بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>جوتكەمەلەر

وڭتۇستىك شينجياڭ 750 كيلوۆولتتىق ەلەكتر جەلىسىن ۇزارتۋ، كۇشەيتۋ ينجەنەرياسى جەلى بويىنشا تۇتاستىرىلدى

وڭتۇستىك، سولتۇستىك شينجياڭنىڭ ەلەكتر جەلىلەرىنىڭ ءوزارا قامداۋ،شينجياڭ ەلەكترىن سىرتقا جەتكىزۋ قۋاتىن جوعارىلاتادى

2019.01.07 13:47     كەلۋ قاينارى : شينجياڭ گازەتى

  ءتىلشىمىز چىن چياڭۋي 1 - ايدىڭ 5 - كۇنى قاشقاردان حابارلايدى. 1 - ايدىڭ 5 - كۇنى قاشقار قالاسىنان 60 نەشە كيلومەتر قاشىقتىقتاعى قاشقار - ياركەن 750 كيلوۆولتتىق ەلەكتر جەلىسى ينجەنەرياسىنىڭⅠمەردىگەرلىك بولىگىنىڭ قۇرىلىس الاڭىندا، ەلەكتر سىمىنىڭ G1017، G1018 تەمىر مۇنارالارىنىڭ اراسىن ءساتتى جالعاۋى وڭتۇستىك شينجياڭ 750 كيلوۆولتتىق ەلەكتر جەلىسىن ۇزارتۋ، كۇشەيتۋ ينجەنەرياسىنىڭ جەلى بويىنشا تۇتاستىرىلعانىن ءبىلدىردى. وسى ينجەنەريا شينجياڭنىڭ 750 كيلوۆولتتىق نەگىزگى جەلى ارناسىنىڭ قۇرامداس بولىگى رەتىندە، وڭتۇستىك، سولتۇستىك شينجياڭنىڭ ەلەكتر جەلىلەرىنىڭ ءوزارا قامداۋ، شينجياڭ ەلەكترىن سىرتقا جەتكىزۋ قۋاتىن جوعارىلاتىپ، ەلەكتر تاپشى، ەلەكتر از وڭىرلەردەگى بۇقارانىڭ ءوندىرىسىن، تۇرمىسىن جاقسارتادى.

  وڭتۇستىك شينجياڭ 750 كيلوۆولتتىق ەلەكتر جەلىسىن ۇزارتۋ، كۇشەيتۋ ينجەنەرياسىنا جالپى 3 ميلليارد 600 ميلليون يۋان قارجى قوسىلعان، شينجياڭ 750 كيلوۆولتتىق مارالباسى، قاشقار ترانسفورماتور ستانسياسىنان باستالىپ، مارالباسى - ياركەن، ياركەن - حوتان، قاشقار - ياركەن 750 كيلوۆولتتىق ەلەكتر جەتكىزۋ، كەرنەۋ وزگەرتۋ ينجەنەرياسىنان جانە قوسالقى ينجەنەريالاردان قۇرالعان، ياركەن، حوتان ەكى 750 كيلوۆولتتىق ترانسفورماتور ستانسياسى جاڭادان سالىندى، جەلى قاشقار ايماعىنىڭ قاشقار، يوپۇرعى، مارالباسى، ءپايزاۋات، ياركەن، پوسكام، قاعىلىق 7 اۋدان - قالاسىنان جانە حوتان ايماعىنىڭ گۇما، قاراقاش، حوتان 3 اۋدانىنان وتەدى، جەلىنىڭ جالپى ۇزىندىعى 726 كيلومەتر، ول كۇچار - اقسۋ - مارالباسى - قاشقار 750 كيلوۆولتتىق ەلەكتر جەتكىزۋ جەلىسىنىڭ وڭتۇستىك باعىتتا ۇزارتىلۋى مەن كۇشەيتىلۋى. ينجەنەريا 2017 - جىلى 5 - ايدىڭ 12 - كۇنى باستالعان، مەجەمەن 2019 - جىلدىڭ العاشقى جارتىسىندا سالىنىپ، پايدالانۋعا بەرىلەدى.

  «قازىر جاڭادان سالىنعان ياركەن، حوتان ەكى 750 كيلوۆولتتىق ترانسفورماتور ستانسياسى جابدىقتاردى رەتتەۋ - سىناۋ كەزەڭىنە ءوتتى. ينجەنەريانىڭ جەلى بويىنشا تۇتاسۋى وسى ينجەنەريانىڭ نەگىزگى قۇرىلىسىنىڭ اياقتاعانىن بىلدىرەدى»، - دەدى گوۋاڭ شينجياڭ ەلەكتر قۋاتى شەكتى سەرىكتەستىگى قۇرىلىس بولىمشە سەرىكتەستىگىنىڭ ورىنباسار باس ديرەكتورى بي شۋەيۇي.

  وڭتۇستىك شينجياڭ 750 كيلوۆولتتىق ەلەكتر جەلىسىن ۇزارتۋ، كۇشەيتۋ ينجەنەرياسى پايدالانۋعا بەرىلگەننەن كەيىن، وڭتۇستىك شينجياڭ ەلەكتر جەلىسىنىڭ جەلىلىك قۇرىلىمى 220 كيلوۆولتتان 750 كيلوۆولتقا كوتەرىلەدى، قاشقار - ياركەن - مارالباسى - ياركەن جەتكىزۋ سيىمدىلىعى 500 مىڭ كيلوۆاتتان ءبىر ميلليون 500 مىڭ كيلوۆاتقا كوتەرىلەدى، قاشقار - قىزىلسۋ ەلەكتر جەلىسىنەن حوتانعا جەتكىزۋ سيىمدىلىعى 200 مىڭ كيلوۆاتتان 500 مىڭ كيلوۆاتقا كوتەرىلەدى.

  «بەينەلەپ ايتقاندا، وڭتۇستىك شينجياڭنىڭ ەلەكتر جەلىسى <ادەتتەگى جولدان> <جوعارى قارقىندى جولعا> كوتەرىلەدى. وسى ينجەنەريا جوباداعى تارىم ۇلكەن اينالمالى جەلىسىنىڭ جانە قاشقار - قىزىلسۋ كىشى اينالمالى جەلىسىنىڭ ماڭىزدى قۇرامداس بولىگى، سونداي - اق 750 كيلوۆولتتىق ەلەكتر جەلىسىنىڭ تۇڭعىش رەت حوتان ايماعىنا ۇزارتىلۋى. ينجەنەريا سالىنعاننان كەيىن، وڭتۇستىك شينجياڭنىڭ ەلەكتر ەنەرگياسى بايلىعىنىڭ زور كولەمدە اشىلۋىن، پايدالانىلۋىن قاناعاتتاندىرىپ، وڭتۇستىك، سولتۇستىك شينجياڭنىڭ ەلەكتر قۋاتىنىڭ ءوزارا جەتكىزۋ، ءوزارا قامداۋ قۋاتىن جوعارىلاتىپ، بۇكىل شينجياڭنىڭ ەنەرگيا بايلىعىنىڭ ساپالى ۇلەستىرىلۋى مەن شينجياڭ ەلەكترىنىڭ سىرتقا جەتكىزىلۋىن جەبەيدى»، - دەدى گوۋاڭ شينجياڭ ەلەكتر قۋاتى شەكتى سەرىكتەستىگى دامۋ جوباسى ءبولىمى الدىڭعى مەرزىمدىك باسقارماسىنىڭ ورىنباسار باستىعى ليۋ كۇي.

  جوبا بويىنشا، ينجەنەريا پايدالانۋعا بەرىلگەننەن كەيىن، جاڭادان ارتقان تازا ەنەرگيادان ەلەكتر شىعارۋ مولشەرى جىلىنا 3 ميلليون 130 مىڭ توننا كومىر شىعىنىن ۇنەمدەگەنمەن بىردەي بولادى، مەجەمەن جىلىنا 10 ميلليارد يۋان ونەركاسىپ ارتقان قۇنىن ىسكە اسىرادى؛ تۇراقتى مۇلىككە 51 ميلليارد 800 ميلليون يۋان قارجى قوسىلۋىنا تىكە تۇرتكى بولىپ، 28 مىڭ جۇمىس ورنىن كوبەيتىپ، 10 مىڭ ادامنىڭ جۇمىسقا ورنالاسۋىن جانامالاي شەشەدى.

  جوباعا نەگىزدەلگەندە، «13 - بەسجىلدىق» كەزىندە شينجياڭنىڭ ەلەكتر جەلىسىنە جالپى 84 ميلليارد 200 ميلليون يۋان قارجى قوسىلىپ، شينجياڭ ىشىندەگى 750 كيلوۆولتتىق ەلەكتر جەلىسىنىڭ قۇرىلىسى ۇزدىكسىز كۇشەيتىلىپ، بۇكىل شينجياڭنىڭ ايماق - وبلىستارىن قامتىعان 750 كيلوۆولتتىق تىرەكتى جەلى قالىپتاستىرىلىپ، باتىس سولتۇستىك ەلەكتر جەلىسىمەن «3 ارنا، 6 تۇيىق تىزبەكتىڭ» جالعاسۋى ىسكە اسىرىلادى ەكەن.
جاۋاپتى رەداكتورى : مانەپ ەربول ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار