شي جينپيڭ پاپۋا - جاڭا گۆينەياسىنىڭ گۋبەرناتورى دادايمەن كەزدەستى
2018.11.19 16:28 كەلۋ قاينارى : شينجياڭ گازەتى
شينحۋا اگەنتتىگىنىڭ 11 - ايدىڭ 16 - كۇنى پورت مورسبيدەن بەرگەن حابارى (تىلشىلەر حۋاڭيىن جيازى، جياڭ گوپىڭ). مەملەكەت ءتوراعاسى شي جينپيڭ 11 - ايدىڭ 16 - كۇنى پورت مورسبيدە پاپۋا - جاڭا گۆينەياسىنىڭ گۋبەرناتورى دادايمەن كەزدەستى.
شي جينپيڭ مىنانى اتاپ كورسەتتى: بۇل مەنىڭ كورىكتى پاپۋا - جاڭا گۆينەياسىنا العاش رەت ساپارلاي كەلۋىم ءارى جۇڭگونىڭ مەملەكەت ءتوراعاسىنىڭ پاپۋا - جاڭا گۆينەياسىندا تۇڭعىش رەت ساپاردا بولۋى، پاپۋا - جاڭا گۆينەياسى ۇكىمەتى مەن حالقىنىڭ ىستىق ىقىلاسپەن قارسى العاندىعىنا العىس ايتامىن. جۇڭگو مەن پاپۋا - جاڭا گۆينەياسىنىڭ بارىس - كەلىسى ۇزاقتان جالعاسىپ كەلەدى. 1976 - جىلى ديپلوماتيالىق قارىم - قاتىناس ورناتقاننان بەرى، جۇڭگو مەن پاپۋا - جاڭا گۆينەياسىنىڭ ءتۇرلى سالاداعى سەلبەستىگى جەدەل كەڭەيىپ، ەكى ەل قاتىناسىنىڭ ونان ارى العا دامۋىنا بەرىك نەگىز قالادى. جۇڭگو پاپۋا - جاڭا گۆينەياسىمەن قارىم - قاتىناسىنا ايرىقشا ءمان بەرەدى، وسى رەتكى ساپارىمنىڭ ەكى جاقتى قاتىناستى ونان ارى نىعايتىپ، ەكى ەلدىڭ جان - جاقتى بارىس - كەلىس جاساۋ ءورىسىن كەڭەيتىپ، ەكى ەل حالقى اراسىنداعى دوستىق اۋىس - ءتۇيىستى جەبەپ، ەكى ەلدىڭ كەڭ سالاداعى ناقتى سەلبەستىگىندە قوماقتى تابىسقا قول جەتكىزۋىن ىلگەرىلەتۋىن ءۇمىت ەتەمىن. جۇڭگو پاپۋا - جاڭا گۆينەياسىن قامتىعان تىنىق مۇحيتتاعى ارال ەلدەرىمەن ىنتىماقتى، سەلبەستىكتى كۇشەيتۋگە مىزعىماي كۇش سالادى.
داداي مىنانى ءبىلدىردى: ءتوراعا شي جينپيڭنىڭ پاپۋا - جاڭا گۆينەياسىندا مەملەكەتتىك ساپاردا بولعاندىعىن قارسى الامىز، بۇل − پاپۋا - جاڭا گۆينەياسى جونىنەن ۇزاق جىلداردان بەرى وڭاي قولعا كەلمەگەن كەلەلى ءىس. پاپۋا - جاڭا گۆينەياسى مەن جۇڭگونىڭ دوستىعى تەرەڭ. 100 نەشە جىلدىڭ الدىندا، جۇڭگولىقتار پاپۋا - جاڭا گۆينەياسىنا كەلىپ دامىعان. پاپۋا - جاڭا گۆينەياسى تاۋەلسىزدىك الىپ كەلەسى جىلى جۇڭحۋا حالىق رەسپۋبليكاسىمەن ديپلوماتيالىق قارىم - قاتىناس ورناتتى. ءتوراعا شي جينپيڭنىڭ وسى رەتكى ساپارى − ەكى ەل قاتىناسىنىڭ ەسكەرتكىشى. جۇڭگونىڭ پاپۋا - جاڭا گۆينەياسىنىڭ نەگىزدىك قۇرىلعى قۇرىلىسى، وقۋ - اعارتۋ، دەنساۋلىق ساقتاۋ سياقتى مەملەكەتتىڭ دامۋى مەن حالىق تۇرمىسى سالاسىنا كورسەتكەن قۇندى كومەگىنە، پاپۋا - جاڭا گۆينەياسىنىڭ ازيا - تىنىق مۇحيت ەكونوميكالىق سەلبەستىك ۇيىمىنا مۇشە ەلدەر باسشىلارىنىڭ بەيرەسمي كەڭەسىن جاۋاپتى بولىپ وتكىزۋىن بار كۇشپەن قولداعاندىعىنا العىس ايتامىز. پاپۋا - جاڭا گۆينەياسى جۇڭگومەن بىرگە قۇلشىنىپ، ەكى ەل قاتىناسىنىڭ مۇنان دا جوعارى ساتىعا كوتەرىلۋىن جەبەۋدى قالايدى.
كەزدەسۋدەن ىلگەرى داداي پارلامەنت سارايىنىڭ الدىنداعى الاڭدا شي جينپيڭدى قارسى الىپ سالتاناتتى سالت وتكىزدى. ءداستۇرلى كيىم كيىنگەن پاپۋا - جاڭا گۆينەياسىنداعى حالىق جولدىڭ ەكى جاعىندا تۇرىپ شاتتانا بيگە باسىپ، بارابان سوعىپ، شي جينپيڭنىڭ كەلگەندىگىن قىزۋ قارسى الدى.
جەرگىلىكتى ۋاقىت ساعات 10نان 30 مينۋت وتكەندە، شي جينپيڭ اۆتوكولىكپەن پارلامەنت سارايىنا كەلگەندە، داداي ىستىق ىقىلاسپەن قارسى الدى. ەكى ەل باسشىلارى قۇرمەت قاراۋىلى مىنبەسىنە شىقتى. اسكەري وركەستر جۇڭگو مەن پاپۋا - جاڭا گۆينەياسىنىڭ مەملەكەت ءانىن ورىندادى. الاڭدا 21 رەت ساليۋت اتىلدى. شي جينپيڭ دادايدىڭ سەرىك بولۋىندا قۇرمەت قاراۋىلىن كوزدەن كەشىردى. كوزدەن كەشىرۋ اياقتاعان سوڭ، شي جينپيڭ پاپۋا - جاڭا گۆينەياسى جاقتىڭ نەگىزگى مانساپتىلارىمەن قول الىستى، داداي جۇڭگو جاقتان سەرىك بولىپ كەلگەندەرمەن قول الىستى. ەكى ەل باسشىلارى پارلامەنت سارايىنىڭ كەزدەسۋ زالىنا قاراي بىرگە ءجۇردى، پاپۋا - جاڭا گۆينەياسىنىڭ پارلامەنت باستىعى بومات سياقتىلار سارايدىڭ سىرتىندا قارسى الدى جانە كەزدەسۋدە بىرگە بولدى.
ديڭ شۋەشياڭ، ياڭ جيەچى، ۋاڭ ي، حى ليفىڭ قاتارلىلار جوعارىداعى قيمىلدارعا قاتىناستى.
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
