شي جينپيڭ شەتەل باسشىلارىمەن جەكە - جەكە كەزدەستى
2018.11.20 14:05 كەلۋ قاينارى : شينجياڭ گازەتى
شينحۋا اگەنتتىگىنىڭ 11 - ايدىڭ 17 - كۇنى پورت مورسبيدەن بەرگەن حابارى (ءتىلشى لي جۇڭفا). مەملەكەت ءتوراعاسى شي جينپيڭ 11 - ايدىڭ 17 - كۇنى پورت مورسبيدە چيليدىڭ زۇڭتۇڭى پينەرامەن كەزدەستى.
شي جينپيڭ بىلاي دەپ اتاپ كورسەتتى: چيلي − جاڭا جۇڭگومەن ديپلوماتيالىق قاتىناس ورناتقان وڭتۇستىك امەريكاداعى تۇڭعىش مەملەكەت، جۇڭگو - چيلي قاتىناسى ۇزاق ۋاقىتتان بەرى جۇڭگو - لاتىن امەريكاسى قاتىناسىنىڭ الدىڭعى لەگىندە كەلەدى. جاڭا جاعدايدا ءبىز جۇڭگو - چيلي سەلبەستىگىنىڭ تاعى دا تىڭ ساتىعا كوتەرىلۋىن ۇزدىكسىز ىلگەرىلەتۋىمىز كەرەك. مەن ءسىزدىڭ چيليدىڭ زۇڭتۇڭى مىندەتىن 2 - رەت وتەگەندىگىڭىزدى قۇتتىقتايمىن، ءبىزدىڭ بىرگە جەتەكشىلىك ەتۋىمىزدە جۇڭگو مەن چيليدىڭ جالپى بەتتىك ستراتەگيالىق سەرىكتەستىك قاتىناسىندا، ءسوز جوق، جاڭا جاعداي اشىلىپ، جاڭا دامۋدىڭ جۇزەگە اسىرىلىپ، جۇڭگو مەن لاتىن امەريكاسىنىڭ جالپى تۇلعالىق سەلبەستىگىن وسىرۋگە ءتىپتى زور ۇلەس قوساتىندىعىمىزعا سەنەمىن.
شي جينپيڭ بىلاي دەپ باسا دارىپتەدى: جۇڭگو مەن چيلي «ءبىر بەلدەۋ، ءبىر جول» ۇكىمەت ارالىق سەلبەستىك كەلىسىمىنە قول قويدى، كەلەسى قادامدا ءتۇيىندى سالالار مەن نىسانداردى بەلگىلەپ، ەرتەرەك تابىسقا قول جەتكىزۋگە ۇمتىلۋى كەرەك. ەكى جاقتى سەلبەستىك مەحانيزمىنىڭ رولىن تولىق ساۋلەلەندىرۋ كەرەك. جۇڭگو مەن چيلي ەركىن ساۋدا ءبىتىمىنىڭ دەڭگەيىن ءوسىرۋدى وراي ەتىپ، ەكى جاقتى ساۋدانىڭ كولەمىنىڭ كەڭەيۋىن ىلگەرىلەتىپ، ساۋدا قۇرىلىمىن ساپالىلاندىرىپ، قارجى قوسۋ سەلبەستىگىن تەرەڭدەتىپ، كەلەلى ءوزارا بايلانىسۋ، ءوزارا تۇتاسۋ نىساندارىن تىڭعىلىقتى ىلگەرىلەتۋ كەرەك. 2020 - جىلى جۇڭگو مەن چيليدىڭ ديپلوماتيالىق قاتىناس ورناتقانىنا 50 جىل تولادى، ەكى جاق ءبىر قىدىرۋ قۇتتىقتاۋ قيمىلدارىن بىرگە وتكىزۋى كەرەك. جۇڭگو چيليمەن عىلىم - تەحنيكا، وڭتۇستىك ۇيەك سياقتى سالالارداعى سەلبەستىكتەردى كۇشەيتۋدى قالايدى. جۇڭگو چيليدىڭ كەلەر جىلى ازيا - تىنىق مۇحيت ەكونوميكالىق سەلبەستىك ۇيىمىنا مۇشە ەلدەر باسشىلارىنىڭ بەيرەسمي ءماجىلىسىن وتكىزۋىن قولداپ، ازيا - تىنىق مۇحيت ەركىن ساۋدا رايونى قۇرىلىسىن بىرگە ىلگەرىلەتەدى.
پينەرا مىنالاردى ءبىلدىردى: چيلي - جۇڭگو قاتىناسى بەرىك ءارى سەرپىندى. جۇڭگو − چيليدىڭ ءبىرىنشى ۇلكەن ساۋدا سەرىگى جانە نەگىزگى قارجى قوسۋشى ەلى. چيلي مەن جۇڭگونىڭ ەركىن ساۋدا ءبىتىمىن كەلىسىم دەڭگەيىنە كوتەرۋى ەكى ەلدىڭ سەلبەستىگى ءۇشىن ءتىپتى كەڭ ءورىس اشتى. چيلي جۇڭگومەن جوعارى جىكتەگىلەر اراسىنداعى قارىم - قاتىناستى نىعايتىپ، ساۋدا، قارجى قوسۋ، نەگىزدىك قۇرىلعى قۇرىلىسى، عىلىم - تەحنيكا سياقتى سالالارداعى سەلبەستىكتى تەرەڭدەتىپ، «ءبىر بەلدەۋ، ءبىر جولدى» بىرگە قۇرىپ، ەركىن ساۋدانى بىرگە قورعاپ، اشىق دۇنيە ءجۇزى ەكونوميكاسىن قۇرۋدى قالايدى. چيلي جۇڭگومەن كەڭەستى، سايكەسۋدى ساقتاپ، كەلەر جىلعى ازيا - تىنىق مۇحيت ەكونوميكالىق سەلبەستىك ۇيىمىنا مۇشە ەلدەر باسشىلارىنىڭ بەيرەسمي ءماجىلىسىنىڭ بەلسەندى تابىستارعا قول جەتكىزۋىن ىلگەرىلەتۋدى قالايدى.
ديڭ شۋەشياڭ، ياڭ جيەچى، ۋاڭ ي، حى ليفىڭ قاتارلىلار كەزدەسۋگە قاتىناستى.
شينحۋا اگەنتتىگىنىڭ 11 - ايدىڭ 17 - كۇنى پورت مورسبيدەن بەرگەن حابارى (ءتىلشى لي جيانمين). مەملەكەت ءتوراعاسى شي جينپيڭ 11 - ايدىڭ 17 - كۇنى پورت مورسبيدە كورەيانىڭ زۇڭتۇڭى ۋىن زاييىنمەن كەزدەستى.
شي جينپيڭ بىلاي دەپ اتاپ كورسەتتى: وتكەن ءبىر جىلدا زۇڭتۇڭ مىرزا ەكەۋىمىز كەلىسكەن ورتاق تانىمدار ءونىمدى تۇردە تياناقتاندىرىلۋدا، ەكى ەل قاتىناسى نىق قاداممەن جاقسارۋدا جانە دامۋدا. ءبىز جۇڭگو مەن كورەيانىڭ ستراتەگيالىق سەلبەستىك سەرىكتەستىك قاتىناسىن ۇزدىكسىز تەرەڭدەتىپ، ءوڭىردىڭ باياندى بەيبىتشىلىگى مەن گۇلدەنۋىنە بىرگە بەلسەندى ۇلەس قوسۋىمىز كەرەك. ەكى جاق جوعارى جىكتەگىلەردىڭ جەتەكتەۋ رولىن ۇزدىكسىز ساۋلەلەندىرىپ، ءبىر - ءبىرىنىڭ وزەكتى مۇددەسىنە جانە ءجىتى قاداعالاپ وتىرعان كەلەلى ىستەرىنە قۇرمەت ەتىپ، كەڭەستى كۇشەيتىپ، ءوزارا سەنىم ورناتىپ جانە ونى نىعايتىپ، نازىك ماسەلەلەردى ۇزدىكسىز ۇيلەسىمدى ءبىر جاقتى ەتۋى كەرەك. «ءبىر بەلدەۋ، ءبىر جولدى» بىرگە قۇرۋدى ءتۇيىندى تۇردە ىلگەرىلەتىپ، ەكى ەلدىڭ ەركىن ساۋدا ءبىتىمى جونىندەگى 2 - كەزەڭدەگى كەلىسسوزدى جەدەلدەتىپ، ەكى جاقتى ءوزارا ءتيىمدى سەلبەستىكتىڭ ساپالىلانۋىن، دەڭگەيىنىڭ ءوسۋىن ىلگەرىلەتۋ كەرەك. ازيا - تىنىق مۇحيت ەكونوميكالىق سەلبەستىك ۇيىمى، 20 ەل توبى، جۇڭگو - جاپونيا - كورەيا سياقتى كوپ جاقتى جۇلگەدەگى سايكەسۋ مەن سەلبەستىكتى كۇشەيتۋ كەرەك.
ۋىن زاييىن تۇڭعىش كەزەكتى جۇڭگو حالىقارالىق يمپورت كورمەسىنىڭ ءساتتى وتكىزىلگەندىگىن قۇتتىقتادى. ۋىن زاييىن مىنانى ءبىلدىردى: قازىر كورەيا - جۇڭگو قاتىناسىندا تەز قالپىنا كەلۋ اۋقىمى جارىققا شىعىپ، ءار سالاداعى بارىس - كەلىس، سەلبەستىك كورنەكتى دارەجەدە ءوستى. كورەيا جۇڭگومەن بىرگە سەلبەستىكتى قۇلشىنا تەرەڭدەتىپ، ەكى ەل حالىقتارىن باقىتقا كەنەلتۋدى قالايدى.
شي جينپيڭ بىلاي دەپ اتاپ كورسەتتى: وتكەن ءبىر جىلدا، چاۋشيان تۇبەگى جاعدايىندا بەلسەندى وزگەرىستەر جارىققا شىقتى. تۇبەك ماسەلەسى جالپى العاندا تىلدەسۋدىڭ، كەڭەستىڭ دۇرىس ارناسىنا ورالدى. فاكتتەر ءبىزدىڭ قۇلشىنىسىمىزدىڭ ناتيجەلى بولعانىن دالەلدەدى. زۇڭتۇڭ مىرزانىڭ باسشىلىعىندا، كورەيا تۇبەكتىڭ شۇعىل جاعدايىنىڭ ساباسىنا ءتۇسۋىن ىلگەرىلەتۋگە، وڭتۇستىك پەن سولتۇستىكتىڭ تاتۋلىعىن، ىقپالداستىعىن ورىستەتۋگە كۇش سالدى. جۇڭگو وڭتۇستىك پەن سولتۇستىكتىڭ ءوزارا قاتىناستى ۇزدىكسىز جاقسارتۋىن قولدايدى. قازىر تۇبەك جاعدايى شەشۋشى كەزەڭدە تۇر. جۇڭگو مەن كورەيا كەڭەسۋدى كۇشەيتىپ، تۇبەكتىڭ يادروسىزدانۋىن جانە تۇبەكتىڭ بەيبىتشىلىك مەحانيزمىن ورناتۋ ۇدەرىسىن سايكەستى تۇردە ىلگەرىلەتۋى كەرەك. مۇنداعى كىلت − قاتىستى جاقتاردىڭ ءبىر باعىتپەن ىلگەرىلەپ، يكەمدىلىك تانىتىپ، كەلىسسوزدى جالعاستىرىپ، ودان ناتيجە شىعارۋى بولىپ تابىلادى.
ديڭ شۋەشياڭ، ياڭ جيەچى، ۋاڭ ي، حى ليفىڭ قاتارلىلار كەزدەسۋگە قاتىناستى.
شينحۋا اگەنتتىگىنىڭ 11 - ايدىڭ 17 - كۇنى پورت مورسبيدەن بەرگەن حابارى (ءتىلشى سۇن ي). مەملەكەت ءتوراعاسى شي جينپيڭ 11 - ايدىڭ 17 - كۇنى پورت مورسبيدە يندونەزيانىڭ زۇڭتۇڭى جوكومەن كەزدەستى.
شي جينپيڭ بىلاي دەپ اتاپ كورسەتتى: جۇڭگو دا، يندونەزيا دا وركەندەپ كەلە جاتقان ءىرى ەلدەر جانە جاڭادان گۇلدەنگەن ەكونوميكالىق تۇلعالار، كوپتەگەن سالالارداعى تۇرعىسى ۇقساس. مەن زۇڭتۇڭ مىرزامەن ەكى ەلدىڭ جالپى بەتتىك ستراتەگيالىق سەرىكتەستىك قاتىناسىن تەرەڭدەتۋ جونىندە ءبىر قىدىرۋ ماڭىزدى ورتاق تانىمعا كەلدىم.
شي جينپيڭ مىنالاردى اتاپ كورسەتتى: جۇڭگو يندونەزيامەن جوعارى جىكتەگىلەردىڭ كەڭەسىن ساقتاپ، ەكى جاقتى قاتىناستىڭ دامۋىنا ستراتەگيالىق تۇرعىدان جانە ۇزاق بولاشاقتىق تۇرعىدان جەتەكشىلىك ەتۋدى قالايدى. ەكى ەل الدىڭعى ايدا «ءبىر بەلدەۋ، ءبىر جولدى» جانە «جەر شارىنىڭ تەڭىز - مۇحيت تىرەۋىن» قۇرۋدى ىلگەرىلەتۋ جونىندەگى تۇسىنىستىك ەسكەرتپە حاتىنا قول قويدى، قاتىستى سەلبەستىكتەردى بەلسەنە ىلگەرىلەتۋ كەرەك. جۇڭگو زۇڭتۇڭ مىرزا العا قويعان «وڭىرلىك امبەباپ ەكونوميكالىق ءدالىز» باستاماسىنا ءمان بەرىپ، يندونەزيا جاقپەن ماندىك سەلبەستىكتى ەرتەرەك باستاۋدى قالايدى. جۇڭگو يندونەزيادان يمپورت ەتىلەتىن ونىمدەر كولەمىن كەڭەيتۋدى قالايدى. ەكى جاق فينانس، ەلەكتروندىق ساۋدا، گۋمانيتارلىق سالالارداعى بارىس - كەلىس، سەلبەستىكتى كۇشەيتۋى كەرەك. جۇڭگو يندونەزيامەن بىرگە جۇڭگو - شىعىس وڭتۇستىك ازيا ەلدەرى وداعى قاتىناسىنىڭ ساپالىلانۋىن، دەڭگەيىنىڭ ءوسۋىن ىلگەرىلەتۋدى، شىعىس ازيا سەلبەستىگىنىڭ ءتىپتى زور دامۋشىلىققا قول جەتكىزۋىن ىلگەرىلەتۋدى، ب م ۇ، الەمدىك ساۋدا ۇيىمى، 20 ەل توبى سياقتى كوپ جاقتى جۇلگەدەگى كەڭەس پەن سايكەسۋدى كۇشەيتۋدى قالايدى. جۇڭگو يندونەزيامەن ازيا - تىنىق مۇحيت ەكونوميكالىق سەلبەستىك ۇيىمى جۇلگەسىندەگى كەڭەس پەن سايكەسۋدى كۇشەيتىپ، بيىلعى باسشىلار ءماجىلىسىنىڭ بەلسەندى تابىسقا قول جەتكىزۋىن ىلگەرىلەتىپ، ازيا - تىنىق مۇحيت ەكونوميكاسىنىڭ ءبىر تۇلعالانۋ ۇدەرىسىن جەدەلدەتىپ، ازيا - تىنىق مۇحيت ءوڭىرى مەن جەر شارى ەكونوميكاسىنىڭ دامۋىنا تىڭ قوزعاۋشى كۇش قوسۋدى قالايدى.
جوكو مىنالاردى ءبىلدىردى: تۇڭعىش كەزەكتى جۇڭگو حالىقارالىق يمپورت كورمەسىنىڭ تابىسپەن وتكىزىلگەنىن قۇتتىقتايمىن، جۇڭگونىڭ تاياۋدا يندونەزياداعى جەر سىلكىنىسى مەن تەڭىز شايقالىسى اپاتىنان كەيىنگى اپاتتان قۇتقارۋ قىزمەتىنە كورسەتكەن كومەگىنە العىس ايتامىن. يندونەزيا جۇڭگومەن ءبىر قىدىرۋ ماڭىزدى سەلبەستىك كەلىسىمىن جاساسىپ، ورتاق تانىمعا كەلگەنىنە قاتتى قۋانادى، ەكى جاقتىڭ كەڭ سالاداعى سەلبەستىكتەردى اناعۇرلىم كۇشەيتۋىن ءۇمىت ەتەدى. يندونەزيا شىعىس وڭتۇستىك ازيا ەلدەرى وداعىنداعى ەلدەردىڭ جۇڭگومەن قارىم - قاتىناستى دامىتۋىن قولدايدى، جۇڭگومەن حالىقارالىق جانە وڭىرلىك ىستەردەگى كەڭەس پەن سايكەسۋدى نىعايتۋدى قالايدى.
ديڭ شۋەشياڭ، ياڭ جيەچى، ۋاڭ ي، حى ليفىڭ قاتارلىلار كەزدەسۋگە قاتىناستى.
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
