شي جينپيڭ مەن پاپۋا - جاڭا گۆينەياسىنىڭ زۇڭليى جۇڭگونىڭ كومەگىمەن سالىنعان تاۋەلسىزدىك داڭعىلىن پايدالانۋعا تاپسىرىپ بەرۋ، بۋتۋكا مەكتەپ اۋلاسىنىڭ ىسكە قوسىلۋ سالتىنا بىرگە قاتىناستى
2018.11.19 16:31 كەلۋ قاينارى : شينجياڭ گازەتى
شينحۋا اگەنتتىگىنىڭ 11 - ايدىڭ 16 - كۇنى پورت مورسبيدەن بەرگەن حابارى (تىلشىلەر حو شياۋگۋاڭ، لو جۇن). مەملەكەت ءتوراعاسى شي جينپيڭ 11 - ايدىڭ 16 - كۇنى پورت مورسبيدا پاپۋا - جاڭا گۆينەياسىنىڭ زۇڭليى ونيلمەن بىرگە جۇڭگونىڭ كومەگىمەن سالىنعان تاۋەلسىزدىك داڭعىلىن پايدالانۋعا تاپسىرىپ بەرۋ سالتىنا قاتىناستى.
شي جينپيڭ تاۋەلسىزدىك داڭعىلىنا جەتكەندە، ونيل اۆتوكولىك توقتاعان جەردەن كۇتىپ الدى. ەكى ەل باسشىلارى قىزىل كىلەم توسەلگەن جولمەن سيلى قوناقتار ورنىنا قاراي ءجۇردى. جاڭادان سالىنعان تاۋەلسىزدىك داڭعىلىنىڭ ەكى شەتىنە جۇڭگو جانە پاپۋا - جاڭا گۆينەياسىنىڭ مەملەكەت تۋى جانە نارت قىزىل جۇڭگو تۇيىنشەگى ءىلىنىپ، بارلىق جەر مەرەكە شاتتىعىنا شومعان. جۇڭگو جاقتان تاۋەلسىزدىك داڭعىلىن سالۋعا قاتىناسقان قۇرىلىس تەحنيكتەرى ەكى ەل باسشىلارىن قىزۋ شاپالاق سوعىپ قارسى الدى. جەرگىلىكتى ەرەكشەلىكتە كيىنگەن پاپۋا - جاڭا گۆينەياسى حالقى وزگەشە ۇلگىدەگى تايپا ۇلتتار ءبيىن بيلەپ، ەڭ قۇرمەتتى قوناقتاردى قىزۋ مەرەيمەن قارسى الدى.
پايدالانۋ سالتى باستالعاننان كەيىن، شي جينپيڭ مەن ونيل جەكە - جەكە ءسوز سويلەدى.
شي جينپيڭ، ەڭ الدىمەن، ەكى ەلدەن قۇرىلىسقا بىرگە ات سالىسقان قۇرىلىس تەحنيكتەرىنە شىن جۇرەكتەن العىس ايتتى جانە ولاردى قىزۋ قۇتتىقتادى. شي جينپيڭ مىنانى اتاپ كورسەتتى: پاپۋا - جاڭا گۆينەياسى الدا ازيا - تىنىق مۇحيت ەكونوميكالىق سەلبەستىك ۇيىمىنا مۇشە ەلدەر باسشىلارىنىڭ 26 - رەتكى بەيرەسمي كەڭەسىن وتكىزبەكشى، بۇل پاپۋا - جاڭا گۆينەياسى، ءتىپتى، بۇكىل تىنىق مۇحيتتاعى ارال ەلدەرى جونىنەن سالتاناتتى ءىس سانالادى. پاپۋا - جاڭا گۆينەياسىنىڭ جاقسى دوسى، جاقىن سەرىگى تۇرعىسىنان، جۇڭگو پاپۋا - جاڭا گۆينەياسىنىڭ كەڭەس وتكىزۋىنە شاماسىنىڭ جەتىسىنشە قولداۋ كورسەتىپ، كومەك بەرىپ كەلەدى. تاۋەلسىزدىك داڭعىلى جۇڭگو حالقى مەن پاپۋا - جاڭا گۆينەياسى حالقىنىڭ تەرەڭ دوستىعىن جالعاپ، جۇڭگو حالقىنىڭ پاپۋا - جاڭا گۆينەياسى حالقىنا دەگەن ىزگى تىلەگىن ارقالاعان. قۇرىلىس مىندەتىن ۇستىنە العان جۇڭگو كاسىپورىندارى ەڭ جوعارى ولشەممەن، ەڭ تەز جىلدامدىقپەن قۇرىلىستىڭ ۋاعىندا، ساپالى اياقتالۋىنا كەپىلدىك ەتتى. تاۋەلسىزدىك داڭعىلىنىڭ جەرگىلىكتى حالىققا مۇنان دا كوپ قولايلىلىق جاراتىپ، گۇلدەنىپ - كوركەيۋگە باستايتىندىعىنا سەنەمىن. جۇڭگو پاپۋا - جاڭا گۆينەياسىمەن ءوزارا سەنىمدىلىكتى ارتتىرىپ، اۋىس - ءتۇيىس اياسىن كەڭەيتىپ، سەلبەستىكتى كۇشەيتىپ، گۇلدەنىپ - كوركەيۋ جولىن، ەسىك اشۋ جولىن، دوستىق جولىن بىرگە جوبالاپ، بىرگە سالۋدى قالايدى.
ونيل بىلاي دەدى: ءتوراعا شي جينپيڭمەن بىرگە تاۋەلسىزدىك داڭعىلىن پايدالانۋعا تاپسىرىپ بەرۋ سالتىنا قاتىناسقانىما توتەنشە قۋانىشتامىن. جۇڭگونىڭ ۇزاق ۋاقىتتان بەرى پاپۋا - جاڭا گۆينەياسىنا بار كۇشپەن كومەك كورسەتىپ كەلگەندىگىنە العىس ايتامىن. بۇل قۇرىلىس − پاپۋا - جاڭا گۆينەياسى مەن جۇڭگونىڭ دوستىعىنىڭ سيمۆولى، جۇڭگونىڭ پاپۋا - جاڭا گۆينەياسىنا كورسەتكەن ماڭىزدى قولداۋىن ايگىلەيدى. بۇگىنگى كۇن − پاپۋا - جاڭا گۆينەياسى مەن جۇڭگو قارىم - قاتىناسىنداعى تاعى ءبىر ماڭىزدى ءسات بولماق، تاۋەلسىزدىك داڭعىلىنىڭ ىسكە قوسىلۋى ەكى ەل قارىم - قاتىناسىنداعى بەلەسكە اينالارى، ءشۇباسىز. جۇڭگو − پاپۋا - جاڭا گۆينەياسىنىڭ جاقسى دوسى، جۇڭگولىق دوستاردىڭ كەلۋىن قارسى الامىز. پاپۋا - جاڭا گۆينەياسىنىڭ ەلدى دامىتۋ مىندەتى اۋىر، جولى ۇزاق، ءبىز جۇڭگومەن قۋاتتى سەرىكتەستىك قارىم - قاتىناستى ساقتاۋدى قالايمىز.
ءسوز سويلەگەننەن كەيىن، ەكى ەل باسشىلارى قۇرىلىس بەلگى ەسكەرتكىشىنە جابىلعان قىزىل تورعىندى بىرگە اشتى. تاۋەلسىزدىك داڭعىلى رەسمي ىسكە قوسىلدى.
شي جينپيڭ اۆتوكولىككە وتىرىپ قايتۋعا جول العاندا، پاپۋا - جاڭا گۆينەياسىنىڭ جەر - جەرىندەگى ۇقساماعان تايپالاردان كەلگەن جۇرتشىلىق ءتۇرلى ەرەكشەلىكتەگى كيىمدەرىن كيىپ جولدىڭ ەكى جاعىندا تۇردى، ولاردىڭ كەيبىرى مەملەكەت تۋىن بۇلعاسا، كەيبىرى بۇرالا بيگە باسىپ، قۋانىشتارىن جەتكىزىپ، قارسى الاتىندىقتارىن ءبىلدىردى.
تاۋەلسىزدىك داڭعىلى پاپۋا - جاڭا گۆينەياسىنىڭ پارلامەنت سارايى مەن قالا ىستەرى نەگىزگى داڭعىلىن تۇتاستىرىپ، جەرگىلىكتى ورىنعا ءتىپتى دە قولايلى، ءتىپتى دە تەز قاتىناس شارت - جاعدايىن جاراتىپ بەرەدى.
ديڭ شۋەشياڭ، ياڭ جيەچى، ۋاڭ ي، حى ليفىڭ قاتارلىلار جوعارىداعى قيمىلعا قاتىناستى.
شينحۋا اگەنتتىگىنىڭ 11 - ايدىڭ 16 - كۇنى پورت مورسبيدەن بەرگەن حابارى (تىلشىلەر حاۋ ۋي - ۋي، چىن جى). مەملەكەت ءتوراعاسى شي جينپيڭ 11 - ايدىڭ 16 - كۇنى پورت مورسبيدە پاپۋا - جاڭا گۆينەياسىنىڭ زۇڭليى ونيلمەن بىرگە جۇڭگو كومەكتەسىپ سالعان بۋتۋكا مەكتەپ اۋلاسىنىڭ ىسكە قوسىلۋ سالتىنا قاتىناستى.
بۋتۋكا مەكتەپ اۋلاسىنىڭ سىرتىنا وسى كۇندى ءتورت كوزبەن كۇتىپ، قۋانىشى قوينىنا سيماعان جەرگىلىكتى ورىننىڭ حالقى جينالدى، «ءتوراعا شي جينپيڭنىڭ بىزگە كومەكتەسىپ مەكتەپ جانە جول سالىپ بەرگەندىگىنە العىس ايتامىز» دەگەن جازۋ جازىلعان كەرمە تۋ ەرەكشە كوزگە تۇسەدى. شي جينپيڭ اۆتوموبيلمەن كەلگەندە، ونيلدىڭ قىزۋ قارسى الۋىنا بولەندى. وقۋشىلار ۋاكىلى شي جينپيڭگە گۇل ۇسىندى.
شي جينپيڭ ونيلدىڭ سەرىك بولۋىندا مەكتەپ اۋلاسىنىڭ ورتاسىنداعى جولمەن العا تارتتى. مىڭنان استام وقىتۋشى - وقۋشى جولدىڭ ەكى جاعىندا تۇرىپ قارسى الدى، ولار قولدارىنداعى جۇڭگونىڭ جانە پاپۋا - جاڭا گۆينەياسىنىڭ مەملەكەت تۋىن بۇلعاپ شاتتاندى. شي جينپيڭ ونيلمەن بىرگە مەكتەپ اۋلاسىنىڭ ماڭدايشالىعىن اشتى. ولاردىڭ ارتىنداعى كەرمە تۋدا «سەلبەسىپ، تەڭ يگىلىككە كەنەلىپ، جۇڭگو مەن پاپۋا - جاڭا گۆينەياسىنىڭ تاعدىرلاس ورتاق تۇلعاسىن قول ۇستاسا بىرگە قۇرايىق؛ اۋىس - ءتۇيىستى تەرەڭدەتىپ، جۇڭگو مەن پاپۋا - جاڭا گۆينەياسىنىڭ دوستىعىنىڭ تىڭ پاراعىن بىرگە جازايىق» دەگەن جازۋ جازىلعان. ەكى ەل باسشىلارى وقۋشىلارمەن بىرگە ەستەلىك سۋرەتكە ءتۇستى، سونداي - اق ولار ورىنداعان جەرگىلىكتى ءداستۇرلى ءبيدى تاماشالادى.
شي جينپيڭ مەن ونيل مەكتەپ عيماراتىنىڭ كوپ رولدى زالىنا كىرگەندە، وقۋشىلار حانزۋشا، اعىلشىنشا «قارسى الامىز» دەپ الاقايلادى. حور ۇيىرمەسى جۇڭگونىڭ حالىق ءانى «موليحۋانى» بار ىقىلاستارىمەن بەرىلە ورىندادى، شي جينپيڭ قۋانىشتى تۇردە ولارمەن قول الىستى.
ەكى ەل باسشىلارى جەكە - جەكە ءسوز سويلەدى. شي جينپيڭ مىنالاردى اتاپ كورسەتتى: جاقىنعى جىلداردان بەرى، جۇڭگونىڭ پاپۋا - جاڭا گۆينەياسىمەن گۋمانيتارلىق، وقۋ - اعارتۋ سالالارىنداعى بارىس - كەلىسى بارعان سايىن نىعايىپ، جەرگىلىكتى ورىنداردىڭ سەلبەستىگى قاۋىرت دامىدى. بۋتۋكا مەكتەپ اۋلاسى − جۇڭگونىڭ گۋاڭدۇڭ ولكەسى مەن شىنجىن قالاسىنىڭ پاپۋا - جاڭا گۆينەياسى استاناسىنىڭ اكىمشىلىك رايونىمەن دوستىق سەلبەستىگىنىڭ جەمىسى. دارىندى − ءبىرىنشى بايلىق. بالىق بەرگەننەن بالىق اۋلاۋدى ۇيرەتكەن ابزال. جۇڭگونىڭ پاپۋا - جاڭا گۆينەياسىنا كومەكتەسىپ بۋتۋكا مەكتەپ اۋلاسىن سالۋداعى ماقساتى − پاپۋا - جاڭا گۆينەياسىنىڭ دارىندى جەتىلدىرۋىنە كومەكتەسۋ. دارىندىلار كوپتەپ شىقسا، ءسوز جوق، پاپۋا - جاڭا گۆينەياسىنىڭ باياندى دامۋىن ىسكە اسىرىپ، كەنجەلىكتەن العا وزىپ دامۋىنا پارمەندى تىرەك بولاتىندىعىنا سەنەمىن. ءبىز پاپۋا - جاڭا گۆينەياسىمەن ەكى ەل حالقىنىڭ اراسىندا تامىر تارتقان قويۋ دوستىق سۇيىسپەنشىلىكتى تەرەڭدەتىپ، ەكى ەل قاتىناسىنىڭ ۇزدىكسىز العا قاراي دامۋىنا بارىنشا بەرىك نەگىز قالاۋدى قالايمىز.
شي جينپيڭ مىنالاردى باسا دارىپتەدى: جۇڭگو مەن پاپۋا - جاڭا گۆينەياسى قاتىناسىنىڭ ەڭ ماڭىزدى نەگىزى − ءبىزدىڭ دوستىعىمىزدىڭ ۇرپاقتان - ۇرپاققا جالعاسۋى. ەكى ەل جاستارى مەن وسپىرىمدەردىڭ ءوزارا ۇيرەنىپ، ءوزارا ءتۇسىنۋدى تەرەڭدەتىپ، جۇڭگو مەن پاپۋا - جاڭا گۆينەياسى دوستىعىنىڭ ادال مۇراگەرى جانە بەلسەندى امالياتتا ايگىلەۋشىسى بولۋىن ءۇمىت ەتەمىن. ەكى ەل جاستارى مەن وسپىرىمدەرىنىڭ جۇڭگو مەن پاپۋا - جاڭا گۆينەياسى قاتىناسىنىڭ كوركەم بولاشاعىن بىرگە جاراتاتىندىقتارىنا كامىل سەنەمىن.
ونيل مىنالاردى ءبىلدىردى: بۋتۋكا مەكتەپ اۋلاسى نىسانى پاپۋا - جاڭا گۆينەياسىنىڭ جۇڭگومەن بەرىك قاتىناسىنىڭ تاعى ءبىر مىسالى. پاپۋا - جاڭا گۆينەياسى جۇڭگونىڭ ۇزاق ۋاقىتتان بەرى پاپۋا - جاڭا گۆينەياسىنا پارمەندى قولداۋ كورسەتكەندىگىنە العىس ايتادى. جۇڭگونىڭ كومەگى پاپۋا - جاڭا گۆينەياسىنىڭ ەكونوميكالىق، قوعامدىق دامۋىنىڭ قوزعاۋشى كۇشىن نىعايتۋمەن قويماي، پاپۋا - جاڭا گۆينەياسى حالقىنىڭ تۇرمىس دەڭگەيىن جوعارىلاتۋعا دا سەپتىگىن تيگىزەدى. وقۋ - اعارتۋ − ءار ەلدىڭ دامۋداعى ماڭىزدى كەپىلى. پاپۋا - جاڭا گۆينەياسى جۇڭگونىڭ بۋتۋكا مەكتەپ اۋلاسىن كومەكتەسىپ سالىپ بەرگەندىگىنە العىس ايتادى، جۇڭگونىڭ پاپۋا - جاڭا گۆينەياسىنداعى جاستار مەن وسپىرىمدەرگە جۇڭگوعا بارىپ وقۋىنا وراي جاراتقاندىعىنا العىس ايتادى. ەكى ەلدىڭ جاپپاي ستراتەگيالىق سەرىكتەستىك سەلبەستىگىنىڭ ۇزدىكسىز تەرەڭدەيتىندىگىنە، بارعان سايىن ناقتىلانا تۇسەتىندىگىنە، پاپۋا - جاڭا گۆينەياسىنىڭ ەكونوميكالىق، قوعامدىق دامۋىن بارىنشا جەبەيتىندىگىنە سەنەمىن.
پاپۋا - جاڭا گۆينەياسى استانا اكىمشىلىك رايونىنىڭ ولكە باستىعى پاركوپ جەرگىلىكتى ورىننىڭ الەۋمەتتىك اۋماعى اتىنان ءسوز سويلەپ، جۇڭگونىڭ كومەگىنىڭ جەرگىلىكتى ورىنداعى حالىقتى يگىلىككە كەنەلتكەندىگىنە العىس ايتتى.
كوپ رولدى زالدىڭ ءبىر بۇرىشىنداعى جۇڭگو ۇستەل دوپ شۋەيۋانىنىڭ پاپۋا - جاڭا گۆينەياسى جاتتىعۋ ورتالىعىندا جۇڭگولىق تاربيەشىلەر، بۇرىنعى الەمدىك اعا جۇلدەگەر شى جىحاۋ مەن وليمپيادا اعا جۇلدەگەرى جاڭ ينيڭ پاپۋا - جاڭا گۆينەياسىنىڭ سپورتشىلارىن جاتتىقتىرىپ جاتىر. ەكى ەل باسشىلارى ولارمەن ىقىلاستى اڭگىمەلەستى. شي جينپيڭ ولاردى تاماشا ناتيجە جاراتىپ، ەكى ەل حالقىنىڭ دوستىق ەلشىسى بولۋعا شابىتتاندىردى.
زال ىشىنەن بالالار ورىنداعان «ەسكەكتى قۇلاشتاپ ەسەيىك» دەگەن حور اۋەنى كوتەرىلدى. شي جينپيڭ وقۋشىلارعا قول بۇلعاپ قوشتاستى.
بۋتۋكا مەكتەپ اۋلاسىنىڭ تولىق اتى − جۇڭگو - پاپۋا - جاڭا گۆينەياسى دوستىق مەكتەبى. بۋتۋكا مەكتەپ اۋلاسى. ول جۇڭگونىڭ پاپۋا - جاڭا گۆينەياسىندا اتقارعان حالىق تۇرمىسىنا تيىمدىلىك جاساۋ ينجەنەرياسى، بالاباقشا، باستاۋىش مەكتەپ، ورتا مەكتەپ سىندى 3 بولەكتەن قۇرالعان وسى مەكتەپ اۋلاسى جەرگىلىكتى ورىنداعى 3000نان استام ورتا، باستاۋىش مەكتەپ وقۋشىلارىنىڭ وقۋعا ءتۇسۋى قيىن بولۋ ماسەلەسىن شەشەدى.
ديڭ شۋەشياڭ، ياڭ جيەچى، ۋاڭ ي، حى ليفىڭ قاتارلىلار جوعارىداعى قيمىلعا قاتىناستى.
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
