ارميانى قۇدىرەتتەندىرۋ جولىندا تەز ءارى نىق قادام تاستادى
− شينجياڭ اسكەري رايونى بەلگىلى قۇرلىق اۋە لۇيى تاسىمال تىك ۇشاق 1 - يىڭىنىڭ بورىشقا ادال بولىپ، اسكەر شىنىقتىرىپ، سوعىسقا دايىندالعانى تۋرالى (1)
2018.11.13 15:58 كەلۋ قاينارى : شينجياڭ گازەتى
تۇندە ۇشۋ، ۇشاقتان ءتۇسىپ تۇتقيىل شابۋىلداۋ، ءدال قالىقتاپ توقتاۋ... 2018 - جىلى شينجياڭ اسكەري رايونى بەلگىلى قۇرلىق اۋە لۇيى تاسىمال تىك ۇشاق 1 - يىڭى (قىسقارتىلىپ «1 - يىڭ» دەلىنەدى) ناقتى سوعىس جاتتىعۋىنا قاۋىرت ازىرلەندى. جاتتىعۋدىڭ سالماعى تەحنيكانى نەگىز ەتۋدەن تاكتيكانى نەگىز ەتۋگە قاراي ويىستى، سوعىس جۇرگىزۋ مىندەتى كومەكتەسۋ، قامتاماسىزداندىرۋدى نەگىز ەتۋدەن نەگىزگى شايقاستى نەگىز ەتىپ پايدالانۋدى نەگىز ەتۋگە قاراي ويىستى، جالپى تۇلعالىق قابىلەت سوعىستىق ەمەس اسكەري ارەكەت قابىلەتىن نەگىز ەتۋدەن وزەكتى اسكەري قابىلەتتى نەگىز ەتۋگە قاراي ويىستى.
وسى يىڭ ءۇرتىس 21 جىل بويى «اسكەري جاتتىعۋداعى 1 - دارەجەلى ورىن» بولىپ باعالاندى، ىلگەرىندى - كەيىندى 17 رەت نەگىزگى ساتى قۇرىلىسىنداعى ۇلگىلى نەمەسە وزات ورىن بولىپ ماداقتالىپ سيلاندى، 2 رەت كوللەكتيۆ 2 - دارەجەلى ەڭبەك، ءبىر رەت كوللەكتيۆ 3 - دارەجەلى ەڭبەك جازىلدى، 2009 - جىلى بۇرىنعى لانجوۋ اسكەري رايونى جاعىنان «بورىشقا ادال، ۇلگىلى ۇشۋ ۇلكەن اترەتى» دەگەن داڭقتى اتاق بەرىلدى. ارميانى قۇدىرەتتەندىرۋ ساپارىندا، 1 - يىڭدەگى كوماندير - جاۋىنگەرلەر بورىشقا ادال بولىپ، وسى زامانعى قۇرلىق اۋە بولىمدەرىنىڭ «بۇكىل شينجياڭ كەڭىستىگىنە كوتەرىلۋ، تۇتاس اۋە كەڭىستىگىنە جەتىپ بارۋ، بارلىق جاعدايدا بىردەي سوعىس جۇرگىزۋ» سىندى ارميانى قۇدىرەتتەندىرۋ ارمانىن ءومىرى مەن جاۋاپكەرشىلىكتەرى ارقىلى امالياتتا ايگىلەدى.
«قالىپتى سوعىس دايىندىعىنان» «سترەولدى شابۋىلداۋعا، قورعانۋعا» دەيىن
اۋەدە تۇتقيىل شابۋىلدايتىن، جىلجىمالى سوعىس جۇرگىزەتىن، سترەولدى شابۋىلداپ، قورعاناتىن قۇدىرەتتى كۇش قۇرۋ − 1 - يىڭدەگى كوماندير - جاۋىنگەرلەردىڭ جۇرەكتەرىندەگى جالىندى ارمان.
سول جىلى 9 - ايدا ىشكى موڭعۇل ساحاراسىندا قيان - كەسكى «شايقاس» ءجۇرىپ جاتتى.
1 - يىڭ وسى جولعى جۇيەلىك قارسىلاسۋ جاتتىعۋىندا تۇڭعىش رەت ساحناعا شىقتى. بۇيرىق بەرىلىسىمەن، قارۋلى تىك ۇشاقتىڭ سايكەسۋىمەن ۇشاق شوعىرى ەرەكشە سوعىس اترەتىنىڭ جاۋىنگەرلەرىن الىپ اۋەگە كوتەرىلىپ كوك ءتۇستى ارمياعا قاراي ەندەپ كىردى، ەرەكشە سوعىس اترەتىنىڭ جاۋىنگەرلەرى جاۋدىڭ تۋ سىرتىنا كەلىپ ءساتتى تۇردە ۇشاقتان ءتۇستى، ءبىراق ۇشاقتان ءتۇسىپ بولا بەرگەندە كوك ءتۇستى ارميانىڭ وت كۇشى «وراپ الدى». «بۇكىل قوسىن تالقاندالدى، ەگەر بۇل ناقتى سوعىس بولسا، كوز الدىڭا كەلتىرۋدىڭ ءوزى قيىن». كامىل سەنىممەن ءوڭىر اتتاپ جورىققا شىققاندا، ويلاماعان جەردەن «قارۋ - جاراعىن تاستاي قاشقان» جاعدايسىز حالگە ءتۇستى.
تۇرلەندىرىپ قايتا سومداۋ جولىندا، «ءوڭىر اتتاعان سوعىس» 1 - يىڭ پارتكومىنىڭ القاسىن كىلت وياتتى: بۇرىنعى ءوز الاڭىنداعى كوپ جاتتىعۋ، تانىس اۋە كەڭىستىگىندە قايتا - قايتا جاتتىعۋ، «جاۋ» جاعدايى مەن اۋە شابۋىلىنان ساقتانۋ وت كۇشىنىڭ ماڭگى جوبا كۇيىندە عانا قالۋى سىندى جاتتىعۋ ۇلگىسى قۇرلىق - اۋە بولىمدەرىنىڭ نەگىزگى بەتالىستاعى سوعىسقا دايىندالۋ قاجەتىنەن الدەقايدا ارتتا قالىپتى. وسىعان وراي، ولار ۇشۋ تەحنيكاسى مەن جەڭىپ شىعۋ تاكتيكاسىنىڭ ەكى باسقا بولۋى، تاكتيكا ساباعىنىڭ السىرەۋى سياقتى ەسكى كىناراتتاردى اداقتادى ءارى جاتتىعۋ نىساناسىن ايقىنداپ، «جىلجىمالى سوعىس جۇرگىزۋ، ستەرەولدى شابۋىلداۋ، قورعانۋ، جۇيەمەن توعىسۋ» سىندى سوعىس جۇرگىزۋ قابىلەتى قاجەتىنە قاراپ قاتار تۇزەدى.
وسىدان باستاپ جوعارى دارەجەلى ورىننىڭ سايكەستىرۋىمەن، وسى يىڭ اۋە ارمياسى، قارۋلى ساقشى، ەلەكتروندىق قارسىلاسۋ، ەرەكشە سوعىس، اۋە شابۋىلىنان ساقتانۋ سياقتى بولىمدەرمەن سايكەسۋ، سونداي - اق قارسىلاسۋ جاتتىعۋىن جاساپ، قولباسشىلىق ەتۋگە، ۇشۋعا، تاكتيكاعا جاتتىقتى...
«كابينكانى سوعىس ورنى، اۋەگە كوتەرىلۋدى شىنايى سوعىس، اۋە كەڭىستىگىن مايدان دەپ ءبىلىپ، العاشقى كوكتەمنىڭ تۇمان قاپتاعان كۇندەرى، قۇمدى بوران سوعىپ تۇرعان جازدىڭ شىلىڭگىر ىستىعى، نولدەن تومەن 40 سەلتسي گرادۋستىق قاقاعان اياز بولسىن، ءبارى دە اسكەرلەردى جاتتىقتىرۋدىڭ ەڭ تاماشا ۋاقىتى». ەرەكشە ۇشقىش جۇڭ جيانۋىن مىنانى ايتتى: قاراقۇرىم تاۋىندا اسقار تاۋلار اراسىنان وتەسىڭ، جار قاباققا جاقىنداپ جەر باۋىرلاپ ۇشاسىڭ، تار سايلاردا، تاۋ توبەسىندە ءار ءتۇرلى تاكتيكالاردى ورىندايسىڭ، قۇمدى شولدەگى ىستىق جالىندا شۇيلىگىپ ۇشىپ كوتەرىلەسىڭ. قانشا قولدان كەلمەگەن سايىن، قانشا باتىلى بارماعان سايىن، 1 - يىڭدەگى كوماندير - جاۋىنگەرلەر سونشا ەرلىكپەن ۇمتىلىپ، سىن - سايىستا ارت - ارتىنان تىڭنان تۇرەن سالدى.
بارلىق جەر − مايدان، قاشاندا ناقتى سوعىس. كوپتەگەن اسكەر تۇرلەرىمەن سايكەسىپ جاتتىعۋ جۇرگىزۋ، شەتەل ارمياسىمەن بىرگە مانەۆر وتكىزۋ − 1 - يىڭنىڭ سوعىستا جەڭۋ قابىلەتىن وسىرۋىندەگى تاپتىرماس وراي بولدى.
2015 - جىلى 1 - يىڭ تۇڭعىش رەت «زۇركى» كولەمدى مانەۆرىندە، جۇيەلىك قارسىلاسۋ، نەگىزگى شايقاستى نەگىز ەتىپ پايدالانۋ سىندى تۇرلەندىرۋ قادامىن تاستادى. سول جىلى 8 - ايدا اسكەري ءبولىم 1000 شاقىرىم الىستاعى وڭىرگە بارىپ، ءۇستىرتتى سۋىق وڭىردە بورىش ساباعى جاتتىعۋىن جاساپ، «ۇشا الۋمەن بىرگە سوعىس جۇرگىزە الۋداي» سوعىس جۇرگىزۋ ونەرىن جەتىلدىردى، 3 ءتۇر بويىنشا 121 سوعىس جۇرگىزۋ ساندى مالىمەتىن جيناپ رەتتەپ، تالايلاعان تۇڭعىشتاردى جارىققا شىعاردى.
2016 - جىلى 9 - ايدا اسكەري ءبولىمنىڭ ۇشاق شوعىرى 1000 شاقىرىم الىستاعى شولدەگى بەلگىلى جاتتىعۋ بازاسىنا بارىپ اۋە ارمياسى، راكەتا ارمياسى، قۇرلىق ارمياسىنىڭ اۋە شابۋىلىنان ساقتانۋ اسكەرلەرى، ەلەكتروندىق قارسىلاسۋ، ەرەكشە سوعىس سياقتى ارميا، اسكەر تۇرلەرىمەن بىرىككەن جاتتىعۋ وتكىزدى.
كوپ ورىنداعى، كەڭ كولەمدەگى بىرىككەن جاتتىعۋدا، 1 - يىڭدەگى كوماندير - جاۋىنگەرلەردىڭ سوعىس جۇرگىزۋ ساپاسى، بىرىككەن ساپاسى جانە قولباسشىلىق ساپاسى جەتىلىپ وسە ءتۇستى.
2016 - جىلى «بەيبىتشىلىك بورىشى» مانەۆرىندە وسى يىڭ قىرعىزستانعا بارىپ، رەسەي سياقتى 5 ەلدىڭ ارمياسىنىڭ كوپتەگەن اسكەر تۇرلەرىمەن سايكەسىپ جاتتىعۋ وتكىزدى، كەمەلدى تەحنيكالىق، تاكتيكالىق دەڭگەي حالىقاراداعى كاسىپتەستەرىنىڭ بارىنشا مويىنداۋىنا يە بولدى. 2018 - جىلى 9 - ايدا 1 - يىڭدەگى كوماندير - جاۋىنگەرلەر بەلگىلى مانەۆرگە قاتىناسىپ، ءۇستىرتتى سۋىق وڭىردە اۋە ارمياسى، ەرەكشە سوعىس جۇرگىزۋ سياقتى كوپتەگەن اسكەر تۇرلەرىمەن بىرگە ءۇستىرتتى، سۋىق وڭىردە بىرلەسىپ سوعىس جۇرگىزۋدىڭ جاڭا ۇلگىسىن قاراستىردى.
وڭىرلىك قورعانۋ ۇلگىسىنەن جالپى وڭىرلىك سوعىس ۇلگىسىنە ويىستى
10 - ايدىڭ 18 - كۇنى تۇندە شينجياڭ اسكەري رايونى بەلگىلى قۇرلىق، اۋە لۇيى بەلگىلى الاڭ پۋنكتى. تاس قاراڭعى ءتۇن، ۇشاقتىڭ گۇرىلدەگەن ءۇنى، قىزىل ءتۇستى جارىق نۇكتە تىنباي جارق - جۇرق ەتەدى، 1 - يىڭدە 9 تاسىمال تىك ۇشاعى تۇندە كەڭىستىكتەن زات ءتۇسىرۋ ، زات شىعارۋ جاتتىعۋىن جاسادى، «تۇنگى جاتتىعۋ» − جاڭا تەزيستەگى مىندەتتى وقىلاتىن ساباق.
قۇرلىق ارمياسىنىڭ جاڭا ۇلگىدەگى سوعىس جۇرگىزۋ كۇشى رەتىندە، 1 - يىڭ قۇرلىق ارمياسىنىڭ وڭىرلىك قورعانۋ ۇلگىسىنەن جالپى وڭىرلىك سوعىس جۇرگىزۋ ۇلگىسىنە ويىسۋىن جەبەۋدەي ماڭىزدى بورىشتى ارقالايدى. شينجياڭدا تۇراتىن قۇرلىق، اۋە اسكەري ءبولىمىنىڭ داۋىرلىك بورىشىن ارقاۋ ەتىپ، 1 - يىڭ «كەڭىستىك، جەر ءبىر تۇلعا، نەگىزگى شايقاستى نەگىز ەتىپ پايدالانۋ، جالپى وڭىردە پايدالانۋ» نىساناسىنا قاراي ورنىقتى قادام تاستادى.
بيىل جىل باسىندا، جاڭا تەزيس بويىنشا جاپپاي جاتتىعۋ باستالدى.
شىت جاڭا جاتتىعۋ ۇلگىسى مەن ءبىر ەسە ۇستەمەلەنگەن جاتتىعۋ ۋاقىتى الدىندا، ولار جارتى جىل كۇندىز - ءتۇن دەمەي، زور اۋماقتا، جوعارى جيىلىكتە، اسا قيىن ۇشۋ جاتتىعۋىن جاساپ، قولباسشىنىڭ جۇيەمەن توعىسىپ سوعىس جۇرگىزۋى جاعىنداعى زەرتتەۋ تەرەڭ بولماۋ، جاڭا سوعىس جۇرگىزۋ يدەياسىندا، سوعىس تاكتيكاسى نەگىزدىك ونەرى كۇشتى بولماۋ، ناقتى سوعىس جاتتىعۋ ءادىسى ءالسىز بولۋ سياقتى ماسەلەلەردى شەشۋدى ءتۇيىندى تۇردە ارقاۋ ەتىپ، 200 مىڭعا جۋىق ارىپتىك 36 نۇسقا وقىتۋ ولشەمىن جاساپ، سوعىسقا جاتتىعۋ ورەسىنىڭ تۇلعالىق جاقتان جوعارىلاۋىن ءونىمدى ىلگەرىلەتتى.
«جاڭا تەزيستە تالاپتار العا قويىلدى، ءبىراق ناقتى ءادىس پەن ءتارتىپ ايتىلمادى، بۇعان بولا قاراپ وتىرۋىمىزعا بولمايدى، ءبىز بولاشاقتاعى سوعىس مايدانى قاجەتىنە نەگىزدەلىپ، <سوعىس قالاي بولسا، اسكەردى سولاي جاتتىقتىرۋ> بويىنشا سوعىس مايدانىندا ناقتى سوعىس جۇرگىزۋ شارت - جاعدايىن ازىرلەدىك»، - دەدى 1 - يىڭنىڭ يىڭجاڭى گاۋ يان.
1 - يىڭنىڭ جاتتىعۋ ۋاقىتى تۇتاس جىلدى قامتىدى، جاتتىعۋ مازمۇنى ءار رەت انىق ورنالاستىرىلدى، جاتتىعۋ ولشەمى ءاربىر ساباقتا ەگجەي - تەگجەيلى ەنگىزىلدى، جاتتىعۋ ۋاقىتى سەكۋندتىق دالدىكپەن ەسەپتەلدى، جاتتىعۋ وبيەكتىسى ءاربىر ادامعا دەيىن ايقىن تياناقتاندىرىلدى. قازىرگە دەيىن، بۇل يىڭ جاتتىعۋ ۋاقىتىن بىلتىرعىدان ءبىر ەسە ارتتىردى، تۇنگى جاتتىعۋ ％44كە جەتتى، ۇستىرتتە جاتتىعۋ تۇتاس جىلدىق ساباقتا ％40 جوعارىلادى، سوعىس ونەرىنە جاتتىعۋ ％40 جوعارىلاتىلدى، 12 ساعات ەڭ قاتاڭ دارەجەدە جاتتىعۋ قالىپتى جاعدايعا اينالدى، ۇشقىشتاردىڭ تۇلعالىق ساپاسى كورنەكتى جوعارىلادى. سوڭعى جىلداردان بەرى، ولار «بەيبىتشىلىك بورىشى»، «زۇرىك» سياقتى جەلىلەس مانەۆر، جاتتىعۋ مىندەتىن كورنەكتى ناتيجەمەن ورىندادى.
2018 - جىلى 5 - ايدا قۇرلىق ارمياسىنىڭ 8 جاڭا ۇلگىدەگى سوعىس جۇرگىزۋ كۇشىن تۇرلەندىرۋ جۇمىس ءۇستى جينالىسى كورلادا تۇرلەنۋ قۇرىلىسى جەتىستىكتەرىن كورسەتتى. ەرەكشە سوعىس جۇرگىزۋ، ەلەكترندىق قارسىلاسۋ، بىرىككەن يىڭ، اۋەدەن تۇتقيىل شابۋىلداۋ سياقتى قۇرلىق ارمياسىنىڭ جاڭا ەكپىندى بىرلەسكەن قيمىلىندا، 1 - يىڭ حابار - بايلانىستا تىك ۇشاق ارقىلى وڭىرلىك قولباسشىلىق شتابىن قۇرۋ، ەرەكشە سوعىس بارلاۋ بولىمشە اترەتىن قارۋلى تىك ۇشاقتىڭ قورعاۋىندا نىسانادان الىستاتىپ، جاسىرىن تۇردە ۇشاقتان ءتۇسىرۋ جانە جاقىنداپ بارىپ بارلاۋ جۇرگىزۋ، ۇشاقتان ءتۇسىرۋ ورنىن اشىپ، تۇتقيىل شابۋىلداۋشى بولىمشە اترەتتى ۇشاقتان قورعاپ ءتۇسىرۋ، بولىمشە اترەتتى قورعاپ مايداننان شەگىندىرۋ سياقتى ناقتى سوعىسقا جاقىن ساباقتاردى ورىنداپ، قۇرلىق ارمياسىنداعى تۋىسقان ورىنداردىڭ جاقسى باعاسىنا يە بولدى.
تۇتقيىل شابۋىلداۋ − قورعانۋدىڭ اتويشىلارىن سومداپ، بولات توپشى قىرانداردى جەتىلدىردى
جاڭا داۋىردە، اسكەر شىنىقتىرىپ، سوعىسقا دايىندالۋدا تىڭ ىسكەرلىك تانىتتى.
8 - ايدىڭ 22 - كۇنى ورىنباسار يىڭجاڭ حۇڭتاۋ لۇيدەگى ءتۇرلى تۇرپاتتاعى 17 ۇشاقتى باستاپ كوپتەگەن كەڭىستىكتە كۇندى - تۇنگە جالعاپ سوعىس جۇرگىزۋ ونەرىنە جاتتىقتى. 8 - ايدىڭ 23 - كۇنى تاڭعى ساعات بىردە نوسەر جاۋدى، ءاپ - ساتتە نوسەر شەلەكتەپ قۇيىپ، ناجاعاي جارقىلداپ، ۇشاقتار اۋىسىمدىق ۇشۋ كۇيىنە ءوتتى. «ناجاعايدان ابايلاڭدار، تۇراقتىلىقتى ساقتاڭدار، اۋا رايى كەزەكشى باقىلاۋ - مەڭگەرۋ جۇيەسىنىڭ وتكەرمەلى جاعدايى...» اۋە قولباسشىسى يىڭجاڭ گاۋ يان سابىرلىلىقپەن ۇشۋ جاتتىعۋىنا قولباسشىلىق ەتۋدە؛ جوعارعى اۋە كەڭىستىگىندە، تاسىمال تىك ۇشاقتارى مەن شابۋىل تىك ۇشاقتارى قالىپتى سايكەستى. اۋىسىمدىق ۇشۋعا جاتتىعۋ قازىر 1 - يىڭدا ۇنەمىلىك جاعدايعا اينالدى.
«1 - يىڭنىڭ بيىلعى اسكەر جاتتىقتىرىپ، سوعىسقا دايىندالۋىنداعى ەڭ ۇلكەن وزگەرىس − جاتتىعۋ ۋاقىتىنىڭ بارىنشا ۇزارتىلۋى، جاتتىعۋدىڭ قيىنداۋى جانە جاتتىعۋ كۇشەمەلىلىگىنىڭ ارتۋى بولدى»، - دەدى گاۋ يان.
كوپتەگەن ادام «ۇشۋدا − اۋا رايى جاعدايىنا باعاسىڭ» دەيدى، الايدا، سوعىس پەن مىندەت اۋا رايىن تاڭدامايدى. باتىس سولتۇستىك ۇستىرتتە ۇنەمى تۋىلاتىن سۇركەي اۋا رايى ۇشقىشتار جونىنەن العاندا اۋىر سىن بولىپ سانالادى.
سوندىقتان 1 - يىڭ تەحنيكالىق، تاكتيكالىق سوعىس ونەرىنىڭ نەگىزدىك جاتتىعۋىن كۇشەيتۋ بارىسىندا، قيىندىق دارەجەسىن، كۇشەمەلىلىگىن، حاۋىپ - قاتەرىن ۇزدىكسىز كورنەكتىلەندىردى. ولار وزدەرى تۇرعان جەردىڭ كورۋ ارالىعى تومەن، وكپە تۇستان سوعاتىن جەل، جاڭبىر، قار، تۇمان سياقتى كۇردەلى اۋا رايى جاعدايلارىن ۇشۋ تەحنيكاسىن شىڭدايتىن تاپتىرماس «تابيعي دومنا پەشكە» بالادى؛ تاۋ باسى، تاۋ بەتكەيى، تار تەكشە سياقتى ەرەكشە جەرلەردە ۇشىپ قوندى؛ اۋەدە، جەردە قولباسشىلىق جۇرگىزۋدى، تاۋ اڭعارلارىندا ۇشۋدى جانە دالا سوعىسىن قامتاماسىز ەتۋدى كورنەكتىلەندىردى؛ سوققى بەرۋ، شەكتى ارالىقتا مايدان اۋىستىرۋ سياقتى ساباقتاردىڭ جاتتىعۋىن تەرەڭدەتىپ، جاتتىعۋ بارىسىندا ءبىر توپ ناقتى سوعىس تاجىريبەلەرىن اشالاپ، ءۇستىرتتى وڭىرلەردە تىك ۇشاقتىڭ ورنىقتىلىعىنىڭ تومەندەۋى، ۇشۋ - قونۋ قيىنعا سوعۋ سياقتى جاتتىعۋ بارىسىنداعى 20دان استام قيىن ماسەلەنى شەشىپ، ارميامىز تىك ۇشاقتارىنىڭ ۇستىرتتە ۇشۋعا جاتتىعۋىنداعى جانە قامتاماسىز ەتۋ جاعىنداعى كوپتەگەن اق تاڭداقتاردى تولدىردى، قوسىننىڭ سوعىسا الۋ، سوعىستا جەڭىپ شىعۋ قابىلەتى بارىنشا جوعارىلادى.
«جەردە قاجىرلىلىقپەن شىنىقساڭ، ۇشقاندا قينالمايسىڭ» بۇل 1 - يىڭنىڭ جاتتىعۋ ۇيىمداستىرۋ بارىسىندا كوماندير - جاۋىنگەرلەرگە قويعان ءداستۇرلى تالابى.
وسى داستۇرگە ساي، پارتكوم جاتتىعۋدى مىقتى ۇستاۋ بارىسىندا، ءبىر ادامنىڭ كيىمى بەلگىلەمەگە ۇيلەسپەسە جوسپاردى كۇشىنەن قالدىرادى، ءبىر رەتكى مىندەتتى كەشىگىپ ورىنداسا، سول ۇشقىشتى ۇشۋدان ءبىر اپتا توقتاتىپ تاستايدى، جاڭادان كەلگەن كوپ ساندى جولداستار مۇنى تۇسىنبەي، «تىم اسىرەلەپ جىبەرگەندىك» دەپ ويلايدى. ال ۇشۋعا ابدەن جاتتىعىپ كەتكەن مايتالماندار ادەتتەگى جاتتىعۋدا قاتاڭ ستيل قالىپتاستىرۋ − اۋە اسكەرىنىڭ سوعىس مايدانىندا ءوزىن قورعاۋ جانە ناقتى سوعىس جۇرگىزۋ قابىلەتىن شىڭداۋدىڭ پارمەندى كەپىلى ەكەندىگىن انىق بىلەدى.
بۇگىنگى كۇندە، يىڭدى نەگىزگى تۇلعا ەتە وتىرىپ، ىزدەنىس جاساپ، كەمەلدەندىرىلگەن «ەكى جەردە قاتار جۇرگىزۋ، ءبىر كۇندە نەشە مايدان، ءبىر مايداندا كوپ ءتۇيىن، ءبىر كەڭىستىك ءتۇرلى قاباتتار بويىنشا، ءبىر قاباتتا ءتۇرلى ۇشاق» سىندى جاتتىعۋ ۇلگىلەرى تۇتاس يىڭداعى كوماندير - جاۋىنگەرلەردىڭ جاتتىعۋ ونىمدىلىگىن ارتتىرۋمەن قويماي، جەتىلگەن ۇشقىشتى باۋلىپ شىعۋدىڭ ورتاشا ۋاقىت مەرزىمىن 2 − 3 جىلعا قىسقارتتى، قازىر ۇتىمدى جاتتىعۋ ۇلگىسى كەڭ كولەمدى قولدانىلۋدا.
10 - ايدىڭ 19 - كۇنى شينجياڭ اسكەري رايونى بەلگىلى قۇرلىق - اۋە لۇيىنىڭ ورىنباسار لۇيجاڭى ۋاڭ حوۋگو تىلشىگە بىلاي دەدى: 1 - يىڭنىڭ كوماندير - جاۋىنگەرلەرى العاشقى شايقاسقا مەن اتتانامىن، مەن، ءسوز جوق، جەڭەمىن» دەيتىن يدەيانى بەرىك ورناتىپ، اۋىسىمدىق شەكتە قارسىلاسۋ بارىسىندا تەحنيكالىق، تاكتيكالىق دەڭگەيدى جەتىلدىرىپ، ناقتى، قاتەرلى سوعىستارداعى ءوزىن قورعاۋ قابىلەتىن شىڭداپ، بولاشاق مايدانعا تۇتقيىل شابۋىلداۋ - قورعانۋدىڭ اتويشىلارىن ازىرلەپ، بولات توپشى قىرانداردى جەتىلدىردى.
سوعىس قىرانى سامعاي ۇشتى؛ قالىقتاپ توقتاپ، كابىنكەسىن اشتى؛ 1 - يىڭنىڭ كوماندير - جاۋىنگەرلەرى جاڭا داۋىردەگى پارتيانىڭ ارميانى قۇدىرەتتەندىرۋ يدەياسىن ءار رەتكى جاتتىعۋعا، ءاربىر ارەكەتكە اينالدىرىپ، ارميانى قۇدىرەتتەندىرۋدىڭ سوعىس جىرىن اسقاقتاتا شىرقادى.
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
