بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>جوتكەمەلەر

بۇلجىماس ساياسي قاسيەت شىڭداپ، ورنىقتىلىقتى قورعاۋدىڭ قۇرىش قورعانىن مىقتاپ سوعامىن

□ سانجى حۇيزۋ اۆتونوميالى وبلىستىق حالىق پروكۋراتۋراسى پارتيا باسشىلىق گرۋپپاسىنىڭ شۋجيى، ورىنباسار باس پروكۋرور چي ۋىنشيۋ

2018.11.19 16:32     كەلۋ قاينارى : شينجياڭ گازەتى

  سانجى حۇيزۋ اۆتونوميالى وبلىستىق پارتكوم از ۇلت كادرلارىن باۋلۋ ءۇشىن، 1986 - جىلى 2 كلاسقا 92 كادردى ارناۋلى قابىلداپ، 2 جىل تاربيەلەدى. باعىما جاراي، مەن دە وسى كلاستىڭ ءبىر مۇشەسى بولدىم، وقۋ بىتىرگەننەن كەيىن اۋىل - قالاشىقتا قىزمەت ىستەۋگە ءبولىندىم. قاراپايىم نەگىزگى ساتى كادرىنان قازىرگى قىزمەت ورنىما دەيىن مەنىڭ باسقان ءاربىر قادامىم پارتيانىڭ قامقورلىعى مەن باۋلۋىنان ايرىلا المايدى، مەن پارتياعا شىن جۇرەگىمنەن العىس ايتامىن. اۆتونوميالى رايوندىق پارتكوم شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن باتىل دايەكتىلەندىرىپ، لاڭكەستىككە قارسى تۇرىپ، ورنىقتىلىقتى قورعاۋ «كەشەندى شارالارىن» اتقارىپ، تيانشاننىڭ تۇستىگى مەن تەرىستىگىندە قوعامدىق جالپى جاعداي جاراسىمدى، ورنىقتى، ۇلتتار ىنتىماعى ۇزدىكسىز بەكەمدەلگەن، ەكونوميكا ورنىقتى، اقاۋسىز دامىعان، حالىق تۇرمىسى ىشكەرىلەي جاقسارعان اسا تاماشا جاعداي جاراتىپ، شينجياڭداعى ءار ۇلت بۇقاراسىنىڭ تابىس سەزىمىن، باقىت سەزىمىن ۇزدىكسىز كۇشەيتتى.

  الايدا، «ءۇش ءتۇرلى كۇش» شينجياڭداعى ءار ۇلت بۇقاراسىنىڭ باقىتتى تۇرمىس كەشىرگەنىن كورگىسى كەلمەدى، شينجياڭدى وتان قۇشاعىنان ءبولىپ اكەتۋ سۇرقيا ماقساتىنا جەتۋ ءۇشىن، شەكارا ءىشى - سىرتىنداعى «ءۇش ءتۇرلى كۇش» كوپ رەت زورلىقتى كۇش لاڭكەستىك دەلولارىن جوسپارلاپ جانە ۇيىمداستىرىپ اتقارىپ، جازىقسىز بۇقارانى زاقىمداپ، ءولتىرىپ، ءار ۇلت بۇقاراسىنىڭ ءومىرى مەن مال - مۇلكىنىڭ حاۋىپسىزدىگىنە اۋىر زيان سالىپ، قوعامنىڭ جاراسىمدى، ورنىقتى جالپى جاعدايىن اۋىر دارەجەدە ءبۇلدىردى. شينجياڭنىڭ لاڭكەستىككە قارسى تۇرىپ، ورنىقتىلىقتى قورعاۋ كۇرەسىنىڭ بارعان سايىن تەرەڭدەۋىنە ىلەسە، «ءۇش ءتۇرلى كۇش» ءبۇلدىرۋ تاسىلدەرىن ءتىپتى دە استىرتىن ىسكە قوستى. ۇزاق ۋاقىتتان بەرى كادرلار قوسىنىنا جاسىرىنعان «ەكىبەتكەيلەر» «ءۇش ءتۇرلى كۇشتىڭ» پەردە ارتىنداعى قولشوقپارىنا اينالىپ، كورىنىستە ۇلتتار ىنتىماعىن قورعاعانسىپ، كومەسكىدە وتاندى بولشەكتەۋ سۇرقيالىعىمەن اينالىستى. ءبىز، ءسوزسىز، «ەكىبەتكەيلەردى» تەرەڭنەن قازۋ تەبىنىن ۇزدىكسىز كۇشەيتىپ، «ەكىبەتكەيلەردى» قاتاڭ تەكسەرىپ شىعىپ، قاتاڭ جازالاۋىمىز، ولاردى باتىل تۇردە تارتىپ شىعىپ، تۇبەگەيلى الاستاۋىمىز كەرەك.

  پروكۋراتۋرا ورگانىنداعى پارتيالى كادر رەتىندە، مەن بارلىق پروكۋراتۋرا كادر - ساقشىلارىن ىنتىماقتاستىرا باستاپ، ءوز بويىمدا بۇلجىماس ساياسي قاسيەت شىڭداۋدى ماڭىزدى مىندەت ەتىپ، لاڭكەستىككە قارسى تۇرىپ، ورنىقتىلىقتى قورعاۋ كۇرەسىندە وتەۋگە ءتيىستى جاۋاپكەرشىلىگىمدى شىنايى ارقالايمىن.

  مۇرات - سەنىمدى اۋىتقىماي بەرىك ورناتامىن. شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جانە پارتيا 19 - قۇرىلتايىنىڭ رۋحىن ىشكەرىلەي ۇيرەنىپ، «ءتورت تانىمدى» جان - جۇيەمە ءسىڭىرىپ، «ءتورت سەنىمدى» بەكەمدەپ، «ەكىنى قورعاۋدى» باتىل اتقارىپ، پارتياعا ادال بولۋ ساياسي قاسيەتىمدى ماڭگى ساقتايمىن. بارلىق ارەكەتتە پارتيانىڭ جارلىعى مەن قولباسشىلىعىنا قۇلاق اسىپ، اۆتونوميالى رايوندىق پارتكومنىڭ ورنالاستىرۋلارىن قاز - قالپىندا دايەكتىلەندىرىپ، تياناقتاندىرىپ، كەلەلى قىزمەتتەردى ورنالاستىرۋ، ماڭىزدى قىزمەتتەردى جايعاستىرۋ، ماڭىزدى دەلولاردى دەر كەزىندە پارتكومعا مالىمدەپ نۇسقاۋ سۇراۋ جاقتارىندا تۇگەلدەي ساياسيدى دارىپتەۋ مەن زاڭدى دارىپتەۋدى ورگانيكالى ۇشتاستىرامىن.

  ساياسي تۇراقتىلىقتى باستان - اياق بىردەي ساقتايمىن. ساياسي سەزگىرلىك پەن ساياسي پارىقتاۋ قابىلەتىمدى اناعۇرلىم كۇشەيتىپ، بولشەكتەۋشىلىككە قارسى تۇرۋ كۇرەسىنىڭ ءبىرىنشى شەبىندە سانالىلىقپەن قاسقايىپ تۇرىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن باتىلدىقپەن، تاباندىلىقپەن دايەكتىلەندىرىپ، تياناقتاندىرىپ، دۇرىس پەن بۇرىستى ايقىن اجىراتۋ، سىنالاپ كىرۋگە قارسى تۇرۋ قابىلەتىمدى ۇزدىكسىز كۇشەيتەمىن. پروكۋراتۋرا ورگانىنىڭ يدەولوگيا سالاسى قىزمەتىن تىڭعىلىقتى ىستەپ، پروكۋراتۋرا كادر - ساقشىلارىن «ءۇش ءتۇرلى كۇشتىڭ» كەرتارتپا ءمانىن ايقىن تانۋعا جەتەلەپ، دەلولاردى ءادىليالىق ءبىتىرۋ بارىسىندا «ءۇش ءتۇرلى كۇشتىڭ» دىننەن پايدالانىپ بۇقارانى ماجبۇرلەگەن، بولشەكتەۋگە ۇرىنعان سۇرقيالىعىن تۋىم ايقىن تۇردە ىشكەرىلەي اشكەرەلەپ، سىن تەزىنە الىپ، ۇلت قاتىناسىنا ىرتكى سالۋ، ۇلتتىق بولشەكتەۋشىلىككە جەلىكتىرۋ سياقتى قاتە ءسوز - ارەكەتتەرگە تۋىم ايقىن تۇردە قارسى تۇرىپ، پروكۋراتۋرا قوسىنىنىڭ ابسوليۋتتى ادال بولۋىنا، ابسوليۋتتى پاك بولۋىنا، ابسوليۋتتى سەنىمدى بولۋىنا كەپىلدىك ەتەمىن.

  باس نىسانانى ارقاۋ ەتۋدەن استە بوساڭسىمايمىن. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭ قىزمەتى جونىندەگى ءبىر قىدىرۋ ماڭىزدى نۇسقاۋلارىنىڭ رۋحىن مۇقيات دايەكتىلەندىرىپ، تياناقتاندىرىپ، اۆتونوميالى رايوندىق پارتكومنىڭ ورنىقتىلىق قىزمەتىن جاقسى ىستەۋ جونىندەگى ورنالاستىرۋلارىن ناقتاپ تياناقتاندىرامىن، اسىرەسە، پروكۋراتۋرا ورگانىنىڭ لاڭكەستىككە قارسى تۇرىپ، ورنىقتىلىقتى قورعاۋ كۇرەسىندەگى وتەۋگە ءتيىستى جاۋاپكەرشىلىگىن ارقالاپ، قاتاڭ سوققى بەرۋ ارناۋلى كۇرەسىن ۇزدىكسىز ىشكەرىلەي ورىستەتىپ، قاتاڭ سوققى بەرۋدىڭ، وڭاۋدىڭ تەگەۋرىندى سەس كورسەتۋ جاعدايىن ساقتاۋدان بۇلجىمايمىن. زاڭ بويىنشا دالمە - ءدال سوققى بەرۋگە تاباندى بولىپ، الدىن الا كىرىسىپ، بارلاۋعا جەتەكشىلىك ەتىپ، تۇتقىنداۋ، ايىپتاۋ مىندەتىمدى تولىق وتەيمىن. «ۇشقارىلىقتى الاستاۋ» قىزمەتىن ىلگەرىلەتۋگە تاباندى بولىپ، زورلىقتى كۇش لاڭكەستىك قىلمىستارىنان ساقتانۋ ۇگىت لەكسياسىن كەڭ كولەمدە ورىستەتىپ، ءار ۇلت بۇقاراسىن «ءۇش ءتۇرلى كۇشتىڭ» قىلمىستىق ءمانىن ايقىن تانىپ جەتۋگە باستاپ، ءىس جۇزىندىك ارەكەتىم ارقىلى اۆتونوميالى رايوندىق پارتكومنىڭ لاڭكەستىككە قارسى تۇرىپ، ورنىقتىلىقتى قورعاۋ «كەشەندى شارالارىن» پروكۋراتۋرا قىزمەتىنىڭ بارىسىندا مۇقيات، شىنايى تياناقتاندىرامىن.

  ۇلتتار ىنتىماعىن قورعاۋعا تاباندى بولۋدا ماڭگى سالعىرتتىققا سالىنبايمىن. «ۇعىسۋ، تيىمدىلىك جاساۋ، توعىستىرۋ» بويىنشا قىستاقتا تۇرۋ قىزمەتىن ويداعىداي ۇيىمداستىرىپ، ورىستەتىپ، قىستاقتا تۇراتىن قىزمەت اترەتى مۇشەلەرىن بۇقارالىق قىزمەتتى شىنايى سۇيىسپەنشىلىكپەن ىستەپ، ءار ۇلت بۇقاراسىنىڭ بارىنشا نازار اۋدارىپ، بارىنشا كوڭىل ءبولىپ وتىرعان ىستەرىنەن باستاپ ىسكە كىرىسىپ، جاقسى ىستەردى، ناقتى ىستەردى بۇقارانىڭ كوڭىلىنەن شىعاتىنداي ەتىپ ىستەۋگە تاربيەلەيمىن، باستايمىن. «ۇلتتار ىنتىماعىنىڭ بەرەكەلى شاڭىراعى» جانە ۇلتتار ىنتىماعى بىرلەسكەن دوستىق قيمىلىن ىشكەرىلەي ىلگەرىلەتىپ، ءار ۇلت بۇقاراسىمەن باستاماشىلدىقپەن جۇپ قۇراپ، تۋىس بولىپ، پارتيانىڭ حالىققا جاساعان ءتيىمدى ساياساتىن زور كۇشپەن باستاماشىلدىقپەن ۇگىتتەپ، ماڭىمىزداعى جاڭا وزگەرىستەردى، باقىتتى تۇرمىستى انىق ءتۇسىندىرىپ، ءار ۇلت بۇقاراسىن پارتياعا العىس ايتۋعا، پارتيانىڭ سوزىنە قۇلاق اسۋعا، پارتياعا ىلەسۋگە باستاپ، قازىرگى كەزدەگى شينجياڭنىڭ جاراسىمدى، ورنىقتى اسا تاماشا جاعدايىن بەكەمدەپ، ۇلتتاردىڭ ۇلى ىنتىماعىنىڭ قۇرىش قورعانىن مىقتاپ سوعامىن.
جاۋاپتى رەداكتورى : مانەپ ەربول ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار