شينجياڭ اسكەري رايونىنىڭ اسكەري بولىمدەرى جاڭا جىلدىق جاتتىعۋدى باستادى
ءتوراعا شي جينپيڭنىڭ بۇيرىعىن دايەكتىلەندىرىپ، اسكەر جاتتىقتىرىپ سوعىسقا دايىندالۋدى ويداعىداي يگەردى
2019.01.07 16:09 كەلۋ قاينارى : شينجياڭ گازەتى
ەرىكتى تىلشىلەر حۋاڭ زۇڭشيڭ، تاڭ جيگۋاڭ 1 - ايدىڭ 5 - كۇنى ۇرىمجىدەن حابارلايدى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ورتالىق اسكەري ىستەر كوميتەتىنىڭ 2019 - جىلعى 1 - ءنومىرلى بۇيرىعىنا قول قويىپ، بۇكىل ارمياعا جاتتىعۋدى باستاۋدىڭ اتتانىسقا كەلتىرۋ بۇيرىعىن جاريالاعان سوڭ، شينجياڭ اسكەري رايونى دەرەۋ دايەكتىلەندىردى، تياناقتاندىردى. تيانشاننىڭ تۇستىگى مەن تەرىستىگىندەگى، قارلى دالا مەن ۇستىرتتەگى اسكەري بولىمدەر اسكەر جاتتىقتىرىپ سوعىسقا دايىندالۋدىڭ داۋىرلىك دابىلىن قاعىپ، قارىم - قابىلەت جارىستىرۋ، باعالاۋ، كورسەتۋ سياقتى كوپ ءتۇرلى تاسىلدەرمەن ناقتى سوعىستىق جاتتىعۋلار ورىستەتىپ، جاڭا باستامادا اسكەري ىستەر كۇرەسىنە دايىندىق قىزمەتتى ويداعىداي ىستەدى.
شينجياڭ اسكەري رايونى باسشىسىنىڭ تانىستىرۋىنشا، اسكەري رايونداعى ءار دارەجەلى ورىندار ءتوراعا شي جينپيڭنىڭ بۇيرىعىنىڭ نۇسقاۋىن مۇقيات دايەكتىلەندىرىپ، سوعىسقا سايلانۋ كۇيىمەن جاڭا جىلداعى اسكەر جاتتىقتىرىپ سوعىسقا دايىندالۋدى بار كۇشپەن ويداعىداي يگەرىپ، ناقتى، تىعىز، شىنايى، قاتاڭ ورىستەتەدى ەكەن.
«مىلتىقتى نىساناعا كوزدەپ، نازاردى مايدانعا شوعىرلاندىرامىز». قاراقۇرىم ۇستىرتىندە تۇراتىن بەلگىلى جاياۋ اسكەرلەر تۋانىنداعى كوماندير - جاۋىنگەرلەر نولدەن تومەن ℃26 ايازعا قاراماي تەڭىز دەڭگەيىنەن 4000 نەشە مەتر بيىك يەن وڭىردە جاڭا جىلدىڭ «العاشقى وعىن» اتتى. جارىستا ءار كوماندير - جاۋىنگەر جاتۋ، جۇرەلەۋ، تۇرۋ سياقتى تۇرلىشە قالىپتا مەرگەن مىلتىعىمەن، جەڭىل پۋلەمەدپەن، مىلتىقپەن جانە تاپانشامەن اتۋدى جەدەل ورىنداپ شىقتى.
جاڭا جىلدىڭ «العاشقى ەمتيحانى» الدىمەن كومانديرلەردەن قاتاڭ ەمتيحان الۋدان باستالدى. وڭتۇستىك شينجياڭ اسكەري رايونى جاتتىعۋ باستالا ەمتيحان الىپ، ورگانداعى باسقارما باستىقتارى مەن قۇرىلىمدىق تۋان پارتكوم القاسىنداعىلارعا 10 كۇندىك ناقتى سوعىستىق باعالاۋ جۇرگىزىپ، شەشۋشى ورىنداردىڭ جانە قۇرىلىمدىق تۋان پارتكوم القاسى مۇشەلەرىنىڭ جاتتىعۋ جاي - جاپسارىن شىنايى انىقتاپ، كەلەسى قادامداعى ولقىلىقتاردى تولىقتاۋعا، قابىلەتتى كۇشەيتۋگە نەگىز قالادى. ءتىلشى باعالاۋ جوسپارىنان باعالاۋ تۇرلەرىنىڭ جەڭىل قۇرالدارمەن اتۋ، قولباسشىلىق ينفورماتسيا جۇيەسىن قولدانۋ، جاۋىنگەرلىك دەنە قۋاتى سياقتى 9 ءتۇردى قامتىعانىن كوردى.
وقۋ - جاتتىعۋدا ناقتى سوعىس مىندەتتى تالاپ ەتىلىپ، جەڭىسكە جەتۋ ەستەن شىعارىلمادى. تاكلامان ءشولىنىڭ جيەگىندە تۇراتىن بەلگىلى جاياۋ اسكەرلەر شىسى جيڭگاڭشاندا تۋعان، ناننيۋاندا جەتىلگەن، تيانشاندا ەڭبەك كورسەتكەن قىزىل ارميا قوسىنى. بۇل شى بيىلعى جاتتىعۋ تۇرلەرىن كورسەتۋ بارىسىندا، قارۋ - جاراق، وق - ءدارىنى شىنايى اتۋدى، شىنايى بۇركۋدى جانە جابدىقتاردى شىنايى ىسكە قوسۋدى، شىنايى جوندەۋدى ماڭىزدى ءتۇيىن ەتتى. ايرىقشا تومەن تەمپەراتۋرا شارت - جاعدايىندا وت بۇرىككىشپەن ناق وت بۇركۋ تاپسىرماسىن ورىنداعان بانجاڭ لياڭ لۇڭ بىلاي دەدى: بيىلعى جاتتىعۋدا كورسەتىلگەن تۇرلەر ناقتى، شىنايى جۇرگىزىلىپ، بايقاۋ ءۇشىن جاتتىعۋ وتكىزۋ سوعىس ءۇشىن جاتتىعۋ وتكىزۋگە وزگەرتىلدى، - دەدى.
تاڭداۋلى اسكەر ەجەلدەن جاپالى جاتتىعۋدان شىعادى دەمەكشى، بوران مەن قارعا قاراماي، ەشتەڭەدەن تايسالمادى. «قار - مۇزدى ۇيەكتى القاپ» التاي تاۋىنىڭ وڭتۇستىك بوكتەرىندە، جاڭا باعدارلاما ولشەمى بويىنشا قاتاڭ اتقارىلعان اتۋ جاتتىعۋى كوماندير - جاۋىنگەرلەردىڭ جاتتىعۋ ىنتاسىن وياتتى. جاڭا - كونە اسكەرلەر بىرگە ونەر سىناسىپ، اتالعان تۋاننىڭ شىن وق اتۋدا ءبىر رەتتە 10 ادام 50 شەڭبەر اتقان جاتتىعۋ رەكوردىن جاراتتى.
جاتتىعۋدا قاتەردەن تايسالماي، جۇرەكتىلىكپەن باتىل جاتتىقتى. بەلگىلى حيميالىق قارۋلاردان ساقتانۋ تۋانىنىڭ جاتتىعۋ الاڭىنان سارى ءتۇتىن كوتەرىلىپ، كوماندير - جاۋىنگەرلەر ۋدىڭ ءتۇرىن بارلاۋ - تەكسەرۋ، ۋلانعان اۋماقتى بەلگىلەۋ جانە حيميالىق قارۋدان ساقتانۋ جابدىقتارىن قولدانۋ سياقتى كوپ تۇردەن باعالاۋ جۇرگىزىپ، ناقتى سوعىستىق جاتتىعۋدا تولىمدى بولعان ناتيجە كورسەتتى. تيانشاننىڭ سولتۇستىك بوكتەرىنە ورنالاسقان بەلگىلى قۇرلىق اۋە لۇيى تۇمان، سىرعىما قار، اياز سياقتى ناشار اۋا رايىن جەڭىپ، جاڭا جىلدا ورنىقتى ۇشىپ، ءدال سوققى بەرۋ ءۇشىن جاقسى باستاما كوتەردى.
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
