رايونىمىزداعى جوعارى مەكتەپ وقىتۋشىلارى قاشقارعا بارىپ، ەكسكۋرسيالاپ، تەكسەرۋ - زەرتتەۋ جۇرگىزدى
وقىتۋ جوباسى عىلمي، تاربيەلەۋ ۇلگىسى قونىمدى بولعان
2018.11.09 16:27 كەلۋ قاينارى : شينجياڭ گازەتى
تىلشىلەرىمىز لي چۇنشيا، شيە حۇيبيان 11 - ايدىڭ 7 - كۇنى قاشقاردان حابارلايدى. 11 - ايدىڭ 5 - كۇنى اۆتونوميالى رايونىمىزداعى جوعارى مەكتەپتەردىڭ 94 وقىتۋشىسى قاشقار ايماعىنا بارىپ، ەكسكۋرسيالاپ، تەكسەرۋ - زەرتتەۋ جۇرگىزدى. جوعارى مەكتەپ وقىتۋشىلارى ىلگەرىندى - كەيىندى ءپايزاۋات اۋدانىنداعى كاسىپتىك شەبەرلىككە تاربيەلەۋ، باۋلۋ ورتالىعىنا، قاشقار قالاسىنداعى كاسىپتىك شەبەرلىككە تاربيەلەۋ، باۋلۋ ورتالىعىنا بارىپ، وقىتۋ قيمىلدارىن ۇستىندە كورىپ، تاربيەلەنۋشىلەردىڭ وزدەرى قۇراستىرىپ، وزدەرى رەجيسسەرلىك ىستەپ، وزدەرى ورىنداعان كوركەمونەر كونسەرتىن تاماشالادى، اسحانا، بالالاردى باعۋ ورنى، جاتاق سياقتى تۇرمىس ورىندارىن ەكسكۋرسيالادى ءارى تاربيەلەنۋشىلەرمەن اڭگىمەلەستى.
ساعات 12دە ءپايزاۋات اۋدانىنداعى كاسىپتىك شەبەرلىككە تاربيەلەۋ، باۋلۋ ورتالىعىنىڭ ونەر كورسەتۋ زالىندا تاماشا كوركەمونەر ويىندارى ورىندالىپ جاتتى، قىزۋ شاپالاق ءۇنى ۇزىلمەدى. «ويىنعا قاتىناسقان تاربيەلەنۋشىلەردىڭ جۇزىنەن باقىتتىڭ لەبى، كوزدەرىنەن سەنىمنىڭ نۇرى كورىنىپ تۇرعاندىعىن بايقادىم. كوركەمونەر تاربيەسىمەن شۇعىلدانعانىما 10 قانشا جىل بولدى، ەگەر شىن جۇرەگىنەن تۋىنداعان سۇيىسپەنشىلىك بولماسا، تاربيەلەنۋشىلەردىڭ كونسەرتتى مۇنداي اسەرلى ورىنداي المايتىندىعى ماعان انىق ەدى»، - دەدى ويىندى كورگەننەن كەيىن شينجياڭ كوركەمونەر شۋەيۋانى مۋزيكا فاكۋلتەتىنىڭ پروفەسسورى ساييارا ابباسوۆ تەبىرەنە، - تاربيەلەنۋشىلەردىڭ كاسىپتىك شەبەرلىككە تاربيەلەۋدى، باۋلۋدى قابىلداعاننان كەيىنگى وزگەرىستەرى مەن جەتىلۋىن كورىپ، ولاردىڭ پارتيا مەن ۇكىمەتكە العىس ايتۋداعى جان دۇنيەسىن سەزىندىم. كاسىپتىك شەبەرلىككە تاربيەلەۋ، باۋلۋ ولاردىڭ اقاۋسىز رۋحاني دۇنيەسىن سومداپ، ولاردى جارىققا شىنايى جەتەلەدى.
جاقىندارىمەن جۇزدەسۋ ورنىندا كەيبىر تاربيەلەنۋشىلەر وتباسىنداعىلارمەن قورالانا وتىرىپ، بىرگە تاماقتانىپ، اڭگىمەلەسۋدە، ولاردىڭ كۇلكى ءۇنى ءالسىن - ءالى ەستىلەدى. تاربيەلەنۋشى جۇما تۇرسىن اكە - شەشەسىمەن اڭگىمەلەسىپ وتىر، اكەسى ۇلىنىڭ سەمىرىپ قالعانىن ايتسا، شەشەسى ۇلىنا تاماقتى ازىراق جەۋدى، وتە سەمىرىپ كەتسە سىمباتسىز بولىپ كەتەتىندىگىن تاپسىردى. شينجياڭ پەداگوگيكا داشۋەسى زاڭ ءىلىمى شۋەيۋانىنىڭ باستىعى چىن تۇڭ جۇما وتباسىنداعىلاردىڭ كوڭىلدى اڭگىمەلەسىپ وتىرعانىن كورىپ، ەرىكسىزدەن ولاردىڭ قاسىنا كەلدى. جۇما چىن تۇڭعا ءوزىنىڭ كەشىرمەسىن ايتىپ بىلاي دەدى: بۇرىن ءدىني ۇشقارى يدەيانىڭ ىقپالىنا ۇشىراپ، جانناتقا بارۋدى اڭساپ، وقۋدان قول ءۇزدىم، قارىنداسىمدى نيقاپ كيۋگە ماجبۇرلەدىم. قازىر ۇيرەنۋ ارقىلى ءوزىمنىڭ زاڭ جانە زاڭ ەرەجەلەرگە قايشىلىق جاساعانىمدى بىلۋمەن قاتار، زاڭنىڭ قايسى تارماقتارىنا قايشىلىق جاساعانىمدى دا ءبىلدىم.
چىن تۇڭ العاشىندا جۇمانىڭ جاتىق پۋتۇڭحۋادا سويلەگەنىنە قايران قالدى، ودان جۇمانىڭ زاڭنىڭ ناقتى تارماقتارىن ايقىن ايتقاندىعىن ەستىگەندە باسىن يزەپ، ونى القاپ بىلاي دەدى: زاڭ قوعامدىق ءتارتىپتى جۇيەگە تۇسىرەتىن نەگىزگى ارەكەت ولشەمى. زاڭ ۇيرەنۋ تاربيەلەنۋشىلەردىڭ زاڭ قىزىل سىزىعى تانىمىن، تومەنگى شەك وي جەلىسىن كوتەرىپ، قانداي ءىستى ىستەۋگە بولاتىندىعىن، قانداي ءىستى ىستەۋگە بولمايتىندىعىن ءبىلدىرىپ، ولاردىڭ دۇرىس پەن بۇرىستى ايقىن پارىقتاپ، زاڭ ارقىلى وزدەرىنىڭ ءسوزى مەن ءىسىن تەجەپ، تارتىپكە، زاڭعا بويسۇناتىن جاقسى ازامات بولۋىنا مۇمكىندىك جاسادى.
قاشقار قالاسىنداعى كاسىپتىك شەبەرلىككە تاربيەلەۋ، باۋلۋ ورتالىعىنىڭ وقىتۋ عيماراتىندا جوعارى مەكتەپ وقىتۋشىلارى كلاستارعا كىرىپ، ساباق وتەتىن وقىتۋشىلارمەن جانە تاربيەلەنۋشىلەرمەن اڭگىمەلەسىپ، وقۋلىقتاردى كورىپ، مەملەكەتتە ءبىر تۇتاس قولدانىلاتىن ءتىل - جازۋ، زاڭ سياقتى ساباقتاردىڭ ءوتىلۋ جاعدايىن ۇعىستى. شينجياڭ راديو - تەلەۆيزيا داشۋەسى پارتكومىنىڭ ورىنباسار شۋجيى، مەكتەپ باستىعى پاتىگۇل مامەت تاربيەلەۋ، باۋلۋ ورتالىعىنىڭ جۇيەلى وقىتۋ جوباسىن جاساعاندىعىن، ءىس جۇزىنىك جاعدايعا ۇيلەسەتىن وقىتۋ ماتەريالدارىن قۇراستىرعاندىعىن ءارى تاربيەلەنۋشىلەردى ءبىلىم مادەنيەت ورەسىنە قاراي تۇرگە ايىرىپ وقىتقاندىعىن، ادامعا قاراي تاربيە بەرگەندىگىن كوردى. ول بىلاي دەدى: ءدىني ۇشقارى يدەيانى جۇقتىرىپ العان ءارى زاڭعا جەڭىلدەۋ قايشىلىق جاساعان ادامداردى پارتيا مەن ۇكىمەت تاستاپ قويمادى، قايتا ءىس جۇزىندىك جاعدايعا ۇشتاستىرىپ مەكتەپ فورماسىنداعى تاربيە ورىستەتىپ، عىلمي وقىتۋ، باۋلۋ جوباسىن جاساپ، ادامدى عىلىممەن تاربيەلەپ، مادەنيەتپەن باۋلىدى، مۇنداي تاربيەلەۋ، باۋلۋ وقىتۋ زاڭدىلىعىنا ۇيلەسەدى، تابىستى تاربيە امالياتى.
وسىدان كەيىن جوعارى مەكتەپ وقىتۋشىلارى تاربيەلەۋ، باۋلۋ ورتالىعىنىڭ ناقتى جاتتىعۋ بازاسىنا باردى. ەلەكتروندى تۇلعالىق بولشەكتەردى مانەرلەۋ سەحىندا تاربيەلەنۋشىلەر ءوندىرىس لەنياسىندا قاربالاس جۇمىس ىستەپ جاتىپتى. شينجياڭ كاسىپتىك داشۋەسى اسپازدىق جانە اس - سۋ باسقارۋ شۋەيۋانىنىڭ ورىنباسار باستىعى ءانيپا امەت تاربيەلەنۋشى قۇربانجان تۇراقتىڭ جانىنا كەلىپ، ونىڭ قالاي ىستەپ جاتقاندىعىنا ۇڭىلە قارادى. قۇربانجان ورام وراپ وتىرىپ: بۇل اراعا كەلىپ ناقتى جاتتىعۋ جاساعانىما 2 اي بولىپ قالدى، 3 اي بولعاندا ەڭبەكاقى الامىن، - دەدى.
ءانيپا كۇلىمسىرەي ونى شابىتتاندىرىپ بىلاي دەدى: ونەر − جۇمىسقا ورنالاسۋدىڭ كىلتى، وسى ارادا ونەردى جاقسى ۇيرەنسەڭدەر، ەڭبەكتەرىڭ ارقىلى اناعۇرلىم كوپ كىرىس كىرگىزىپ، وزدەرىڭ جانە وتباسىڭداعىلار ءۇشىن اناعۇرلىم جاقسى تۇرمىس جاراتاسىڭدار، بۇل قانداي كەرەمەت ءىس! سەندەر پارتيانىڭ قامقورلىعىنا العىس ايتىپ، ۇيرەنۋ ورايىن قاستەرلەپ، قاتەلىكتەرىڭدى تانىپ، وزگەرتىپ، ونەر يگەرسەڭدەر، بولاشاقتا ورنىقتى تۇردە جۇمىسقا ورنالاسىپ، باقىتتى تۇرمىسقا قولدارىڭ جەتەدى.
شينجياڭ داشۋەسى پارتكومىنىڭ ورىنباسار شۋجيى، ءتارتىپ تەكسەرۋ كوميتەتىنىڭ شۋجيى لو شۇي اسا تەبىرەنە بىلاي دەدى: ءبىز كورگەن وسى وزگەرىستەر كاسىپتىك شەبەرلىككە تاربيەلەۋ، باۋلۋ ورتالىعىنىڭ ءدىني ۇشقارى يدەيانىڭ ازدىرۋىنا ۇشىراعان ادامداردىڭ قالىپتى تۇرمىسقا قايتا ورالۋىنا كومەكتەسەتىن ۇيرەنۋ جانە جەتىلدىرۋ ورنى ەكەندىگىن، قوعامدى جونگە سالۋداعى جاڭالىق اشۋ شاراسى ەكەندىگىن ايقىن ءتۇسىندىردى. جوعارى مەكتەپ وقۋ - اعارتۋ قىزمەتكەرى رەتىندە، وسى رەت ەكسكۋرسيالاپ، تەكسەرۋ - زەرتتەۋ جۇرگىزگەننەن كەيىن، ارقالايتىن جاۋاپكەرشىلىگىمنىڭ اۋىر ەكەندىگىن سەزىندىم. ءبىز،ءسوزسىز، سوتسياليستىك وزەكتى قۇن كوزقاراسىمەن ءبىلىم تاربيەسىنە جانە مەكتەپ مادەني قيمىلدارىنا جەتەكشىلىك ەتىپ، وقىتۋشىلاردىڭ ۇشقارىلىقتى الاستاۋ قىزمەتىندەگى جەتەكشىلىك رولىن ويداعىداي ساۋلەلەندىرىپ، وقۋشىلاردى عىلىمدى قادىرلەۋگە، اقيقاتقا تالپىنۋعا جەتەكتەپ، لاڭكەستىكتىڭ، ۇشقارىلىقتىڭ ءوسىپ - ءوربيتىن توپىراعىن الاستاپ، اقاۋسىز دا تازا مەكتەپ ورتاسىن ساقتاۋىمىز كەرەك.
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
