شي جينپيڭ پاپۋا - جاڭا گۆينەياسىنىڭ زۇڭليى ونيلمەن كەڭەس وتكىزدى
2018.11.19 16:28 كەلۋ قاينارى : شينجياڭ گازەتى
شينحۋا اگەنتتىگىنىڭ 11 - ايدىڭ 16 - كۇنى پورت مورسبيدەن بەرگەن حابارى (تىلشىلەر سۇن يۇڭ، حۋاڭيىن جيازى). مەملەكەت ءتوراعاسى شي جينپيڭ 11 - ايدىڭ 16 - كۇنى پورت مورسبيدە پاپۋا - جاڭا گۆينەياسىنىڭ زۇڭليى ونيلمەن كەڭەس وتكىزدى. ەكى ەل باسشىلارى جۇڭگونىڭ پاپۋا - جاڭا گۆينەياسىمەن بولعان ءداستۇرلى دوستىعىن بەلسەنە باعالاپ، ەكى جاقتى قاتىناستى دامىتۋدىڭ جاڭا جوباسىن جاساپ، جۇڭگو مەن پاپۋا - جاڭا گۆينەياسىنىڭ ءوزارا قۇرمەت ەتەتىن، بىرگە داميتىن جالپى بەتتىك ستراتەگيالىق سەرىكتەستىك قاتىناسىن ورناتۋدى ءبىر اۋىزدان ۇيعاردى.
شي جينپيڭ مىنانى ءبىلدىردى: پاپۋا - جاڭا گۆينەياسى ۇكىمەتى مەن حالقىنىڭ بۇل رەتكى ساپارىمدا مەنى ىقىلاستى، سالتاناتتى كۇتىپ العاندىعىنا جانە قارسى العاندىعىنا العىس ايتامىن. ءبىز قارسى الا شىققان بۇقارانىڭ جۇزدەرىنەن ەسكەن جايدارلى بەينەنى كوردىك، ولاردىڭ دوستىق ىقىلاسىن سەزىندىك. بۇل پاپۋا - جاڭا گۆينەياسى حالقىنىڭ جۇڭگو حالقىنا دەگەن تەرەڭ دوستىعىنىڭ ناقتى كۋاسى ءارى كوپ جىلداردان بەرگى جۇڭگو مەن پاپۋا - جاڭا گۆينەياسى قارىم - قاتىناسى دامۋىنىڭ، جۇڭگو مەن پاپۋا - جاڭا گۆينەياسى سەلبەستىگى جەتىستىگىنىڭ ەڭ تاماشا بەينەسى.
شي جينپيڭ مىنانى اتاپ كورسەتتى: تاياۋ جىلداردان بەرى، ەكى ەلدىڭ جوعارى جىكتەگىلەرىنىڭ بارىس - كەلىسى جيىلەپ، ناقتى ىستەر سەلبەستىگىنىڭ ناتيجەسى قوماقتى بولدى. جۇڭگو پاپۋا - جاڭا گۆينەياسىنىڭ ءوز ەلىنىڭ مەملەكەت جاعدايىنا ۇيلەسەتىن دامۋ جولىن دەربەس تاڭداۋىن باتىل قولدايدى، پاپۋا - جاڭا گۆينەياسى ۇكىمەتىنىڭ ءبىر جۇڭگو ساياساتىن باتىل اتقارعاندىعىن بارىنشا القايدى. ەكى جاقتى قاتىناسقا ساياسي جەتەكشىلىكتى كۇشەيتۋ ءۇشىن، ەكى جاق ءوزارا قۇرمەت ەتەتىن، بىرگە داميتىن جالپى بەتتىك، ستراتەگيالىق سەرىكتەستىك قاتىناس ورناتۋدى ۇيعاردى. بۇل ەكى ەلدىڭ ءداستۇرلى دوستىعىنىڭ بەينەسى ءارى ەكى جاقتىڭ بارىس - كەلىستى، سەلبەستىكتى اناعۇرلىم ىلگەرىلەتۋىنە قۇدىرەتتى قوزعاۋشى كۇش ۇستەيدى. جۇڭگو جاق پاپۋا - جاڭا گۆينەياسىمەن بىرگە ءوزارا سەنىمدىلىكتى كۇشەيتىپ، سەلبەستىكتى تەرەڭدەتىپ، دوستىقتى نىعايتىپ، جۇڭگو مەن پاپۋا - جاڭا گۆينەياسىنىڭ جالپى بەتتىك، ستراتەگيالىق سەرىكتەستىك قاتىناسىنىڭ ۇزدىكسىز تىڭ ساتىعا كوتەرىلۋىن ىلگەرىلەتۋدى قالايدى.
شي جينپيڭ مىنانى باسا دارىپتەدى: ەكى جاق جوعارى جىكتەگىلەردىڭ بارىس - كەلىسىن جەتەكشى ەتىپ، ستراتەگيالىق سەنىمدىلىكتى كۇشەيتۋ كەرەك. ءار جىكتەگى، ءار سالاداعى ادامداردىڭ بارىس - كەلىسىن ۇزدىكسىز ىلگەرىلەتىپ، ساياسي پارتيالاردىڭ، پارلامەنتتەردىڭ، جەرگىلىكتى ورىنداردىڭ، حالىقتىڭ اۋىس - ءتۇيىسىن كۇشەيتۋ كەرەك. ناقتى ىستەر سەلبەستىگىن تىرەك ەتىپ، ءوزارا تيىمدىلىك جاساپ، تەڭ يگىلىككە كەنەلۋدى جۇزەگە اسىرۋ كەرەك. پاپۋا - جاڭا گۆينەياسى 21 - عاسىرداعى تەڭىز جىبەك جولىنا تابيعي كوسىلە ورنالاسقان، تىنىق مۇحيتتاعى ارال ەلدەرى وڭىرىندە العاش رەت جۇڭگومەن «ءبىر بەلدەۋ، ءبىر جولدى» بىرگە قۇرۋ سەلبەستىك كەلىسىمىنە قول قويعان مەملەكەت. ەكى جاق «ءبىر بەلدەۋ، ءبىر جول» جۇلگەسىندە دامۋدىڭ ستراتەگيالىق ۇشتاسۋىن كۇشەيتىپ، ەكى جاقتىڭ ەركىن ساۋدا كەلىسىمى كەلىسسوزىن كۇنى بۇرىن باستاۋىنا ۇمتىلىس جاساۋ جونىندە ءبىر اۋىزدىلىققا كەلىپ، ءوندىرىس قۋاتى، ەكونوميكا - ساۋدا، قارجى قوسۋ، قارجى قۇراۋ سياقتى سالالارداعى ءوزارا تيىمدىلىك جاساۋ سەلبەستىگىن بەلسەنە ىلگەرىلەتۋ كەرەك. گۋمانيتارلىق اۋىس - ءتۇيىستى نەگىز ەتىپ، حالىقتار ارا دوستىقتى بەرىك ورناتۋ كەرەك. ادامداردىڭ بارىس - كەلىسىنە قولايلىلىق اكەلۋ، ادام كۇشى بايلىعىن اشۋ، وقۋ - اعارتۋ، دەنساۋلىق ساقتاۋ، ساياحات سياقتى سەلبەستىكتى ىلگەرىلەتۋ كەرەك. كوپ جاقتى سايكەسۋدى تۇعىر ەتىپ، سەلبەستىك مازمۇنىن بايىتۋ كەرەك. جۇڭگو جاق پاپۋا - جاڭا گۆينەياسىمەن ب م ۇ، ازيا - تىنىق مۇحيت ەكونوميكالىق سەلبەستىك ۇيىمى، شىعىس وڭتۇستىك ازيا وداعى وڭىرلىك تالقى مىنبەرى، تىنىق مۇحيتتاعى ارال ەلدەرى تالقى مىنبەرى سياقتى كوپ جاقتى جۇلگەدە كەڭەسۋ مەن سايكەسۋدى كۇشەيتۋدى قالايدى. جۇڭگو جاق پاپۋا - جاڭا گۆينەياسىنىڭ ازيا - تىنىق مۇحيت ەكونوميكالىق سەلبەستىك ۇيىمى باسشىلارىنىڭ بەيرەسمي ءماجىلىسىن ويداعىداي وتكىزۋىن قولدايدى، ءماجىلىستىڭ تولىق تابىستى بولۋىن تىلەيدى.
ونيل مىنانى ءبىلدىردى: پاپۋا - جاڭا گۆينەياسىنىڭ جان سانى كوپ بولماعانىمەن، الايدا پاپۋا - جاڭا گۆينەياسى حالقىنىڭ ءتوراعا شي جينپيڭدى قارسى الۋ ىنتاسى زور. ءسىزدىڭ ساپارىڭىز جۇڭگونىڭ مەملەكەت ءتوراعاسىنىڭ پاپۋا - جاڭا گۆينەياسىنا جاساعان العاشقى ساپارى، بۇل ءبىز جونىنەن ماڭىزدى تاريحي ءسات. پاپۋا - جاڭا گۆينەياسى جۇڭگومەن ديپلوماتيالىق قاتىناس ورناتقاننان بەرى، ەكى ەل قاتىناسىنىڭ دامۋى تەبىندى بولدى. پاپۋا - جاڭا گۆينەياسى ءبىر جۇڭگو ساياساتىن تاباندىلىقپەن اتقارادى. جۇڭگونىڭ ۇزاق ۋاقىتتان بەرى پاپۋا - جاڭا گۆينەياسىنىڭ ەكونوميكالىق، قوعامدىق دامۋىنا كورسەتكەن قىمباتتى قولداۋىنا، جۇڭگو ەمدەۋ اترەتىنىڭ پاپۋا - جاڭا گۆينەياسىنىڭ شەت - شالعاي وڭىرلەردە بەزگەكتەن ساقتانۋىنا جانە ونى تىزگىندەۋىنە كورسەتكەن كومەگىنە، سونداي - اق جۇڭگو جاقتىڭ پاپۋا - جاڭا گۆينەياسىندا تاياۋدا تۋىلعان جەر سىلكىنىسىنەن كەيىنگى اپاتتان قۇتقارۋىنا، قايتا قۇرۋىنا دەر كەزىندە قول ۇشىن بەرگەندىگىنە العىس ايتادى، جۇڭگو جاقتىڭ پاپۋا - جاڭا گۆينەياسىنىڭ وسى رەتكى ازيا - تىنىق مۇحيت ەكونوميكالىق سەلبەستىك ۇيىمى باسشىلارىنىڭ بەيرەسىمي ءماجىلىسىن وتكىزۋىنە قولداۋ كورسەتكەندىگىنە العىس ايتادى. ۇلى «ءبىر بەلدەۋ، ءبىر جول» دارىپتەمەسى تىنىق مۇحيت ارال ەلدەرى ءوڭىرىنىڭ ءوزارا بايلانىس جاساۋىنا، ءوزارا حابارلاسۋىنا جانە نەگىزدىك قۇرىلعى قۇرىلىسىن كۇشەيتۋگە پايدالى. پاپۋا - جاڭا گۆينەياسى «ءبىر بەلدەۋ، ءبىر جولدى» بىرگە قۇرۋعا بەلسەنە ات سالىسىپ، جۇڭگومەن ەكونوميكا - ساۋدا، ءوندىرىس قۋاتى، ساياحات، نەگىزدىك قۇرىلعى قۇرىلىسى، وقۋ - اعارتۋ، جەرگىلىكتى ورىندار سياقتى سالالارداعى اۋىس - ءتۇيىستى، سەلبەستىكتى كۇشەيتىپ، ەركىن ساۋدا كەلىسىمى كەلىسسوزىن تەز ارادا باستاۋدى قالايدى. پاپۋا - جاڭا گۆينەياسى جۇڭگونىڭ حالىقارالىق ىستەردە قاعيدا نەگىزىندەگى حالىقارالىق تارتىپكە تاباندى بولعاندىعىنا وسكەلەڭ باعا بەرەدى، كوپ جاقتى قۇرىلىمدى قولدايدى، جۇڭگو جاقتىڭ بەلسەندى باسشىلىق رول اتقارعاندىعىن القايدى جانە قولدايدى، ەكى جاقتى سايكەستىك پەن سەلبەستىكتى كۇشەيتىپ، تىنىق مۇحيتتاعى ارال ەلدەرىنىڭ جۇڭگومەن كەڭەسۋدى تەرەڭدەتۋىن قولداپ، بالىق شارۋاشىلىعى، ساياحات، كليمات وزگەرىسى سياقتى سالالاردا سەلبەستىكتى كۇشەيتۋدى قالايدى.
كەڭەستەن كەيىن ەكى ەل باسشىلارى كوپ ءتۇرلى ەكى جاقتى سەلبەستىك حۇجاتىنا قول قويۋعا بىرگە كۋا بولدى.
ديڭ شۋەشياڭ، ياڭ جيەچى، ۋاڭ ي، حى ليفىڭ قاتارلىلار جوعارىداعى قيمىلدارعا قاتىناستى.
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
