شي جينپيڭ شياڭگاڭ مەن اۋمىننىڭ ءار سالاسىنداعىلاردىڭ مەملەكەتتىڭ رەفورما جاساپ، ەسىك اشقاندىعىنىڭ 40 جىلدىعىن قۇتتىقتاۋ ساپار ۇيىرمەسىندەگىلەرمەن كەزدەسكەندە مىنالاردى باسا دارىپتەدى
مەملەكەتتىڭ رەفورما جاساپ، ەسىك اشۋى بارىسىندا شياڭگاڭ مەن اۋمىننىڭ اناعۇرلىم ويداعىداي دامۋىن ىسكە اسىرىپ، جۇڭحۋا ۇلتى ۇلى گۇلدەنۋىنىڭ ءداۋىر داستانىن بىرگە جازايىق
حان جىڭ كەزدەسۋگە قاتىناستى
2018.11.15 11:13 كەلۋ قاينارى : شينجياڭ گازەتى
شينحۋا اگەنتتىگىنىڭ 11 - ايدىڭ 12 - كۇنى بەيجيڭنەن بەرگەن حابارى (ءتىلشى جاۋ بو). مەملەكەت ءتوراعاسى شي جينپيڭ 11 - ايدىڭ 12 - كۇنى تۇستىڭ الدىندا، حالىق سارايىندا شياڭگاڭ مەن اۋمىننىڭ ءار سالاسىنداعىلاردىڭ مەملەكەتتىڭ رەفورما جاساپ، ەسىك اشقاندىعىنىڭ 40 جىلدىعىن قۇتتىقتاۋ ساپار ۇيىرمەسىندەگىلەرمەن كەزدەستى. شي جينپيڭ مىنالاردى باسا دارىپتەدى: جاڭا داۋىردەگى مەملەكەتتىڭ رەفورما جاساۋ، ەسىك اشۋ ۇردىسىندە شياڭگاڭ، اۋمىن ءالى دە ەرەكشە ورىنعا جانە وزگەشە باسىمدىققا يە، ءالى دە ورنىن باسۋعا بولمايتىن رول اتقارۋىنا بولادى. شياڭگاڭدىق، اۋمىندىق باۋىرلاستاردىڭ شىنايى وتانشىلدىق ىنتامەن، باتىلدىقپەن الدا جۇرەتىن رۋحپەن مەملەكەتتىڭ رەفورما جاساۋ، ەسىك اشۋ ىستەرىنە ات سالىسىپ، ءداۋىر اعىنىنا قاراي ءىس ىستەپ، وڭتايلى جاعدايدا ورگە ۇمتىلىپ، مەملەكەتتىڭ دامۋ جالپى جاعدايىنا توعىسۋ بارىسىندا شياڭگاڭ مەن اۋمىننىڭ اناعۇرلىم ويداعىداي دامۋىن ىسكە اسىرىپ، جۇڭحۋا ۇلتى ۇلى گۇلدەنۋىنىڭ ءداۋىر داستانىن بىرگە جازۋىن ءۇمىت ەتەمىن.
مەملەكەتتىك كەڭەستىڭ ورىنباسار زۇڭليى حان جىڭ كەزدەسۋگە قاتىناستى.
كەزدەسۋدە شياڭگاڭ ەرەكشە اكىمشىلىك رايونىنىڭ اكىمى لينجىڭ يۋە - ى، اۋمىن ەرەكشە اكىمشىلىك رايونىنىڭ اكىمى سۇي شى - ان جانە ساپار ۇيىرمەسىنىڭ ءبىر ءبولىم مۇشەلەرى لەبىز ءبىلدىرىپ، رەفورما جاساۋ، ەسىك اشۋ جولىن، «ءبىر ەل، ەكى ءتۇزىمدى» وسكەلەڭ دەڭگەيدە قۇپتايتىندىعىن ءبىلدىردى. ولار مەملەكەتتىڭ رەفورما جاساۋى، ەسىك اشۋى بولماسا، شياڭگاڭ مەن اۋمىننىڭ بۇگىنگىدەي دامىعان جاعدايى بولمايتىندىعىن ايتتى. ولار مەملەكەتتىڭ رەفورما جاساۋ، ەسىك اشۋ جانە ءتۇرلى قۇرىلىس ىستەرىنە ات سالىسۋ بارىسىندا ءوز باستارىنان وتكەن كەشىرمەلەردى ەسكە الدى ءارى جاڭا داۋىردەگى مەملەكەتتىڭ رەفورما جاساۋى، ەسىك اشۋى جانە «ءبىر ەل، ەكى ءتۇزىم» امالياتى جونىندەگى ۇسىنىس - پىكىرلەرىن العا قويدى. كەزدەسۋ توتەنشە مەرەيلى بەينەگە شومدى.
كوپشىلىكتىڭ لەبىزىن مۇقيات تىڭداعاننان كەيىن، شي جينپيڭ ماڭىزدى ءسوز سويلەدى. ول مىنالاردى اتاپ كورسەتتى: بيىل رەفورما جاساۋدىڭ، ەسىك اشۋدىڭ 40 جىلدىعى، وسى ورايلى ساتتە ءبىز شياڭگاڭ مەن اۋمىننىڭ ءار سالاسىنداعىلاردىڭ ۋاكىلدەرىن ىشكى وڭىردە ەكسكۋرسيادا، ساپاردا بولۋعا شاقىردىق ءارى بۇگىنگىدەي كەزدەسۋ مەن اڭگىمەلەسۋدى، پىكىر الماسۋدى ورنالاستىرىپ وتىرمىز، بۇل ورتالىقتىڭ شياڭگاڭدىق، اۋمىندىق باۋىرلاستاردىڭ مەملەكەتتىڭ رەفورما جاساۋ، ەسىك اشۋ ۇدەرىسىندەگى رولى مەن ۇلەسىن تولىق تۇراقتاندىرعاندىعىن بىلدىرەدى. سىزدەر كوپتەگەن تاتىمدى پىكىر ايتتىڭىزدار، مۇنان سىزدەردىڭ ىقىلاسقا تولى ادال پەيىلدەرىڭىزدى، شىنايى وتانشىلدىق سۇيىسپەنشىلىكتەرىڭىزدى سەزىنۋگە بولادى، سىزدەردىڭ مەملەكەتتىڭ رەفورما جاساۋىن، ەسىك اشۋىن وسكەلەڭ دەڭگەيدە شىنايى قۇپتايتىندىقتارىڭىزدى، «ءبىر ەل، ەكى ءتۇزىم» باعىتىن وسكەلەڭ دەڭگەيدە شىنايى قۇپتايتىندىقتارىڭىزدى، شياڭگاڭنىڭ، اۋمىننىڭ وتانمەن تاعدىرلاس بولۋ، قاتار دامۋ قاتىناسىن وسكەلەڭ دەڭگەيدە شىنايى قۇپتايتىندىقتارىڭىزدى سەزىنۋگە بولادى، سونداي - اق سىزدەردىڭ وتان مەن شياڭگاڭنىڭ، اۋمىننىڭ بولاشاعىنا سەنىم ارتىپ وتىرعاندىقتارىڭىزدى دا سەزىنۋگە بولادى. سىزدەر العا قويعان ۇسىنىس - پىكىرلەر دە وتە جاقسى، ءبىز ونى مۇقيات زەرتتەيمىز.
شي جينپيڭ مىنالاردى باسا دارىپتەدى: رەفورما جاساۋدىڭ، ەسىك اشۋدىڭ تابىستى امالياتىن قورىتىندىلاساق، مەملەكەتتىڭ رەفورما جاساۋ، ەسىك اشۋ ۇدەرىسىندە شياڭگاڭ مەن اۋمىننىڭ ورنى ەرەكشە، شياڭگاڭدىق، اۋمىندىق باۋىرلاستاردىڭ قوسقان ۇلەسى كەلەلى، اتقارعان رولى وزگەشە بولدى. بۇگىن وسىندا وتىرعانداردىڭ باسىم كوپشىلىگى رەفورما جاساپ، ەسىك اشۋدىڭ العاشقى مەزگىلىندە - اق ىشكى وڭىرگە كەلىپ قارجى قوسىپ، شارۋاشىلىقتى شالقىتىپ، وقۋعا قارجىلاي كومەكتەسۋ سياقتى قوعامدىق يگىلىك قيمىلدارىمەن شۇعىلداندى. شي جينپيڭ مەملەكەتتىڭ رەفورما جاساۋى مەن ەسىك اشۋىنا جانە وسىزامانداندىرۋ قۇرىلىسىنا ۇزاقتان بەرى كوڭىل ءبولىپ، قولداۋ كورسەتىپ، ات سالىسىپ كەلگەن شياڭگاڭدىق، اۋمىندىق باۋىرلاستارعا جانە قوعامنىڭ ءار سالاسىنداعى قايراتكەرلەرگە شىن جۇرەكتەن العىس ايتتى ءارى شىنايى سالەم جولدادى.
شي جينپيڭ رەفورما جاساپ، ەسىك اشقاننان بەرى شياڭگاڭدىق، اۋمىندىق باۋىرلاستاردىڭ جانە قوعامنىڭ ءار سالاسىنداعى قايراتكەرلەردىڭ اتقارعان نەگىزگى رولىن اتاپ ايتقاندا، قارجى قوسىپ، شارۋاشىلىقتى شالقىتۋداعى باستاماشىلدىق رولىن، بازار شارۋاشىلىعىنداعى ۇلگى كورسەتۋ رولىن، ءتۇزىلىس رەفورماسىنداعى دەمەۋشىلىك رولىن، قوس باعىتتا ەسىك اشۋداعى كوپىرلىك رولىن، الدىمەن اتقارۋ، الدىمەن سىناۋداعى سىناق ءتۇيىنى رولىن جانە قالا باسقارۋداعى ونەگەلىك رولىن قورىتىندىلادى. شي جينپيڭ مىنالاردى اتاپ كورسەتتى: شياڭگاڭدىق، اۋمىندىق باۋىرلاستار رەفورما جاساپ، ەسىك اشقان 40 جىلدىڭ كۋاگەرى ءارى قاتىسۋشىسى، پايدا الۋشىسى ءارى ۇلەس قوسۋشىسى. شياڭگاڭدىق، اۋمىندىق باۋىرلاستار دا ىشكى وڭىردەگى حالىق سياقتى مەملەكەتتىڭ رەفورما جاساۋ، ەسىك اشۋ ۇلى كەرەمەتىن جاراتۋشىلار. مەملەكەتتىڭ رەفورما جاساۋ، ەسىك اشۋ بارىسى − شياڭگاڭ، اۋمىن مەن ىشكى وڭىرلەردىڭ ءبىر - ءبىرى ارتىقشىلىقتارىمەن تولىقتاۋ، بىرگە دامۋ بارىسى، شياڭگاڭدىق، اۋمىندىق باۋىرلاستار مەن وتان حالقىنىڭ ءبىر نيەتپەن سەلبەسىپ، بىرگە قۇلشىنىس جاساۋ بارىسى، سونداي - اق شياڭگاڭ مەن اۋمىننىڭ مەملەكەتتىڭ دامۋ جالپى جاعدايىمەن كۇن سايىن توعىسىپ، وتاننىڭ گۇلدەنۋ، قۇدىرەتتەنۋ ۇلى داڭقىنان ورتاق يگىلىكتەنۋ بارىسى.
شي جينپيڭ مىنالاردى باسا دارىپتەدى: جۇڭگوشا سوتسياليزمنىڭ جاڭا داۋىرگە ءوتۋى مەملەكەتتىڭ رەفورما جاساۋ، ەسىك اشۋى مەن «ءبىر ەل، ەكى ءتۇزىم» ءىسىنىڭ دە جاڭا داۋىرگە وتكەندىگىن بىلدىرەدى. شياڭگاڭ، اۋمىن ءۇشىن ايتقاندا، «ءبىر ەل، ەكى ءتۇزىم» − ەڭ ۇلكەن باسىمدىلىق، مەملەكەتتىڭ رەفورما جاساۋ، ەسىك اشۋى − ەڭ ۇلكەن ساحنا، «ءبىر بەلدەۋ، ءبىر جولدى» بىرگە قۇرۋ، گۋاڭدۇڭ - شياڭگاڭ - اۋمىن ۇلكەن شىعاناق رايونى قۇرىلىسى سياقتى مەملەكەتتىك ستراتەگيالاردىڭ اتقارىلۋى − جاڭا ماڭىزدى وراي. ءبىز شياڭگاڭ مەن اۋمىننىڭ جاڭا داۋىردەگى مەملەكەتتىڭ رەفورما جاساۋ، ەسىك اشۋىنداعى ورنىن جەتە تانىپ جانە ءدال يگەرىپ، شياڭگاڭ مەن اۋمىننىڭ ورايدى مىقتى يگەرىپ، وڭتايلى جاعدايدا ورگە ۇمتىلىپ، جاڭا باسىمدىلىقتار جەتىلدىرۋىنە، جاڭا رول اتقارۋىنا، جاڭا دامۋدى ىسكە اسىرۋىنا، جاڭا ۇلەستەر قوسۋىنا قولداۋ كورسەتەمىز.
شي جينپيڭ كوپشىلىككە مىناداي 4 ءتۇرلى ءۇمىت ارتتى:
ءبىرىنشى، مەملەكەتتىڭ جاپپاي ەسىك اشۋىنا اناعۇرلىم بەلسەندى، ىرىقتى تۇردە دەم بەرۋ. مەملەكەتتىڭ سىرتقا ايقارا ەسىك اشۋى بارىسىندا، شياڭگاڭ مەن اۋمىننىڭ ورنى مەن رولى تەك كۇشەيەدى، استە السىرەمەيدى. شياڭگاڭ مەن اۋمىننىڭ ۇزدىكسىز كوش باستاۋىن ءارى كاپيتال، تەحنيكا، دارىندى سياقتىلاردى مەملەكەت ەكونوميكاسىنىڭ جوعارى ساپالى دامۋى مەن جاڭا كەزەكتى جوعارى دەڭگەيلى ەسىك اشۋعا ات سالىسۋعا باستاۋىن ءۇمىت ەتەمىن. اسىرەسە، شياڭگاڭ مەن اۋمىننىڭ حالىقارالىق بايلانىسىنىڭ كەڭ بولۋى، ارنايىلانعان قىزمەت وتەۋىنىڭ دامۋى سياقتى ارتىقشىلىقتارىن ىشكى وڭىرلەردىڭ بازارى كەڭ، شارۋاشىلىق جۇيەسى تولىق، عىلىم - تەحنيكالىق قۋاتى ءبىرشاما كۇشتى بولۋ سياقتى ارتىقشىلىقتارىمەن ۇشتاستىرىپ، شياڭگاڭنىڭ حالىقارالىق فينانس، تەڭىز تاسىمالى، ساۋدا ورتالىعى مارتەبەسىن كوتەرىپ، شياڭگاڭ حالىقارالىق عىلىم - تەحنيكا جاسامپازدىق ورتالىعىن قۇرۋدى جەدەلدەتىپ، اۋمىننىڭ حالىقارالىق ساياحات، سەيىل - سەرۋەن ورتالىعى، جۇڭگو - پورتۋگاليا ساۋدا سەلبەستىگىنە قىزمەت وتەۋ تۇعىرى قۇرىلىستارىن كۇشەيتىپ، شياڭگاڭ مەن اۋمىندى مەملەكەتتىڭ قوس باعىتتا ەسىك اشۋىنداعى ماڭىزدى كوپىرگە اينالدىرۋعا قۇلشىنۋ كەرەك.
ەكىنشى، مەملەكەتتىڭ دامۋ جالپى جاعدايىمەن اناعۇرلىم بەلسەندى، ىرىقتى تۇردە توعىسۋ. شياڭگاڭ مەن اۋمىننىڭ مەملەكەتتىڭ دامۋ جالپى جاعدايىمەن توعىسۋى − «ءبىر ەل، ەكى ءتۇزىمنىڭ» ءتيىستى مازمۇنى، رەفورما جاساۋدىڭ، ەسىك اشۋدىڭ داۋىرلىك تالابى، شياڭگاڭ مەن اۋمىننىڭ دامۋدىڭ جاڭا باعدارىن قاراستىرىپ، دامۋدىڭ جاڭا كەڭىستىگىن اشىپ، دامۋعا جاڭا قوزعاۋشى كۇش ۇستەۋىنىڭ وبيەكتيۆ تالابى. گۋاڭدۇڭ - شياڭگاڭ - اۋمىن ۇلكەن شىعاناق رايونى قۇرىلىسىن اتقارۋ − ءبىزدىڭ جالپى جاعداي مەن ۇزاق بولاشاققا تابان تىرەي وتىرىپ جاساعان ماڭىزدى جوبامىز، سونداي - اق شياڭگاڭ مەن اۋمىننىڭ ۇزاق مەزگىلدىك گۇلدەنۋى مەن ورنىقتىلىعىن ساقتاۋداعى كەلەلى شەشىم. ۇلكەن شىعاناق رايونىن ويداعىداي قۇرۋدىڭ تەتىگى جاڭالىق اشۋدا. «ءبىر ەل، ەكى ءتۇزىم» باعىتى مەن ءتۇبىرلى زاڭنىڭ اياسىندا، گۋاڭدۇڭنىڭ، شياڭگاڭنىڭ، اۋمىننىڭ جالپىلىق باسىمدىلىعىن ساۋلەلەندىرىپ، ءتۇزىلىس پەن مەحانيزمدى جاڭالاپ، فاكتورلاردىڭ اينالىمىن جەبەۋ كەرەك. شياڭگاڭ مەن اۋمىن دا ىشكى قۋاتتى شىڭاۋعا ءمان بەرۋى، ەكونوميكالىق ارتۋدىڭ جاڭا قوزعاۋشى كۇشتەرىن جەتىلدىرۋگە كۇش سالۋى كەرەك.
ءۇشىنشى، مەملەكەتتىڭ جونگە سالۋ امالياتىنا اناعۇرلىم بەلسەندى، ىرىقتى تۇردە ات سالىسۋ. شياڭگاڭ مەن اۋمىن وتان قۇشاعىنا ورالعاننان كەيىن، مەملەكەتتىڭ جونگە سالۋ جۇيەسىنە ەنگىزىلدى. شياڭگاڭدىق، اۋمىندىق باۋىرلاستار «ءبىر ەل، ەكى تۇزىممەن» ۇيلەسۋ تالاپتارى بويىنشا، ەرەكشە اكىمشىلىك رايونداردىڭ نەگىزگى زاڭدى جانە ءتۇبىرلى زاڭدى اتقارۋعا قاتىستى تۇزىمدەرى مەن مەحانيزمدەرىن كەمەلدەندىرىپ، باسقارۋ، جونگە سالۋ قابىلەتى مەن دەڭگەيىن جوعارىلاتۋى كەرەك. سونىمەن بىرگە، كوپشىلىك مەملەكەتتىڭ دامۋ جالپى جاعدايىنا كوڭىل ءبولىپ، مەملەكەتتىڭ ەكونوميكا، ساياسي، مادەنيەت، قوعام، ەكولوگيالىق وركەنيەت قۇرىلىستارىنا بەلسەندى تۇردە ات سالىسۋى قاجەت.
ءتورتىنشى، حالىقارالىق گۋمانيتارلىق اۋىس - كۇيىستى اناعۇرلىم بەلسەندى، ىرىقتى تۇردە جەبەۋ. كوپ نەگىزدى مادەنيەت قاتار ءومىر ءسۇرىپ وتىرعان شياڭگاڭ مەن اۋمىن − جۇڭگو مەن باتىس مادەنيەتىنىڭ اۋىس - كۇيىس جاساۋىنىڭ ماڭىزدى دانەكەرى. شياڭگاڭ مەن اۋمىننىڭ حالىقارالىق قالالار ساناتىنداعى ەرەكشەلىگىن ساقتاپ، شياڭگاڭ مەن اۋمىننىڭ سىرتپەن بايلانىسىنىڭ كەڭ بولۋى سىندى ءتيىمدى شارت - جاعدايدان پايدالانىپ، جۇڭحۋانىڭ تاڭداۋلى مادەنيەتىن تاراتىپ، قازىرگى جۇڭگونىڭ حيكاياسىن جاقسى بايانداپ، «ءبىر ەل، ەكى ءتۇزىمنىڭ» تابىستى امالياتىنداعى شياڭگاڭ حيكاياسىن، اۋمىن حيكاياسىن جاقسى بايانداپ، شياڭگاڭنىڭ، اۋمىننىڭ شىعىس - باتىس مادەنيەتتەرىنىڭ اۋىس - كۇيىس جاساۋى، وركەنيەتتەردىڭ ءوزارا ۇلگى الۋى، حالىقتار تىلەگىنىڭ توعىسۋى سياقتى جاقتارداعى وزگەشە رولىن ساۋلەلەندىرۋ كەرەك.
شي جينپيڭ مىنالاردى اتاپ كورسەتتى: جاستار كوركەيسە، مەملەكەت كوركەيەدى، جاستار قۇدىرەتتەنسە، مەملەكەت قۇدىرەتتەنەدى. قالىڭ شياڭگاڭدىق، اۋمىندىق جاستار شياڭگاڭنىڭ، اۋمىننىڭ ءۇمىتى مەن بولاشاعى عانا ەمەس، مەملەكەتتى گۇلدەندىرۋدىڭ دە جاڭا كۇشى. شياڭگاڭدىق، اۋمىندىق جاستار جاقسى دامىسا، شياڭگاڭ مەن اۋمىن جاقسى داميدى، مەملەكەت جاقسى داميدى. شياڭگاڭدىق، اۋمىندىق جاستاردىڭ دامۋىنا كوبىرەك تۇعىر ازىرلەپ، كوبىرەك ساتى دايىنداپ، جاستار ءبىلىم الۋ، جۇمىسقا ورنالاسۋ، شارۋاشىلىق قۇرۋ سياقتى جاقتاردا تاپ بولعان ناقتى قيىنشىلىقتار مەن ماسەلەلەردى شەشۋگە كومەكتەسىپ، جاستاردىڭ ومىرلىك ارماندارىنىڭ ورىندالۋىنا ءتيىمدى قوعامدىق ورتا جاراتۋ قاجەت.
شي جينپيڭ سوڭىندا مىنالاردى باسا دارىپتەدى: جۇڭحۋا ۇلتىنىڭ ۇلى گۇلدەنۋىن ىسكە اسىرۋ شياڭگاڭدىق، اۋمىندىق باۋىرلاستاردىڭ ەسەلى ەڭبەك ەتۋىنە مۇمكىندىك بەرەدى ءارى شياڭگاڭ مەن اۋمىننىڭ دامۋىنىڭ جاڭا شۇعىلاسىنا جول اشاتىنى دا داۋسىز. بارلىق جۇڭحۋا ۇلانى ءبىر نيەتپەن كۇش بىرىكتىرىپ، مىزعىماس قايرات كورسەتىپ، العان بەتتەن قايتپاي، باتىلدىقپەن العا تارتىپ، ءوز نىسانامىزدى ىسكە اسىرۋعا بەل بايلاۋى كەرەك. قالىڭ شياڭگاڭدىق، اۋمىندىق باۋىرلاستار مەن قوعامنىڭ ءار سالاسىنداعى قايراتكەرلەردىڭ ىشكى وڭىردەگى حالىقپەن بىرگە، «ءبىر ەل، ەكى ءتۇزىم» ءىسىنىڭ جاڭا جاعدايىن ۇزدىكسىز اشىپ، شياڭگاڭدىق، اۋمىندىق باۋىرلاستاردى اناعۇرلىم تاماشا تۇرمىسقا جەتكىزۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جولىندا ىنتىماقتاسا كۇرەس جۇرگىزۋىن ءۇمىت ەتەمىن.
كەزدەسۋ باستالعاندا، شي جينپيڭ ساپار ۇيىرمەسىنىڭ مۇشەلەرىمەن ىقىلاستى بەينەدە قول الىستى ءارى ەستەلىك سۋرەتكە ءتۇستى.
ديڭ شۋەشياڭ، ياڭ جيەچى، يوۋ چۋان، ۋاڭ ي، دۇڭ جيانحۋا، حى حوۋحۋا، لياڭ جىنيىڭ جانە ورتالىق پەن مەملەكەت ورگاندارىنىڭ قاتىستى تاراۋلارىنداعى نەگىزگى جاۋاپتى جولداستار، شياڭگاڭ مەن اۋمىننىڭ ءار سالاسىنداعى ۋاكىلدەردەن 200دەن استام ادام كەزدەسۋگە قاتىناستى.
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
