شي جينپيڭ ازيا - تىنىق مۇحيت ەكونوميكالىق سەلبەستىك ۇيىمى ونەركاسىپ - ساۋدا باسشىلار باس قوسۋىنا قاتىناستى ءارى ارقاۋ ءسوز سويلەدى
دۇنيە ءجۇزى ەكونوميكاسىنىڭ دامۋى ەسىك اشۋعا، دامۋعا، سيىسىمدىلىققا، جاڭالىق اشۋعا، قاعيدانى بەتالىس ەتۋگە تاباندى بولۋ كەرەك دەپ باسا دارىپتەدى جۇڭگو 2－كەزەكتى «ءبىر بەلدەۋ، ءبىر جول» حالىقارالىق سەلبەستىك جوعارى دارەجەلىلەر تالقى مىنبەرىن وتكىزەدى دەپ جاريالادى
2018.11.19 16:22 كەلۋ قاينارى : شينجياڭ گازەتى
شينحۋا اگەنتتىگىنىڭ 11 - ايدىڭ 17 - كۇنى پورت مورسبيدەن بەرگەن حابارى (تىلشىلەر چىن جى، مياۋ شياۋجۋان، جىڭ شياۋ - ي). مەملەكەت ءتوراعاسى شي جينپيڭ 11 - ايدىڭ 17 - كۇنى ۇسىنىس بويىنشا پاپۋا - جاڭا گۆينەياسىنىڭ پورت مورسبيىندە وتكىزىلگەن ازيا - تىنىق مۇحيت ەكونوميكالىق سەلبەستىك ۇيىمىنىڭ ونەركاسىپ - ساۋدا باسشىلار باس قوسۋىنا قاتىناستى ءارى «قيىن كەشۋلەردەن بىرگە ءوتىپ، تاماشا كەلەشەك جاراتايىق» دەگەن تاقىرىپتا ارقاۋ ءسوز سويلەپ، مىنالاردى باسا دارىپتەدى: دۇنيە ءجۇزى ەكونوميكاسى دامۋىنىڭ دۇرىس باعدارىن يگەرىپ، حالىقارالىق قوعام ءۇشىن ءونىمدى جونگە سالۋ وي جەلىسىن قاراستىرىپ، قيىن كەشۋلەردەن بىرگە ءوتىپ، دۇنيە ءجۇزى ەكونوميكاسىنىڭ الىپ كەمەسىن بىرگە جۇرگىزىپ، ءتىپتى دە تاماشا كەلەشەكتى بەتكە الۋ كەرەك. جۇڭگو ءوز دامۋىن جۇزەگە اسىرۋمەن بىرگە، دۇنيە جۇزىندەگى ءار ەلدىڭ بىرگە گۇلدەنىپ - كوركەيۋىنە ءتىپتى دە زور ۇلەس قوسادى. «ءبىر بەلدەۋ، ءبىر جولدى» بىرگە قۇرۋ − جۇڭگونىڭ دۇنيە جۇزىمەن ورايدى ورتاقتاساتىن، دامۋدى بىرگە جوسپارلايتىن جارقىن داڭعىلى.
باسشىلار باس قوسۋى پورت مورسبيدە توقتاپ تۇرعان «تىنىق مۇحيت ىزدەنۋشىسى» اتتى پوچتا كەمەسىندە وتكىزىلدى.
شي جينپيڭ جيىن زالىنا كىردى. دۋ قول شاپالاق ءۇنى ىشىندە شي جينپيڭ ارقاۋ ءسوز سويلەدى.
شي جينپيڭ مىنالاردى باسا دارىپتەدى: بۇگىنگى دۇنيە ءجۇزى ەكونوميكاسىندا جويقىن وزگەرىستەر تۋىلىپ، حاۋىپ - قاتەرلەر مەن سىن - سايىستار كورنەكتىلەنە تۇسكەن جاعدايدا، بارلىعىمىزدىڭ ءبىر جاعادان باس، ءبىر جەڭنەن قول شىعارىپ، دامۋدى، سەلبەستىكتى بىرگە جوسپارلاۋىمىز ەرەكشە مانگە يە. سەلبەستىك جاساۋ كەرەك پە، الدە قارسىلاسۋ كەرەك پە؟ ەسىك اشۋ كەرەك پە، الدە توماعا تۇيىق بولۋ كەرەك پە؟ ءوزارا تيىمدىلىك جەتكىزىپ، تەڭ يگىلىككە كەنەلۋ كەرەك پە، الدە نولدىك جيىنتىق ويىنىن جۇرگىزۋ كەرەك پە؟ بۇل ماسەلەلەرگە قالاي جاۋاپ بەرۋ − ءار ەلدىڭ مۇددەسىنە سايادى، ادامزاتتىڭ كەلەشەك تاعدىرىنا سايادى.
شي جينپيڭ مىنالاردى اتاپ كورسەتتى: ازيا - تىنىق مۇحيت ەكونوميكالىق سەلبەستىك ۇيىمىنىڭ قۇرىلۋى مەن دامۋى ەسىك اشۋ، توعىسۋ تاريح اعىمىنا ۇيلەستى، ازيا - تىنىق مۇحيت ءوڭىرىنىڭ دامۋعا تالپىنۋ كۇشتى تىلەگىنە ۇيلەستى، ءار ەل حالقىنىڭ سىن - سايىستارعا قول ۇستاسا توتەپ بەرۋ ورتاق قاجەتىنە ۇيلەستى. بۇگىنگى ازيا - تىنىق مۇحيت ءوڭىرى الەمدەگى ارتۋ ومىرشەڭدىك كۇشى مەن دامۋ كومەسكى كۇشىنە ەڭ يە ەكونوميكالىق بولىك ءارى دۇنيە ءجۇزى جاپپاي مويىنداعان دۇنيە ءجۇزى ەكونوميكاسى ارتۋىنىڭ ءبىر ماڭىزدى قوزعالتقىشى.
شي جينپيڭ مىنالاردى باسا دارىپتەدى: بۇگىنگى دۇنيە ءجۇزى قاۋىرت دامۋ، قاۋىرت وزگەرۋ، قاۋىرت رەتتەلۋ كەزەڭىندە تۇر. ەكونوميكانىڭ جاھاندانۋ اعىمى جوڭكىلە العا ىلگەرىلەۋدە، الايدا قورعامپازدىق، سىڭار جاقتىلىق دۇنيە ءجۇزى ەكونوميكاسىنىڭ ارتۋىنا كولەڭكە ءتۇسىردى. جاڭا عىلىم - تەحنيكا توڭكەرىسى مەن كاسىپ وزگەرىسى باستالۋعا تاس - ءتۇيىن ءازىر، دەسەدە، ارتۋدىڭ جاڭا - كونە قوزعاۋشى قۋاتىن اۋىستىرۋ ءالى اياقتالعان جوق. حالىقارالىق جاعدايدا تەرەڭ وزگەرىستەر تۋىلدى، دەسەدە، دامۋدىڭ بىركەلكىسىزدىگى تۇبەگەيلى وزگەرگەن جوق. الەمدىك جونگە سالۋ جۇيەسى جەدەل وزگەردى، دەسەدە، جونگە سالۋدىڭ كەنجەلىگى ءالى دە كورنەكتى سىن - سايىس سانالادى. شي جينپيڭ دۇنيە ءجۇزى ەكونوميكاسى دامۋىنىڭ دۇرىس باعدارىن يگەرۋ، حالىقارالىق قوعامدى ءونىمدى جونگە سالۋ وي جەلىسىندە ىزدەنىس جاساۋ جونىندە تومەندەگىدەي قۋاتتامالاردى ورتاعا قويدى:
ءبىرىنشى، ەسىك اشۋ بەتالىسىنا تاباندى بولىپ، دامۋ كەڭىستىگىن كەڭەيتۋ. ازيا - تىنىق مۇحيت ەركىن ساۋدا رايونى قۇرىلىسىن ىلگەرىلەتۋدەن جازباۋ كەرەك؛ قورعامپازدىققا، سىڭار جاقتىلىققا ايقىن تۋ ۇستاپ قارسى تۇرىپ، دۇنيە جۇزىلىك ساۋدا ۇيىمىن وزەك ەتكەن كوپ جاقتى ساۋدا ءتۇزىلىسىن قورعاپ، ەكونوميكانىڭ جاھاندانۋىنىڭ اناعۇرلىم اشىق، سيىسىمدى، جالپىعا ءتيىمدى، تەپە - تەڭ، بىرگە يگىلىككە كەنەلۋ باعدارىن بويلاپ دامۋىنا جەتەكشىلىك ەتىپ، ەسىك اشۋ بارىسىندا ورتاق مۇددەنى بىرگە ۇلعايتۋدى، سەلبەستىك بارىسىندا ورايدى ورتاقتاسۋدى جۇزەگە اسىرۋ كەرەك.
ەكىنشى، دامۋ بەتالىسىنا تاباندى بولىپ، حالىقتىڭ قۇت - ىرىسىن ارتتىرۋ. حالىقتىڭ قۇت - ىرىسىن ماڭداي الدى ورىنعا قويىپ، دامۋدى، سەلبەستىكتى نىعايتۋعا كۇش سالىپ، وركەندەپ كەلە جاتقان ەلدەردىڭ كەدەيلىكتەن ارىلۋىنا كومەكتەسىپ، بارلىق ەلدەردىڭ حالقىنا جاقسى تۇرمىس سيلاۋ كەرەك، مىنە بۇل ەڭ زور ادىلدىك. 2030 - جىلعا دەيىنگى باياندى دامۋ كەڭەستىك ءتارتىبىن ءوز ەلىنىڭ دامۋ ستراتەگياسىنا ەنگىزىپ، تەپە - تەڭ، بىركەلكى الەمدىك دامۋ سەرىكتەستىك قاتىناسىن بەلسەندىلىكپەن ورناتۋ كەرەك. دامىعان ەلدەر ۇكىمەتتىڭ دامۋعا جاردەم بەرۋ ۋادەسىن ورىنداپ، قالىڭ وركەندەپ كەلە جاتقان ەلدەرگە قولداۋ كورسەتۋدى كۇشەيتۋ كەرەك. «ەرەكشە جانە پارىقتى مامىلە جاساۋ» دۇنيە جۇزىلىك ساۋدا ۇيىمىنىڭ ماڭىزدى ىرگە تاسى، بۇل پرينسيپتى تەرىستەۋگە بولمايدى.
ءۇشىنشى، سيىسىمدىلىق بەتالىسىنا تاباندى بولىپ، توعىسۋدى، ءوزارا ۇلگى الۋدى جەبەۋ. تۇرلىشە وركەنيەتتىڭ، ءتۇزىمنىڭ، جولدىڭ كوپ تۇرلىلىگى جانە اۋىس - كۇيىس جاساپ، ءوزارا ۇلگى الۋ ادامزات قوعامىنىڭ العا باسۋىنا قۋاتتى قوزعاۋشى كۇش ازىرلەيدى. تاكاپپارلىق پەن سىڭار جاقتىلىقتى ازايتىپ، قۇرمەتتەۋ مەن سيىسىمدىلىقتى كوبەيتىپ، دۇنيە ءجۇزىنىڭ باي مازمۇندىلىعىنا، كوپ تۇرلىلىگىنە قۇشاق جايىپ، ورتاقتىققا ۇمتىلىپ پارىقتى ساقتاۋدى، ارتىقشىلىقتاردى قابىلداپ ولقىلىقتاردى تولىقتىرۋدى، جاراسىمدى بىرگە تۇرۋعا، سەلبەسىپ تەڭ يگىلىككە كەنەلۋگە تالپىنۋدى قۇلشىنا جۇزەگە اسىرۋ كەرەك. ءبىر ەلدىڭ قانداي جولمەن جۇرەتىندىگى جونىندە تەك سول ەلدىڭ حالقى سويلەۋ ۇقىعىنا ەڭ يە.
ءتورتىنشى، جاڭالىق اشۋ بەتالىسىنا تاباندى بولىپ، ارتۋ قاينارلارىن اشۋ. جاڭا ارتۋ قوزعاۋشى كۇشى مەن دامۋ جولى جاعىندا ىزدەنىس جاساپ، جاڭالىق اشۋعا ءتيىمسىز بارلىق ءتۇزىلىس، مەحانيزم كەدەرگىلەرىن الاستاپ، جاڭالىق اشۋدىڭ كومەسكى قۋاتى مەن بازاردىڭ ومىرشەڭدىك كۇشىن تولىق قاۋلاتىپ، جاڭالىق اشۋداعى حالىقارالىق اۋىس - كۇيىستى، سەلبەستىكتى تەرەڭدەتۋ كەرەك؛ جاڭا عىلىم - تەحنيكا توڭكەرىسى مەن كاسىپ وزگەرىسىنىڭ دۇرىس باعداردى بەتكە الىپ دامۋىنا جەتەكشىلىك ەتۋ كەرەك؛ جاڭا عىلىم - تەحنيكا توڭكەرىسى مەن كاسىپ وزگەرىسىن بەتكە العان ساياسات، ءتۇزىم جۇيەسىن ورناتۋدى بىرگە اقىلداسىپ، حالىقارالىق سەلبەستىك ورتاسىن جاراتىپ، عىلىم - تەحنيكادا جاڭالىق اشۋدىڭ تابىستارىنا ءتىپتى دە كوپ ەلدەر مەن حالىقتاردىڭ قولى جەتەتىن، ونان يگىلىكتەنەتىن، پايدالاناتىن ەتۋ كەرەك.
بەسىنشى، قاعيدا بەتالىسىنا تاباندى بولىپ، الەمدىك جونگە سالۋ جۇيەسىن كەمەلدەندىرۋ. بىرگە اقىلداسۋ، بىرگە قۇرۋ، بىرگە يگىلىككە كەنەلۋ ۇستانىمىنان جازباي، الەمدىك ەكونوميكانى جونگە سالۋ جۇيەسىندەگى وزگەرىستى ىلگەرىلەتۋ كەرەك. وزگەرىس بارىسىندا تەپە - تەڭ، اشىق، جاريا، سيىسىمدى رۋحتى ايگىلەپ، وركەندەپ كەلە جاتقان ەلدەردىڭ ۋاكىلدىگى مەن سويلەۋ ۇقىعىن جوعارىلاتۋ كەرەك.
شي جينپيڭ مىنالاردى اتاپ كورسەتتى: جۇڭگو رەفورما جاساپ، ەسىك اشقان 40 جىلدان بەرى جۇڭگو حالقى ءوزىنىڭ اقىل - پاراساتى مەن ەڭبەكشىل قوس قولىنا سۇيەنىپ ورنىنان تۇرۋدان بايۋعا، ونان قۇدىرەتتەنۋگە دەيىنگى تاريحي سەكىرىستى قارسى الىپ، جۇڭحۋا ۇلتىنىڭ ۇلى گۇلدەنۋىنىڭ شۇعىلالى ساپارىن باستادى. 40 جىلدان بەرى، جۇڭگو حالقى باتىلدىقپەن ىزدەنىس جاساپ، شىنايى يگەرىپ، ناقتى ىستەپ، جۇڭگونى دۇنيە جۇزىندەگى 2 - ءىرى ەكونوميكالىق تۇلعا ەتىپ قۇرىپ شىقتى. جۇڭگونىڭ بۇگىنى جۇڭگو حالقىنىڭ قاجىرلى ەڭبەگىنەن كەلگەن! جۇڭگو حالقى دۇنيە جۇزىنە كەڭ كوكىرەكتىكپەن قۇشاق جايادى، مەملەكەت قاقپاسىن ايقارا اشىپ قۇرىلىس جۇرگىزگەن جۇڭگو دۇنيە جۇزىندەگى ءبىرىنشى ءىرى زات ساۋداسى ەلىنە، ەڭ ءىرى ساياحات بازارىنا، 130دان استام مەملەكەتتىڭ نەگىزگى ساۋدا سەرىگىنە اينالدى. جۇڭگو حالقى نازاردى دامۋعا شوعىرلاندىرىپ، حالىققا باقىت اكەلىپ، حالىقتى وزەك ەتكەن دامۋ يدەياسىنا تاباندى بولدى، جۇڭگو حالقىنىڭ تابىس سەزىمى، باقىت سەزىمى، حاۋىپسىزدىك سەزىمى كورنەكتى جوعارىلادى. جۇڭگو حالقى ءوز دارىنىن اسىرىپ، دامۋعا بىرگە تالپىنىپ، بەيبىت دامۋ جولىمەن باستان - اياق بۇلجىماي ءجۇرىپ، الەمدىك ەكونوميكانى جونگە سالۋعا بەلسەندىلىكپەن ات سالىسىپ، قالىڭ وركەندەپ كەلە جاتقان ەلدەردىڭ دامۋىنا بەلسەندىلىكپەن قولداۋ كورسەتىپ، جاۋاپكەرشىلىكتى ماكرولىق ەكونوميكا ساياساتىن اتقارىپ، دۇنيە ءجۇزى ەكونوميكاسىنىڭ ارتۋىنا ءبىرشاما جوعارى ۇلەس مولشەرىن ساقتاپ، ازيا فينانس داعدارىسىنا، حالىقارالىق فينانس داعدارىسىنا توتەپ بەرۋگە ءوز ۇلەسىن قوسىپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋگە اقىل - پاراسات جانە كۇش - قۋات قوستى. 40 جىلدىق رەفورما جاساۋ، ەسىك اشۋ بارىسىنا قايىرىلا قاراساق، جۇڭگو حالقى تەك رەفورما جاساپ، ەسىك اشقاندا عانا جۇڭگونى دامىتۋعا بولاتىندىعىن اناعۇرلىم بەرىك تانىپ جەتتى. بولاشاقتى بەتكە العاندا، جۇڭگو اناعۇرلىم جاۋاپكەرشىلىكتى رۋحپەن، اناعۇرلىم اشىق، سيىسىمدى كوكىرەكپەن، اناعۇرلىم جوعارى ساپالى ارتۋمەن ءوزىن دامىتۋدى جۇزەگە اسىرۋمەن بىرگە، دۇنيە جۇزىندەگى ءار ەلدىڭ بىرگە كوركەيۋىنە ءتىپتى دە زور ۇلەس قوسادى.
شي جينپيڭ مىنالاردى اتاپ كورسەتتى: جۇڭگو بازارعا كىرۋگە رۇقسات ەتۋدى ۇزدىكسىز زور مولشەردە كەڭەيتىپ، ءبىلىم مەنشىگى ۇقىعىن قورعاۋدى كۇشەيتىپ، يمپورتتى ىرىقتىلىقپەن ۇلعايتادى. جۇڭگو ىشكى قارجىلى كاسىپورىندار مەن شەتەل قارجى قوسقان كاسىپورىنداردى بىردەي كورىپ، تەڭ مامىلە جاسايدى، ءتۇرلى كاسىپورىنداردىڭ ءادىل باسەكەگە ءتۇسۋىن قارسى الادى جانە وعان شابىت بەرەدى ءارى ولاردىڭ زاڭدى ۇقىق - مۇددەسىن تولىق قامتاماسىز ەتەدى. ءبىر اپتانىڭ الدىندا، تۇڭعىش كەزەكتى جۇڭگو حالىقارالىق يمپورت كورمەسى شاڭحايدا ءساتتى وتكىزىلدى. جۇڭگو ساۋدانى ەركىندەندىرۋگە قولداۋ كورسەتۋ، ىرىقتى تۇردە دۇنيە جۇزىنە بازارىن اشۋ بەكىمىن ءوز ارەكەتىمەن دالەلدەدى. جۇڭگونىڭ ءبىر ميلليارد 400 ميلليونعا جۋىق جان سانىندىق ءىرى بازارىنىڭ، ءسوزسىز، دۇنيە ءجۇزى ەكونوميكاسىنىڭ ارتۋ قاينارىنا، ومىرشەڭدىك كۇش قاينارىنا اينالاتىندىعىنا سەنەمىن.
شي جينپيڭ مىنالاردى باسا دارىپتەدى: «ءبىر بەلدەۋ، ءبىر جولدى» بىرگە قۇرۋ اشىق سەلبەستىك تەكشەسى، ونىڭ ۇستانعانى بىرگە اقىلداسۋ، بىرگە قۇرۋ، بىرگە يگىلىككە كەنەلۋ نەگىزگى پرينسيبى، ول جۇڭگونىڭ ورايدى ورتاق يگىلىكتەنەتىن، دامۋدى بىرگە جوسپارلايتىن جارقىن جولى. جۇڭگو كەلەر جىلى 4 - ايدا بەيجيڭدە 2 - كەزەكتى «ءبىر بەلدەۋ، بىر جول» حالىقارالىق سەلبەستىك جوعارى دارەجەلىلەر تالقى مىنبەرىن وتكىزەدى. ازيا - تىنىق مۇحيت ونەركاسىپ - ساۋدا سالاسىنداعى دوستاردىڭ بەلسەندىلىكپەن قاتىناسۋىن قارسى الامىز.
شي جينپيڭ مىنالاردى باسا دارىپتەدى: ونەركاسىپ - ساۋدا سالاسى ازيا - تىنىق مۇحيت جانە دۇنيە ءجۇزى ەكونوميكاسى ارتۋىنا جەتەكشىلىك ەتەتىن ماڭىزدى كۇش. كاسىپورىنشىلاردىڭ ءار ەلدىڭ بەلسەندى دە ناقتى ساياساتتاردى جولعا قويۋىن ۇزدىكسىز جەبەپ، ەكونوميكالىق، تەحنيكالىق سەلبەستىكتى كەڭىنەن ورىستەتىپ، ازيا - تىنىق مۇحيت ءوڭىرىنىڭ، ءتىپتى، دۇنيە ءجۇزىنىڭ بىرگە دامۋىنا، گۇلدەنۋىنە جاڭا ءورىس اشۋىن ءۇمىت ەتەمىن. رولدى ورنىقتى ۇستاپ، باعداردى دۇرىس يگەرىپ، ەسكەكتى كۇش قوسا ەسىپ، تولقىن جارا ىلگەرىلەپ، دۇنيە ءجۇزى ەكونوميكاسىنىڭ الىپ كەمەسىن بىرگە جۇرگىزىپ، ءتىپتى دە تاماشا كەلەشەكتى بەتكە الايىق!
پاپۋا - جاڭا گۆينەياسىنىڭ زۇڭليى ونيل قاتىناستى.
ديڭ شۋەشياڭ، ياڭ جيەچى، ۋاڭ ي، حى ليفىڭ قاتارلىلار جوعارىداعى قيمىلعا قاتىناستى.
سول كۇنى شي جينپيڭ ازيا - تىنىق مۇحيت ەكونوميكالىق سەلبەستىك ۇيىمى باسشىلارىنىڭ ونەركاسىپ - ساۋدا اقىل - كەڭەس القالار كەڭەسىنىڭ ۋاكىلدەرىمەن كەڭەسۋ ماجىلىسىنە دە قاتىناسىپ، ۋاكىلدەرمەن اشىق دۇنيە ءجۇزى ەكونوميكاسىن ورناتۋ، «ءبىر بەلدەۋ، ءبىر جولدى» بىرگە قۇرۋ سياقتىلار جونىندە كوزقاراس اۋىستىردى.
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
