بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>جوتكەمەلەر

تۇڭعىش كەزەكتى يمپورت كورمەسىنە قاتىناسقان شينجياڭنىڭ تابىسى مول −

اناعۇرلىم اشىق بەينەدە «ءبىر بەلدەۋ، ءبىر جولمەن» توعىستى

2018.11.13 16:01     كەلۋ قاينارى : حالىق تورابى

  11 - ايدىڭ 10 - كۇنى تۇڭعىش كەزەكتى جۇڭگو حالىقارالىق يمپورت كورمەسى شاڭحايدا جابىلدى.

  كورمە كەزىندە، ادامدار قايشالىسقان كورمە تەكشەسى الدىنان شينجياڭنان كەلگەن اۋىلداستاردىڭ ءۇنى اۋىق - اۋىق ەستىلىپ تۇردى؛ قاربالاستىققا تۇسكەن كورمە الاڭىنان ءالسىن - ءالى شينجياڭدىقتاردىڭ تانىس بەينەسىن كورىپ قالاسىز. ولار نەمەسە شەتەل تىلىندە جاتىق سويلەسىپ، يشاراتتاسىپ، شەتەلدىك قوناقتارمەن، ساۋداگەرلەرمەن قىزۋ اڭگىمەلەستى؛ كەيبىرەۋلەرى دامىل تاپپاي، ۋاقىتپەن جارىسىپ، توقتامعا قول قويۋ نەمەسە كەڭەس وتكىزۋ قيمىلدارىنا قاتىناستى...

  بۇكىل الەمدەگى تۇڭعىش يمپورتتى نەگىزگى تاقىرىپ ەتكەن كورمەدە شينجياڭ سىرتقا ەسىك اشۋدى ۇزدىكسىز كەڭەيتۋ «ريتىمىن» باسىپ، جاھاندانعان كوزايامەن دامۋدىڭ جاڭا ورايىن قاراستىرىپ، حالىقارالىق ەكونوميكا - ساۋدا سەلبەستىگىن تەرەڭدەتىپ، ەكونوميكانىڭ جوعارى ساپالى دامۋىنا جاڭا ومىرشەڭدىك كۇش ۇستەپ، اناعۇرلىم اشىق بەينەدە «ءبىر بەلدەۋ، ءبىر جولمەن» توعىستى.

  دۇنيە جۇزىنەن ۇيرەنىپ، حالىقارامەن توعىستى

  «مەن ءاربىر كورمە تەكشەسىنىڭ تارتىمدىلىعىن ەستە ساقتاپ قالۋدى ويلاسام دا، ءىس جۇزىندە، قىسقا عانا بىرنەشە كۇندە 300 مىڭ شارشى مەترلىك كورمە رايونىن ارالاپ شىعۋ ءۇشىن تەك شولىپ وتۋگە عانا تۋرا كەلدى. مەن قىزمەت وتەۋ ساۋداسى، ازىق - تۇلىك جانە اۋىل شارۋاشىلىق ونىمدەرى، كيىم - كەشەك جانە كيىم - كەشەك قوسىمشا بۇيىمدارى، سونداي - اق كۇندەلىكتى تۇتىنۋ بۇيىمدارى كورمە رايونىنا باسا نازار اۋداردىم، ويتكەنى مەن وسى سالالاردان بولجاۋعا بولاتىن بولاشاقتى بايقاپ، كاسىپورىننىڭ ولقىلىعىنىڭ قايدا ەكەندىگىن بىلە الامىن»، - دەدى شينجياڭ ازيا - ەۆروپا حالىقارالىق زاتتىق قۇرال - جابدىق ساۋدا ورتالىعى شەكتى سەرىكتەستىگىنىڭ باس جوراسى جاڭ حۇڭپيڭ.

  يمپورت كورمەسى سىندى وسى «بۇكىل الەم دۇنيەلەرىن ساتىپ الاتىن» تۇعىر ارقىلى شينجياڭ ساۋدا ۇيىرمەسىنىڭ زات ساتىپ الۋشى ساۋداگەرلەرى قاجەتتى تاۋارلارعا جانە قىزمەت وتەۋگە يە بولا الادى. سونىمەن بىرگە، بۇل ءارى تاپتىرماس ۇيرەنۋ جانە ۇلگىمەن سالىستىرۋ تەرەزەسى سانالادى، شەتەلدىڭ جاڭا ونىمدەرىن، جاڭا تەحنيكالارىن، جاڭا قىزمەت وتەۋىن، جاڭا ۇلگىسىن، جاڭا كاسىپ قالىبىن كورۋ، باستان كەشىرۋ ارقىلى ءونىم، تەحنيكا، ماركا، قىزمەت وتەۋ سياقتىلاردىڭ دارەجەسىنىڭ جاپپاي جوعارىلاۋىن جەبەپ، كاسىپورىنداردىڭ بازارداعى باسەكەلىك قۋاتىن كۇشەيتۋگە بولادى.

  ءبىر الەم، ءبىر ارمان. گرۋزيا كاحىجي چۋانشى شاراپ شارۋاشىلىعى شەكتى سەرىكتەستىگىنىڭ ەكسپورت ديرەكتورى ءماريا دا يمپورت كورمەسىنەن جۇڭگو كاسىپورىندارىمەن سەلبەسەتىن اناعۇرلىم كوپ وراي قاراستىرۋدى ءۇمىت ەتتى. اتاۋلى سەرىكتەستىكتىڭ جۇڭگونىڭ شينجياڭىندا ۇزاق ۋاقىت سەلبەسكەن ساۋدا سەرىگى بار، ولار دا يمپورت كورمەسى سىندى وسى ورايدى قولدان جىبەرىپ قويعىسى جوق. «بىرنەشە جىلدان بەرى شينجياڭداعى ۋاكىلدىك ساۋداگەرلەرمەن اراداعى سەلبەستىگىمىز وتە كوڭىلدى بولدى، ولارمەن سەلبەسۋ ارقىلى جۇڭگو بازارىنىڭ ەرەكشە كۇشتى ساتىپ الۋ قۋاتىن كورە الدىق. يمپورت كورمەسى سىندى وسى وراي ارقىلى جۇڭگو تۇتىنۋشىلارىنىڭ قاجەتىن اناعۇرلىم ءتۇسىنىپ، جۇڭگو بازارىن ىشكەرىلەي اشا الاتىندىعىمىزعا سەنەمىن».

  اۆتونوميالى رايوندىق ساۋدا ىستەرى مەڭگەرمەسى پارتيا باسشىلىق گرۋپپاسىنىڭ مۇشەسى، مەڭگەرمەنىڭ ورىنباسار باستىعى جوۋ چياڭ مىنانى ءبىلدىردى: وسى كەزەكتى يمپورت كورمەسىندە، شينجياڭ ساۋدا ۇيىرمەسى اۋىس - كۇيىستى جانە ساۋداعا كەلىسۋدى جەبەۋ جاعىنداعى دايىندىقتى جاقسى ىستەپ، ناتيجەگە قول جەتكىزدى. كورمە جانە سايكەستى قيمىلدار ارقىلى شينجياڭ كاسىپورىندارى ەل ءىشى - سىرتىنداعى كورمەگە قاتىناسقان كاسىپورىندارمەن، ساتىپ الۋشى ساۋداگەرلەرمەن ءبىر تۇعىردا پىكىرلەسىپ، كەڭەسىپ، دۇنيە جۇزىنەن ۇيرەنىپ، حالىقارامەن توعىستى، كوپشىلىكتىڭ بارلىعى مول تابىسقا كەنەلدى.

  الەمدىك ايادا سەلبەسىپ، دامۋدى بىرگە جوسپارلادى

  ءبىر ميلليارد يۋاندىق تاپسىرىس، بۇل ەرەكشە ترانسفورماتور شەكتى جارنا سەرىكتەستىگىنىڭ وسى كەزەكتى يمپورت كورمەسىندە قول جەتكىزگەن ناتيجەسى.

  «بۇل يمپورت كورمەسىنىڭ بۇكىل الەمدىك ساۋدانىڭ ەركىندىگىن، قولايلىلانۋىن ىلگەرىلەتىپ، ۋاقىتىمىز مەن شىعىنىمىزدى ۇنەمدەپ، ءبىزدى اناعۇرلىم زور يگىلىككە كەنەلدىرگەندىگىن دالەلدەي الادى»، - دەدى ەرەكشە ترانسفورماتور شەكتى جارنا سەرىكتەستىگىنىڭ باس جوراسى جاڭ شين، ول كەلەر جىلى كورمەگە تاعى قاتىناساتىندىعىن ايتتى.

  گەرمانيا رەينحاۋسەن ماشينا جاساۋ سەرىكتەستىگى − ەرەكشە ترانسفورماتور سەرىكتەستىگىنىڭ سەلبەستىك سەرىكتەرىنىڭ ءبىرى، اتالعان سەرىكتەستىكتىڭ 150 جىلدىق دامۋ بارىسىندا جۇڭگونىڭ جەتكىزۋ، سەپتەۋ ەلەكتر تورىمەن بىرگە تولىسىپ كەلگەن ۋاقىتى 40 جىلدان اسقان. 2006 - جىلى جۇڭگودا تولىق قارجىلاندىرعان ساتۋ، قىزمەت وتەۋ جانە جاساۋ سەرىكتەستىگىن قۇرعاننان كەيىن، جۇڭگو بازارىنا اناعۇرلىم تەرەڭ تامىر تارتتى. سەرىكتەستىكتىڭ بۇكىل الەمدىك باس تورەشىسى مايك رود تىلشىگە بىلاي دەدى: جۇڭگو ەجەلدەن بەرى دۇنيە ءجۇزى ەنەرگيا سالاسىنىڭ ماڭىزدى ات سالىسۋشىسى جانە الەمدىك ەلەكتر تورىندا كەم بولسا بولمايتىن قۇرىلىس كۇشى، بۇگىنگى تاڭدا، رەينحاۋسەن ەرەكشە ترانسفورماتور سەرىكتەستىگىمەن تىزە قوسىپ، «ءبىر بەلدەۋ، ءبىر جولدى» بىرگە قۇرۋ ورايىندا وزىندىك ارتىقشىلىقتارىن ساۋلەلەندىرىپ، جۇڭگو ەلەكتر تورىنىڭ، الەمدىك ەلەكتر تورىنىڭ اناعۇرلىم دامۋىن بىرگە ىلگەرىلەتىپ، بولاشاقتا اناعۇرلىم ايبىندى پاراق اشاتىندىعى، ءشۇباسىز.

  ءداستۇرلى ساۋدا سەرىكتەرىمەن تاماشا سەلبەستىكتى ساقتاۋمەن بىرگە، شينجياڭ ساۋدا ۇيىرمەسى جاڭا ساۋدا بايلانىسىن دا ورناتتى. 11 - ايدىڭ 8 - كۇنى شينجياڭ مال شارۋاشىلىق عىلىم اكادەمياسى پاپۋا - جاڭا گۆينەيادان كەلگەن كاسىپورىنمەن ءشوپ ەگىنشىلىگىنەن تارتىپ مال شارۋاشىلىق ونىمدەرى باعىمشىلىعى، وڭدەۋگە دەيىنگى تۇتاس بارىستىق كاسىپ تىزبەگى سەلبەستىگى نىسانىنا قول قويدى.

  وسى بارىسقا كۋا بولعان جوۋ چياڭ تەبىرەنە: يمپورت كورمەسى شينجياڭ كاسىپورىندارىنىڭ، ونىمدەرىنىڭ جانە قىزمەت وتەۋىنىڭ حالىقارالانۋىن جالپى بەتتىك تەزدەتتى، - دەدى.

  ەسىك اشۋداي كوڭىل كۇيمەن شينجياڭنىڭ جوعارى ساپالى دامۋىن ىلگەرىلەتتى

  سەلبەستىكتىڭ استارىنداعى حيكايا ءتىپتى دە تارتىمدى.

  وسى كەزەكتى يمپورت كورمەسىندە، ءۇرىمجى حالىقارالىق قۇرلىق پورت رايونى ساۋدا ىستەرى مينيسترلىگىنە قاراستى جۇڭگو 5 - كەن حيميا ونەركاسىپ يمپورت - ەكسپورتى ساۋدا قوعامى، جۇڭگو ازىق - تۇلىك، جەرگىلىكتى مال يمپورت - ەكسپورتى ساۋدا قوعامى، حالىقارالىق قۇرلىق كوپىر تاسىمال قىزمەتى كوميتەتى سياقتى 6 ساۋدا قوعامىمەن ستراتەگيالىق سەلبەستىك جۇلگەلىك كەلىسىمىنە قول قويدى، دۋيسبۋرگ پورتى توبى، GLP قارجى قوسۋ (شاڭحاي) شەكتى سەرىكتەستى سياقتىلارمەن ىشكەرىلەي سەلبەستىك جاساۋعا كەلىستى.

  ءۇرىمجى قالالىق پارتكومنىڭ تۇراقتى مۇشەسى، ءۇرىمجى حالىقارالىق قۇرلىق پورت رايونى قۇرىلىس كوميتەتىنىڭ مەڭگەرۋشىسى باقىت قىدىرباي ۇلى مىنانى ءبىلدىردى: يمپورت كورمەسىنىڭ كولەمىنىڭ كەڭ، ساپاسىنىڭ جوعارى، قامتۋ اياسىنىڭ كەڭە بولۋىنىڭ ارقاسىندا، ءۇرىمجى قالاسىنىڭ تابىسى مول بولدى. حالىقارالىق قۇرلىق پورت رايونى ءۇرىمجىنىڭ جىبەك جولى ەكونوميكالىق بەلدەۋىنىڭ وزەكتى رايونى قۇرىلىسىنا ات سالىسۋداعى، ساۋدا، زات اينالىمى ورتالىعىن قۇرۋداعى نەگىزگى تۇتقا رەتىندە، «زات جيناۋ، باقشا قۇرۋ، كاسىپتەردى شوعىرلاندىرۋ» جالپى تۇلعالىق دامۋ وي جەلىسى بويىنشا، جالپىلىق زات اينالىمى تورابى، حالىقارالىق قامداۋ تىزبەگى ۇيىمى، اشىق وسى زامانعى كاسىبى شوعىرلاندىرىلعان 67 شارشى كيلومەترلىك كاسىپ پەن قالا بىرلەسىپ ارەكەتتەنەتىن دامۋ ءوڭىرىن قۇرۋدى جوسپارلاۋدا. وسى ناتيجەلەر اناعۇرلىم جوعارى دەڭگەيلى اشىق ەكونوميكالىق ستراتەگيالىق بيىكتىكتى تۇلعالاۋعا كۇش ۇستەيتىندىگى، ءشۇباسىز.

  يمپورت كورمەسى اياقتالعانىمەن، ەسىك اشۋ سەلبەستىگىن ىلگەرىلەتىپ، تاماشا بولاشاقتان بىرگە يگىلىكتەنۋ داستانى جازىلا بەرمەك.

  كىلەڭ يمپورت - ەكسپورت ساۋداسىنان شەتەلگە قارجى قوسىپ زاۆود قۇرۋعا، ساۋدالاۋ ارناسىن ساتىپ الۋ ارقىلى كاسىپ سالاسىن شىعارۋعا دەيىن؛ نىسان ينجەنەريا قۇرىلىسىن جەكە ورىستەتۋدەن جوبا، قۇرىلىس، جۇمىس جۇرگىزۋگە دەيىنگى جالپى تۇلعالىق شەشۋ جوباسىمەن قامداۋعا دەيىن.... شينجياڭ كاسىپورىندارى باسىم ءوندىرىس قۋاتى جاعىندا حالىقارالىق سەلبەستىك جۇرگىزۋدى كۇش سالۋ ءتۇيىنى ەتىپ، الەمدىك كاسىپ تىزبەگىمەن توعىسۋدى تەزدەتۋدە.

  «يمپورت كورمەسى دايىنداعان الەمدىك سەلبەستىك تۇعىرىندا، شينجياڭ ءوزارا پايدا جەتكىزىپ، تەڭ يگىلىككە كەنەلۋدەي دامۋ پرينسيبى نەگىزىندە سىرتپەن اۋىس - كۇيىستى ىشكەرىلەي كەڭەيتىپ، كاسىپ دەڭگەيىن جوعارىلاتىپ، تۇتىنۋدىڭ دەڭگەيىن جوعارىلاتۋدى جەبەپ، «ءبىر بەلدەۋ، ءبىر جولمەن» توعىسۋدى جەدەلدەتتى. وسى كەزەكتى يمپورت كورمەسى، ءسوز جوق، شينجياڭ كاسىپورىندارىنىڭ اناعۇرلىم اشىق بەينەمەن حالىقارالىق ەكونوميكالىق سەلبەستىكتى كەڭەيتۋدەگى، الەمدىك ەكونوميكانىڭ دامۋ تابىسىنان بىرگە يگىلىكتەنۋدەگى، جوعارى ساپالى دامۋدى جۇزەگە اسىرۋداعى جاڭا باستاماسىنا اينالادى»، - دەدى جوۋ چياڭ.
جاۋاپتى رەداكتورى : مانەپ ەربول ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

ءپايزاۋات اۋدانىنداعى شيڭيە ورتاشا – شاعىن كاسىپورىنداردى باۋلۋ بازاسىنداعى از ۇلت ايەل جۇمىسكەرلەرى مەملەكەتتىك ورتاق ءتىلدى ۇيرەتۋ كۋرسىندە ساباق وقۋدا. حالىق گازەتىنىڭ ءتىلشىسى شيە يۇي فوتوسى