پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن تاباندىلىقپەن بۇلجىماي دايەكتىلەندىرىپ جانە تياناقتاندىرىپ، شينجياڭنىڭ قوعام ورنىقتىلىعى مەن باياندى تىنىشتىعىن تىڭعىلىقتى ىلگەرىلەتەيىك
مەملەكەتتىك ساياسي كەڭەستىڭ بۇرىنعى ورىنباسار ءتوراعاسى ابلەت ابدىرەشيت
2018.11.20 14:00 كەلۋ قاينارى : شينجياڭ گازەتى
پارتيا ورتالىق كوميتەتى شينجياڭ قىزمەتىنە بۇرىننان باسا نازار اۋدارىپ كەلەدى، اسىرەسە، پارتيانىڭ 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى شينجياڭ قىزمەتىنە توتەنشە ءمان بەرىپ، كوڭىل ءبولدى. باس شۋجي شي جينپيڭ شينجياڭعا ىقىلاس اۋدارىپ، شينجياڭداعى ءار ۇلت حالقىمەن تىلەۋلەس بولىپ، شينجياڭدا تىكەلەي قىزمەت تەكسەرىپ جانە جەتەكشىلىك ەتىپ، شينجياڭ قىزمەتى جونىندەگى 2 - رەتكى اڭگىمە ءماجىلىستى باسقارىپ اشتى ءارى ماڭىزدى ءسوز سويلەپ، اۋقىمدى بارلاپ، جوبا - جوسپار جاساپ، پارتيا مەن مەملەكەت ىستەرىنىڭ دامۋ جالپى جاعدايىنان كوز جىبەرىپ، ەل ءىشى جانە حالىقارالىق جاعدايدى ءبىر تۇتاس جوسپارلاپ، شينجياڭ جاعدايىنا عىلمي تالداۋ جاساپ، پارتيانىڭ جاڭا جاعدايداعى شينجياڭدى جونگە سالۋ جالپى جوباسىن تۇراقتاندىرىپ، قوعام ورنىقتىلىعى مەن باياندى تىنىشتىق − شينجياڭ قىزمەتىنىڭ باس نىساناسى دەگەن ماڭىزدى ستراتەگيالىق شەشىم جاساپ، شينجياڭ قىزمەتىن اناعۇرلىم ويداعىداي ىستەۋگە ايقىن بەتالىس كورسەتىپ، ءتۇبىرلى دايەكپەن، پارمەندى قوزعاۋشى كۇشپەن قامتاماسىز ەتتى. شينجياڭنىڭ رەفورما، دامۋ، ورنىقتىلىق ىستەرىنىڭ ات سالىسۋشىلارىنىڭ، كۋاگەرلەرىنىڭ جانە باسشىلارىنىڭ ءبىرى رەتىندە، كوڭىلىم قاشاندا شينجياڭداعى ءار ۇلت حالقىنا دەگەن سۇيىسپەنشىلىككە تولى، قاشاندا شينجياڭنىڭ ءبىر ءتۇپ ءشوپ، ءبىر ءتۇپ اعاشىنا دەگەن ساعىنىشقا تولى، اۆتونوميالى رايوندىق پارتكومنىڭ شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن دايەكتىلەندىرۋ، تياناقتاندىرۋ جونىندەگى وي جۇلگەسىنىڭ انىق، نىساناسىنىڭ ايقىن، سەنىمىنىڭ بەرىك ەكەنىن؛ ءار ۇلت كادر - بۇقاراسىنىڭ شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن باتىل قولداپ، قوعام ورنىقتىلىعى مەن باياندى تىنىشتىق باس نىساناسىن وسكەلەڭ شىنايى مويىنداعانىن؛ بۇقارانىڭ باس شۋجيگە، پارتيا ورتالىق كوميتەتىنە شىن جۇرەكتەن العىس ايتىپ، كورىكتى مەكەن قۇرۋعا نىق سەنىمدى ەكەنىن كورگەندە، مەن شينجياڭداعى ءار ۇلت حالقى سياقتى، شىن كوڭىلدەن قۋاندىم.
تاياۋدا مەن زەينەتكە، دەمالىسقا شىققان 60 نەشە ساقا جولداسپەن بىرگە، حوتان ايماعىندا تەكسەرۋ - زەرتتەۋ جۇرگىزدىم. مەنىڭ حوتانعا سۇيىسپەنشىلىگىم تەرەڭ، وتكەن عاسىردىڭ 60 - جىلدارى العاش قىزمەت ىستەگەندە - اق حوتانعا جولىم تۇسكەن، اۆتونوميالى رايوندا قىزمەت اتقارعان 40 نەشە جىلدا، اسىرەسە، اۆتونوميالى رايوننىڭ باسشىسى بولعاننان كەيىن، جىل سايىن دەرلىك حوتانعا بارىپ تۇردىم. مەن حوتاننىڭ وتكەنى تۋرالى ءبىرشاما بىلەمىن، جاراتىلىستىق ورتاسى ناشار، سۋ بايلىعى تاپشى، ەگىسكە جارامدى جەرى از، كەدەيلىك كولەمى كەڭ، حالىقتىڭ تۇرمىس دەڭگەيى تومەن، از بولماعان شارۋا وتباسىنىڭ كيەر كيىم، ىشەر تاماق ماسەلەسى دە شەشىلمەگەن بولاتىن، ول كەزدە جۇرت اۋزىنان «حوتاندىقتار جاسار جاپادا، كۇندە قاينار توزاڭ اۋادا. تۇنىمەن تاعى جاۋادى، كۇندىز از بولسا ءمۇبادا» دەگەن تاقپاق تۇسپەيتىن. حوتان حالقىنىڭ ازىق - تۇلىك، كيىم - كەشەك، باسپانا، قاتىناس ماسەلەسى اۆتونوميالى رايون ەرەكشە كوڭىل بولگەن ماسەلە ەدى، ونىڭ ۇستىنە، «ءۇش ءتۇرلى كۇشتىڭ» سىنالاپ كىرۋى مەن بۇلدىرۋىنە بايلانىستى، حوتان ايماعىندا بولشەكتەۋشىلىككە قارسى تۇرۋ، ورنىقتىلىقتى قورعاۋ مىندەتى وتە اۋىر، دامۋ مىندەتى وتە اۋىر، كەدەيلىكتەن ارىلتۋ مىندەتى وتە اۋىر بولاتىن. 2003 - جىلى قىزمەتىم ورتالىققا اۋىسقاننان كەيىن، ماعان حوتانعا بارۋ ورايى وتە از بولدى، ءبىراق مەن حوتانعا ۇنەمى نازار اۋدارىپ وتىردىم. وسى رەت حوتاندا بولعان ۋاقىتىمىز وتە قىسقا بولسا دا، بارعان جەرىمىزدەن، كورگەن - ەستىگەندەرىمىزدەن مىنا بىرنەشەسى ماعان تەرەڭ اسەر ەتتى جانە وي تاستادى:
ءبىرىنشى، قوعام ورنىقتىلىعى جاعدايى ايتارلىقتاي جاقسارىپتى. بۇرىن حوتان كەدەي، مەشەۋ بولاتىن، وتكەن عاسىردىڭ 90 - جىلدارىنان بەرى، زاڭسىز ءدىني قيمىلدار الاسۇرىپ، ءدىني ۇشقارى يدەيالار ءبىر مەزەت ەتەك جايىپ كەتتى. ءدىني ۇشقارى يدەيا ءدىن قاعيدالارىن مەملەكەت زاڭىنان ۇستەم قويىپ، مەملەكەتتىڭ زاڭدارى مەن زاڭ ەرەجەلەرىن قاقپايلاپ، زايىرلى كوزقاراس اتاۋلىنى قاقپايلاپ، ۇلتتىق بولشەكتەۋشىلىك يدەياسىن ۋاعىزداپ، ۇلتتار ىنتىماعىن بۇلدىرمەك بولدى. سونىڭ سالدارىنان، كەيبىر بالالار ورتا جولدا وقۋدان قول ءۇزدى، ءىستىڭ شىن سىرىنان بەيحابار ءبىراز بۇقارا زورلىقتى كۇش لاڭكەستىك دەلولارىنا قاتىناسىپ جانە زورلىقتى كۇش لاڭكەستىك دەلولارىن تۋدىرىپ، ءار ۇلت جۇرتشىلىعىنا اۋىر اپات اكەلىپ، حوتان ايماعىنىڭ، ءتىپتى، بۇكىل اۆتونوميالى رايوننىڭ ورنىقتىلىعى مەن دامۋىنا اۋىر ىقپال جاسادى. پارتيانىڭ 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىنىڭ، اسىرەسە، قوعام ورنىقتىلىعى مەن باياندى تىنىشتىق باس نىساناسىنىڭ جەتەكشىلىگىندە، اۆتونوميالى رايوندىق پارتكوم تەگەۋرىندى شارالار قولدانىپ «ءۇش ءتۇرلى كۇشكە» سىلەيتە سوققى بەردى، سونىمەن بىرگە قاتىستى زاڭدار مەن زاڭ ەرەجەلەرگە سايكەس، كاسىپتىك شەبەرلىككە تاربيەلەۋ، باۋلۋ ءتاسىلى ارقىلى، تۋ باستان جونگە سالۋ جونىندە ىزدەنىس جۇرگىزدى. ءدىني ۇشقارى يدەيالاردىڭ ازدىرۋىنا ۇشىراعان جانە قىلمىسقا شاتىلعان، ءبىراق كىناسى جەڭىل، زاڭ بويىنشا كەڭشىلىكپەن ءبىر جاقتى ەتۋگە بولاتىن ادامداردى كاسىپتىك شەبەرلىككە تاربيەلەۋ، باۋلۋ ورتالىقتارىندا تاربيەلەۋدى، جەتەكتەۋدى، رايىنان قايتارۋدى كۇشەيتىپ ءارى ءدىني ۇشقارى يدەيالاردىڭ ازدىرۋىنا ۇشىراپ، قىلمىستىڭ جيەگىنە بەت العان ءبىر توپ ادامدى ەڭ جوعارى شەكتە ىنتىماقتاستىرىپ، تاربيەلەپ، قۇتقارىپ، ولاردىڭ لاڭكەستىك پەن ۇشقارىلىقتىڭ قاستاندىعىنا ۇشىراپ، قۇرباندىعىنا اينالۋىنان ساقتانىپ، سول ارقىلى تاربيەلەنۋشىلەردىڭ ءومىر ءسۇرۋ ۇقىعى مەن دامۋ ۇقىعىن اناعۇرلىم ويداعىداي قامتاماسىزداندىردى ءارى زورلىقتى كۇش لاڭكەستىگى مەن ءدىني ۇشقارى يدەيالار ءوسىپ - وربىگەن ورتا مەن توپىراقتى تۇبەگەيلى زالالسىزداندىرىپ، زورلىقتى كۇش لاڭكەستىك ارەكەتتەرىن بەلەڭ بەرۋدەن بۇرىن جويدى. ءبىز ءدىني ۇشقارى يدەيالاردىڭ ازدىرۋى مەن ىقپالىنا ۇشىراعان بۇقارانىڭ مەملەكەتتە ءبىر تۇتاس قولدانىلاتىن ءتىل - جازۋدى، زاڭداردى جانە شەبەرلىكتەردى ۇيرەنۋ ارقىلى، مەملەكەت تانىمى، ازامات تانىمى، زاڭ تانىمى، جۇڭحۋا ۇلتى ورتاق تۇلعا تانىمى كورنەكتى تۇردە نىعايىپ، ءبىلىم جانە اقپارات الۋ ارناسى كەڭەيىپ، ءىس - ارەكەتىنىڭ زاڭعا سيىمدى، الدە قايشى ەكەنىنە كوز جەتكىزە الاتىن بولعانىن، كەيبىرەۋلەرىنىڭ ءبىرتالاي قولدانىلمالى شەبەرلىك يگەرىپ، جۇمىسقا ورنالاسىپ، الداعى تۇرمىسقا سەنىمى نىعايعانىن كوردىك. ىزگىلىك اسقاقتاپ، بۇزاقىلىق باسىلىپ، قوعام اماندىعىنىڭ جاعدايى كورنەكتى تۇردە جاقسارىپ، ءدىني ۇشقارى يدەيالاردىڭ سىنالاپ كىرۋى ءونىمدى تۇردە تەجەلىپ، ءار ۇلتتىڭ ارالاسۋى، ىشتەسۋى، توعىسۋى ونان ارى نىعايىپ، ءار ۇلت جۇرتشىلىعىنىڭ حاۋىپسىزدىك سەزىمى ايتارلىقتاي كۇشەيىپ، بارلىق جەردىڭ وڭ ەنەرگياعا تولعانىن كوردىك. جۇرت تىلەگىنىڭ ورنىقتىلىققا، حاۋىپسىزدىككە، دامۋعا اۋىپ، ءار ۇلت كادر - بۇقاراسىنىڭ دۇسپانعا جۇمىلا نالەت ايتىپ، يدەيالىق تانىمى وسكەلەڭ بىرلىككە كەلىپ، «ءۇش ءتۇرلى كۇشپەن» كۇرەسۋ سانالىلىعىنىڭ، تاباندىلىعىنىڭ كورنەكتى تۇردە نىعايعانىن كوردىك. «ءۇشتىڭ ءبىر - بىرىنەن ايرىلا الماۋى» يدەياسىنىڭ، «بەستى شىنايى مويىنداۋدىڭ» نەگىزگى اعىمعا اينالىپ، ۇلتتىق بولشەكتەۋشىلىككە، ءدىني ۇشقارى يدەيالارعا ءورىس قالماعانىن كوردىك.
ەكىنشى، دامۋ تەز، وزگەرىس ۇلكەن ەكەن. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شىنايى قامقورلىعى مەن پارمەندى باسشىلىعىندا، اۆتونوميالى رايوندىق پارتكومنىڭ جەتەكشىلىگىندە، بەيجيڭ، تيانجين، انحۇي سياقتى باعىتتامالى كومەكتەسەتىن ولكە، قالالاردىڭ قالتقىسىز كومەگىندە، حوتان ايماقتىق پارتكوم مەن اكىمشىلىك مەكەمەسى ءار ۇلت جۇرتشىلىعىن ىنتىماقتاستىرىپ جانە باستاپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن باتىل دايەكتىلەندىرىپتى، اۆتونوميالى رايوندىق پارتكومنىڭ قىزمەت ورنالاستىرۋىن باتىل دايەكتىلەندىرىپتى، حوتان ايماعىندا قوعام ورنىقتى بولعان، ەكونوميكا دامىعان، حالىق تۇرمىسى جاقسارعان، ۇلتتار ىنتىماقتى بولعان تاماشا جاعداي جارىققا شىعىپتى. 2017 - جىلى حوتان ايماعىنىڭ ىشكى ءوندىرىس جالپى ءونىم قۇنى 26 ميلليارد 826 ميلليون يۋانعا جەتىپ، 2012 - جىلداعىدان 1.8 ەسە ارتىپتى؛ تۇراقتى مۇلىككە 42 ميلليارد 615 ميلليون يۋان قارجى قوسىلىپ، 2012 - جىلداعىدان 2.8 ەسە ارتىپتى. اسىرەسە، پارتيانىڭ 18 - قۇرىلتايىنان بەرى، قاتىناس، سۋ يگىلىگى، ەنەرگيا سياقتى كەلەلى نىسانداردىڭ ءبىر توبى سالىنىپ ءارى ىركەس - تىركەس وندىرىسكە قوسىلىپ، حوتان ايماعىنىڭ نەگىزدىك قۇرىلعىلارى ايتارلىقتاي جاقسارىپتى. وسى جولى كوزىم كورگەن حوتان ايماعىن ءوزىم اۆتونوميالى رايوندا قىزمەت ىستەگەن كەزدەگى حوتان ايماعىمەن سالىستىرعاندا، پارقى اسا زور دەۋگە بولادى، ەڭ كورنەكى قالا - قالاشىق قۇرىلىسىندا، جول قۇرىلىسىندا، اۋىل - قىستاق قۇرىلىسىندا جاڭا لەپ، جاڭا بەينە جارىققا شىعىپتى، سۋمەن، ەلەكترمەن، گازبەن قامداۋ، راديو - تەلەۆيزيا، مادەنيەت ىستەرىندە جاڭا دامۋشىلىقتارعا قول جەتىپتى. حوتان ايماعىنىڭ بۇرىننان قازىنالىق كىرىسى از، شىعىسى كوپ بولاتىن، نەگىزىنەن ورتالىق پەن اۆتونوميالى رايوننىڭ جاردەمىنە سۇيەنەتىن. مەنىڭشە، حوتاننىڭ شاپشاڭ دامۋى مەن حالىق تۇرمىسىنىڭ جاقسارۋى، تۇپتەپ كەلگەندە، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىنىڭ ارقاسى، مەملەكەتتىڭ، اۆتونوميالى رايوننىڭ جانە باعىتتامالى كومەكتەسەتىن ولكە، قالالاردىڭ حوتان ايماعىنا زور كۇشپەن قولداۋ كورسەتىپ، قالتقىسىز جاردەمدەسۋىنىڭ ارقاسى، اۆتونوميالى رايوندىق پارتكومنىڭ بۇكىل شينجياڭداعى ءار ۇلت كادر - بۇقاراسىن باستاپ ىنتىماقتاسا شايقاس جۇرگىزۋىنىڭ ناتيجەسى، وعان بۇكىل اۆتونوميالى رايونداعى قالىڭ كادر - جۇرتشىلىقتىڭ قان - تەرى سىڭگەن.
ءۇشىنشى، كەدەيلىكتەن ارىلتۋ قىزمەتىندە كورنەكتى ناتيجەگە قول جەتىپ، ءار ۇلت بۇقاراسىنىڭ تۇرمىسى ۇزبەي جاقسارىپ، وركەنيەت ساپاسى ۇزبەي كوتەرىلىپتى. حوتان ايماعى − اۋىر كەدەي ايماق، 7 اۋدان، ءبىر قالا تۇگەلدەي مەملەكەتتىڭ كەدەيلەردى سۇيەمەلدەۋ قىزمەتىندەگى ءتۇيىندى اۋداندار قاتارىندا. مەن كەدەيلەردى سۇيەمەلدەۋ تۇيىندەرىن كوزبەن كورىپ، قاتىستى تاراۋلارداعى جانە نەگىزگى ساتىداعى كادرلارمەن، ءبىر ءبولىم شارۋالارمەن وي ءبولىستىم. جالپىلاي ايتقاندا، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ كوڭىل بولۋىندە، كومەكتەسۋىندە، جاقىنعى جىلدارى اۆتونوميالى رايوندىق پارتكوم پارتيا ورتالىق كوميتەتىنىڭ كەدەيلەردى سۇيەمەلدەۋ قىزمەتى جونىندەگى ءبىر قاتار شەشىمىن - ورنالاستىرۋىن باتىل دايەكتىلەندىرىپ جانە تياناقتاندىرىپ، حوتان ايماعىنىڭ كەدەيلىكتەن ارىلتۋ قىزمەتىندە كورنەكتى ناتيجەگە قول جەتكىزدى، 2014 - جىلدان 2017 - جىلعا دەيىن حوتان ايماعىندا جالپى 101 مىڭ 600 وتباسى، 422 مىڭ 200 ادام كەدەيلىكتەن ارىلدى؛ اۋىل - قىستاق تۇرعىندارىنىڭ ادام باسىنا شاققانداعى تازا كىرىسى 2012 - جىلعى 3896 يۋاننان 2017 - جىلى 7817 يۋانعا كوتەرىلىپ، حالىقتىڭ تۇرمىس دەڭگەيى كورنەكتى تۇردە جوعارىلادى. پارتيانىڭ 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، اۆتونوميالى رايوندىق پارتكوم مەن شينجياڭعا باعىتتامالى كومەكتەسەتىن ولكە، قالالار قاراجات، ادام كۇشى، ماتەريالدىق كۇش جاعىندا حوتان ايماعىنىڭ اۋدان، قالالارىنا كوپتەگەن كومەك جاسادى، كەدەيلەردى سۇيەمەلدەۋ ساياساتتارى مەن شارالارى ونان ارى كەمەلدەنىپ، كورنەكتى ناتيجەگە جەتتى. حوتان ايماعىنداعى كادر - جۇرتشىلىقتىڭ كەدەيلىكتەن ارىلىپ بايۋ، 2020 - جىلى بۇكىل ەلمەن، بۇكىل شينجياڭمەن قادامداس جاپپاي دوڭگەلەك داۋلەتتى قوعام قۇرۋ بەكىمى زور، سەنىمى تولىق ەكەن. حوتان ايماعى جەرگىلىكتى جاعدايدى تياناق ەتىپ، اۆتونوميالى رايوندىق پارتكومنىڭ ورنالاستىرۋى بويىنشا، كەدەيلىكتەن ارىلۋ مەن بايۋعا ۇمتىلۋدىڭ جەرگىلىكتى ورىننىڭ ءىس جۇزىندەگى جاعدايىنا ۇيلەسەتىن جولى مەن كەدەيلىكتەن دالمە - ءدال ارىلتۋ شارالارى ۇستىندە ىزدەنىس جاساپتى، كادر - بۇقارا يدەيانى ازات ەتىپ، كوزقاراسقا بۇرىلىس جاساپتى، بۇرىن جەردى وتكەرمەلەۋگە ارقا سۇيەسە، قازىر بازاردى تياناق ەتىپ، كوپ ءتۇرلى شارۋاشىلىقتى جەرگىلىكتى جاعدايعا قاراي دامىتۋعا ويىسىپتى. اۆتونوميالى رايوننىڭ «ۇعىسۋ، تيىمدىلىك جاساۋ، توعىستىرۋ» بويىنشا قىستاقتا تۇراتىن قىزمەت اترەتتەرى بۇقارانى تاربيەلەۋ، جەتەكتەۋ، ءدىني ۇشقارى يدەيالاردى الاستاۋ، قوعام ورنىقتىلىعىن قورعاۋ، كەدەيلىكتەن دالمە - ءدال ارىلتۋ، حالىق تۇرمىسىن جاقسارتۋ جاعىندا قىرۋار ءونىمدى جۇمىستار تىندىرعان ەكەن. ماعان وزگەشە تەرەڭ اسەر ەتكەنى، اۋىل - قىستاقتاعى بۇقارانىڭ باسپانا جاعدايى مەن تۇرمىس ورتاسى بارىنشا جاقسارىپ، رۋحاني بەينەسىندە زور وزگەرىس جارىققا شىعىپتى، ولار ساياسات، زاڭ ۇيرەنىپ، وزىق مادەنيەتتى ۇيرەنىپ، بۇرىنعى كورسوقىر، مەشەۋ تۇرمىس ادەتتەرىن وزگەرتىپ، وركەنيەتتى، سالاماتتى ءومىر سالتىن بىرتىندەپ قالىپتاستىرىپ كەلەدى ەكەن. باس شۋجيگە، پارتيا ورتالىق كوميتەتىنە شىن جۇرەكتەن العىس ايتپايتىن بۇقارا جوق، بۇل ادامعا قايرات تاسقىنداپ، كوڭىلدەر شۋاققا شومىپ، سەنىم بەكەمدەلگەنىن سەزىندىرەدى.
وتكەن عاسىردىڭ 60 - جىلدارىندا پارتياعا كىرگەن ساقا پارتيا مۇشەسى، پارتيانىڭ ۇزاق ۋاقىت تاربيەلەۋىندە، باۋلۋىندا جەتىلگەن جوعارى دارەجەلى باسشى كادر ساناتىندا، مەنىڭ جاسىم ۇلعايعان بولسا دا، الايدا ءبىر پارتيا مۇشەسىندىك جاۋاپكەرشىلىگىم وزگەرگەن جوق، مەن شينجياڭداعى ءار ۇلت حالقىمەن بىرگە، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىنىڭ شينجياڭدا تەرەڭ تامىر تارتۋى، شينجياڭنىڭ قوعام ورنىقتىلىعى مەن باياندى تىنىشتىعى ءۇشىن جاۋاپكەرشىلىگىمدى ۇزدىكسىز ادا ەتىپ، كۇش شىعارامىن. پارتيانىڭ 18 - قۇرىلتايىنان بەرى شينجياڭنىڭ دامۋى مەن وزگەرىسىن تەرەڭدەي سەزىندىم:
ءبىرىنشى، پارتيانىڭ بارلىق قىزمەتكە باسشىلىعىنا بۇلجىماي تاباندى بولۋ كەرەك. تەك پارتيانىڭ بارلىق قىزمەتكە باسشىلىعىنا باستان - اياق تاباندى بولعاندا عانا، بۇكىل پارتيانىڭ يدەيالىق جاقتاعى بىرلىگىن، ساياسي جاقتاعى ىنتىماعىن، ارەكەت جاعىنداعى بىركەلكىلىگىن اناعۇرلىم جوعارى دەڭگەيدە جۇزەگە اسىرۋعا، پارتيانىڭ جاسامپازدىق قۋاتىن، ۇيىستىرۋ قۋاتىن، جاۋىنگەرلىك قۋاتىن اناعۇرلىم جوعارىلاتۋعا، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە قول جەتكىزۋگە، جاڭا داۋىردە جۇڭگوشا سوتسياليزمنىڭ ۇلى جەڭىسىنە قول جەتكىزۋگە ەڭ پارمەندى كەپىلدىك ازىرلەۋگە بولادى. بۇل ءار ۇلت كادر - بۇقاراسىنان مىنانى تالاپ ەتەدى: ءسوز جوق، «ءتورت تانىمدى» كۇشەيتىپ، «ءتورت سەنىمدى» بەكەمدەپ، «ەكىنى قورعاپ»، ساياسي تۇرعىدا بەرىك تۇرىپ، ساياسي بەتالىستى دۇرىس مەڭگەرىپ، يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاۋ كەرەك؛ ءسوز جوق، پارتياعا ابسوليۋتتى ادال بولۋ كەرەك، مەن شىن جۇرەگىممەن پارتياعا العىس ايتامىن، ۇيىمعا العىس ايتامىن، حالىققا العىس ايتامىن، مۇرات - سەنىمدى بەكەمدەۋدى قاشاندا ءوزىمدى تاربيەلەپ، ناتيجە شىعارۋدىڭ نەگىزى ەتىپ، پارتياعا ابسوليۋتتى ادال بولۋدى ءتۇبىرلى ساياسي تالاپ ەتىپ، بۇكىل ىنتا - پەيىلىممەن پارتيانى قىزۋ سۇيەمىن، وتاندى قىزۋ سۇيەمىن، جۇڭحۋا ۇلتى ۇلى شاڭىراعىن قىزۋ سۇيەمىن، پارتيانىڭ باسشىلىعىن تاباندى، باتىل تۇردە قولدايمىن، قورعايمىن. ءسوز جوق، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جانە پارتيا 19 - قۇرىلتايىنىڭ رۋحىن ۇيرەنىپ، دايەكتىلەندىرىپ، جەتە ۇيرەنۋگە، جەتە يگەرۋگە، شىنايى تياناقتاندىرۋعا كۇش سالامىن، اسىرەسە، باسشى كادرلار ۇيرەنۋ تابىسىن ءىس جۇزىندىك قىزمەتىمىزدە تياناقتاندىرىپ، قىزمەت ستيلىن اناعۇرلىم جاقسارتىپ، تورەشىلدىكتى، فورماشىلدىقتى جويىپ، زاڭ بويىنشا بيلىك جۇرگىزۋ ورەسىن، زاڭ بويىنشا باسقارۋ قابىلەتىن اناعۇرلىم جوعارىلاتىپ، پارتيانىڭ بۇقارالىق لۋشيانىنا بۇلجىماي تاباندى بولىپ، ءار ۇلت حالقىنىڭ مۇددەسىن قاي - قاشان دا كوكەيدە ساقتاپ، قوعام ورنىقتىلىعىن قورعاۋدىڭ، ءار ۇلتتىڭ بىرگە گۇلدەنۋىن، دامۋىن جۇزەگە اسىرۋدىڭ باستاماشىسىنا سانالى تۇردە اينالۋ كەرەك.
ەكىنشى، «ءۇش ءتۇرلى كۇشكە» بۇلجىماي سوققى بەرۋ كەرەك. باس شۋجي شي جينپيڭ مىنانى اتاپ كورسەتتى: شينجياڭ قىزمەتىنىڭ جاقسى ىستەلگەن - ىستەلمەگەندىگىن باعامداۋدا، ەڭ ءتۇبىرلىسى، بولشەكتەۋشىلىككە قارسى تۇرۋ كۇرەسىنىڭ قالاي جۇرگىزىلگەندىگىنە، تىنىش، ىنتىماقتى ساياسي جاعدايدىڭ، جاراسىمدى، ورنىقتى قوعامدىق جاعدايدىڭ ساقتالعان - ساقتالماعاندىعىنا قاراۋ كەرەك. ۇزاق ۋاقىتتان بەرى، شەكارا ءىشى - سىرتىنداعى جاۋ كۇشتەر پارتيانىڭ ۇلت، ءدىن ساياساتىنا شابۋىلداپ، جالا جاۋىپ، ۇلتتار ارا ىرتكى سالىپ، ۇلتتىق وشپەندىلىك تۋدىرىپ، ءدىني ۇشقارى يدەيانى ۋاعىزداپ، زورلىقتى كۇش لاڭكەستىك دەلولارىن تۋدىردى. شينجياڭنىڭ ورنىقتىلىق، دامۋ جالپى جاعدايىنا كەدەرگى بولعاندار جانە وعان زيان جەتكىزگەندەر زورلىقتى لاڭكەس كۇشتەر، ۇلتتىق بولشەكتەۋشى كۇشتەر جانە ءدىني ۇشقارى كۇشتەر بولىپ تابىلادى، «ءۇش ءتۇرلى كۇشكە» بۇلجىماي سوققى بەرۋ كەرەك. ءدىني ۇشقارى يدەيانىڭ ازدىرۋىنا ۇشىراعان بۇقارانى تاربيەلەۋ، جەتەكتەۋ جانە رايىنان قايتارۋ كەرەك، كىشكەنەدەن يگەرىپ، ەرتە باستان يگەرىپ، جاستار مەن ورەندەرگە تاربيەنى كۇشەيتۋ، اسىرەسە، وتانشىلدىق، ۇلتتار ىنتىماعى تاربيەسىن، زاڭ بىلىمدەرى جانە عىلىم، مادەنيەت، اتەيزم تاربيەسىن جۇرگىزىپ، ناداندىققا، سوقىر سەنىمگە قارسى تۇرۋ كەرەك، قالىڭ كادرلار مەن بۇقارا اراسىندا ماركسيزمدىك مەملەكەت كوزقاراسى، تاريح كوزقاراسى، ۇلت كوزقاراسى، مادەنيەت كوزقاراسى، ءدىن كوزقاراسى تاربيەسىن تەرەڭدەتىپ، سوتسياليستىك وزەكتى قۇن كوزقاراسىن بەلسەنە جەتىلدىرىپ جانە امالياتتا ايگىلەپ، ءار ۇلت حالقىنىڭ ۇلى وتاندى، جۇڭحۋا ۇلتىن، جۇڭحۋا مادەنيەتىن، جۇڭگو كوممۋنيستىك پارتياسىن، جۇڭگوشا سوتسياليزمدى شىنايى مويىنداۋىن كۇشەيتۋ كەرەك. تۇتاس شينجياڭداعى ءار دارەجەلى پارتيا ۇيىمدارى جانە قالىڭ پارتيا مۇشەلەرى، كادرلار، ءسوزسىز، شينجياڭنىڭ بولشەكتەۋشىلىككە قارسى تۇرۋ، لاڭكەستىككە قارسى تۇرۋ كۇرەسىنىڭ ۇزاق ۋاقىتتىلىعىن، كۇردەلىلىگىن جانە جاپالىلىعىن جەتە تانىپ، وتاننىڭ تۇتاستىعىن قورعاۋ، ۇلتتار ىنتىماعىن قورعاۋ، ۇلتتىق بولشەكتەۋشىلىككە قارسى تۇرۋ سياقتى كەلەلى ساياسي پرينسيپ ماسەلەسىندە تۋى ايقىن، تۇرعىسى بەرىك، تانىمدا ءبىرىڭعاي، پوزيتسيادا باتىل، اياق الىستا بىركەلكى بولىپ، ءارقانداي ۋاقىتتا، ءارقانداي جاعدايدا ساياسي سەنىمدى وزگەرتپەۋ، ساياسي تۇرعىدان بۇلجىماۋ، ساياسي بەتالىستان اۋىتقىماۋ كەرەك. جاڭا داۋىردەگى پارتيانىڭ ءدىن باعىتىن مۇقيات دايەكتىلەندىرىپ، اتقارىپ، ەلىمىزدە ءدىندى جۇڭگوشالاندىرۋ بەتالىسىنا تاباندى بولىپ، ءدىندى سوتسياليستىك قوعامعا ۇيلەسۋگە بەلسەنە باستاۋ كەرەك؛ ءار ۇلت حالىق بۇقاراسىن مۇمكىندىكتىڭ بارىنشا ىنتىماقتاستىرىپ، ءار ۇلت حالىق بۇقاراسىنىڭ ورتاق جاۋىنا مۇمكىندىكتىڭ بارىنشا سوققى بەرىپ، كەڭ كولەمدى وتانشىلدىق بىرلىكساپ شەبىن ورناتىپ، شينجياڭنىڭ جالپى جاعدايىنىڭ ءۇرتىس ورنىقتى، ۇزاق ۋاقىت ورنىقتى، جالپى بەتتىك ورنىقتى بولۋىنا شىنايى كەپىلدىك ەتۋ كەرەك.
ءۇشىنشى، ۇلتتار ىنتىماعىن بۇلجىماي قورعاۋ كەرەك. باس شۋجي شي جينپيڭ مىنانى اتاپ كورسەتتى: شينجياڭ ماسەلەسىندە ەڭ ۇزاق ۋاقىتتىق ماسەلە −ءالى دە ۇلتتار ىنتىماعى ماسەلەسى. ۇلتتار ىنتىماعى ءار ۇلت حالقىنىڭ جانى، شينجياڭنىڭ دامۋىنىڭ، العا باسۋىنىڭ ءتۇبىرلى ىرگە تاسى، سونداي - اق ءبىر ميلليارد 300 ميلليوننان استام جۇڭگو حالقىنىڭ ورتاق ەركى. شينجياڭنىڭ كەڭ - بايتاق دالاسىندا 50 نەشە ۇلت تۇرمىس كەشىرىپ وتىر. مەيلى ۇيعۇر ۇلتى، حانزۋ ۇلتى بولسىن، الدە باسقا ۇلتتار بولسىن، بارلىعى جۇڭحۋا ۇلتىنىڭ قالىپتاسۋى مەن دامۋىنا، جۇڭحۋا وركەنيەتىنىڭ قالىپتاسۋى مەن جالعاسۋىنا، شينجياڭدى اشۋ مەن گۇلدەندىرۋگە ءوز ۇلەسىن قوستى. «حانزۋلار از ۇلتتاردان ايرىلا الماۋ، از ۇلتتار حانزۋلاردان ايرىلا الماۋ، از ۇلتتار دا ءبىر - بىرىنەن ايرىلا الماۋ» ءار ۇلت حالقىنىڭ ورتاق تانىمىنا اينالدى. شينجياڭنىڭ دامۋ بارىسىنا قايىرىلا قارايتىن بولساق، قاي كەزدە ۇلتتار ىنتىماعى جاقسى بولسا، سول كەزدە قوعام ورنىقتى بولدى، ەكونوميكا اقاۋسىز دامىدى، ءار ۇلت حالقىنىڭ تۇرمىسى جاقساردى. تاريح پەن رەالدىق بىزگە مىنانى ۇعىندىردى: شينجياڭ وتانىمىزدىڭ اسىل جەرى، ءار ۇلت حالقىنىڭ ورتاق مەكەنى. ءار ۇلت حالقى تاتۋ - ءتاتتى وتكەندە، بىرگە كۇرەس جاساعاندا عانا شينجياڭ داميدى، ءار ۇلت حالقى سوندا عانا العا باسادى. تاريح وسى ءتۇيىندى الدەقاشان دالەلدەدى ءارى ۇزدىكسىز دالەلدەي بەرمەك. شينجياڭداعى ءار ۇلت كادر - بۇقاراسى ۇلتتار ىنتىماعىن قورعاۋ، قوعام ورنىقتىلىعى مەن باياندى تىنىشتىقتى جۇزەگە اسىرۋ − مەملەكەتتىڭ ەڭ جوعارى مۇددەسى ەكەندىگىن، شينجياڭداعى ءار ۇلت حالقىنىڭ ءتۇبىرلى مۇددەسى ەكەندىگىن سەرگەكتىكپەن تانۋى كەرەك. ۇلتتار ىنتىماعىن كوز قاراشىعىنداي قورعاپ، ۇلتتار ىنتىماعىن ومىرىندەي قاستەرلەپ، قاشاندا تىنىستاس، تاعدىرلاس، جۇرەكتەس بولۋ كەرەك.
ءتورتىنشى، شينجياڭنىڭ ەكونوميكاسىنىڭ، قوعامىنىڭ اقاۋسىز دامۋىن بۇلجىماي ىلگەرىلەتۋ كەرەك. باس شۋجي شي جينپيڭ مىنانى باسا دارىپتەدى: شينجياڭنىڭ اناعۇرلىم جاقسى، اناعۇرلىم تەز دامۋىن مىزعىماستان ىلگەرىلەتىپ، دامۋدى حالىق تۇرمىسىن جاقسارتۋدا، جەرگىلىكتى ورىنعا پايدا جەتكىزۋدە، ىنتىماقتى نىعايتۋدا تياناقتاندىرۋ كەرەك. ءوندىرىس، تۇرمىس شارت - جاعدايىن جاقسارتاتىن نىسانداردى كوبىرەك جۇرگىزىپ، حالىق قالاۋىنان شىعاتىن، حالىق تۇرمىسىنا تيىمدىلىك جەتكىزەتىن ناقتى ىستەردى كوبىرەك ىستەپ، ءار ۇلت بۇقاراسى قام جەپ وتىرعان كەيبىر ماسەلەلەردى كوبىرەك شەشىپ، ءار ۇلت بۇقاراسىنا پارتيانىڭ قامقورلىعى مەن وتانىمىز ۇلى شاڭىراعىنىڭ مەيىر - شاپاعاتىن شىنايى سەزىندىرۋ كەرەك. جاڭا دامۋ ۇستانىمىن جاپپاي دايەكتىلەندىرىپ، دامۋ ساپاسى مەن ونىمدىلىگىن جوعارىلاتۋدى وزەك ەتۋگە، قامداۋ جاعىنداعى قۇرىلىمدىق رەفورمانى ىلگەرىلەتۋدى نەگىزگى جەلى ەتۋگە تاباندى بولىپ، ەرەكشە ابزال كاسىپتەردى جەتىلدىرىپ، ۇلعايتىپ، نەگىزدىك قۇرىلعىلار قۇرىلىسىن نىعايتىپ، ەكولوگيالىق ورتانى قورعاۋدى كۇشەيتىپ، «ءۇش جوعارى» نىسانداردىڭ شينجياڭعا كىرۋىنە قاتاڭ تيىم سالىپ، لاستانۋدان ساقتانۋ مەن ونى جونگە سالۋدان قامال الۋ شايقاسىن باتىل ويداعىداي جۇرگىزىپ، اسپانى اشىق، جەرى جاسىل، سۋى تۇنىق كورىكتى شينجياڭ قۇرۋعا قۇلشىنۋ كەرەك. جۇمىسقا ورنالاستىرۋدى ءبىرىنشى ورىنعا قويۋعا تاباندى بولىپ، ءار ۇلت بۇقاراسىن قالاعا تارتىپپەن كىرىپ جۇمىستانۋعا، جاقىن ماڭنان، سول جەردە جۇمىستانۋعا، اۋىلعا ورالىپ دەربەس شارۋاشىلىق قۇرۋعا جەتەكتەۋ كەرەك. پارتيا ورتالىق كوميتەتى ايقىن تۇراقتاندىرعان كەدەيلىكتەن ارىلتۋ نىساناسى مەن ولشەمىنەن اۋىتقىماي، كەدەيلەردى دالمە - ءدال سۇيەمەلدەۋدىڭ، كەدەيلىكتەن دالمە - ءدال ارىلتۋدىڭ نەگىزگى جالپى جوباسىن دايەكتىلەندىرىپ، ءارى اپتىقپالىققا سالىنباۋ، قارابايىرلىقپەن ىستەمەۋ، ءارى كەرەناۋلىققا سالىنباۋ، كەشەۋىلدەتپەۋ، ءارى ولشەمدى تومەندەتپەۋ، ءارى اراندى تىم اشىپ جىبەرمەۋ، كەدەيلىكتەن ارىلتۋدان قامال الۋ شايقاسىنىڭ جەڭىسىنە دەر كەزىندە قول جەتكىزۋگە شىنايى كەپىلدىك ەتۋ كەرەك. جەرگىلىكتى جاعدايعا قاراي شارا قولدانىپ، ارتىقشىلىقتى ساۋلەلەندىرىپ، قۇرىلىمدى رەتتەپ، ەسىك اشۋدى كەڭەيتىپ، پارىقتى ازايتىپ، ءار ۇلت حالقىنىڭ تۇرمىس دەڭگەيىن جاقسارتىپ، ورتاق بايۋعا جەتۋ كەرەك.
ءبىز شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن ىشكەرىلەي دايەكتىلەندىرىپ، تياناقتاندىرىپ، اۆتونوميالى رايوندىق پارتكومنىڭ ورنالاستىرۋى، تالاپتارى بويىنشا، اۋەلگى ماقساتتى ۇمىتپاي، ۇدەرە العا ىلگەرىلەپ، حاۋىپ - قاتەردەن تايسالماي، ەرلىكپەن العا باسىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىنىڭ اناعۇرلىم شۇلەن شۇعىلالى شينجياڭ تاراۋىن جازۋعا قۇلشىنايىق!
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
