شي جينپيڭ باندار - سەري - بەگاۆانعا بارىپ، برۋنەي دارۋسسالام ەلىندەگى مەملەكەتتىك ساپارىن باستادى
2018.11.20 13:59 كەلۋ قاينارى : شينجياڭ گازەتى
شينحۋا اگەنتتىگىنىڭ 11 - ايدىڭ 18 - كۇنى باندار - سەري - بەگاۆان قالاسىنان بەرگەن حابارى (تىلشىلەر شۋە فەي، سۇن ي). مەملەكەت ءتوراعاسى شي جينپيڭ 11 - ايدىڭ 18 - كۇنى باندار - سەري - بەگاۆانعا بارىپ، برۋنەي دارۋسسالام ەلىندەگى مەملەكەتتىك ساپارىن باستادى.
جەرگىلىكتى ۋاقىت كەشكى ساعات 6دان 50 مينۋت وتكەندە، شي جينپيڭ وتىرعان ارناۋلى ۇشاق باندار - سەري - بەگاۆان حالىقارالىق اۋەجايىنا كەلىپ قوندى. شي جينپيڭ ۇشاق ەسىگىنەن شىققاندا، برۋنەي ۇكىمەتىنىڭ جوعارى دارەجەلى ءمانساپتىلارى ۇشاق ساتىسىنىڭ جانىندا تۇرىپ، قىزۋ قارسى الدى. قۇرمەت قاراۋىلدارى قىزىل كىلەمنىڭ ەكى جاعىنا جايعاسقان. اۋەجايدىڭ ءىشى - سىرتىندا جۇڭگو مەن برۋنەي ەلدەرىنىڭ مەملەكەت تۋلارى جەلبىرەيدى.
شي جينپيڭ جۇڭگو ۇكىمەتى جانە جۇڭگو حالقى اتىنان برۋنەي ۇكىمەتى مەن حالقىنا شىن ىقىلاستى سالەم جولدادى جانە ىزگى تىلەك ءبىلدىردى. شي جينپيڭ مىنالاردى باسا دارىپتەدى: جۇڭگو مەن برۋنەي − ارالارىن تەڭىز ءبولىپ جاتقان كورشىلەر ءارى ءبىر - بىرىنە سەنەتىن دوستار جانە سەرىكتەر، دوستىق بارىس - كەلىستەرىنىڭ تاريحى ۇزاق. ديپلوماتيالىق قارىم - قاتىناس ورناتقان 27 جىلدان بەرى ەكى ەل باستان - اياق ءوزارا تەڭ مامىلە جاساپ، ساياسي ءوزارا سەنىمدىلىكتى ۇزبەي تەرەڭدەتىپ، ءتۇرلى سالالارداعى سەلبەستىكتە سۇبەلى ناتيجەگە قول جەتكىزىپ، ەكى ەل حالقىن شىنايى يگىلىككە كەنەلتىپ، وڭىرلەردىڭ بەيبىتشىلىگى مەن گۇلدەنۋىنە بەلسەندى ۇلەس قوستى. مەن وسى جولعى ساپارىم ارقىلى جۇڭگو مەن برۋنەيدىڭ ءداستۇرلى دوستىعىن جالعاستىرىپ جانە ساۋلەلەندىرىپ، جاڭا داۋىردەگى ەكى ەل قارىم - قاتىناسىنىڭ دامۋىنىڭ جاڭا جوباسىن جاساپ، جۇڭگو مەن برۋنەيدىڭ تاتۋ كورشىلىك، دوستىق قارىم - قاتىناسىن تىڭ دەڭگەيگە كوتەرىپ، ەكى ەل حالقىن ءتىپتى كوپ يگىلىككە كەنەلتۋدى ءۇمىت ەتەمىن.
ديڭ شۋەشياڭ، ياڭ جيەچى، ۋاڭ ي، حى ليفىڭ قاتارلىلار بىرگە ساپاردا بولدى.
جۇڭگونىڭ برۋنەيدە تۇراتىن باس ەلشىسى ياڭ جيان دا اۋەجايعا شىعىپ قارسى الدى.
شي جينپيڭ پاپۋا - جاڭا گۆينەياسىنداعى مەملەكەتتىك ساپارىن اياقتاتقاننان، ديپلوماتيالىق قارىم - قاتىناس ورناتقان تىنىق مۇحيتتاعى ارال ەلدەر باسشىلارىمەن كەزدەسكەننەن ءارى ازيا - تىنىق مۇحيت ەكونوميكا سەلبەستىك ۇيىمىنىڭ 26 - رەتكى باسشىلار بەيرەسمي ماجىلىسىنە قاتىناسقاننان كەيىن، باندار - سەري - بەگاۆانعا باردى. پورت مورسبيدەن اتتاناردا پاپۋا - جاڭا گۆينەياسىنىڭ ورىنباسار زۇڭليى ابەل ۇكىمەتتىڭ جوعارى دارەجەلى ءمانساپتىلارىن باستاپ اۋەجايعا كەلىپ اتتاندىردى. باۋىرمال پاپۋا - جاڭا گۆينەيا حالقى ءان ايتىپ، بيگە باسىپ، ىزگى تىلەگىن ءبىلدىردى.
برۋنەي شي جينپيڭنىڭ وسى جولعى ساپارىنىڭ ەكىنشى ايالداماسى. شي جينپيڭ فيليپپيندە دە مەملەكەتتىك ساپاردا بولادى.
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
