«تايۋاندىق باۋىرلاستارعا حات» جاريالانعاندىعىنىڭ 40 جىلدىعىن ەسكە الۋ ءماجىلىسى بەيجيڭدە سالتاناتپەن وتكىزىلدى
شي جينپيڭ ەسكە الۋ ماجىلىسىنە قاتىناستى ءارى ماڭىزدى ءسوز سويلەدى
2019.01.04 13:58 كەلۋ قاينارى : حالىق تورابى
شينحۋا اگەنتتىگىنىڭ 1 - ايدىڭ 2 - كۇنى بەيجيڭنەن بەرگەن حابارى (تىلشىلەر چىن جيانشيڭ، جا ۋىنحۋا). «تايۋاندىق باۋىرلاستارعا حات» جاريالانعاندىعىنىڭ 40 جىلدىعىن ەسكە الۋ ءماجىلىسى 1 - ايدىڭ 2 - كۇنى تۇستەن بۇرىن حالىق سارايىندا سالتاناتپەن وتكىزىلدى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ەسكە الۋ ماجىلىسىنە قاتىناستى ءارى ماڭىزدى ءسوز سويلەپ، وتاننىڭ ۇلى قۇرلىعىنداعى حالىق اتىنان قالىڭ تايۋاندىق باۋىرلاستارعا ىقىلاستى سالەم جولدادى جانە ىزگى تىلەك ءبىلدىردى.
شي جينپيڭ مىنانى باسا دارىپتەدى: تاريحتا تالعام جاساۋ مۇمكىن بولماعاندى قازىر يگەرۋگە، كەلەشەكتە جاراتۋعا بولادى. جاڭا ءداۋىر − جۇڭحۋا ۇلتى قاباعات داميتىن، زور ىستەر تىندىراتىن ءداۋىر، ەكى جاعالاۋداعى باۋىرلاستار دا قاباعات داميتىن، زور ىستەر تىندىراتىن ءداۋىر. العا ىلگەرىلەۋ جولىندا بارلىق ءىستىڭ ويداعىداي بولا بەرۋى مۇمكىن ەمەس، دەسەدە ءبىر نيەتپەن كۇش بىرىكتىرىپ، تىزە قوسا كۇرەس جاساساق بولعانى، ءسوز جوق، جۇڭحۋا ۇلتىنىڭ ۇلى گۇلدەنۋى سىندى تاماشا كەلەشەكتى بىرگە جاراتاتىن بولامىز، ءسوزسىز، وتاندى بىرلىككە كەلتىرۋ ۇلى ءىسىن ورىندايتىن بولامىز.
ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك حالىق قۇرىلتايى تۇراقتى كوميتەتىنىڭ باستىعى لي جانشۋ ەسكە الۋ ماجىلىسىنە قاتىناستى. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ ياڭ ءماجىلىستى باسقاردى.
شي جينپيڭ سوزىندە مىنانى اتاپ كورسەتتى: 1949 - جىلدان بەرى، جۇڭگو كوممۋنيستىك پارتياسى، جۇڭگو ۇكىمەتى، جۇڭگو حالقى تايۋان ماسەلەسىن شەشۋدى، وتاننىڭ بۇكىلدەي بىرلىككە كەلۋىن جۇزەگە اسىرۋدى قاي - قاشان دا اينىماس تاريحي مىندەتى ەتىپ كەلەدى. ءبىز تايۋاندىق باۋىرلاستارمەن ىنتىماقتاسىپ، تايۋان جاعدايىنىڭ قىسىلتاياڭدىقتان، ارباسۋدان باسەڭدەۋگە جانە جاقسارۋعا بەتتەۋىن، ونان بەيبىت دامۋ جولىنا ءتۇسۋىن ىلگەرىلەتىپ، ەكى جاعالاۋ قاتىناسىندا ۇزدىكسىز سونى ىلگەرىلەۋشىلىكتەرگە قول جەتكىزدىك.
شي جينپيڭ مىنانى باسا دارىپتەدى: ەكى جاعالاۋ قاتىناسى دامۋىنىڭ تاريحي بارىسى مىنانى دالەلدەدى: تايۋان جۇڭگونىڭ ءبىر بولىگى، ەكى جاعالاۋ بىردەي ءبىر جۇڭگوعا ءتان ەكەندىگى سىندى تاريحي جانە زاڭدىق قاعيدا فاكتتەرىن ءارقانداي ادام، ەشقانداي كۇش وزگەرتە المايدى! ەكى جاعالاۋداعى باۋىرلاستاردىڭ ءبارى جۇڭگولىقتار، ەتەنە قانداستىق، بىرىنە - ءبىرى قول ۇشىن بەرەتىن تابيعي سۇيىسپەنشىلىك پەن ۇلتتىق مۇراتتاستىقتى ءارقانداي ادام، ەشقانداي كۇش وزگەرتە المايدى! تايۋان جاعدايىنىڭ بەيبىتشىلىككە، ورنىقتىلىققا بەتتەگەن، ەكى جاعالاۋ قاتىناسىنىڭ العا قاراي دامىعان ءداۋىر اعىمىن ءارقانداي ادام، ەشقانداي كۇش بوگەي المايدى! مەملەكەتتىڭ قۇدىرەتتەنۋى، ۇلتتىڭ گۇلدەنۋى، ەكى جاعالاۋدىڭ بىرلىككە كەلۋى سىندى تاريحي زور اۋقىمدى ءارقانداي ادام، ەشقانداي كۇش مۇلدە بوگەي المايدى!
شي جينپيڭ مىنالاردى اتاپ كورسەتتى: تاريحقا قايىرىلا قاراۋ بۇگىنگە وي سالۋ، ەرتەڭگىگە اڭعارتۋ ءۇشىن بولىپ تابىلادى. وتان، ءسوزسىز، بىرلىككە كەلۋ كەرەك ءارى، ءسوزسىز، بىرلىككە كەلەدى. بۇل − ەكى جاعالاۋ قاتىناسى دامۋىنىڭ 70 جىلدىق بارىسىنىڭ تاريحي قورىتىندىسى ءارى جاڭا داۋىردەگى جۇڭحۋا ۇلتىنىڭ ۇلى گۇلدەنۋىنىڭ تابيعي تالابى. ەكى جاعالاۋداعى جۇڭگولىقتار، ەل ءىشى - سىرتىنداعى جۇڭحۋا پەرزەنتتەرى ۇلت اقيقاتىن ارقالاپ، تاريحتىڭ زور اۋقىمىنا ۇيلەسىپ، ەكى جاعالاۋ قاتىناسىنىڭ بەيبىت دامۋىن تىزە قوسا ىلگەرىلەتۋلەرى، وتاننىڭ بەيبىت بىرلىككە كەلۋ ءۇردىسىن جەبەۋلەرى كەرەك.
شي جينپيڭ ەكى جاعالاۋ قاتىناسىنىڭ بەيبىت دامۋىن ىلگەرىلەتۋ، وتاننىڭ بىرلىككە كەلۋىن جۇزەگە اسىرۋ تۋرالى 5 قۋاتتامانى العا قويدى.
ءبىرىنشى، ۇلتتىڭ گۇلدەنۋىن قول ۇستاسا ىلگەرىلەتىپ، بەيبىت بىرلىككە كەلۋ نىساناسىن جۇزەگە اسىرۋ. ۇلتتىڭ گۇلدەنۋى، وتاننىڭ بىرلىككە كەلۋى − زامانا اۋقىمى، ادىلەت تياناعى، حالىق قالاۋى. ەكى جاعالاۋدىڭ اراسى جاقىن بولا تۇرسادا، ەكى جاعالاۋدىڭ كۇنى بۇگىنگە دەيىن بۇكىلدەي بىرلىككە كەلە الماۋى تاريحتىڭ جۇڭحۋا ۇلتىنا قالدىرعان جاراقاتى. ەكى جاعالاۋداعى جۇڭگولىقتار مەملەكەتتى بىرلىككە كەلتىرۋگە، تاريحتىڭ سالعان جاراقاتىن جازۋعا تىزە قوسا قۇلشىنۋ كەرەك. تايۋاننىڭ كەلەشەگى − مەملەكەتتىڭ بىرلىككە كەلۋىندە، تايۋاندىق باۋىرلاستاردىڭ باقىتى − ۇلتتىڭ گۇلدەنۋىندە. ەكى جاعالاۋ قاتىناسىنىڭ بەيبىت دامۋى ەكى جاعالاۋدىڭ بەيبىتشىلىگىن قورعاۋدىڭ، ەكى جاعالاۋدىڭ بىرگە دامۋىن جەبەۋدىڭ، ەكى جاعالاۋداعى باۋىرلاستارعا باقىت اكەلۋدىڭ دۇرىس جولى. ەكى جاعالاۋ قاتىناسىنىڭ بەيبىت دامۋىن ەكى جاعالاۋداعى باۋىرلاستار بىرگە ىلگەرىلەتۋى، ەكى جاعالاۋداعى باۋىرلاستار بىرگە قورعاۋى، ەكى جاعالاۋداعى باۋىرلاستار ونان بىرگە يگىلىكتەنۋى كەرەك. ەكى جاعالاۋداعى باۋىرلاستار ءبىر نيەتپەن قول ۇستاسىپ، جۇڭگو ارمانىن بىرگە جۇزەگە اسىرىپ، ۇلتتى گۇلدەندىرۋ جاۋاپكەرشىلىگىن بىرگە ارقالاپ، ۇلتتىڭ گۇلدەنۋ مەرەيىنە بىرگە كەنەلۋ كەرەك. تايۋان ماسەلەسى ۇلتتىڭ السىزدىگىنەن، بىلىقپالىعىنان تۋىنداعان، بۇل ،ءسوزسىز، ۇلتتىڭ گۇلدەنۋىمەن قوسا اياقتالادى.
ەكىنشى، «ەكى ءتۇزىمنىڭ» تايۋان جوباسى تۋرالى ىزدەنىس جاساپ، بەيبىت بىرلىككە كەلۋ امالياتىن بايىتۋ. «بەيبىت بىرلىككە كەلۋ، ءبىر ەل، ەكى ءتۇزىم» مەملەكەتتىڭ بىرلىككە كەلۋىن جۇزەگە اسىرۋدىڭ ەڭ تاماشا ءتاسىلى، بۇل بارلىعىن ءوز ىشىنە قامتىعان، بارلىعىن دارقان قۇشاعىنا العان جۇڭحۋا پاراساتىن ايگىلەدى، تايۋاننىڭ رەال جاعدايىن تولىق ويلاستىرۋمەن بىرگە، بىرلىككە كەلگەننەن كەيىنگى تايۋاننىڭ باياندى تىنىشتىعىنا دا ءتيىمدى. «ءبىر ەل، ەكى ءتۇزىمدى» تايۋاندا ناقتى جۇزەگە اسىرۋ تاسىلىندە تايۋاننىڭ رەال جاعدايى تولىق ەسكەرىلەدى، ەكى جاعالاۋداعى ءار سالانىڭ پىكىرى مەن ۇسىنىسى تولىق قامتىلادى، تايۋاندىق باۋىرلاستاردىڭ مۇددەسى مەن سۇيىسپەنشىلىگىنە تولىق كوڭىل بولىنەدى. ەكى جاعالاۋداعى باۋىرلاستار ءبىر ءۇيدىڭ ادامدارى، ەكى جاعالاۋدىڭ ءىسى ەكى جاعالاۋداعى باۋىرلاستاردىڭ ءوز ءۇيىنىڭ ءىسى، ارينە، ۇيدەگىلەرمەن اقىلداسىپ ءىس ىستەۋ كەرەك. بەيبىت بىرلىككە كەلۋ تەڭ تۇرعىدا كەڭەسۋ، بىرلىككە كەلۋدى بىرگە اقىلداسۋ بولىپ تابىلادى. ەكى جاعالاۋداعى ەكى جاق ۇلتقا، ۇرپاقتارعا جاۋاپتى بولۋ پوزيتسياسىن ۇستانىپ، اقىل - پاراسات توپتاپ، جاسامپازدىقتى ساۋلەلەندىرىپ، بىردەيلىكتى شوعىرلاندىرىپ، ايىرماشىلىقتى جويىپ، ساياسي قاراما - قارسىلىقتى ەرتەرەك شەشۋگە قۇلشىنىپ، تايۋان بۇعازىنىڭ باياندى بەيبىتشىلىگىن جۇزەگە اسىرىپ، مەملەكەتتى بىرلىككە كەلتىرۋ ارمان - تىلەگىنە كەلىپ، ۇرپاقتارىمىزدىڭ تاتۋ، تىنىش، گۇلدەنگەن، ار - ۇجداندى ورتاق مەكەندە ءومىر كەشۋىنە، ءوسىپ - جەتىلۋىنە مۇمكىندىك جاساۋىمىز كەرەك. ءبىر جۇڭگو پرينسيبى نەگىزىندە، تايۋانداعى ءارقانداي ساياسي پارتيانىڭ، توپتىڭ بىزبەن بارىس - كەلىستە بولۋىنا كەدەرگىلىك جاسالمايدى. قارسىلاسقاننان گورى تىلدەسكەندە، جاعالاسۋدان گورى سەلبەسكەندە، بىرەۋى ۇتىپ، ەندى بىرەۋى ۇتىلعاننان گورى، تەڭ يگىلىككە كەنەلگەندە عانا، ەكى جاعالاۋ قاتىناسى ورنىقتى قاداممەن الىستارعا جەتەتىن بولادى. ءبىز مىنانى سالتاناتپەن دارىپتەيمىز: «92 - جىلعى ورتاق تانىمعا» تاباندى بولۋ، «تايۋان دەربەستىگىنە» قارسى تۇرۋ سىندى ورتاق ساياسي نەگىزدە، ەكى جاعالاۋداعى ءارقايسى ساياسي پارتيالار، ءار سالا ۋاكىلدىك قايراتكەرلەردى كورسەتىپ، ەكى جاعالاۋ قاتىناسى مەن ۇلتتىڭ كەلەشەگى جونىندە كەڭ كولەمدە، ىشكەرىلەي دەموكراتيالىق كەڭەس ورىستەتىپ، ەكى جاعالاۋ قاتىناسىنىڭ بەيبىت دامۋىن ىلگەرىلەتۋ ءۇشىن تۇزىمدىك ورنالاستىرۋ جاساۋعا كەلىسۋ كەرەك.
ءۇشىنشى، ءبىر جۇڭگو پرينسيبىنە تاباندى بولىپ، بەيبىت بىرلىككە كەلۋ كەلەشەگىن قورعاۋ. ءبىر جۇڭگو پرينسيبى − ەكى جاعالاۋ قاتىناسىنىڭ ساياسي نەگىزى. ءبىر جۇڭگو پرينسيبىنە تاباندى بولعاندا عانا، ەكى جاعالاۋ قاتىناسى جاقسارادى جانە داميدى، تايۋاندىق باۋىرلاستار يگىلىككە كەنەلەدى. ءبىر جۇڭگو پرينسيبىنە قايشى كەلگەندە، ەكى جاعالاۋ قاتىناسى قىسىلتاياڭدىققا، الاساپىراندىققا تۇسەدى، تايۋاندىق باۋىرلاستاردىڭ ءتول مۇددەسى زيانعا ۇشىرايدى. بىرلىككە كەلۋ زور تاريحي اۋقىم، دۇرىس جول. «تايۋان دەربەستىگى» تاريحتىڭ اعىمىنا كەراعار، تۇيىق جول. داڭقتى وتانشىلدىق داستۇرگە يە قالىڭ تايۋاندىق باۋىرلاستار ءبىزدىڭ ەتەنە تۋىسىمىز.ءبىز تايۋان حالقىنان ءۇمىت كۇتەتىن باعىتتان جازباي، بەينە بۇرىنعىداي تايۋاندىق باۋىرلاستارعا قۇرمەت ەتىپ، تايۋاندىق باۋىرلاستارعا كوڭىل ءبولىپ، تايۋاندىق باۋىرلاستارمەن ىنتىماقتاسىپ، تايۋاندىق باۋىرلاستارعا سۇيەنىپ، بۇكىل ىنتا - پەيىلىمىزبەن تايۋاندىق باۋىرلاستار ءۇشىن ناقتى ىستەر تىندىرىپ، جاقسى ىستەر ىستەپ، قيىن ىستەردى شەشەمىز. جۇڭگولىقتار جۇڭگولىقتارمەن سوعىسپايدى. ءبىز ەڭ شىنايى نيەتپەن، ەڭ زور قۇلشىنىسپەن بەيبىت بىرلىككە كەلۋ كەلەشەگىنە قول جەتكىزۋدى قالايمىز، ويتكەنى بىرلىككە كەلۋدى بەيبىت تاسىلمەن جۇزەگە اسىرۋ ەكى جاعالاۋداعى باۋىرلاستارعا جانە جالپى ۇلتقا ەڭ ءتيىمدى. ەكى جاعالاۋداعى باۋىرلاستار بەيبىتشىلىككە بىرگە تالپىنۋ، بەيبىتشىلىكتى بىرگە قورعاۋ، بەيبىتشىلىكتەن بىرگە يگىلىكتەنۋ كەرەك.
ءتورتىنشى، ەكى جاعالاۋدىڭ توعىسا دامۋىن تەرەڭدەتىپ، بەيبىت بىرلىككە كەلۋ نەگىزىن بەكەمدەۋ. ەكى جاعالاۋداعى باۋىرلاستار ەتەنە جاقىن تۋىستار. تۋىستار ءبىر - ءبىرىنىڭ جاقسىلىعىن تىلەۋى، جۇڭگولىقتار جۇڭگولىقتارعا كومەكتەسۋى كەرەك. ءبىز تايۋاندىق باۋىرلاستاردىڭ بارىنە تەڭ قاراپ، ۇلى قۇرلىقتىڭ دامۋ ورايىنان ۇزدىكسىز الدىمەن تايۋاندىق باۋىرلاستارمەن بىرگە كەنەلىپ، تايۋاندىق باۋىرلاستارعا، تايۋان كاسىپورىندارىنا تەڭ مامىلە جاساپ، كوپشىلىكتى اناعۇرلىم كوپ تابىس سەزىمىنە كەنەلتەمىز. بەيبىت بىرلىككە كەلگەننەن كەيىن تايۋان ماڭگى تىنىش بولادى، حالىق شات - شادىمان تۇرمىس كەشەدى. قۇدىرەتتى وتان سۇيەنىش بولعاندا تايۋاندىق باۋىرلاستاردىڭ تۇرمىسىنداعى ىرىس - قۇتى اناعۇرلىم مولىعادى، دامۋ كەڭىستىگى اناعۇرلىم زورايادى، حالىقاراداعى ارقا سۇيەر يەسى اناعۇرلىم كۇشتى بولادى، قۋات - كۇشى اناعۇرلىم مىعىم بولادى، اناعۇرلىم حاۋىپسىز، اناعۇرلىم ابىرويلى بولادى. ءبىز ەكى جاعالاۋدىڭ ەكونوميكالىق سەلبەستىگىنىڭ تۇزىمدەنۋىن بەلسەنە ىلگەرىلەتىپ، ەكى جاعالاۋدىڭ ورتاق بازارىن قۇرىپ، دامۋعا قوزعاۋشى كۇش قوسىپ، سەلبەستىككە ومىرشەڭدىك كۇش ۇستەپ، جۇڭحۋا ۇلتى ەكونوميكاسىن زورايتۋىمىز كەرەك.
بەسىنشى، باۋىرلاستاردىڭ كوڭىلدەرىن توعىستىرىپ، بەيبىت بىرلىككە كەلۋ مۇراتتاستىعىن كۇشەيتۋ. مەملەكەتتىڭ رۋح - جىگەرىن مادەنيەت نارلەندىرەدى، مادەنيەت سومدايدى. ەكى جاعالاۋداعى باۋىرلاستاردىڭ تامىرى ءبىر، توركىنى ءبىر، مادەنيەتى ءبىر، ءناسىلى ءبىر، جۇڭحۋا مادەنيەتى ەكى جاعالاۋداعى باۋىرلاستاردىڭ جان جۇيەسىنىڭ ءتۇپ تامىرى جانە تياناعى. ادامدارمەن ارالاسۋدا سىرلاسا ءبىلۋ قىمبات. قانشالىقتى كەدەرگىگە، بوگەتكە ۇشىراسادا ەكى جاعالاۋداعى باۋىرلاستاردىڭ اۋىس - ءتۇيىسى، سەلبەستىگى توقتاماۋى، ۇزىلمەۋى، ازايماۋى كەرەك. ەكى جاعالاۋداعى باۋىرلاستار جۇڭحۋانىڭ تاڭداۋلى ءداستۇرلى مادەنيەتىن بىرگە جالعاستىرىپ، ونىڭ جاسامپازدىقپەن تۇرلەنۋىن، جاڭاشىلدىقپەن دامۋىن ىلگەرىلەتۋ كەرەك. ەكى جاعالاۋداعى باۋىرلاستار اۋىس - ءتۇيىس جاساپ، ءوزارا ۇلگى الىپ، ءتىل تابىسىپ، سيىسىمدى بولىپ، وزگەنى دە وزىندەي كورىپ، باسقالاردىڭ قامىن ويلاپ، ءوزارا ءتۇسىنىسۋدى تەرەڭدەتىپ، ءوزارا سەنىمدىلىكتى، مۇراتتاستىقتى كۇشەيتۋ كەرەك. باۋىرلاستىق سۇيىسپەنشىلىكتى، ەتباۋىرلىق سەزىمدى ساقتاپ، دۇرىس تاريح كوزقاراسى، ۇلت كوزقاراسى، مەملەكەت كوزقاراسى ارقىلى ۇرپاقتاردى باۋلىپ، ۇلى ۇلت رۋحىن اسقاقتاتۋ كەرەك.
شي جينپيڭ مىنانى اتاپ كورسەتتى: دۇنيە جۇزىندە ءبىر عانا جۇڭگو بار، ءبىر جۇڭگو پرينسيبىنە تاباندى بولۋ − جالپى مويىنداعان حالىقارالىق قاتىناس ولشەمى، حالىقارالىق قوعامنىڭ جالپى بەتتىك ورتاق تانىمى. جۇڭگولىقتاردىڭ ءىسىن جۇڭگولىقتار بەلگىلەيدى. تايۋان ماسەلەسى جۇڭگونىڭ ىشكى ءىسى، جۇڭگونىڭ وزەكتى مۇددەسى مەن جۇڭگو حالقىنىڭ ۇلتتىق سۇيىسپەنشىلىگىنە سايادى، ءارقانداي سىرتتان كەلگەن كيلىگۋگە جول بەرىلمەيدى. جۇڭگونىڭ بىرلىككە كەلۋى ءارقانداي ەلدىڭ تايۋانداعى ەكونوميكالىق مۇددەسىن قامتىعان ورىندى مۇددەسىنە زيان جەتكىزبەيدى، تەك ءار ەلگە اناعۇرلىم كوپ دامۋ ورايىن الا كەلەدى، تەك ازيا - تىنىق مۇحيت ءوڭىرىنىڭ جانە دۇنيە ءجۇزىنىڭ گۇلدەنۋىنە، ورنىقتىلىعىنا اناعۇرلىم كوپ وڭ ەنەرگيا بەرەدى، تەك ادامزاتتىڭ تاعدىرلاس ورتاق تۇلعاسىن قۇرۋعا، دۇنيە ءجۇزىنىڭ بەيبىتشىلىگىنە، دامۋىنا جانە ادامزاتتىڭ العا باسۋ ىستەرىنە اناعۇرلىم زور ۇلەس قوسادى.
ۋاڭ ياڭ ەسكە الۋ ءماجىلىسىن باسقارعاندا بىلاي دەدى: باس شۋجي شي جينپيڭ ماڭىزدى سوزىندە جاڭا جۇڭگو قۇرىلعان 70 جىلدان بەرى، اسىرەسە، مەملەكەتتىك حالىق قۇرىلتايى تۇراقتى كوميتەتى «تايۋاندىق باۋىرلاستارعا حاتتى» جاريالاعان 40 جىلدان بەرى ەكى جاعالاۋ قاتىناسىنىڭ دامۋ بارىسىن جان - جاقتى ەسكە الدى، ءبىزدىڭ جاڭا ءداۋىردى تياناق ەتىپ، وتاننىڭ بەيبىت بىرلىككە كەلۋىن ىلگەرىلەتۋدەگى كەلەلى ساياساتتىق دارىپتەمەمىزدى جان - جاقتى بايىمدادى. ءسوز ەكى جاعالاۋ قاتىناسى دامۋىنىڭ تاريحي زور اۋقىمىن تەرەڭدەي كورسەتتى، ۇلتتىڭ گۇلدەنۋ جاڭا ساپارىندا وتاننىڭ بەيبىت بىرلىككە كەلۋىن قالاي ىلگەرىلەتۋ سىندى داۋىرلىك تاقىرىپقا عىلمي جاۋاپ بەردى، بۇل كەلەلى جەتەكشى ماڭىز الادى. ءبىز مۇقيات ۇيرەنىپ، ءتۇسىنىپ، ىشكەرىلەي دايەكتىلەندىرىپ، تياناقتاندىرىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، اۋەلگى ماقساتتى ۇمىتپاي، بورىشتى ەستە بەرىك ساقتاپ، ەكى جاعالاۋ قاتىناسىنىڭ بەيبىت دامۋىنا بىرگە كۇش سالىپ، وتانىمىزدىڭ بەيبىت بىرلىككە كەلۋ ۇلى ءىسىن ورىنداۋ ءۇشىن قاجىماي - تالماي كۇرەس جاساۋىمىز كەرەك.
ەسكە الۋ ماجىلىسىندە ج ك پ ورتالىق كوميتەتى ساياسي بيۋروسىنىڭ مۇشەسى، مەملەكەتتىك حالىق قۇرىلتايى تۇراقتى كوميتەتىنىڭ ورىنباسار باستىعى ۋاڭ چىن، مەملەكەتتىك ساياسي كەڭەستىڭ ورىنباسار ءتوراعاسى، تايۋان دەموكراتيالىق اۆتونوميا وداعى ورتالىق كوميتەتىنىڭ ءتوراعاسى سۋ حۇي، جۇڭحۋا مەملەكەتتىك ايەلدەر بىرلەستىگىنىڭ ورىنباسار ءتوراعاسى، شۋجيچۋىنىڭ ءبىرىنشى شۋجيى حۋاڭ شياۋۋي، ج ك پ ورتالىق كوميتەتى تايۋان قىزمەتى كەڭسەسىنىڭ، مەملەكەتتىك كەڭەس تايۋان ىستەرى كەڭسەسىنىڭ مەڭگەرۋشىسى لۋ جيە - ي ىركەس - تىركەس سوزگە شىقتى.
ج ك پ ورتالىق كوميتەتى ساياسي بيۋروسىنىڭ ءىشىنارا مۇشەلەرى، ورتالىق كوميتەت شۋجيچۋىنىڭ ءىشىنارا شۋجيلەرى، مەملەكەتتىك حالىق قۇرىلتايى تۇراقتى كوميتەتىندەگى، مەملەكەتتىك كەڭەستەگى، مەملەكەتتىك ساياسي كەڭەستەگى، ورتالىق اسكەري ىستەر كوميتەتىندەگى قاتىستى باسشى جولداستار ەسكە الۋ ماجىلىسىنە قاتىناستى.
ورتالىقتاعى پارتيا، ۇكىمەت، ارميا تاراۋلارىنداعى، بۇقارالىق تاراۋلارداعى جانە بەيجيڭ قالاسىنداعى نەگىزگى جاۋاپتى جولداستار، ءارقايسى دەموكراتيالىق پارتيا - توپتاردىڭ ورتالىق كوميتەتتەرىنىڭ، مەملەكەتتىك ساۋدا - ونەركاسىپشىلەر بىرلەستىگىنىڭ نەگىزگى جاۋاپتىلارى، سونداي - اق تايۋانعا قاراتىلعان قىزمەت قۇرىلىمدارىنىڭ نەگىزگى جاۋاپتىلارى، تايۋاندىق باۋىرلاستاردىڭ، تايۋاندىق باۋىرلاستاردىڭ تۋىستارىنىڭ ۋاكىلدەرى، تايۋانعا قاتىستى مامانداردىڭ، وقىمىستىلاردىڭ ۋاكىلدەرى، استانانىڭ ءار سالاسىنداعى بۇقارا ۋاكىلدەرى، ازاتتىق ارميا مەن قارۋلى ساقشى بولىمىندەگى كوماندير - جاۋىنگەرلەردىڭ ۋاكىلدەرى، ت.ب بولىپ 600گە تارتا ادام ەسكە الۋ ماجىلىسىنە قاتىناستى.
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
