بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>جوتكەمەلەر

ۇلتتار ىنتىماعى − شينجياڭداعى ءار ۇلت حالقىنىڭ جانى

باي اۋدانى بۇلۇڭ اۋىلدىق بىرلىكساپ كەڭسەسىنىڭ كادرى اينۇرگۇل مامەت

2018.11.15 15:00     كەلۋ قاينارى : شينجياڭ گازەتى

  شينجياڭدا تۋىپ - وسكەن مەملەكەت كادرى رەتىندە، مەن وتان تۇتاستىعىن قورعاۋ، ۇلتتىق بولشەكتەۋشىلىككە قارسى تۇرۋ سىندى ماڭىزدى جاۋاپكەرشىلىك ارقالاپ وتىرمىن. ۇلتتار ىنتىماعىن جانە قوعام ورنىقتىلىعىن بۇلدىرەتىن «ءۇش ءتۇرلى كۇشكە»، «ەكىبەتكەيلەرگە» قارسى، ءسوز جوق، باتىل ءۇن قاتىپ، ايقىن پوزيتسيا ءبىلدىرىپ، ولارمەن تاباندىلىقپەن كۇرەس جۇرگىزەمىن.

  ۇلتتار ىنتىماعى − شينجياڭداعى ءار ۇلت حالقىنىڭ جانى، شينجياڭداعى ۇلتتاردىڭ ءتۇبىرلى مۇددەسىنىڭ تياناعى، شينجياڭداعى ءار ۇلت حالقىنىڭ تىلەك توعىستىرىپ، كۇش بىرىكتىرۋىنىڭ كىرىسۋ ءتۇيىنى جانە تابان تىرەر تياناعى. شينجياڭنىڭ دامۋ تاريحىنا قايىرىلا قارايتىن بولساق، ۇلتتار ىنتىماعى جاقسى بولسا، قوعام جاراسىمدى، ورنىقتى بولادى، ەكونوميكا اقاۋسىز داميدى؛ كەرىسىنشە بولسا، قوعامدا ورنىقسىزدىق تۋىلادى، ەكونوميكالىق قۇرىلىس پەن ءتۇرلى ىستەر ىقپالعا ۇشىرايدى. ءبىز بۇكىل قوعامدا ۇلتتار ىنتىماعى ۇگىت - تاربيەسىن ساۋلە شاشقان كۇن نۇرىنداي كەڭىنەن ىشكەرىلەي ۇگىتتەۋىمىز؛ اۋانى تازارتقانداي، ۇلتتار ىنتىماعىنا ءتيىمسىز ءسوز - ارەكەت اتاۋلىعا باتىل قارسى تۇرۋىمىز؛ ۇلتتاردىڭ ۇلى ىنتىماعىنىڭ نەگىزىن سۋ قاينارىن قورعاعانداي قورعاۋىمىز كەرەك. تۇرمىستىڭ ءاربىر جاعىن ۇلتتار ىنتىماعىن جەبەۋدىڭ نەگىزىنە، ءاربىر ادامنىڭ كۇندەلىكتى ءسوز - ارەكەتىن ۇلتتار ىنتىماعىن جەبەۋدىڭ كۇش - قۋاتىنا، ءاربىر قاراپايىم قىزمەت ورنىن ۇلتتار ىنتىماعىن ورىستەتۋدىڭ ساحناسىنا اينالدىرۋىمىز كەرەك.

  ءداۋىر العا باسۋدا، ورتا تولاسسىز وزگەرۋدە، ادامداردىڭ يدەياسى دا ۇزدىكسىز وزگەرۋدە، الايدا دۇنيە قالاي وزگەرسە دە ۇلتتار ىنتىماعىن قورعاۋ وزگەرمەيدى. ءبىز جۇڭحۋا ۇلتى ۇلى شاڭىراعىندا جاساپ جاتىرمىز، 56 ۇلتتىڭ وتاندى ونان ارى گۇلدەندىرۋ، قۇدىرەتتەندىرۋ سىندى ورتاق ماقساتى بار. پارتيا مەن وتان بىزگە بۇگىنگىدەي باقىتتى تۇرمىس جاراتىپ بەردى، ءبىزدىڭ پارتيامىزدى، جۇڭحۋا ۇلتى ۇلى شاڭىراعىن سۇيمەيتىن قانداي سىلتاۋىمىز بار؟ ءبىز باقىتتى تۇرمىسىمىزدى قاستەرلەپ، ساياسي پارىقتاۋ قابىلەتىمىزدى جوعارىلاتىپ، وي - سانامىزدى سەرگەك ۇستاپ، ءدىني ۇشقارى يدەيانىڭ ازدىرۋىن باتىل تەجەپ، ۇلتتىق بولشەكتەۋشىلىككە باتىل قارسى تۇرۋىمىز كەرەك. بۇگىنگىدەي ۇلتتار ءبىر وتباسىنىڭ ادامدارىنداي جاراسىمدى، قوعام ورنىقتى، ەكونوميكا دامىعان اسا تاماشا جاعدايدا، كوپشىلىك بار ىنتا - پەيىلىمەن ۇلتتار ىنتىماعىن قورعاپ، ۇلتتار ىنتىماعىن كوز قاراشىعىن ايالاعانداي ايالاپ، ۇلتتار ىنتىماعىن ومىرىندەي قاستەرلەپ، جاراسىمدى، تاماشا مەكەندى بىرگە قۇرىپ، ۇلتتار ىنتىماعىن بۇلدىرەتىن جانە وتاندى بولشەكتەيتىن جاۋىزدىق ارەكەتتەرگە زاڭ بويىنشا قاتاڭ سوققى بەرۋىمىز كەرەك.

  قازىر شينجياڭ ءالى دە «ءۇش مەزگىل قاباتتاسقان» ەرەكشە مەزگىلدە تۇر، ورنىقتىلىقتى قورعاۋ كۇرەسىنىڭ جاعدايى اۋەلگىدەي قاتاڭ. وتان تۇتاستىعىن، ۇلتتار ىنتىماعىن جانە قوعام ورنىقتىلىعىن قورعاۋ، مەملەكەتتىڭ جانە ءار ۇلت بۇقاراسىنىڭ ءتۇبىرلى مۇددەسىن قورعاۋ بارلىعىمىزدىڭ بۇلتارماس جاۋاپكەرشىلىگىمىز. نەگىزگى ساتى كادرى رەتىندە، مەن ورنىقتىلىقتى قورعاۋ كۇرەسىنىڭ ءبىرىنشى شەبىندە تۇرىپ، اتويلاپ الدا جۇرەمىن. وزىمىزدەن باستاپ تاباندىلىقپەن ىسكە كىرىسىپ، بولاتتاي بەرىك جىگەرمەن وزىمىزگە تالاپ قويىپ، ءار ۇلت بۇقاراسىن ۇلتتاردىڭ ۇلى ىنتىماعى ۇلى تۋىن بيىك ۇستاپ، «ءۇش ءتۇرلى كۇشكە»، «ەكىبەتكەيلەرگە» قارسى باتىل كۇرەس جۇرگىزۋگە جۇمىلدىرساق، «ءۇش ءتۇرلى كۇشتىڭ»، «ەكىبەتكەيلەردىڭ»، ءسوز جوق، تىپ - تيپىل قۇرىپ - جوعالاتىنىنا كامىل سەنەمىن.
جاۋاپتى رەداكتورى : مانەپ ەربول ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار