رايونىمىز سالىقتى جەڭىلدەتۋ، اقىنى تومەندەتۋ سەرپىنىن ۇزدىكسىز كۇشەيتتى
كاسىپورىنداردىڭ جۇگىن جەڭىلدەتىپ، العا ىلگەرىلەۋىن دەمەدى
2019.01.07 16:11 كەلۋ قاينارى : شينجياڭ گازەتى
ءتىلشىمىز حي حۇڭۋي 1 - ايدىڭ 5 - كۇنى ۇرىمجىدەن حابارلايدى. جاڭا جىل باستالىسىمەن، شينجياڭ شينتى ەنەرگيا شەكتى جارنا سەرىكتەستىگى قازىنا ءبولىمىنىڭ ورىنباسار باستىعى حاۋ فۋچياڭ سەرىكتەستىكتىڭ بيىلعى تيجاراتىنا زور سەنىم ارتىپ بىلاي دەدى: بىلتىر تيجارات ەسەپ داپتەرىنەن كۋالىك سالىعىن ازايتۋ، كەشىرۋ سياقتى سالىقتى جەڭىلدەتۋ، اقىنى تومەندەتۋ ساياساتىنان يگىلىكتەنگەندىكتەن، كاسىپورنىمىز 5 ميلليون 630 مىڭ يۋان قارجى ۇنەمدەدى، بۇل سەرىكتەستىگىمىزدىڭ شارۋاشىلىعىن كەڭەيتۋىنە ءتيىمدى بولدى، بيىل اناعۇرلىم كوپ تيىمدىلىك جاساۋ ساياساتى العا قويىلادى، ءبىزدىڭ ونەرىمىزدى كورسەتۋىمىزگە مۇمكىندىك بار بولدى.
بىلتىردان بەرى سالىق قۇرىلىمى رەفورماسىنىڭ تەرەڭدەۋىنە ساي، سالىقتى جەڭىلدەتۋگە، اقىنى تومەندەتۋگە قاتىستى ءبىر قىدىرۋ شارالار رايونىمىزدا جەدەل تياناقتاندىرىلدى. سالىقتا تيىمدىلىك جاساۋعا قاتىستى ءتۇرلى ساياساتتىق تيىمدىلىكتەر اناعۇرلىم كوپ كاسىپورىندى ءتىپتى دە مول پايدادان يگىلىكتەندىردى.
ءۇرىمجى قالاسى دابانچىڭ رايونىنداعى شينجياڭ جەل ەنەرگياسى شەكتى جاۋاپكەرلىك سەرىكتەستىگى سالىقتا تيىمدىلىك جاساۋ ساياساتىنان پايدالانىپ، دامۋدىڭ تەز ارناسىنا قادام تاستادى. وسى سەرىكتەستىكتىڭ جاۋاپتىسى گاۋ جيانجۇن بىلاي دەپ تانىستىردى: سالىقتا تيىمدىلىك جاساۋ ساياساتىنىڭ تياناقتاندىرىلۋى كاسىپورىننىڭ دامۋىندا، وڭىرلىك تازا ەنەرگيانى جالپىلاستىرۋدا بەلسەندى ىلگەرىلەتۋ رولىن اتقارادى.
سالىقتى جەڭىلدەتۋ، اقىنى تومەندەتۋ تيىمدىلىك جاساۋ ساياساتى كەدەي وڭىرلەر ەكونوميكاسىنىڭ دامۋىنا دا ومىرشەڭدىك كۇش سيلادى، مارالباسى اۋدانى شينلۋ كيم - كەشەك شەكتى سەرىكتەستىگى بۇدان يگىلىكتەنگەن كاسىپورىنداردىڭ ءبىرى. 2018 - جىلى 5 - ايدىڭ 1 - كۇنى ارتقان قۇن سالىعى رەفورماسىن تەرەڭدەتۋ ساياساتى اتقارىلعاننان كەيىن، كاسىپورىن وتكەرمەلەپ تىركەۋگە الدىرۋ راسمياتىن ءساتتى ءبىتىردى، وسى سەرىكتەستىكتىڭ جاۋاپتىسى اي حۇڭلي بىلاي دەدى: كاسىپورىننىڭ سالىق اۋىرتپالىعى مەن بۇعالتىردىڭ ەسەبات جاساۋ وزىندىك قۇنى تومەندەپ، اينالىم قارجىسىن ۇنەمدەۋمەن قاتار، ءبىزدىڭ تيجارات جۇرگىزۋدى، باسقارۋدى يگەرۋىمىزگە اناعۇرلىم كوپ مۇمكىندىك قالدىردى.
تۇتاس شينجياڭداعى ءار دارەجەلى سالىق تاراۋلارى سالىقتى جەڭىلدەتىپ، اقىنى تومەندەتۋ ساياساتىن تياناقتاندىرۋدا تيتتەي دە ايانبادى: ساياساتتى ۇگىتتەپ، كەڭەس بەرۋدى تىڭعىلىقتى ورىستەتىپ، كۇنى بۇرىن ارالاسىپ، حاباردار بولۋعا تيىستىلەردى مۇمكىندىگىنشە حاباردار ەتتى؛ جۇمىس بارىسىندا قىزمەت وتەدى، زاڭ اتقارۋدى ارناعا ءتۇسىردى، جۇمىس بارىسىن ىقشامدادى؛ سوڭعى باسقارۋ جۇمىستارىندا جۇمىستان كەيىنگى باقىلاۋدى ىسكە اسىرىپ، يگىلىكتەنۋگە تيىستىلەردى مۇمكىندىگىنشە يگىلىكتەندىرىپ، كاسىپورىنداردىڭ دامۋىنا قىزمەت ەتەتىن ءتۇرلى سالىق ساياساتتارىنىڭ ناقتاپ تياناقتاندىرىلۋىنا كەپىلدىك ەتىپ، كاسىپورىنداردىڭ جۇگىن جەڭىلدەتىپ، العا ىلگەرىلەۋىن دەمەدى.
اۆتونوميالى رايونىمىزداعى ءار دارەجەلى سالىق قۇرىلىمدارى ساياساتتى ۇگىتتەۋ، كەڭەس بەرۋ جانە قىزمەت ەتۋدى ساپالىلاندىرۋ سىندى ەكى ءتۇرلى تاسىلدەن ويداعىداي پايدالانىپ، حالىقتىق كاسىپورىنداردىڭ سالىق اقىسى اۋىرتپالىعى مەن قارجى قۇراۋ وزىندىك قۇنىن ازايتتى. 2018 - جىلى تۇتاس شينجياڭداعى 185 فينانس قۇرىلىمى ارتقان قۇن سالىعى كەشىرىم ەتىلگەننەن كەيىنگى وسىمنەن 5 ميلليارد 566 ميلليون يۋان كىرىس كىرگىزدى، ءبىر ميلليون 740 مىڭ حالىقتىق كاسىپورىن ءوسىمسىز، تومەن ءوسىمدى قارىز اقشاعا يە بولدى. ارتقان قۇن سالىعى رەفورماسى ساياساتى اتقارىلعاننان بەرى، سالىق قۇرىلىمدارى تۇتاس شينجياڭداعى شاعىن سومادا قارىز بەرەتىن 15 سەرىكتەستىكتىڭ 19 ميلليون 211 مىڭ 700 يۋان ءوسىم كىرىسىنەن ارتقان قۇن سالىعىن المادى، تۇتاس شينجياڭداعى ءبىر ميلليون 620 مىڭ شارۋا وتباسىنىڭ قارجى تاپشىلىعى وتكەلىنەن امان وتۋىنە كومەكتەستى.
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
