلاس شىعۋىنىڭ تۇك تە عاجاپتانارلىعى جوق. تەك قانا، ەگەر «ا ق ش الدا تۇرادى»، «ا ق ش اتامان» دەيتىن توڭمويىندىق تىم كۇشەيسە، اينالىپ كەلىپ وزىمنەن كەرەمەت ەشكىم جوق دەۋشىلىككە، ەشكىمدى بويىنا توعىتپاۋشىلىققا اينالادى، ءتىپتى «جاماندىقتىڭ ءبارىن سەن تۋدىرعانسىڭ، جاقسىلىقتىڭ ءبارىن مەن اكەلگەم» دەيتىن يدەيالىق ۇشقارىلىققا اپارىپ سوعادى.
ايتالىق، ا ق ش باسشىسى ا ق ش جۇڭگوعا بازارىن اشىق ۇستادى ءارى «جۇڭگونى دۇنيە جۇزىلىك ساۋدا ۇيىمىنا الىپ كىردى» دەگەندى عانا ايتىپ، دۇنيە جۇزىلىك ساۋدا ۇيىمىنا كىرگەننەن كەيىن جۇڭگونىڭ دا ا ق ش - قا اناعۇرلىم كەڭ اۋقىمدا، اناعۇرلىم تەرەڭ دەڭگەيدە بازارىن اشىق ۇستاعاندىعىن اۋىزعا العىسى كەلمەدى. ب م ۇ - نىڭ ساناعىنا نەگىزدەلگەندە، 2017 - جىلى ا ق ش - تىڭ جۇڭگوعا تاۋار ەكسپورتى 2001 - جىلعىدان ％577 ارتىپ، سايكەس مەزگىلدەگى ا ق ش - تىڭ دۇنيە جۇزىنە ەكسپورتىنىڭ ％112 ارتۋىنان الدەقايدا جوعارى بولعان. ءبىراق، مۇنداي ساندى مالىمەتتەن ول تالعامدى تۇردە قاشقالاقتاپ وتىر.
مىسالى، ا ق ش باسشىسى جۇڭگونىڭ تابىسقا جەتۋى «زور دارەجەدەن العاندا ا ق ش - تىڭ جۇڭگوداعى قارجى قوسۋىنىڭ ىلگەرىلەتۋىنەن» دەپ قاراپ، ا ق ش كاسىپورىندارىنىڭ جۇڭگو بازارىنان مول پايدا تاپقانىن ايتقىسى كەلمەدى. ا ق ش گەنەرالموتور اۆتوكولىك سەرىكتەستىگىنىڭ جۇڭگوداعى ءونىم مولشەرى ونىڭ دۇنيە جۇزىندەگى ءونىم مولشەرىنىڭ ％40ىن ۇستايدى، ا ق ش كۋالكام سەرىكتەستىگىنىڭ جۇڭگو بازارىندا چيپ ساتۋدان جانە ءبىلىم مەنشىگى اقىسىن الۋدان تاپقان پايداسى جالپى تيجارات كىرىسىنىڭ ％57ىن ۇستايدى، گولدمان ساحس، امەكس، امەريكا بانكەسى سياقتى ا ق ش - تىڭ فينانس قۇرىلىمدارى جۇڭگو فينانس قۇرىلىمدارىنىڭ ستراتەگيالىق قارجى قوسۋشىسى رەتىندە وراسان مول قارجى قوسۋ پايداسىن تاپتى. الايدا ا ق ش وسىنداي فاكتتەردەن دە تالعامدى تۇردە تايساپ وتىر.
GDPنىڭ ％9تەن استام جىلدىق ورتاشا ارتۋ قارقىنى، 700 ميلليوننان استام ادامدى كەدەيلىكتەن قۇتىلدىرۋ، دۇنيە جۇزىندەگى ەكىنشى ءىرى ەكونوميكالىق تۇلعا، ەڭ ءىرى ساۋدا مەملەكەتى، دۇنيە جۇزىندەگى شەتەل اقشاسى قورىنان ءبىرىنشى ءىرى ەل... رەفورما جاساپ، ەسىك اشقان 40 جىلدا جۇڭگو «ادامزاتتىڭ دامۋ تاريحىنداعى ەڭ اسەرلى كەرەمەت» اتاعىنا يە بولدى، الەمدە ونىڭ تابىسقا جەتۋ سەبەبى ۇزدىكسىز زەرتتەلۋدە. «ا ق ش - تىڭ شاپاعاتى ساندىراعىن» لەپىرە ايتىپ وتىرعان ا ق ش ساياساتكەرلەرى حالىقارالىق قوعامنىڭ ءادىل باعاسىنا قۇلاق سالۋعا ءتيىس.
ا ق ش باسشىسىنا قاتىستى اقپارات قۇرالدارىنىڭ جۇڭگو زەرتتەۋشىلەرىنىڭ اسا جاپالى شارت - جاعدايدا شارۋاشىلىق قۇرعان اڭگىمەلەرىن وقۋدى، گەرمانيالىق پروفەسسور ولە دەلين ايتقان جۇڭگو قوعامى «تەرەڭ تامىر تارتقان ەڭبەكشىلدىك جانە ىزدەنگىشتىك تاماشا ءمورالعا يە» دەگەن كوزقاراسقا قۇلاق سالۋدى، ءۇندىستاندىق ەكونوميكا عىلىمىنىڭ پروفەسسورى مۇلدىرەجوۋ موحانديدىڭ جۇڭگو كوممۋنيستىك پارتياسى جونىندەگى «ورتانىڭ وزگەرىسىنە ءساتتى ۇيلەسىپ، ۇيلەسىمدى ستراتەگيالاردى العا قويدى» دەگەن باعاسىنا قاراۋدى، ۋالسترەيتتىڭ جوعارى دارەجەلى باسشىسى ستيۆەن لارتنانىڭ جۇڭگو ەكونوميكاسىنىڭ تەبىنمەن ارتۋىنا كەپىلدىك ەتكەن «ارالاس تۇزىلىسىنە» جانە سينگاپۋر «بىرلەسكەن تاڭعى گازەتىنىڭ» ساياسي ءتۇزىم جۇڭگونىڭ تابىسقا جەتۋىندە «ەڭ ماڭىزدى رول اتقاردى» دەگەن كوزقاراسىنا نازار سالۋدى ۇسىنىس ەتەمىز.
ءارقانداي مەملەكەت دامۋدا تۇبىرىنەن العاندا وزىنە سۇيەنەدى. جۇڭگونىڭ تابىسقا جەتۋى جۇڭگو حالقىنىڭ قاجىرلى ەڭبەگىنىڭ ارقاسى، بىرەۋدىڭ قايىر - ساداقاسى مەن شاپاعاتى ەمەس؛ جۇڭگونىڭ تابىسقا جەتۋى جۇڭگو حالقى ءوزى تاڭداعان جۇڭگوشا سوتسياليزم جولىنىڭ ارقاسى، كەيبىر ا ق ش باسشىلارى مەن ساياسي قايراتكەرلەرىنىڭ اڭسارى اۋىپ جۇرگەن «ەركىن جۇڭگو» جولى ەمەس.
ارينە، جۇڭگونىڭ تابىسقا جەتۋىن دۇنيە جۇزىندەگى ەلدەرمەن ءوزارا تيىمدىلىك جەتكىزىپ سەلبەسكەندىگىنەن بولە قاراۋعا بولمايدى، مۇندا ا ق ش ماڭىزدى رول اتقارۋدا. الايدا بۇل، استە جۇڭگونىڭ ەكسپورتى تەك ا ق ش - قا باعىتتالادى، جۇڭگو ەكونوميكاسىنىڭ ارتۋى تەك ا ق ش - تىڭ قارجى قوسۋىنا سۇيەنەدى دەگەندى بىلدىرمەيدى. جۇڭگونىڭ سىرتقا ەسىك اشۋى بۇكىل دۇنيە جۇزىنە باعىتتالعان ەسىك اشۋ، ءار ەلدەن ۇيرەنۋگە جانە ادامزات وركەنيەتىنىڭ بارلىق تاڭداۋلى جەتىستىكتەرىنەن ونەگە الۋعا باعىتتالعان ەسىك اشۋ.
مىنا ءبىر رەالدىققا نازار سالساڭىز تۇسىنىگىڭىز ءتىپتى دە ارتا تۇسەدى: جۇڭگونىڭ ساۋدا سەرىكتەرى 230دان استام مەملەكەت پەن رايونعا مولايىپ، جۇڭگو 120دان استام مەملەكەت پەن رايوننىڭ ەڭ ءىرى ساۋدا سەرىگى بولىپ وتىرعان بۇگىندە، جۇڭگونىڭ سىرتقى ساۋدا جالپى سوماسىنىڭ ％85ىن يەلەپ وتىرعان جۇڭگونىڭ ا ق ش - تان سىرتقى حالىقارالىق ساۋداسىنىڭ دا ءمانى زور ءارى كەلەشەگى جارقىن.
جۇڭگونىڭ دامۋ جولى جونىندە كىم ەڭ زور ءسوز ايتۋ ۇقىعىنا يە؟ كىم جۇڭگونىڭ دامۋ جەتىستىكتەرىن جاراتۋشى؟ مۇنىڭ جاۋابى بىرەۋ - اق، ول − جۇڭگو حالقى.
(شينحۋا اگەنتتىگىنىڭ 10 - ايدىڭ 13 - كۇنى بەيجيڭنەن بەرگەن حابارى)
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
