قىستاقتا زاۆود قۇرىلىپ، كەدەيلىكتەن قۇتىلۋدىڭ جولى اشىلدى
2018.10.18 15:19 كەلۋ قاينارى : ءتاڭىرتاۋ تورابى
حوتان اۋدانى تاۋاككول اۋىلى قاتشي قىستاعى تاكلاماكان ءشولىنىڭ وڭتۇستىك جيەگىندەگى كەدەي قىستاق. قىستاقتا جيىنى 2039 ادام بار، ادام باسىنا تۋرا كەلەتىن ەگىستىك جەر اۋدانى 0.5 مۋ، جەردىڭ كىرىستى ارتتىرۋداعى كومەسكى كۇشى شەكتى. قىستاق تۇرعىندارى سىرتقا شىعىپ جۇمىس ىستەيىن دەسە ءتىل بىلمەۋ، بالا قاراۋعا ادام بولماۋ سياقتى فاكتورلاردىڭ شەكتەمەسىنەن قىسقا ۋاقىت ىشىندە شارۋاشىلىق كولەمىن ۇلعايتۋى قيىنعا سوققان ەدى.
الايدا، جارتى جىلعا جەتپەيتىن ۋاقىتتا قاتشي قىستاعى قىستاقتاعى كەدەي وتباسىلارىنا 100گە جۋىق جۇمىس ورنىن ازىرلەپ، جان باسىندىق ايلىق كىرىستى 1800 يۋان ارتتىردى، ايەلدەردىڭ جۇمىس ىستەۋ مولشەرى %70كە جەتىپ، قىستاقتىڭ كوللەكتيۆ شارۋاشىلىعى 150 مىڭ يۋان كىرىس كىرگىزدى. قىستاقتا بىرنەشە زاۆود قۇرىلىپ، ءونىم قۇنى ءبىر ميلليون 500 مىڭ يۋانعا تاياۋ ارتقاندىقتان وسىنداي زور وزگەرىس تۋىلدى. سونىمەن بىرگە، قىستاق جوسپار جاساۋ ارقىلى 1300 شارشى مەتر جەردى اجىراتىپ، وسى زاۆودتاردى شوعىرلاندىرىپ قۇرىلىس ماتەريالدارى بازارىن قۇرىپ، ءتىپتى دە كوپ ادامنىڭ جۇمىسقا ورنالاسۋ ماسەلەسىن شەشىپ، ءتىپتى دە كوپ ادامنىڭ كىرىسىن ارتتىرۋعا ازىرلەندى.
بيىل 1 - ايدىڭ 31 - كۇنى اۆتونوميالى رايوندىق جاستار وداعى كوميتەتى مەكتەبىنىڭ كادرى مياۋ في قاتشي قىستاعىنا ءبىرىنشى شۋجي مىندەتىن اتقارۋعا كەلدى. ول ءبىر اي ۋاقىت جۇمساپ قىستاقتاعى 196 كەدەي وتباسىن تۇگەل ارالاپ شىقتى. قىستاق تۇرعىندارىمەن اڭگىمەلەسىپ، اۋىس - كۇيىس جاساۋ بارىسىندا ول جۋىق جىلداردان بەرى مەملەكەتتىڭ زور مولشەردە قارجى ءبولىپ شارۋالاردىڭ بەيقۇت ءۇي سالۋىنا كومەكتەسۋىمەن قىستاقتارعا قۇرىلىس جۇمىسشىسى ەرەكشە قاجەت ەكەندىگىن، قىستاقتا سىلاقشى، اعاششى بار ەكەندىگىن، ءبىراق كىرىستىڭ تۇراقسىز، قۇرىلىس ساپاسىنا كەپىلدىك ەتىلمەيتىندىگىن بايقايدى. سونىمەن نەگە كەدەي وتباسىلارىنان قۇرىلىس اترەتىن ۇيىمداستىرىپ، جۇمىستى قىستاقتا باستامايمىز دەگەن ويعا كەلەدى.
قۇلشىنۋ ارقىلى بيىل 3 - ايدىڭ 18 - كۇنى ساقا پارتيا مۇشەسى اترەت باستىعى بولعان قىستاق قۇرىلىس اترەتى قۇرىلادى. وسىدان كەيىن مياۋ في باسقارۋ ءتۇزىمى، سيلاۋ - جازالاۋ شارالارى سياقتىلاردى شىعارۋعا كومەكتەسەدى.
قىستاق تۇرعىنى ارزىگۇل ابدۇراحىمان كۇيەۋىمەن بىرگە قۇرىلىس اترەتىنە كىرىپ، قىستاقتاعى تۇڭعىش ايەل قۇرىلىس جۇمىسشىسى بولدى. وسىنداي كىشكەنە ءىستىڭ اسەرىندە قىستاق تۇرعىندارى ايەلدەردىڭ دە وتباسىنىڭ تىرەگى بولا الاتىندىعىن تانىپ جەتتى. ىشكى ولكەدە جۇمىس ىستەپ، تۋىستارىنا امانداسۋعا كەلگەن ابدۇرەيىم تۇرسىنتوحتى: ءبىزدىڭ قاتشي وزگەرىپتى! كەلەشەگىنەن ءۇمىت بار! - دەدى.
مياۋ في مۇنىمەن عانا قاناعاتتانىپ قالمادى، ول بەيقۇت ءۇي قۇرىلىسىنا پلاستيكالىق بولاتتان جاسالعان تەرەزە كەرەك، بۇرىن تۇرعىندار تۇگەل اۋىلدان ساتىپ الاتىندىقتان باعاسى قىمبات، ونىڭ ۇستىنە ساپاسى دا بىركەلكى ەمەس دەگەندى ويعا الادى. ينتەرنەتتەن ىزدەۋ سالىپ، دوستارىنان سۇراستىرۋ ارقىلى ول قىستاقتا ءبىر پلاستيكالىق بولات تەرەزە جاسايتىن زاۆود قۇرۋعا بەكيدى. ونىڭ قۇلشىنۋىمەن 10 جۇمىسشىدان قۇرالعان قىستاق پلاستيكالىق بولات تەرەزە زاۆودى قۇرىلادى ءارى العاشقى توپتاعى ونىمدەرىن ءساتتى جاساپ شىعادى.
وندىرىلگەن پلاستيكالىق بولات تەرەزەلەردىڭ ساپاسى سەنىمدى، باعاسى توڭىرەكتەگى بازارداعىلاردان تومەن بولعاندىقتان، تەز ارادا قىستاق تۇرعىندارىنىڭ سەنىمىنە يە بولىپ، 7 - ايدىڭ ورتاسىندا كۇندىك ساتۋ سوماسى 30 مىڭ يۋاننان اسادى.
قۇرىلىس اترەتىنىڭ، پلاستيكالىق بولات تەرەزە زاۆودىنىڭ ءساتتى تاجىريبەسىنەن كەيىن، مياۋ فيدىڭ سەنىمى بارىنشا ارتىپ، قىستاق تۇرعىندارىن باستاپ كەدەيلىكتەن قۇتىلدىرۋ ارىنى تاسقىنداي تۇسەدى. قىستاق تۇرعىندارى اۋلاسىن جاڭالاعاندا رەڭدى كەرپىش جاتقىزعاندى ۇناتاتىندىعىن كورگەن مياۋ في تاعى ساۋدا ورايىن بايقايدى. ول حوتان رەڭدى كەرپىش زاۆودىنا كەلىپ تەكسەرۋ - زەرتتەۋ جۇرگىزىپ، رەڭدى كەرپىشتى وندىرۋگە قاجەتتى 4 ءتۇرلى ماتەريالدىڭ بارلىعى قاتشيدا بار ەكەندىگىن بىلەدى. مياۋ في قىستاق كادرلارىن باستاپ جان - جاقتان ۇعىسادى ءارى حوتان قالاسىنان رەڭدى كەرپىش وندىرەتىن شەبەردى قىستاققا ۇسىنىس ەتەدى. تەز ارادا قىستاقتاعى 16 كەدەي رەڭدى كەرپىش زاۆودىنىڭ «قىزمەتكەرىنە» اينالادى.
العاشقى توپتاعى رەڭدى كەرپىش 3 كۇندە ءوندىرىلىپ بولادى. «شارۋالاردىڭ دا مۇنى وندىرە الاتىندىعىن ويلاماعان ەكەنمىن!» ءبىر جارىم اي ۋاقىتتا رەڭدى كەرپىش زاۆودى بارلىق وزىندىك قۇندى قايتارىپ اكەلەدى، «قاتشي قارقىنى» كوپشىلىكتىڭ كەدەيلىكتەن قۇتىلىپ، كىرىستى ارتتىرۋ سەنىمىن ونان ارى نىعايتتى.
«بەيقۇت ءۇي سالىنىپ بولدى، پلاستيكالىق بولات تەرەزە ورناتىلدى، اۋلاعا رەڭدى كەرپىش جاتقىزىلدى، ءبىراق ۇيلەر ءالى بوس تۇر». وسىنى ويلاعان مياۋ في تاعى دا قىستاق كادرلارىمەن بىرگە اعاش بۇيىمداردى مانەرلەۋ زاۆودىن قۇرۋ ويىن العا قويادى. قىسقا ۋاقىتتا اعاش بۇيىمداردى مانەرلەۋ زاۆودى دا قۇرىلادى ءارى تەز ارادا رەسمي جۇمىس باستاپ، زاكاز قابىلداي باستايدى.
قىستاقتاردىڭ شاعىن زاۆودتاردى قىزۋ قۇرىپ جاتقاندىعىن كورگەن مياۋ في قۋانىشپەن: كوبىرەك ءادىس - امال قاراستىرىپ، دارىندى ىزدەپ، بازار ارالاپ، كەدەيلەردى كەدەيلىكتەن تەزىرەك قۇتىلدىرۋىمىز كەرەك، - دەدى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
