اۆتونوميالى رايوندىق قوعامدىق عىلىمدار بىرلەستىگىنىڭ 5 - قۇرىلتايى ۇرىمجىدە اشىلدى
چىن چۋانگو، شوكىرات زاكىر، نۇرلان ءابىلماجىن ۇلى، جۋ حايلۇن قۇرىلتايعا قاتىناسقان ۋاكىلدەرمەن كەزدەستى، لي پىڭشين كەزدەسۋگە قاتىناستى ءارى قۇرىلتايدا ءسوز سويلەدى
2018.11.07 15:00 كەلۋ قاينارى : شينجياڭ گازەتى
تىلشىلەرىمىز ياۋ تۇڭ، لي ياڭ 11 - ايدىڭ 5 - كۇنى ۇرىمجىدەن حابارلايدى. 11 - ايدىڭ 4 -، 5 - كۇندەرى اۆتونوميالى رايوندىق قوعامدىق عىلىمدار بىرلەستىگىنىڭ 5 - قۇرىلتايى ۇرىمجىدە وتكىزىلدى.
قۇرىلتاي باستالاردىڭ الدىندا، اۆتونوميالى رايوندىق پارتكومنىڭ شۋجيى چىن چۋانگو، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر، اۆتونوميالى رايوندىق ساياسي كەڭەستىڭ ءتوراعاسى نۇرلان ءابىلماجىن ۇلى، اۆتونوميالى رايوندىق پارتكومنىڭ ورىنباسار شۋجيى، ساياسي - زاڭ كوميتەتىنىڭ شۋجيى جۋ حايلۇن، اۆتونوميالى رايوندىق پارتكومنىڭ ورىنباسار شۋجيى لي پىڭشين قاتارلىلار قۇرىلتايعا قاتىناسقان ۋاكىلدەرمەن كەزدەستى ءارى ەستەلىك سۋرەتكە ءتۇستى.
چىن چۋانگو اۆتونوميالى رايوندىق پارتكوم مەن ۇكىمەت جانە تۇتاس رايونىمىزداعى ءار ۇلت حالقى اتىنان قۇرىلتايدىڭ اشىلعاندىعىن قىزۋ قۇتتىقتادى، تۇتاس رايونىمىزداعى قالىڭ فيلوسوفيا - قوعامدىق عىلىمدار قىزمەتكەرلەرىنە شىنايى سالەم جولدادى. چىن چۋانگو بىلاي دەدى: شي جينپيڭ جولداستى ۇيتقى ەتكەن پارتيا ورتالىق كوميتەتى فيلوسوفيا - قوعامدىق عىلىمداردىڭ دامۋىنا وسكەلەڭ ءمان بەردى، باس شۋجي شي جينپيڭ فيلوسوفيا - قوعامدىق عىلىمدار قىزمەتى اڭگىمە ءماجىلىسىن باسقارىپ اشىپ ءارى ماڭىزدى ءسوز سويلەپ، جۇڭگوشا فيلوسوفيا - قوعامدىق عىلىمداردى جەدەل قۇرۋ جونىندە ماڭىزدى ورنالاستىرۋ جاسادى. تۇتاس رايونىمىزداعى ءار دارەجەلى قوعامدىق عىلىمدار بىرلەستىگى مەن قالىڭ فيلوسوفيا - قوعامدىق عىلىمدار قىزمەتكەرلەرىنەن وسى رەتكى قۇرىلتايدىڭ اشىلۋىن جاڭا باستاما ەتىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسى مەن پارتيا 19 - قۇرىلتايىنىڭ رۋحىن ىشكەرىلەي ۇيرەنىپ، ۇگىتتەپ، دايەكتىلەندىرىپ، «ءتورت تانىمدى» بەرىك ورناتىپ، «ءتورت سەنىمدى» بەكەمدەپ، «ەكىنى قورعاۋدى» ىسكە اسىرىپ، پارتيانىڭ فيلوسوفيا - قوعامدىق عىلىمدار قىزمەتىنە باسشىلىعىن تاباندىلىقپەن كۇشەيتىپ جانە جاقسارتىپ، ماركسيزمنىڭ ەلىمىزدىڭ فيلوسوفيا - قوعامدىق عىلىمدار سالاسىنداعى جەتەكشى ورنىنا بۇلجىماي تاباندى بولىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىمەن وي - سانانى قارۋلاندىرۋعا تاباندى بولىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ۇيرەنۋدى، زەرتتەۋدى، ءتۇسىندىرۋدى ۇزدىكسىز تەرەڭدەتىپ، جۇڭگوشا سوتسياليزم نازاريالىق جۇيەسىن زەرتتەۋدىڭ جانە وقىتۋدىڭ جالپى بارىسىنا ءسىڭىرىپ، ايقىن نازاريالىق سانالىلىققا، باتىل ساياسي سەنىمگە، عىلمي ويلاۋ ادىسىنە اينالدىرىپ، جۇڭگوشا فيلوسوفيا - قوعامدىق عىلىمداردى جەدەل قۇرىپ، وتان ءۇشىن، حالىق ءۇشىن ءمورالدى سومداپ، كىتاپ جازىپ ءتالىم جۇرگىزىپ، شينجياڭنىڭ قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىنىڭ شينجياڭ پاراعىن جازۋ ءۇشىن تاعى دا جاڭا ۇلەس قوسۋ، تاعى دا جاڭا ەڭبەك ءسىڭىرۋ كەرەك.
لي پىڭشين ماجىلىسكە قاتىناستى ءارى ءسوز سويلەدى. ول مىنانى اتاپ كورسەتتى: تاياۋ جىلداردان بەرى، اۆتونوميالى رايوندىق پارتكوم باس شۋجي شي جينپيڭنىڭ جۇڭگوشا فيلوسوفيا - قوعامدىق عىلىمداردى قۇرۋ جونىندەگى ماڭىزدى بايىمداۋلارىن مۇقيات ۇيرەنىپ، دايەكتىلەندىرىپ، پارتيانىڭ فيلوسوفيا - قوعامدىق عىلىمدارعا باسشىلىعىنا تاباندى بولىپ جانە ونى كۇشەيتىپ، پارتيانىڭ يدەولوگيا قىزمەتىنە باسشىلىعىن كۇشەيتىپ، رايونىمىزدىڭ فيلوسوفيا - قوعامدىق عىلىمدار سالاسىنىڭ نازاريامەن قارۋلانۋىن، شەشىم جاساۋدا كەڭەس بەرۋىن، قوعامدىق عىلىمداردى جالپىلاستىرۋىن، قوعامدىق عىلىمداردى باعالاۋىن تىڭعىلىقتى ىلگەرىلەتۋ سياقتى جاقتاردا قىرۋار قىزمەتتەر ىستەپ، جۇڭگوشا سوتسياليستىك شينجياڭ قۇرۋدا بەلسەنە ۇلەس قوستى. ءار دارەجەلى قوعامدىق عىلىمدار بىرلەستىگى مەن قالىڭ فيلوسوفيا - قوعامدىق عىلىمدار قىزمەتكەرلەرىنەن ساياسي دەڭگەيدى قۇلشىنا جوعارىلاتىپ، ساياسي ولشەم ارقىلى قوعامدىق عىلىمدار قىزمەتىنە جەتەكشىلىك ەتۋدى، ونى جۇيەلىلەندىرۋدى جانە سىننان وتكىزۋدى؛ عىلمي نازاريامەن جەتەكشىلىك ەتۋگە باستان - اياق تاباندى بولىپ، فيلوسوفيا - قوعامدىق عىلىمداردى گۇلدەندىرۋ، دامىتۋ ءۇشىن يدەيالىق رۋحتى سومداۋدى؛ ءداۋىردىڭ نەگىزگى تاقىرىبىن مىقتاپ يگەرىپ، شينجياڭنىڭ ورنىقتىلىعى مەن دامۋىنا اقىل - كەڭەس، كۇش - قۋات ارناۋدى؛ تاڭداۋلى ءداستۇردى ۇزدىكسىز ساۋلەلەندىرىپ، شينجياڭنىڭ فيلوسوفيا - قوعامدىق عىلىمدار ىستەرىنىڭ ۇزدىكسىز العا باسۋىن ىلگەرىلەتۋدى ءۇمىت ەتەمىن. ءار دارەجەلى پارتكومدار فيلوسوفيا - قوعامدىق عىلىمدار قىزمەتىن ماڭىزدى كەڭەستىك تارتىپكە، كۇن تارتىپكە ەنگىزىپ، فيلوسوفيا - قوعامدىق عىلىمداردى باسقارۋ ءتۇزىلىسى رەفورماسىن تەرەڭدەتىپ، دارىندىلارعا قامقورلىق جاساپ، ولاردى ايالاپ، تۇتاس قوعامدا فيلوسوفيا - قوعامدىق عىلىمدارعا ءمان بەرەتىن، كوڭىل بولەتىن، قولداۋ كورسەتەتىن قويۋ راي قالىپتاستىرۋ كەرەك. قوعامدىق عىلىمدار بىرلەستىگى پارتيا مەن ۇكىمەتتىڭ قالىڭ قوعامدىق عىلىمدار قىزمەتكەرلەرىمەن بايلانىس جاسايتىن كوپىرى جانە دانەكەرى بولىپ، قوعامدىق عىلىمدار قىزمەتكەرلەرىنىڭ مەيىرىمدى، جاراسىمدى شاڭىراعىنا اينالۋعا قۇلشىنۋ كەرەك.
اۆتونوميالى رايوندىق عىلىم - تەحنيكا قوعامى بۇقارالىق توپتار، ۇيىمدار اتىنان قۇتتىقتاۋ ءسوزىن سويلەدى.
ءماجىلىس «اۆتونوميالى رايوندىق قوعامدىق عىلىم سالاسىنداعىلار بىرلەستىگى 4 - كەزەكتى كوميتەتىنىڭ قىزمەت بايانداماسىن» ماقۇلدادى، «اۆتونوميالى رايوندىق قوعامدىق عىلىم سالاسىنداعىلار بىرلەستىگىنىڭ ۋستاۆىنا» وزگەرىس ەنگىزدى، تيان ۋىندى اۆتونوميالى رايوندىق قوعامدىق عىلىم سالاسىنداعىلار بىرلەستىگىنىڭ ءتوراعاسىنا، رىن حۋا، شۇي رۇيجۇن، شي جيان، ەركەش قۇرمانبەك قىزى، چىن حانلين، گاۋ جيانلۇڭ، شۇي شيان - ي، ديڭ شوۋچيڭ، حوۋ جۇيفىڭ، جاڭ شينحۇيدى ورىنباسار ءتوراعالىعىنا سايلادى.
قۇرىلتاي تۇتاس رايونىمىزداعى فيلوسوفيا - قوعامدىق عىلىمدار قىزمەتكەرلەرىنە ماركسيزم، جۇڭگوشا سوتسياليزم تۋىن بيىك ۇستاپ، رايونىمىزدىڭ فيلوسوفيا - قوعامدىق عىلىمدار دامۋىنىڭ جاڭا جاعدايىن اشۋعا قۇلشىنۋ دارىپتەمەسىن جاريالادى.
اۆتونوميالى رايوننىڭ پارتيا، ۇكىمەت، ارميا ورىندارىنىڭ باسشىلارىنان لي ۋي، شۇي حايرۇڭ، ەركىن تۇنياز، تيان ۋىن، سارقىت اقان ۇلى، مانەن زەينەل ۇلى، رىن حۋا، ماعاۋ سەيىتقامزا ۇلى، حان بيڭچىڭ قاتارلىلار جوعارىداعى قيمىلدارعا قاتىناستى.
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
