تاربيەلەۋ، قۇتقارۋ ارقىلى جاڭا ومىرگە جول الدى
− شينجياڭ كاسىپتىك شەبەرلىككە تاربيەلەۋ، باۋلۋ قىزمەتىنەن كورگەن - بىلگەندەرىمىز (1)
2018.11.13 15:45 كەلۋ قاينارى : شينجياڭ گازەتى
10 - ايدىڭ 7 - كۇنى تۇستەن بۇرىن حوتان اۋدانىنىڭ كاسىپتىك شەبەرلىككە تاربيەلەۋ، باۋلۋ ورتالىعىنىڭ وقىتۋ عيماراتىندا داۋىستاپ وقىعان ءۇن ءالسىن - ءالى كوتەرىلەدى. «موتورلى كولىكتىڭ ۆەلوسيپەد جولىمەن جۇرۋىنە بولمايدى، كوپشىلىك ايتىڭدارشى، بۇل نە ءۇشىن؟ ءبىز نەلىكتەن زاڭدى، قاعيدانى دارىپتەيمىز؟». ءتىلشى كلاسقا كىرگەندە وقىتۋشى زاڭ ساباعىن ءوتىپ جاتىپتى. كۇن ساۋلەسى تۇسكەن كەڭ كلاس جاپ - جارىق، تاربيەلەنۋشىلەر جاپا - تارماعاي قول كوتەرىپ، سۇراۋعا جاۋاپ بەرۋدە، ساباقحانا ايرىقشا دۋماندى.
مەملەكەتتە ءبىر تۇتاس قولدانىلاتىن ءتىل - جازۋدى ۇيرەنىپ، ىشتەسۋ، توعىسۋ قابىلەتىن جوعارىلاتتى؛ زاڭدى ۇيرەنىپ، اق پەن قارانى ايقىن ايىرۋ قابىلەتىن جوعارىلاتتى؛ شەبەرلىك ۇيرەنىپ جۇمىستانۋ، شارۋاشىلىق قۇرۋ قابىلەتىن جوعارىلاتتى. كاسىپتىك شەبەرلىككە تاربيەلەۋ، باۋلۋ ورتالىعىندا تاربيەلەنۋشىلەر ساباقتى قالاي ۇيرەنەدى؟ تۇرمىس ورتاسى قالاي؟ شەبەرلىك ۇيرەنگەن سوڭ نە ىستەيدى؟ ۇيرەنۋدەن سىرتقى تۇرمىستارىن قالاي ورنالاستىرادى؟ وسى ماسەلەلەردىڭ جەتەگىندە ءتىلشى كاسىپتىك شەبەرلىككە تاربيەلەۋ، باۋلۋ ورتالىعىنا بارىپ، تاربيەلەنۋشىلەردىڭ ۇيرەنۋىن جانە تۇرمىسىن، سونداي - اق وسىدان باستالعان ءومىردىڭ جاڭا تاراۋىن ەستەلىككە الدى.
قۇلشىنا ۇيرەنىپ، سەنىمدى قايتا ورناتتى
وقىتۋ عيماراتىنىڭ سىرتىنداعى دەنە تاربيە الاڭىندا تاربيەلەنۋشىلەردىڭ باسكەتبول جارىسى دابىرالى وتكىزىلۋدە. كىتاپحانادا كىتاپ وقىپ، ساباق پىسىقتاپ جاتقان تاربيەلەنۋشىلەر دە از ەمەس. 22 جاستاعى قالبينۇر مىجيت بالالاردىڭ زەيىنىن اشاتىن كىتاپتى وقۋدا. «مەملەكەتتە ءبىر تۇتاس قولدانىلاتىن ءتىل - جازۋدى ۇيرەنىپ، وقۋ، جازۋ قابىلەتىم جەتىلگەننەن كەيىن، كىتاپ وقۋعا اۋەستەنىپ قالدىم، مەن بالا تاربيەسى بىلىمدەرىن كوبىرەك ۇيرەنگىم كەلەدى»، - دەيدى ول.
باۋلۋ ارقىلى تاربيەلەنۋشىلەردىڭ ۇيرەنۋ اۋەسى كۇشەيدى، ىنتاسى جوعارىلادى، بار پەيىلىن سالاتىن بولدى. حوتان قالاسىنىڭ كاسىپتىك شەبەرلىككە تاربيەلەۋ، باۋلۋ ورتالىعىنىڭ زاڭ وقىتۋشىسى ابدۇكىبىر ابدۇقيىم تىلشىگە بىلاي دەدى: تاربيەلەنۋشىلەردىڭ كوپ ساندىسى ىلگەرى ساۋاتسىز، زاڭنان حابارسىز ەدى، نەنىڭ زاڭدى، نەنىڭ زاڭسىز ەكەندىگىن ايقىن ايىرا المايتىن، كەيبىرەۋلەرى، اۋەلى، ءدىني جوسىن زاڭنان ۇستەم تۇرادى دەپ قاراپ، دىنگە سەنەتىن، زاڭعا سەنبەيتىن. باستاپتا كوپشىلىكتىڭ ۇيرەنۋ بەلسەندىلىگى جوعارى ەمەس ەدى. وقىتۋشىلار ناقتى دەلو مىسالدارىمەن ۇشتاستىرىپ، دەلو ارقىلى زاڭدى تۇسىندىرگەندىكتەن، كوپشىلىكتىڭ اۋەسى بارعان سايىن كۇشەيىپ، ەستەلىك داپتەردى تولتىرا جازاتىن بولدى.
باۋلۋ ورتالىعىندا تاربيەلەنۋشىلەر الدىمەن، مەملەكەتتە ءبىر تۇتاس قولدانىلاتىن ءتىل - جازۋدى ۇيرەندى، ونان سوڭ، زاڭ بىلىمدەرىن ۇيرەندى، سوڭىندا، كاسىپتىك شەبەرلىكتى ۇيرەندى، وقىتۋ جوسپارىندا تاربيەلەنۋشىلەردىڭ ءىس جۇزىندىك جاعدايى تولىق ەسكەرىلىپ، بۇقاراعا جاناستىرىلدى.
10 - ايدىڭ 9 - كۇنى كەشتە شەريا اۋدانىنىڭ كاسىپتىك شەبەرلىككە تاربيەلەۋ، باۋلۋ ورتالىعىنداعى 10 نەشە كلاستىڭ شىراعى جانىپ تۇردى. 25 جاستاعى مامەتيمىن اكىرام ساباقتاستارىمەن اسپازدىق ءبىلىمىن ۇيرەنىپ جاتقان - دى. «مەن شەريا اۋداندىق كاسىپتىك - تەحنيكالىق مەكتەپتىڭ اسپازدىق، بالكۇلشە كلاسىنا تىزىمدەلدىم، شەبەرلىكتى ويداعىداي ۇيرەنەتىن بولسام، كاسىپتىك تولىمدىلىق كۋالىگىن الا الامىن»، - دەيدى ول.
باۋلۋ ورتالىعىنىڭ قىزمەتكەرى مامەتجان رەجەپ بىلاي دەپ تانىستىردى: باۋلۋ ورتالىعى اۋدانداعى كاسىپتىك - تەحنيكالىق مەكتەپپەن بايلانىس جاساپ، تاربيەلەنۋشىلەرگە كلاس اشتى، ساباقتى تاربيەلەنۋشىلەردىڭ تىلەگى مەن قوعامنىڭ جۇمىس قاجەتىن جان - جاقتى ەسكەرە ورنالاستىردى، اسپازدىقتان، بالكۇلشە جاساۋدان سىرت، تاعى اجارلاندىرۋ، شاشتاراز، كيىم - كەشەك جوبالاۋ، تىگۋ، زاڭ ىستەرى، اۋىل - قىستاق ەكونوميكاسىن باسقارۋ سياقتى ساباقتار بار.
كاسىپتىك شەبەرلىكتى ويداعىداي ۇيرەنگەندە، اناعۇرلىم كوپ كاسىپتەنۋ ورايى بولادى. كەريا اۋدانىنىڭ كاسىپتىك شەبەرلىككە تاربيەلەۋ، باۋلۋ ورتالىعى ونەركاسىپ باقشا رايونىنىڭ باسپا زاۆودىندا 22 جاستاعى ابىلەت ابىلەز تىلشىگە بىلاي دەدى: مەن ناقتى جاتتىعۋ كەزەڭىنە ءوتتىم، كەلەر ايدا رەسمي جۇمىسقا شىعامىن. ءتىلشى ونىڭ سۋرەت سالۋ جۇمساق بولشەگىنەن پايدالانىپ جاساعان مۇقاباسىن كوردى، «جىگەرلەنە العا ىلگەرىلەيىك» دەگەن كوركەم جازۋ وتە ادەمى جازىلىپتى. «شەشەم ماعان وسى ارادا شەبەرلىكتى جاقسى ۇيرەن، وقۋ تاۋىسىپ، ۇيگە قايتقاننان كەيىن ساعان حات باسۋ، كوپيالاۋ دۇكەنىن اشىپ بەرەمىن دەگەندى ايتتى»، - دەدى نىق سەنىممەن ابىلەت.
بۇل ارانىڭ تۇرمىسى جاقسى
10 - ايدىڭ 8 - كۇنى تۇستە تاربيەلەنۋشى گوھارنيسا احمەتتوحتى حوتان قالاسىنىڭ كاسىپتىك شەبەرلىككە تاربيەلەۋ، باۋلۋ ورتالىعىنىڭ ونەركاسىپ باقشاسى رايونىنداعى پيڭ - ان ەرەن بازارىندا قاربالاس جۇمىس ىستەپ ءجۇر، جۇمىسىن ىستەپ بولعان سوڭ، ول الەۋمەتتىك اۋماق تۇرعىندار تۇراعىنداعى جاڭا ۇيىنە قايتىپ كەلدى. بۇگىن ونىڭ ۇلكەن ۇلى احمەتجاننىڭ 10 جاسقا شىققان تۋعان كۇنى ەكەن، ول ءتىلشىنى ۇيىنە بارىپ، تۋعان كۇن تورتىنان ءدام تاتۋعا شاقىردى.
ءۇيدىڭ قوناق بولمەسىن الۋان ءتۇرلى شارلارمەن بەزەندىرىپتى، گوھارنيسانىڭ شەشەسى، ءىنىسى جانە ءسىڭلىسى تەلەۆيزور كورىپ وتىر ەكەن، 2 ۇلى ويىنشىق ماشينا ويناپ وتىر. سالدەن سوڭ گوھارنيسا ءوزى جاساعان تۋعان كۇن تورتىن اكەلدى، كوپشىلىك تۋعان كۇن ءانىن شىرقادى. 6 جاستاعى كىشكەنە ۇلى ەندى عانا ۇيرەنگەن «ءۇش ءتاپسىردى» جاتقا وقىپ، وسى ارقىلى اعاسىنا باقىت تىلەدى، ءبىر وتباسىنىڭ ادامدارى شاتتىققا شومدى.
گوھارنيسا مەن كۇيەۋى ەكەۋى دە باۋلۋ ورتالىعىندا ۇيرەنۋدە ەكەن، ولاردىڭ ۇيرەنۋ اياق الىسى ءبىرشاما تەز، ەكەۋى دە كاسىپتەنىپتى، ەرلى - زايىپتى ەكەۋى بالالارىمەن بىرگە باۋلۋ ورتالىعىنىڭ ماڭىنداعى الەۋمەتتىك اۋماقتا تۇرادى ەكەن. «تاماق، جاتىن ورىن تۇگەلدەي تەگىن، كۇيەۋىم ەكەۋىمىز اي سايىن ەڭبەكاقىمىزدى بالالارىمىزدىڭ وقۋ قاراجاتى ءۇشىن ساقتاپ وتىرمىز»، - دەدى گوھارنيسا.
تاماشا تۇرمىس ورتاسىنان كوركەم تۇرمىس تۋىندايدى. قاشقار قالاسىنىڭ كاسىپتىك شەبەرلىككە تاربيەلەۋ، باۋلۋ ورتالىعىنىڭ تۋىستارىمەن كەزدەستىرۋ ورنىندا تاربيەلەنۋشى زۇنۇن ابدۇسامەتتىڭ ايەلى ءمارپۇعا مۇحتار تىلشىگە كۇيەۋىندەگى وزگەرىستەردى تاپتەشتەي اڭگىمەلەدى: تەگىندە ورتاق تىلدە مۇلدە سويلەي المايتىن، قازىر بارعان سايىن جاقسى سويلەيتىن بولىپتى. ۇيدە ەجەلدەن ءتىسىن جۋمايتىن، سالدىر - سالاق بولاتىن، قازىر تازالىققا كوڭىل بولەتىن بولىپتى، شىت جاڭا ادام بولىپ وزگەرگەنىن كورىپ قاتتى قۋانىپ وتىرمىن.
زۇنۇن عانا وزگەرىپ قالماستان، مۇنداي جاقسى وزگەرىس ءاربىر تاربيەلەنۋشىنىڭ ءون بويىنان مەن مۇندالايدى. تاربيەلەنۋشىلەر باۋلۋ ورتالىعىندا ءار كۇنى جۇمىرتقا، ەت جانە كوكونىس تۇتىنادى، نەگىزگى تاعام تۇرلەرى دە وتە مول ەكەن. تاربيەلەنۋشىلەردىڭ جاتاعىنا اۋا رەتتەگىش، تەلەۆيزور ورناتىلىپتى، ستاكان جانە ءتىس شوتكى قالبىرى رەتتى قويىلىپتى، اق ءتۇستى ورامال قاتار - قاتار ءىلىنىپتى، جاتاقتارى تازا، رەتتى ەكەن.
ۇيرەنۋىن اياقتاتىپ ۇيىنە قايتقالى تۇرعان ابدۇعاني عوجى جاتاقتا كورپە - جاستىعىن جيىستىرۋدا ەكەن. ساباقتاستارىمەن قيماستىقپەن قوشتاسىپ، كوپشىلىكتى جاقسى ۇيرەنۋگە ىنتالاندىرعان ول كوپشىلىككە بىلاي دەدى: ۇيگە قايتقاننان كەيىن بالامدى جاقسى تاربيەلەيمىن، ءوز كەشىرمەلەرىم ارقىلى ماڭىمداعى ادامدارعا يگى ىقپال كورسەتىپ، كومەكتەسىپ، ولاردى ءدىني ۇشقارى يدەيادان اۋلاق بولۋعا باستايمىن.
جۇمىستانۋ سەنىم جانە جىگەر بەردى
حوتان اۋدانىنىڭ كاسىپتىك شەبەرلىككە تاربيەلەۋ، باۋلۋ ورتالىعى وقىتۋ عيماراتىنداعى تىلەك جازۋ قابىرعاسى تاربيەلەنۋشىلەر جازعان تىلەككە تولىپتى. «جاقسى ۇيرەنىپ، كۇن سايىن العا باسامىن»، «مەن وتانىمدى سۇيەمىن، مەن وتباسىمدى سۇيەمىن»، «وتانىمىزدىڭ گۇلدەنۋىن، قۇدىرەتتەنۋىن تىلەيمىن»، «مەملەكەتىمىزدە ءبىر تۇتاس قولدانىلاتىن ءتىل - جازۋدى قۇلشىنا ۇيرەنەمىن»...
مەملەكەتتە ءبىر تۇتاس قولدانىلاتىن ءتىل - جازۋدى ۇيرەنۋدىڭ، زاڭ ۇيرەنۋدىڭ، شەبەرلىك ۇيرەنۋدىڭ بارلىعى دا تاربيەلەنۋشىلەردىڭ ارالاسۋ، توعىسۋ قابىلەتىن، دۇرىس پەن بۇرىستى ايقىن ايىرۋ قابىلەتىن جانە جۇمىستانۋ، شارۋاشىلىق قۇرۋ قابىلەتىن جوعارىلاتۋ ءۇشىن بولىپ تابىلادى. حوتان ايماعى مەملەكەت بويىنشا سىپىرمايىم كەدەي ءوڭىر، ال حوتان اۋدانىنىڭ ونەركاسىپ نەگىزى ءبىرشاما ءالسىز، كاسىپتىك شەبەرلىككە تاربيەلەۋ، باۋلۋ قىزمەتى وسىنىڭ بارلىعىن وزگەرتتى. قازىرگى تاڭدا زاۆود اشىلدى، باۋلۋ ارقىلى تاربيەلەنۋشىلەر ءبىلىم، شەبەرلىك يگەردى، كەيبىرى ونەركاسىپ جۇمىسشىسىنا اينالىپ، ورنىقتى كىرىسكە قول جەتكىزدى.
10 - ايدىڭ 7 - كۇنى كەشتە ەندى عانا ۇيىنەن ونەركاسىپ باقشا رايونىنداعى اياق كيىم شەبەرحاناسىنا كەلگەن ابلاحات ابدۇحىلىلدىڭ جۇزىنەن كۇلكى ەسىپ، قويۋ قارا قاسىنان شاتتىقتىڭ بەينەسى مەن مۇندالادى. «مەملەكەت اۋىل - قىستاقتى گۇلدەندىرۋ ستراتەگياسىن اتقاردى، قىستاقتا زور وزگەرىس بولىپتى، كونە ءۇيىمىزدىڭ ورنىنا جاڭا ءۇي سالىنىپتى، مەن، اۋەلى، ءۇيىمدى تاني الماي قالا جازدادىم»، - دەيدى ول.
ابلاحات باۋلۋ ورتالىعىندا اياق كيىم تىگۋ شەبەرلىگىن ۇيرەنىپ، شەبەرحاناعا رەسمي جۇمىسقا تۇرىپتى، اي سايىن ەڭبەكاقى الادى ەكەن. ۇيىنە قايتقاندا، قىستاقتان اياق كيىم تىگەتىن شاعىن شەبەرحانا سالىنىپ جاتقاندىعىن كورىپ، ەرەكشە جەلپىنگەن ول تەحنيكا ورەسىن جوعارىلاتىپ، ۇيرەنۋدى اياقتاتقاننان كەيىن قىستاققا قايتىپ، اۋىلداستارىنا ونەر ۇيرەتۋگە بەكىدى.
تاربيەلەنۋشىلەر شەبەرلىك ۇيرەنۋ ارقىلى بايۋ جولىن تاپتى ءارى سەنىمگە يە بولدى. مارالباسى اۋدانىنىڭ كاسىپتىك شەبەرلىككە تاربيەلەۋ، باۋلۋ ورتالىعىنداعى تاربيەلەنۋشى امەت اكىم بيىل 40 جاستا، ىلگەرى اتى زاتىنا ساي ديقان ەكەن، قازىر كيىم تىگۋ شەبەرحاناسىنىڭ سەح باستىعى، 97 تاربيەلەنۋشى جۇمىسكەردىڭ ءوندىرىس - تۇرمىسىن باسقارادى، وعان قىزمەت وتەيدى. مەملەكەتتە ءبىر تۇتاس قولدانىلاتىن ءتىلدى سويلەي الماۋدان ىركىلىسسىز سويلەي الۋعا دەيىنگى، ەگىستىك جەردەن تاباتىن ماردىمسىز كىرىستەن اي سايىن تۇراقتى ەڭبەكاقىسى بولۋعا دەيىنگى وسى وزگەرىستەر امەتكە مىعىم سەنىم بەرگەن.
ءتىلشى مۋزيكانىڭ ىرعاعىمەن كيىم تىگۋ شەبەرحاناسىنان ونىڭ ماڭىنداعى كەزدەمە توقىماشىلىق شەبەرحاناسىنا بارعاندا، بەينە الۋان رەڭنىڭ شالقار ايدىنىنا ەنگەندەي بولدى. بۇل ارادا تاربيەلەنۋشىلەردىڭ ساندىك كيىم سالتاناتى ءوتىپ جاتقان ەكەن. ءتۇرلى - ءتۇستى كەزدەمەدەن جىرىق ەتەك كويلەك، قوناق كيىم، ساندىك كيىم جاسالىپتى، ايەل تاربيەلەنۋشىلەر سۋ جاڭا كيىمدى كيىپ، مۋزيكا سارىنىنا ىلەسە «ءساندى جۇرىسكە» باستى، «T» ساحنادا سەنىم سەرپىلىپ، جۇزدەرىنەن شۋاقتى كۇلكى ەستى.
ارماندارى شەشەك اتتى
«تاربيەلەۋ، باۋلۋ ماعان باقىتتى تۇرمىستىڭ جولىن ايقىن كورسەتتى، بۇگىنگى ۇيرەنۋىم ەرتەڭگى ساپارىم ءۇشىن»... قاشقار قالاسىنىڭ كاسىپتىك شەبەرلىككە تاربيەلەۋ، باۋلۋ ورتالىعىنىڭ ۇلكەن زالىندا تاربيەلەنۋشىلەر وزدەرى ءسوزى مەن مۋزيكاسىن جازعان « كەلەشەك مۇنان دا جاقسى» ءانى كوپشىلىكتىڭ جۇرەك ءسوزىن جەتكىزدى.
تاربيەلەنۋشىلەردىڭ ۇيرەنۋدەن سىرتقى تۇرمىسى باي مازمۇندى دا ءماندى ەكەن. قاشقار قالاسىنىڭ كاسىپتىك شەبەرلىككە تاربيەلەۋ، باۋلۋ ورتالىعىندا ونەرلىلەر كلاسى، قىزىل ءان كلاسى، حاتكەرلىك، سۋرەت سالۋ كلاسى قاتارلىلاردىڭ بارلىعى تولىق. تاربيەلەنۋشى ابدىكەرىم مامەتساۋىت تىلشىگە جاڭا عانا ۇيرەنگەن بەيجيڭ تەاترى «قىزىل شىراقتان » ءۇزىندى ورىنداپ بەردى، ول تاعى چينچياڭ اۋەنى مەن حۋاڭمەي تەاترىن ايتا الادى ەكەن. « مەن جۇڭحۋا ۇلتىنىڭ ءداستۇرلى مادەنيەتىنىڭ قۇدىرەتىن تەرەڭدەي تانىپ جەتتىم»، - دەدى ول تەاتردىڭ قيمىلدارىنا سالىپ تۇرىپ.
تاربيەلەنۋشىلەردىڭ بەيجيڭ تەاترى، حىنان تەاترى قاتارلىلاردى ورىنداۋى ايتارلىقتاي ەكەن. وتانشىلدىق تاربيەسى، ۇلتتار ىنتىماعى تاربيەسى جانە جۇڭحۋا ۇلتىنىڭ ءداستۇرلى مادەنيەتى قاتارلىلار كۇندەلىكتى مادەني قيمىلدارىمەن توعىسىپ، تاربيەلەنۋشىلەردىڭ «بەستى شىنايى مويىنداۋىن» ۇزدىكسىز كۇشەيتىپتى.
حوتان قالاسىنىڭ كاسىپتىك شەبەرلىككە تاربيەلەۋ، باۋلۋ ورتالىعى ساۋلە ويىن - ساۋىق ۇيىرمەسىن ارناۋلى قۇرىپ، كاسىپتىك ۇستازداردى ۇسىنىس ەتىپ، كوركەمونەرگە بەيىمى بار تاربيەلەنۋشىلەردى تاربيەلەپتى. تاربيەلەۋ ورتالىعىندا باسكەتبول، ۆولەيبول، ۇستەل دوپ سياقتى دەنە تاربيە قيمىلدارىن ورىستەتۋگە الاڭ ازىرلەپ، لەكسيا جارىسى، ءان - ءبي قاتارلى مادەني قيمىلدارعا دا ساحنا دايىنداپتى.
تاربيەلەنۋشى يلياسجان مامەتيمىن كىشكەنە كەزىنەن ءان ايتۋعا قىزىعادى ەكەن، الايدا ۇيرەنىپ كورمەگەن، انشەيىن عانا ايتىپ جۇرەدى ەكەن. ارناۋلى ۇستازدان ساباق العان سوڭ، تەز ىسىلىپ، ساۋلە ويىن - ساۋىق ۇيىرمەسىنە قاتىناسۋعا تىزىمدەلدى، ءار كۇنى كەشتە حوتان قالاسىنىڭ كەشكى بازارىنا بارىپ ءان سالىپ، كورەرمەندەردىڭ قىزۋ القاۋىنا بولەندى. « مەن پارتيا مەن ۇكىمەتتىڭ قامقورلىعىن كوپتەگەن ادامدارعا ءان ارقىلى جەتكىزەمىن. كەيىن ءتىپتى دە ۇلكەن ساحنادا ءان سالۋعا قۇلشىنامىن»، - دەيدى يلياسجان.
10 - ايدىڭ 12 - كۇنى ساعات 10 دا مارالباسى اۋدانىنىڭ كاسىپتىك شەبەرلىككە تاربيەلەۋ، باۋلۋ ورتالىعىنىڭ چاۋياڭ تەلەۆيزيا ستانسياسى تاڭعى حابار بەرە باستادى، ونىڭ جۇرگىزۋشىسى تاربيەلەنۋشى مايرا ايۇپ ءار كۇنى تەلەۆيزيا ستانسياسىنا الدىمەن كەلىپ، ەڭ جاڭا حابارلاردىڭ مازمۇنىنا قانىق بولىپ، قايتا - قايتا ماشىق جاسايدى ەكەن. چاۋياڭ تەلەۆيزيا ستانسياسىنىڭ زاڭنان كەڭەس، كوركەمدەپ وقۋ، حابار ارناسى، مەملەكەتتە ءبىر تۇتاس قولدانىلاتىن ءتىلدى بىرگە ۇيرەنۋ سىندى 4 باعدارناماسى بار ەكەن. بۇدان تىس، باۋلۋ ورتالىعى «ساۋلە اپتالىق گازەتىن» شىعارىپتى، وسى جۇمىستىڭ بارلىعىن تاربيەلەنۋشىلەر جۇرگىزەدى ەكەن.
رۋحاني تۇرمىستارىنىڭ جاڭا مەكەنى ارمانعا قانات قاعاتىن جەرگە اينالىپتى.
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
