بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>جوتكەمەلەر

تۇمان سەيىلىپ، كۇننىڭ شۇلەن شۇعىلاسى توگىلدى

− شينجياڭ كاسىپتىك شەبەرلىككە تاربيەلەۋ، باۋلۋ قىزمەتىنەن كورگەن - بىلگەندەرىمىز(3)

تىلشىلەرىمىز سۇي يۇنيان، شيە حۇيبيان

2018.11.15 14:57     كەلۋ قاينارى : شينجياڭ گازەتى

  «سالەمەتسىز بە!». كەريا اۋدانىنداعى كاسىپتىك شەبەرلىككە تاربيەلەۋ، باۋلۋ ورتالىعىنىڭ ونەركاسىپ باقشا رايونىنداعى كيىم تىگۋ شەبەرحاناسىنداعى ايەل جۇمىسشى پاتىگۇل ءامار ءتىلشىنى كورگەندە ىستىق ىقىلاسپەن امانداستى.

  ونىڭ كۇيەۋى مامەتيمىن ءمومىن تاربيەلەۋ، باۋلۋ ورتالىعىنداعى تاربيەلەنۋشى، ەلەكتروندى موتور ءوندىرۋ كاسىپورنىندا جۇمىس ىستەيدى. ءدىني ۇشقارى يدەيادان ارىلعاننان كەيىن، مامەتيمىن «ايەلدەردىڭ دە وزىنە ءتيىستى شۇعىلالى ءومىرى بولۋى كەرەكتىگىن» ءتۇسىنىپ، ءوزى قۇلشىنا قىزمەت ىستەۋمەن قاتار، ايەلىنە دە باقشا رايونىنان قىزمەت ىزدەۋدى ايتادى، سونىمەن پاتىگۇل جەرىن وتكەرمەلەگەننەن كەيىن، وسى اراعا كەلەدى.

  ءدىني ۇشقارى يدەيا بۇلدىرگەن ءومىردى قۇتقارۋ، ءدىني ۇشقارى يدەيا ۋلاعان جاندى وياتۋ، ءدىني ۇشقارى يدەيا ويرانداعان باقىتتى قايتا ورالتۋىمىز كەرەك. كاسىپتىك شەبەرلىككە تاربيەلەۋ، باۋلۋ ارقىلى تاربيەلەنۋشىلەر اق پەن قارانى ايقىن ايىرىپ، يدەياسىن وزگەرتىپ، سۇرەڭسىز وتكەن كۇندەرىنە ءبىر جولاتا قوش ايتىپ، جاڭا تۇرمىستارىن باستادى.

  كۇننىڭ شۇلەن شۇعىلاسىنان ءنار العان جاڭا ءداۋىر ايەلدەرى

  «بالام ونەركاسىپ باقشا رايونىنداعى بالاباقشادا وقيدى، مەن ءار كۇنى جۇمىستارىمدى اياقتاتقاننان كەيىن، مادەنيەت الاڭىنا بارىپ، الاڭ ءبيىن بيلەيمىن، كۇندەرىم ەرەكشە ءماندى». بۇل پاتىگۇلدىڭ قازىرگى تۇرمىس جاعدايى، كۇيەۋى ەكەۋى دە قازىرگى تۇرمىستارىنا ءدان ريزا.

  جۇمىسى بولعاننىڭ ەرەكشە ءماندى بولاتىندىعىن پاتىگۇل قايتا - قايتا ايتتى. بۇرىن كۇيەۋىنەن اقشا سۇراعاندا، ءموليىپ تۇرىپ، اقىرىن عانا اۋىز اشاتىن، قازىر ءوزىنىڭ كىرىسى، وزىنە سەنىمى دە بار، ول ادەمى جاسانىپ، سپورت كيىمىن، اياعىنا قازىرگى مودى اق شاقاي كيىپ، شاشىن بۇيرالاتىپ، بەتىنە ەڭلىك بۇيىم جاعىپ، تىرناعىن بويادى. بۇرىن ول بۇلاي جاسانۋعا مۇلدە باتىلدىق ەتپەيتىن.

  پاتىگۇل بىلاي دەدى: مامەتيمىن ءدىني ۇشقارى يدەيانىڭ اسەرىنە ۇشىراعاندىقتان، بۇرىن مەنىڭ جاسانۋىمدى جاقتىرمايتىن، سىرتتا جۇمىس ىستەپ اقشا تابۋىما ءتىپتى رۇقسات ەتپەيتىن، قازىر ول وزگەردى، قازىرگى كيىنىسىمە سۇيىنە قارايدى. كۇيەۋىمنىڭ وزگەرىسى ەرەكشە زور، شاشى تاپ - تازا، جاعاسى اپپاق، ءتىسى دە تازا، ءسوزى دە ورىندى. وسىلايشا، كۇيەۋىنىڭ ىقپالىندا ول دا جەكە تازالىعىنا ءمان بەرە باستايتىن بولدى.

  ءدىني ۇشقارى يدەيانىڭ ىقپالىندا، وڭتۇستىك شينجياڭنىڭ اۋىل - قىستاقتارىنداعى كوپتەگەن ايەل بۇرىنعى پاتىگۇل سياقتى، ۇيىنەن سىرتقا اتتاپ شىقپايتىن، بەتىن اشپايتىن، كۇيەۋىنىڭ قولجاۋلىعىنا اينالعان ەدى. قازىر تاربيەلەنۋشىلەر ۇيرەنۋ ارقىلى ءدىني ۇشقارى يدەيادان ارىلدى، ولار كوزقاراسىن وزگەرتىپ، وتباسىنداعىلاردى سىرتقا شىعىپ جۇمىستانۋعا، جۇمىس ىستەپ اقشا تابۋعا ىنتالاندىردى.

  ونەركاسىپ باقشا رايونىنداعى كاسىپورىندار قاقپاسىن ايقارا اشىپ، جۇمىستانۋدى ءوتىنىش ەتكەن تاربيەلەنۋشىلەردىڭ وتباسىنداعىلاردى جۇمىسقا ورنالاستىردى، ولارعا جاتاق بەردى، تاماق، جاتىن ورىن تەگىن بولدى، بالالارى سول توڭىرەكتەگى بالاباقشادا جانە باستاۋىش مەكتەپتە وقيدى. <<وتباسىمىزدىڭ بىرنەشە مۋ جەرىنەن تىم ماندىمدى اقشا تۇسپەيدى، قازىر ءبارىمىزدىڭ جۇمىسقا ورنالاساتىن قابىلەتىمىز بار، تۇرمىسىمىز دا بارعان سايىن جاقسارىپ كەلەدى>>، - دەدى پاتىگۇل.

  تاربيەلەنۋشى ءماتسايدي ءماتتۇرسىننىڭ ايەلى پاتىگۇل ءماتروزى ءۇيىنىڭ جانىندا شارۋاشىلىق قۇرىپ، قىستاقتان اجارلاندىرۋ، شاش اسەمدەۋ ورنىن جانە ماگازين اشتى. كەدەي وتباسى بولعانىمەن، ءماتسايدي بۇرىن ايەلىنىڭ قىزمەت ىستەۋىن قۇپتامايتىن، «ايەل ادام تاپقان اقشانى جۇمساعان ادام ناعىز مۇسىلمان ەمەس» دەپ قارايتىن. تاربيەلەۋ، باۋلۋ ورتالىعىندا زاڭ ۇيرەنگەننەن كەيىن، ول ايرىقشا وكىنىپ، تەبىرەنە بىلاي دەدى: پارتيا مەن ۇكىمەتتىڭ وتباسىمىزدى قاراڭعىلىقتان قۇتقارعاندىعىنا العىس ايتامىن، ايەلىم ەرەكشە ىسكەر، مەن ونىڭ وبالىنا قالا جازداپپىن.

  ىسكەر پاتىگۇلدى كەزىكتىرە الماعانىمەن، ءتىلشىنىڭ نازارىندا ونىڭ وبرازى اشىق - جارقىن، سەنىمدى جاڭا ءداۋىر ايەلى ەدى.

  ارمانعا بىرگە قانات قاقتى

  10 - ايدىڭ 9 - كۇنى، كەريا اۋدانىنداعى كاسىپتىك شەبەرلىككە تاربيەلەۋ، باۋلۋ ورتالىعىنىڭ ونەركاسىپ باقشا رايونىنداعى شاي شەبەرحاناسىندا، اينيسا تۇرسۇن شايدى قوراپتاي ءجۇرىپ: ءار كۇنى قىزمەتكە بىرگە بارىپ، اپتا سوڭىندا ۇيگە بىرگە قايتامىز، كوڭىلىم ورنىعىپ قالدى، - دەدى. ونىڭ كۇيەۋى ءماتقۇربان قاسىم ونىمەن بىرگە جۇمىس ىستەيدى، ەكەۋى ءالسىن - ءالى سىبىرلاسىپ قويادى.

  بۇل ەرلى - زايىپتىلار تاربيەلەۋ، باۋلۋ ورتالىعىنداعى تاربيەلەنۋشىلەر بولاتىن، مەملەكەتتە ءبىر تۇتاس قولدانىلاتىن ءتىل - جازۋ، زاڭ جانە شەبەرلىك ۇيرەنۋ ناتيجەسى ءبىرشاما جاقسى بولعاندىقتان، شاي شەبەرحاناسىنا بىرگە كەلىپ، جۇمىسقا ورنالاسقان - دى.

  جۇمىستان تۇسكەننەن كەيىن، جاس جۇبايلار ءتىلشىنى ىستىق ىقلاسپەن وزدەرىنىڭ جاتاعىنا بارۋعا ۇسىنىس ەتتى. جاتاقتا كرەسلو، ۇستەل، توسەك، كيىم ىشكابى سياقتى ءۇي جيھازدارى تولىق ەكەن، تەلەۆيزور دا بار ەكەن، ادەمى پەردە دە ءبىر تۇتاس تارتىلىپتى. اينيسا بىلاي دەدى: مەن ءار كۇنى تازالىق ىستەيمىن، اۋىل - قىستاقتا مۇنداي جاقسى ۇيدە تۇرىپ كورمەدىك، اۋەلى، پار دا بار. مەن ساندەنۋ ۇستەلىن ەڭ جاقسى كورەمىن، مۇنى بۇرىن دا جاقسى كورەتىنمىن، ايتسە دە بۇرىن مۇنى ساتىپ الۋدى مۇلدە ويلاسىپ كورمەگەنبىز.

  بۇرىنعى قارا ءتۇستى بۋرقا كيىپ، ءدىني ۇشقارى يدەيا تاراتاتىن كۇندەرىن ويلاسا اينيسا ۇيالادى. «سول كەزدە ءوزىمنىڭ ءدىني ۇشقارى يدەيامەن ۋلانعانىمدى بىلمەپپىن، اۋەلى، مۇلدە جاسقانبايتىنمىن، قازىر بۇعان ەرەكشە وكىنەمىن». بۇرىنعى قارا تۇنەككە قوش ايتساڭ بولعانى، كۇندەرىڭ ارايلى بولماق، قازىر ەرلى - زايىپتى ەكەۋى قۇلشىنا ۇيرەنىپ، قىزمەت ىستەپ، ايىنا 6000 يۋانعا جۋىق كىرىس كىرگىزىپ، كەدەيلىككە قوش ايتتى.

  مەملەكەتتە ءبىر تۇتاس قولدانىلاتىن ءتىل - جازۋدى ۇيرەنۋدىڭ نەندەي پايداسى بار؟ تاربيەلەنۋشىلەردىڭ دەنى «وسى زامانعى بىلىمدەردەن سۋسىنداپ، جۇمىستانۋ ارنامىز بارعان سايىن كەڭەيدى» دەستى، اينيسا «تەلەتەاترىن» كورۋدىڭ الدەقايدا جاعىمدى بولاتىندىعىن ايتتى. ول قازىر «شەشە جولى» دەگەن تەلەتەاترىنا قۇمارتىپ، جۇمىستان تۇسكەننەن كەيىن - اق تەلەۆيزورعا قادالاتىن بولدى.

  «زاڭ بىلىمدەرىن ۇيرەنگەننەن كەيىن، بۇرىنعى ارەكەتتەرىمنىڭ اقىماقتىق ەكەندىگىن، ونىڭ ۇستىنە زاڭعا قايشى ەكەندىگىن ءبىلدىم»، - دەدى شاي شەبەرحاناسىندا ىستەيتىن تاربيەلەنۋشى ابدۇسامەت ءماتشىرىپ. تاربيەلەۋ، باۋلۋ ورتالىعىندا ول جۇمىس ىستەي ءجۇرىپ، ساباق پىسىقتاپ، داشۋەگە ەمتيحان بەرىپ، ءوز وكىنىشىنىڭ ورنىن تولتىرماق. ول بىلاي دەدى: تاربيەلەۋ، باۋلۋ ورتالىعى مەنىڭ ومىرىمدەگى بۇرىلىس ءتۇيىنى، پارتيا مەن ۇكىمەتتىڭ مەنى قۇتقارعاندىعىنا العىس ايتامىن.

  ابدۇسامەت ءوزىنىڭ وقىتۋشىلارىنا ايرىقشا قىزىعادى، ولار وزىمەن قۇرالىپتاس، ايتسە دە وقىتۋشىلارىنىڭ وقۋ ماعلۇماتى ەرەكشە جوعارى، ولاردىڭ اراسىندا اسپيرانتتار دا بار. جاسى 30عا تاياپ قالعان تاعى ءبىر تاربيەلەنۋشى دە وعان ءوزىنىڭ داشۋەگە ەمتيحان تاپسىرۋ ويى بار ەكەندىگىن ايتتى، بۇل ابدۇسامەتتى اناعۇرلىم ىنتالاندىردى، ولار ارمانعا بىرگە قانات قاعۋعا ۋادەلەستى.

  قارت اكەمنىڭ جۇرەگىن ەندىگارى جارالامايمىن

  «اكە، كەشىرىڭىز، مەن قاتەلەستىم، عاپۋ وتىنەمىن». ءپايزاۋات اۋدانىنداعى كاسىپتىك شەبەرلىككە تاربيەلەۋ، باۋلۋ ورتالىعىنىڭ تۋىستارىمەن كەزدەسۋ ورنىندا، تاربيەلەنۋشى ازەزجان مامەت وزىنە امانداسا كەلگەن اكەسىنە ءيىلىپ تۇرىپ سالەم بەردى. اكەسى ۇلىن سۇيەپ، كوزىنە ىستىق جاس الدى.

  اكەسى ەجەلدەن ۇلىنىڭ جارامدى ادام بولۋىن ءۇمىت ەتەتىن، بالاسى شينجياڭ رايونى ىشىندەگى تولىقسىز ورتا كلاسىنان جانە ىشكى ولكەدەگى شينجياڭ تولىق ورتا كلاسىنان وقىدى، سوڭىندا ىشكى ولكەلەردەگى داشۋەلەردەن وقۋعا قابىلداۋ شاقىرتۋىن دا تاپسىرىپ الدى. ايتسەدە ازەزجان ءدىني ۇشقارى يدەيانى جۇقتىرىپ الىپ، وقۋدان قول ءۇزدى. ول بىلاي دەدى: جەرلەۋ سالتىنا قاتىناسقاندا باسقالاردىڭ «ۇجىماق»، «توزاق»، «مۇسىلمانشا، مۇسىلمانشا ەمەس» دەگەن سياقتىلاردى تالقىلاعاندىعىن ەستىگەننەن كەيىن، مۇنى ويلاي بەرەتىن بولدىم، اقىرعى ەسەپتە مۇنىڭ شۇڭەتىنە باتىپ، اقىل - ەسىمنەن ايرىلىپ، زاڭسىز ءدىني قيمىلدارعا قاتىناسا باستادىم. مەنىڭ ارەكەتىم قوعامعا زيان جەتكىزدى، اكەمنىڭ جۇرەگىن دە جارالادى.

  ءاسىلى بولاشاعى نۇرلى ەدى، قىستاقتاعىلاردىڭ ءبارى تامسانا قارايتىن، ايتسە دە وسىنىڭ ءبارىن ءدىني ۇشقارىلار ءبۇلدىردى، ءدىني ۇشقارى يدەيانىڭ زالالىن تانىعاننان كەيىن، ازەزجان اكەسىنە، ءسوزسىز، قايتا سەرپىلىپ، قاتەلىگىن تۇزەتىپ، دۇرىس جولعا تۇسۋگە ۋادە بەردى. اداسقان ۇلى ەسىن جيعاننان سىرت، بۇل وتباسىندا تاعى ءبىر قۋانىش بولدى، ازەزجاننىڭ قارىنداسى ول كەزىندە وقىعان شينجياڭ رايونى ىشىندەگى تولىقسىز ورتا كلاسىنا قابىلدانىپ، وزىمەن مەكتەپتەس بولدى.

  كاسىپتىك شەبەرلىككە تاربيەلەۋ، باۋلۋ ورتالىعىندا، مەملەكەتتە ءبىر تۇتاس قولدانىلاتىن ءتىل - جازۋدى ۇيرەنۋ، زاڭ ۇيرەنۋ، ونەر ۇيرەنۋ ارقىلى كەيبىر تاربيەلەنۋشىلەر جالپىلىق باعالاۋدا تولىمدى بولىپ، ۇيىنە قايتتى.

  ءتىلشى ءپايزاۋات اۋدانىنداعى كاسىپتىك شەبەرلىككە تاربيەلەۋ، باۋلۋ ورتالىعىنىڭ وقىتۋشىسىنا ەرىپ، وقۋ تاۋىسقان تاربيەلەنۋشى ءدىلشات يمىننىڭ ۇيىنە باردى. ءدىلشاتتىڭ ۇيىندەگى قوناق بولمەدەگى ۇستەلگە ءتۇرلى - ءتۇستى قۇرعاق جەمىس، جەمىس جانە بال باۋىرساق تولتىرا قويىلىپتى، ونىڭ شەشەسى ارناۋلى ەت اسىپ، ولاردى كۇتىپ الدى، قايتا - قايتا اۋىز جاپپاي العىس تا ايتىپ قويادى.

  وقۋ تاۋىسقاننان كەيىن، ءدىلشات ونەركاسىپ باقشا رايونىندا قىزمەت ىستەۋدى ءجون كوردى. «ول بۇرىن ۋاقىتتىق جۇمىس ىستەيتىن، قوعامداعى ادامدارمەن ۇنەمى ارالاساتىن، كىرىسى دە تۇراقتى ەمەس ەدى، ونىڭ ۇستىنە ءدىني ۇشقارى يدەيانى جۇقتىرىپ الىپ، زاڭعا قايشى كەيبىر ىستەردى دە ىستەدى»، - دەدى ءدىلشاتتىڭ ايەلى رازيا ءالي.

  ءدىلشاتتىڭ اكەسى زەينەتكە شىققان حالىق ساقشىسى، بالاسىن ەجەلدەن قاتاڭ تاربيەلەيتىن، ۇلىنىڭ ءدىني ۇشقارى يدەيانى جۇقتىرىپ العاندىعىنا بولا ول ءوزىن ەرەكشە جازعىراتىن، تىلشىمەن اڭگىمەلەسكەندە ول كوزىنە ءالسىن - ءالى جاس الدى. ول قاتاڭ ەمەۋرىنمەن بىلاي دەدى: پارتيا مەن ۇكىمەتتىڭ ۇلىمدى قۇتقارعاندىعىنا العىس ايتامىن، بۇدان كەيىن مەن ونى قاتاڭ باسقارامىن، تاربيەلەيمىن، ونى ەندىگارى تەرىس جولعا تۇسىرمەيمىن.

  ءدىلشات ءوزىنىڭ وقۋ تاۋىسۋ كۋالىگىن، سونداي - اق كاسىپورىنمەن جاساسقان ەڭبەك توقتامىن تىلشىگە كورسەتىپ، ءسوزسىز، جاقسى ىستەپ، وتباسىنا قارايلاسۋ جاۋاپكەرشىلىگىن ارقالايتىندىعىن، اكەسىن ەندىگارى رەنجىتپەيتىندىگىن ايتتى.
جاۋاپتى رەداكتورى : مانەپ ەربول ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار